29 Jan 2016
5 min 13 sec
Video Overview
Creators:
Sonam Tobgye, Sangay Tshomo
“Anything that is born dies,” said the Buddha. When time has come, nothing can stop death, be it treatments, or rituals, or anything else. Phuntsho Wangdi narrates a story that gives a lesson on karma. At the time of death, wealth or accomplishments will not matter, only the Dharma will matter.
མོང་སྒར་ སྔ་ཚང་ལས་ ཕུན་ཚོགས་དབང་འདུས་ཀྱིས་གཏང་མི་ བཀོད་པའི་ལམ་ལས་འབྱོག་མི་ཐལ་ཟེར་བའི་སྲུང་དེ་ ཚེ་ཚད་དུས་ལུ་བབས་ཏེ་ཤི་དགོ་པའི་དུམ་ཁ་ལྷོད་པའི་བསྒང་ལས་ ཐབས་ཤེས་ སྨན་བཅོས་རིམ་གྲོ་ལ་སོགས་པ་ག་ཅི་གིས་ཡང་ཕན་མི་ཐོགས་ དཔེར་ན་ སྲུང་དེ་ནང་ལས་ཐོན་དོ་བཟུམ་སྦེ་ གནས་སྐབས་ཅིག་ རང་ལུ་གནོད་རྐྱེན་སྦོམ་སྦེ་མ་བྱུང་རུང་ བཀོད་པའི་ལས་ཅིག་ཡོད་ནི་དེ་གིས་ དེ་དང་འབྲེལ་བའི་རྐྱེན་ཆུང་ཀུ་ཅིག་གི་ཞོར་ཁ་ལས་ མཐའན་མཇུག་ ཁོ་ར་ཤི་སོ་ནུག དེ་བཟུམ་སྦེ་ ཤི་བའི་ཚེ་ལུན་ ཕན་ཐོགས་སྦོམ་ཤོས་ར་ དམ་པའི་ཆོས་མ་གཏོགས་མེདཔ་ལས་ ཨིན་ཅི་མིན་ཅི་ དམ་པའི་ཆོས་བསྒྲུབ་དགོ་པའི་བསྐུལ་མ་བཟུམ་ཅིག་སྦེ་བཤད་ནི་འདུག།
- Ngatsang
- ཕུན་ཚོགས་དབང་འདུས/Phuntsho Wangdiལ་སོགས། སྲུང་ཅིག་ཞུ་བ་ཅིན་ ད་ལྟོ་ ཧེ་མ་ལགས། བསྐོས་པའི་ལམ་ལས་བྱོག་མི་ཐལ་ ཟེར་བའི་སྲུང་གཅིག་ཡོད་ལགས། སྲུང་འདི་ག་དེ་སྦེ་སྨོ་ཟེར་བ་ཅིན་ དང་ཕུགས་ ཤ་རོགསཔ་གཅིག་སྡོད་སྡོདཔ་མས་ལགས།
- ཕུན་ཚོགས་དབང་འདུས/Phuntsho Wangdiདུས་ཨ་རྟག་ར་ ཤ་བདའཝ་བདའ་ས་ར་སྡོད་མི་ ཤ་ར་བདའ་སྟེ་ ཏེ་ཤ་བདའ་སྦེ་སྡོདཔ་ད་ལུ་ ནམ་སྲོ་སྦེ་ ཤིང་སྦོམ་ཅིག་གི་རྩ་བ་ ཤིང་སྦོམ་ཅིག་གི་རྩ་བ་སྐྱབས་འཚོལ་ཏེ་ ཤིང་གི་ལྷ་མོ་གིས་སྐྱབས་མཛོད་ཅིག་ཟེར་ ང་ད་རེས་ ནམ་སྲོ་ཡི་ཟེར་ རྐྱེན་བར་ཆད་མེདཔ་སྦེ་ ཁྱོད་ལ་གསོལཝ་བཏབ་དོ་ ཁྱོད་ཀྱིས་རྐྱེན་བར་ཆད་འབྱུང་མ་བཅུག་མས། གསོལཝ་བཏབ་སྟེ་ ཁོ་ཨ་ནི་ཤིང་གི་རྩ་བར་ཉལ་ད་ནུག
