Video Overview
Dechen Peldrön, Jangchup Peldrön and Sonam Dema from Lubi village sing "Lugar Zheygi Gomo," an old boedra song. This song usually is the first sung in local celebrations and annual rituals, and provides an explanation of the reasons for singing songs. It says that everyone must sing songs, “all day long, and all night long.” This is a very local song, and is not popular in other regions.
༉ ལྷུན་རྩེ་རྫོང་ཁག་ཁོ་མ་རྒེད་འོག་ ལུ་བི་གཡུས་ཚན་ནང་ལས་ཨིན་མི་བདེ་ཆེན་དཔལ་སྒྲོན་དང་བྱང་ཆུབ་དཔལ་སྒྲོན་ དེ་ལས་བསོད་ནམས་སྒྲོལ་མ་ཚུ་གིས་ གླུ་གར་གཞས་ཀྱི་སྒོ་མོ་ཟེར་བའི་གཡུས་དེ་གི་འབོད་སྒྲ་རྙིང་ཤོས་འདི་འཐེད་དོ་ཡོདཔ་ཨིན། གླུ་གཞས་འདི་དུས་སྟོན་དང་ལོ་མཆོད་ཚུ་ནང་འཐེན་སྲོལ་འདུག དམིགས་བསལ་དུ་གླུ་གར་གཞས་ཀྱི་སྒོ་མོ་ཟེར་མི་འདི་ གླུ་གཞས་ག་ར་གི་ཧེ་མ་འཐེན་སྲོལ་ཡོདཔ་ཨིནམ་ད་ དེ་སྦེ་འཐེན་དགོ་མི་དེ་ཡང་ རྒྱུ་མཚན་དང་ཁག་ཆེ་བའི་བརྗོད་བྱ་ཚུ་བཤད་པ་རྐྱབ་སྟེ་ཡོད་ནི་དེ་གིས་ཨིན་མས། གླུ་གཞས་འདི་གིས་ག་ཅི་བརྡ་སྤྲོདཔ་སྨོ་ཟེར་བ་ཅིན་ ང་བཅས་ཀྱི་གླུ་གཞས་འདི་འཐེན་ནི་འགོ་བཙུགས་ཞིནམ་ལས་ ཉིནམ་གཅིག་དང་ཞག་གཅིག་འཕྲོ་མཐུད་དེ་འཐེན་དགོཔ་སྦེ་སླབ་ཨིན་པས། འ་ནཱི་གླུ་གཞས་འདི་ལུང་ཕྱོགས་སོ་སོ་ནང་ལས་ཕར་ཡོངས་གྲགས་ཅན་ཅིག་མེན་རུང༌ སྔར་ག་ཨིནམ་ལེགས་ཤོམ་སྦེ་རྒྱུན་སྐྱོང་འབད་དེ་ གཡུས་དེ་ནང་གི་ཕམ་རྒན་ཤོས་ཚུ་གིས་འཐེན་ཏེ་འདུག།
- Lhuntse
- Khoma
- Dechen Peldon, Jangchub Peldon, Sonam Dema: གླུ་གར་ལ་གཞས་སྒོ་མ་ཕྱེ་ལ་ནི་གཞས་སྒོ་ཕྱེ་ལ། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་ཟེར་ན་ལ། །ཉི་མ་ཤར་གྱི་ཕྱོགས་ལུ་ལ་ནི་ཕྱེ་རྒྱུ་ཡོད། །ཉི་མ་ཤར་གྱི་ཕྱོགས་ལུ་ལ་ནི་ཕྱེ་རྒྱུ་ཡོད། །བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: ཤར་ན་རྡོ་རྗེ་སེམས་དཔའ་ལ་ནི་གཞས་དཔོན་མཛད་ལ། །བདག་ལ་གཞོན་གཞོན་ངེད་ཚོ་ལ་ནི་གཞས་གཡོག་བྱས། །བདག་ལ་གཞོན་གཞོན་ངེད་ཚོ་གཞས་གཡོག་བྱས། །ཞབས་བྲོ་ཉིན་གང་རྒྱབ་ན་ལ་ནི་ཉིན་གང་ཡོད་ལ། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཉིན་མཚན་རྟག་ཏུ་མེད་པ་ལ་ནི་མ་རྒྱབ་ན་ལ། །གླུ་གར་གཞས་དཔོན་ཁལ་ལྔ་ལ་ནི་དོན་གོ་ཆུང་། །གླུ་གར་གཞས་དཔོན་ཁལ་ལྔ་ལ་ནི་དོན་གོ་ཆུང་། །བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: གླུ་གར་ལ་གཞས་སྒོ་མ་ཕྱེ་ལ་ནི་གཞས་སྒོ་ཕྱེ་ལ། །གླུ་གར་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་ལ་ནི་གཞས་ཀྱི་སྒོ་མོ་ལ་ནི་ཕྱེ་ཟེར་ན། །ཉི་མ་ལྷོ་ཡི་ཕྱོགས་ལ་ལ་ནི་ཕྱེ་རྒྱུ་ཡོད། །ཉི་མ་ལྷོ་ཡི་ཕྱོགས་ལ་ལ་ནི་ཕྱེ་རྒྱུ་ཡོད། །བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: ལྷོ་ན་རིན་ཆེན་འབྱུང་གནས་ལ་ནི་གཞས་དཔོན་མཛད། །བདག་ལ་གཞོན་གཞོན་ངེད་ཚོ་ལ་ནི་གཞས་གཡོག་བྱས། །བདག་ལ་གཞོན་གཞོན་ངེད་ཚོ་ལ་ནི་གཞས་གཡོག་བྱས། །ཞབས་བྲོ་ཉིན་གང་རྒྱབ་ན་ལ་ནི་ཉིན་གང་ཡོད་ལ། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཉིན་མཚན་རྟག་ཏུ་མེད་པ་ལ་ནི་མ་རྒྱབ་ན། །གླུ་གར་ལ་གཞས་དཔོན་ཁལ་ལྔ་ལ་ནི་དོན་གོ་ཆུང་། །གླུ་གར་གཞས་དཔོན་ཁལ་ལྔ་ལ་ནི་དོན་གོ་ཆུང་། །བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: གླུ་གར་ལ་གཞས་སྒོ་མ་ཕྱེ་ལ་ནི་གཞས་སྒོ་ཕྱེ་ལ། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་ཟེར་ན་ལ། །ཉི་མ་ནུབ་ཀྱི་ཕྱོགས་ལུ་ལ་ནི་ཕྱེ་རྒྱུ་ཡོད། །ཉི་མ་ནུབ་ཀྱི་ཕྱོགས་ལུ་ལ་ནི་ཕྱེ་རྒྱུ་ཡོད། །བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: ནུབ་ན་སྣང་བ་མཐའ་ཡས་ལ་ནི་གཞས་དཔོན་མཛད་ལ། །བདག་ལ་གཞོན་གཞོན་ངེད་ཚོ་ལ་ནི་གཞས་གཡོག་བྱས། །བདག་ལ་གཞོན་གཞོན་ངེད་ཚོ་ལ་ནི་གཞས་གཡོག་བྱས། །ཞབས་བྲོ་ཉིན་གང་རྒྱབ་ན་ལ་ནི་ཉིན་གང་ཡོད་ལ། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཉིན་མཚན་རྟག་ཏུ་མེད་པ་ལ་ནི་མ་རྒྱབ་ན་ལ། །གླུ་གར་ལ་གཞས་དཔོན་ལས་ལྔ་ལ་ནི་དོན་གོ་ཆུང་། །གླུ་གར་ལ་གཞས་དཔོན་ཁལ་ལྔ་ལ་ནི་དོན་གོ་ཆུང་། །བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: གླུ་གར་ལ་ནི་གཞས་སྒོ་མ་ཕྱེ་ལ་ནི་གཞས་སྒོ་ཕྱེ་ལ། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་རྒྱུ་ཡོད། །གླུ་གར་ལ་གཞས་ཀྱི་སྒོ་མོ་ལ་ནི་ཕྱེ་ཟེར་ན། །ཉི་མ་བྱང་གྱི་ཕྱོགས་ལ་ལ་ནི་ཕྱེ་རྒྱུ་ཡོད། །ཉི་མ་བྱང་གྱི་ཕྱོགས་ལ་ལ་ནི་ཕྱེ་རྒྱུ་ཡོད། །བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: བྱང་ན་དོན་ཡོད་གྲུབ་པ་ལ་ནི་གཞས་དཔོན་མཛད་ལ། །བདག་ལ་གཞོན་གཞོན་ངེད་ཚོ་ལ་ནི་གཞས་གཡོག་བྱས། །བདག་ལ་གཞོན་གཞོན་ངེད་ཚོ་ལ་ནི་གཞས་གཡོག་བྱས། །ཞབས་བྲོ་ཉིན་གང་རྒྱབ་ན་ལ་ནི་ཉིན་གང་ཡོད། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཞབས་བྲོ་མཚན་གང་རྒྱབ་ན་ལ་ནི་མཚན་གང་ཡོད། །ཉིན་མཚན་རྟག་ཏུ་མེད་པ་ལ་ནི་མ་རྒྱབ་ན། །གླུ་གར་གཞས་དཔོན་ཁལ་ལྔ་ལ་ནི་དོན་གོ་ཆུང་། །གླུ་གར་གཞས་དཔོན་ཁལ་ལྔ་ལ་ནི་དོན་གོ་ཆུང་། །ལགས་སོ།། །།བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
Loading ... - Oral Traditions
- Old Bodra
- Lhuntse
- Khoma
- Khoma
- Dzongkha
- གླུ་གཞས
- གླུ་གཞས་གཏོང
- བོད་སྒྲ
- ཞབས་བྲོའི་རོལ་དབྱངས
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.