- ཕུན་ཚོགས་དབང་འདུས/Phuntsho Wangdiཉལཝ་ད་ལུ་ ཏེ་ད་བསྐོས་ནི་འདི་ ཤིང་གི་ལྷ་མོ་དང་འ་ནི་ཚུ་ལུ་འདི་ བསྐོས་ནི་ཅིག་ཡོདཔ་མས་བ་ཏེ། ཏེ་ཁོ་གི་ཨམ་སྲུ་འདི་ ཨ་ལོ་སྐྱེ་ནི་ཡོདཔ་མས་ལགས། ཏེ་ཨ་ལོ་སྐྱེ་ནི་ཡོདཔ་ད་ལུ་ཏེ་ ཏེ་བསྐོས་ནི་གི་བསྐོར་རྒྱབ་འདི་ ཤིང་གི་ལྷ་མོ་གི་བསྐོར་རྒྱབ་ ཨམ་ཤིང་གི་ལྷ་མོ་ལུ་ཕོག་སྟེ་ཡོདཔ་མས་ལགས
- ཕུན་ཚོགས་དབང་འདུས/Phuntsho Wangdiདེ་ལས་ གནས་བདག་གཞི་བདག་རིགས་ཚུ་འབོ་སྦེ་ ག་ར་ལུ་སླབ་དོ་ཡོདཔ་མས། ད་རེས་ཡ་་་་་ གཡུས་ཁ་ ཏེ་ས་གནས་ གཡུས་དེ་ཁ་ལུ་ ཏེ་ཨ་ལོ་ཅིག་སྐྱེཝ་མས་ བུ་ཅིག་སྐྱེཝ་མས་ཟེར་ འ་ནི་བུ་འདི་ད་ བསྐོས་ནི་གི་ལཱ་འདི་ ག་དེ་སྦེ་སྨོ་ཟེར་བ་ཅིན་ སེམས་ཅན་ སེམས་ཅན་སྟག་གི་ལག་པར་ཕོག་སྟེ་ ཁོ་སེམས་ཅན་སྟག་གི་ཁ་ལུ་ཕོག་སྟེ་ འ་ནི་སྦེ་ཟ་ནི་གི་རྒྱུ་ཨིན་ཟེར་ སེམས་ཅན་སྟག་གི་ལག་པར་ཕོག་སྟེ་ ཤི་ནི་ཨིན་ཟེར་ བསྐོས་དོ་ཟེར་ བསྐོས་དོཝ་མས
- ཕུན་ཚོགས་དབང་འདུས/Phuntsho Wangdiདེ་ལས་ ཁོ་གི་ཨ་པ་གིས་ ཀྲིག་ཀྲི་ར་ཧ་གོ་ཡི་བ་ཏེ་ད་ ཨམ་སྲུ་གིས་ཨ་ལོ་སྐྱེ་ནི་ཡོད་ད་ ད་བུ་སྐྱེས་ཡི་ག་ བུམོ་སྐྱེས་ཡི་ག་ ན་ལས་འདི་ བུ་ཨིན་ཟེརཝ་མས། ད་ང་གི་ཨ་ལོ་རང་ཨིན་འོང་ད་ཟེར།
- ཕུན་ཚོགས་དབང་འདུས/Phuntsho Wangdiད་ ཁོ་ག་དེ་སྦེ་འབདཝ་མས་ག་བལྟ་སྟེ་ ང་ར་དྲན་བཏོན་དགོ་ད་ཟེར་ ཁྱིམ་ན་འགྱོ་སྦེ་ འ་ནི་བཟུམ་སྦེ་ ད་ཤིང་གི་ལྷ་མོ་གིས་ཟ་ནི་བཟུམ་སྦེ་བསྐོས་ད་ཡི། ཁྱོད་ཀྱིས་འ་ནི་བཟུམ་སྦེ་ ཀྲིག་ཀྲི་ར་ཨ་ལོ་ཡང་བུ་སྐྱེས་སྡོད་ནུག ད་འབདན་ ང་བཅས་གཉིས་ཀྱི་ཨ་ལོ་ར་ཨིནམ་འོང་ད་ཟེར།
- ཕུན་ཚོགས་དབང་འདུས/Phuntsho Wangdiདེ་ལས་ བདག་འཛིན་འཐབ་སྟེ་ བདག་འཛིན་འཐབ་སྟེ་ར་ ཨ་ལོ་ཡང་སྦོམ་ཡར་སོ་ནུག་ལགས། སྦོམ་འགྱོ་སྦེ་ཡུདཔ་ཅིག་ ཕོ་རྒྱ་གཞོནམ་ཐལ་ཏེ་ ཚོང་ལུ་འགྱོ་དོ་ཡོདཔ་མས། དང་ཕུགས་འབད་བ་ཅིན་ཏེ་ ཚོང་ལུ་ཏེ་ ཧེ་མ་སྣུམ་འཁོར་ལམ་ ག་ཏེ་འོང་བ་ཏེ།
- ཕུན་ཚོགས་དབང་འདུས/Phuntsho Wangdiདཔེ་འབད་བ་ཅིན་ བོད་ཚོང་འཐབ་པ་ཅིན་ བོད་ལུ་ ལྷ་ས་ལས་ཡ་ར་ འ་ནི་བཟུམ་སྦེ་འགྱོ་ནི་གི་ རྐང་སྟོང་སྦེ་ཏེ་ གནས་བསྐོར་འབད་རུང་ གནས་བསྐོར་ཚར་རེ་འགྱོཝ་ད་ལུ་ འ་ནི་སྦེ་རྐང་སྟོང་སྦེ་ཏེ་ འ་ནི་བཟུམ་སྦེ་ ལུག་ལུག་གི་ཤ་མ་བཙོ་བ་ཟ་སྟེ་ ཏེ་འ་ནི་སྦེ་འགྱོ་འོང་ལོ་བ་སྟེ།
- ཕུན་ཚོགས་དབང་འདུས/Phuntsho Wangdiཁཝ་ནང་ལ་བརྒལ་ ལུང་སྤུབས་སྦེ་ལགས། ཏེ་ཁོང་ཡང་འ་ནི་བཟུམ་སྦེ་ ཚོང་ལུ་སྟེ་ ཚྭ་རེ་ལེན་པར་འགྱོ་དོཝ་མས་ཏེ་ འགྱོ་ད་ལུ་ཏེ་ བུཚུ་གཞོནམ་ཐལ་ཐལཝ་མས་ལགས། ཨ་པ་གིས་བདག་འཛིན་འཐབ་སྟེ་ བལྟ་ཡི་རང་སྡོད་སྡོདཔ་མས།
- ཕུན་ཚོགས་དབང་འདུས/Phuntsho Wangdiདེ་ལས་ ཉིནམ་ཅིག་འབདཝ་ད་ལུ་ ཁོང་ཚོགས་རོགས་ལེ་ཤ་ ཡོདཔ་མས། འགྱོ་དོཝ་མས། ཏེ་ཚོང་ལེན་ནི་གི་ ཚོང་ལུ་འགྱོ་ད་ལུ་ ཏེ་བུ་འདི་གིས་ཡང་ཚོང་ལེན་པར་འགྱོ་ནི་ ཟེར་ཉན་མ་བཏུབ་པ། དེ་ལས་ ཨ་པ་སེམས་ཚ་གྱང་ལངས་ ཁོ་འ་ནི་སྦེ་ བར་རྐྱབ་མི་ཅིག་ཡོད་ འ་ནི་སྦོ་བསྐོས་ཏེ་ཡོད་ ད་ཁོ་ར་ཨིན་མནོ་ འ་ནི་སྦེ་འདི་ མི་བཏུབ་ད་ཟེར་ ཁོ་འགྱོཝ་ད་ལུ་ དེ་ལས་ཨ་པ་གིས་ ཁོང་ལྟོ་ཚང་ཚུ་དང་གཅིག་ཁར་ཚོང་ལུ་འགྱོ་སྦེ་ ཏེ་ལམ་ཁར་སྒར་བཅགས་ཏེ་ ནགས་ཚལ་སྦུག་ཅིག་ཁ་ལུ་ ཉལ་ཉལཝ་མས་བ་ལགས།
- ཕུན་ཚོགས་དབང་འདུས/Phuntsho Wangdiནགས་ཚལ་ཡང་ ནགས་ཚལ་སྦོམ་ཅིག་ནང་ན་རང་ བར་ན་ཅིག་ཁ་ལུ་རང་ཉལ་ནུག དེ་ལས་ ཨ་པ་ཤུལ་བདའ་གཟིམས་ཏེ་ མདའ་གཞུ་འབག་སྦེ་ ཤུལ་ ཤུལ་ ཤུལ་སྦེ་སོང་སྟེ་ དེ་ལས་ཨ་ལོ་ ཁོང་ཉལ་ནུག་བ་ལགས། དེ་ལས་ཨ་པ་ཚ་གྱང་ལངས་ཏེ་ ཨ་པ་ཡང་ཏེ་ ཁུ་སིམ་སིམ་སྦེ་འགྱོ་སྦེ་ ཏེ་ལྟོ་ཚང་ཚུ་ལུ་ཡང་སླབ་སྦེ་ ཏེ་བུ་ལུ་འདི་མ་སླབ་པས་ དེ་ཚེ་ བུ་ལུ་མ་སླབ་པར་ ལྟོ་ཚང་ཚུ་ལུ་རྐྱངམ་ཅིག་སླབ་སྦེ་ ང་འ་ནི་ ཨ་ལོ་འ་ནི་སྦེ་ཨིན། འ་ནི་སྦེ་བསྐོས་ཏེ་ཡོདཔ་ཨིན། ད་རེས་ག་ཅི་འབད་འོང་ག་ཟེར་ རྟིང་ཤུལ་བདའ་འོང་ཡི། ང་འ་ནི་སྦེ་སེམས་མ་བདེ་ཟེར།
- ཕུན་ཚོགས་དབང་འདུས/Phuntsho Wangdiདེ་ལས་བུ་འདི་ གཉིད་ཁུག་སོ་ནུག་བ་ཏེ་ བུ་འདི་ གཉིད་ཁུག་སྡོདཔ་ད་ལུ་ ཏེ་ཨ་པ་གིས་ ག་ཅི་ལོ་ ངང་ལག་ཤིང་བཏོག་འབག་འོང་སྦེ་ ཚབ་བུ་ཅོག་ར་གཅིགཔོ་སྦེ་བཟོ་ ཉལ་ཞག་སྦེ་ བགོ་ལ་བཀབ་བཞག་སྦེ་ ཏེ་ཨ་ལོ་འདི་ སོ་སོ་ཅིག་ཁར་བཞག་བཞགཔ་མས་ གཡིབ་སྦེ། དེ་ལས་ མདའ་གཞུ་འབག་སྦེ་སྡོདཔ་ད་ལུ་ ཏེ་སེམས་ཅན་སྟག་ སྐད་རྐྱབ་ཅི་རྐྱབ་ཅི་འོང་དོ་མས་ལགས།
- ཕུན་ཚོགས་དབང་འདུས/Phuntsho Wangdiསྐད་རྐྱབ་ཅི་རྐྱབ་ཅི་ འོང་ཡི་འོང་ཡི་ ཏེ་འཐད་རི་འབའ་རི་ ཏེ་ད་མདའ་བཏངམ་ མ་བཏངམ་ཅིག་ཁ་ལུ་ཟ་བཞག་འོང་ཟེར་ འདྲོག་སྟེ་ ཨ་ལོ་འདི་ ཁོ་གཅིག་ཁར་ ཟུར་ཁ་ལུ་སྦེ་ཉལ་བཞག་སྦེ་ མདའ་གཞི་འབག་སྟེ་སྡོད་སྡོདཔ་མས།
- ཕུན་ཚོགས་དབང་འདུས/Phuntsho Wangdiཏེ་ སྟག་འདི་འོང་དོ་མས་ལགས། སྟག་འོང་སྟེ་ སྟག་སྐད་རྐྱབ་ཅི་ར་འོངམ་ད་ཏེ་ ལྟོ་ཚང་ཚུ་ག་ར་ ཆང་དྲངས་ཏེ་ གཉིད་ལོག་སྟེ་ ཏེ་ ཁོ་གི་བུ་ཡང་གཉིད་ལོག་སྟེ་ ཏེ་མི་ཅོག་ར་གཅིགཔོ་སྦེ་བཟོ་ཉལ་བཞག་བཞགཔ་མས། མ་པ་སེམས་ཅན་གྱིས་ཤེས་ནི་འདི་ཤེས་བ་ཏེ།
- ཕུན་ཚོགས་དབང་འདུས/Phuntsho Wangdiཁོ་ སེམས་ཅན་སྟག་ སངས་རྒྱས་ཨིན་མས་ཨིན་ནི་འདི་ ཨིན་ཏེ་ར་འབད་རུང་ཏེ་ད་ ཚར་གཅིག་གུ་རང་ ག་དེམ་ཅིག་སྦེ་ཟ་བཞག་པ་ཅིན་ མདའ་རྐྱབ་མ་ཚུགསཔ་ཅིག་ལས་ ཨ་ལོ་འདི་ མེདཔ་འགྱོ་འོང་ཟེར་ ཉལ་ས་ལུ་ མི་བཟུམ་སྦེ་བཟོ་བཞག་བཞགཔ་མས་ལགས། དེ་ལས་ སྦོ་ལོགས་ཁར་ལྷོད་ཅི་ ལྷོད་ཅི་ ལྷོད་ཅི་ སྒོ་ཁ་ལས་ གུར་ནང་ན་མ་འཛུལཝ་ཅིག་ཁ་ལས་ར་ མདའ་རྐྱབ་ནུག་ལགས།
- ཕུན་ཚོགས་དབང་འདུས/Phuntsho Wangdiམདའ་རྐྱབ་ ཁ་དུམ་མར་བསད་བཞག་ནུག བསད་བཞག་སྦེ་ ཏེ་དེ་ལས་ ནམ་ལངས་སྦེ་ ཁོང་ཡང་དྲོ་མཛར་རེ་ཟ་སྦེ་ ཁོ་ཡང་དྲོ་མཛར་ཟ་སྦེ་ དེ་ལས་རྐྱངམ་ཅིག་ བུ་འདི་ལུ་སླབ་སླབ་མས་ལགས། ཁྱོད་ཚོང་ལུ་མ་འགྱོ་ མ་འགྱོ་ཟེརཝ་ད་ ཁྱོད་འདི་ བསྐོས་པ་འ་ནི་ཐོག་ལུ་ བསྐོས་ཏེ་ཡོད་ འ་ནི་སེམས་ཅན་སྟག་གིས་ཟ་ ཟེར་བསྐོས་ཏེ་ཡོད་ ཀོ་ཏ་ འ་ནི་བལྟ་ཤིག ང་གིས་བསད་ཡི་བ་སྟེ་ ཁྱོད་ཀྱི་རྟིང་ཤུལ་བདའ་འོང་སྟེ་ ཁྱོད་ཀྱི་སྲོག་སྐྱབས་འབད་བར་ང་འོང་འོངམ་ཨིན།
- ཕུན་ཚོགས་དབང་འདུས/Phuntsho Wangdiང་ཁྱོད་ལུ་ཕངས་ཏེ་འོང་འོངམ་ཨིན། ང་མ་འོང་པ་ཅིན་ ཁྱོད་ཟ་སྦེ་ཤི་ཤིཝ་འོང་། ག་ཅི་ལོ་ ཟ་ཡི་ད་རེས་སེམས་ཅན་སྟག་གིས་ སྟག་གིས་བསད་བསདཔ་འོང་མ་གཞི་འདི་ ཟེར་སླབ་སླབ་མས། དེ་ལས་ སོ་ཡང་འ་ནི་སྦེ་འབྱིག་འགྱོ་འགྱོཝ་༼སོ་ཕྱི་ཁར་སྟོན་༽མས། འ་ནི་སྦེ་ཤི་ཤིཝ་ཡོདཔ་མས། ཏེ་ བུ་ང་ཟ་མི་སེམས་ཅན་སྟག་འདི་ འ་ནི་བཟུམ་སྡོད་སྡོདཔ་མས་བ་སྟེ་ཟེར་ སོ་ར་ ག་བཟུམ་འདུག་ ཟེར་སླབ་སྦེ་ སོ་གུ་རྡོག་ཐེ་རྐྱབ་བཏང་ནུག་ལགས།
- ཕུན་ཚོགས་དབང་འདུས/Phuntsho Wangdiརྡོག་ཐེ་རྐྱབ་བཏངམ་ད་ལུ་ མཆེཝ་གིས་ ཨ་ཙི་ཅིག་རྐྱངམ་ཅིག་ཕོག་ཅི་ཕོག་ནི་འདི་ ཁྲག་ཨ་ཙི་ཅིག་ཐོན་ཐོནམ་མས། འ་ན་ལས་ ཧད་བཏགས་ཏེ་ རྐངམ་སྦོ་སྦེ་ ཏེ་ག་ཅི་བཟུམ་གྱི་ཏེ་ སྨན་བཅོས་འབད་རུང་ མ་དྲག་པར་ཤི་སོ་ཡི་ལོ་ལགས།
- ཕུན་ཚོགས་དབང་འདུས/Phuntsho Wangdiང་བཅས་ བསྐོས་པའི་ལམ་ལས་ བྱོག་མི་ཐལ་ཟེར་མི་འདི་ འ་ནི་བཟུམ་ཨིན་པས་ལགས།
Loading ... Collection:
Subject
- Folk Story
- Bhutan Cultural Library
Referenced Places
- Ngatsang
Recording Location
- Ngatsang
Time Period:
Time:
00:05:13
Creator:
Sonam Tobgye
Creator:
Sangay Tshomo
Editor:
Dr.karma phuntsho
Editor:
Sonam Tobyge
Contributing Contributor:
Phuntsho Wangdi
Publisher:
Tibetan and Himalayan Library
Sponsor:
Arcadia Fund (Other)
Data Entry:
Copyright Owner:
Shejun
Year Published:
2018
Rights Summary:
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.
Visibility:
Public (group default)
Shanti AV Id:
4438
Versions:
Date Created:
Monday, August 31, 2015
Date Issued:
Friday, January 29, 2016
Digital Format:
video mp4
File Size:
176.4 MB
Colors:
Color
Duration:
00:05:13
Start Time:
00:19:59