Video Overview
༉ གླུ་གཞས་ ཨོཾ་ཅིག་གསོན་ལ། ཟེར་མི་འདི་ བརྩམས་མི་ག་ཨིན་ན་མི་ཤེས་དོ་ཡོདཔ་ད་ ད་ལྟོའི་གླུ་གཞས་འཐེན་མིའི་གྲལ་ལས་ ཡེ་ཤེས་ཆོས་སྒྲོན་དང་ཀུན་བཟང་མཚོ་མོ། རིན་ཆེན་དབང་མོ་གསུམ་འདི་ སྟང་རྒེད་འོག་ལས་ རྫོང་ཁག་གི་ཞབས་བྲོ་རྐྱབ་མི་ཅིག་འབད་ནི་དེ་གིས་ རྫོང་ཁག་ནང་ཞབས་བྲོ་རྐྱབ་པའི་སྐབས་ ཨུ་རཔ་ཚུ་ལས་ལྷབ་ཅི་ ཟེར་ཨིན་པས། ཡེ་ཤེས་ཆོས་སྒྲོན་གྱིས་འབད་བ་ཅིན་ གླུ་གཞས་འདི་ སྒྲ་འཛིན་འཁོར་ལོ་ཚུ་ནང་ཡང་འཐེན་ནི་ཡོདཔ་ཨིན་རུང་ ཨུ་རཔ་ཚུ་གིས་འབད་བ་ཅིན་ སྒྲ་འཛིན་འཁོར་ལོ་ནང་འཐེན་མི་ཚུ་གིས་ གདངས་སོར་བཏང་ནུག་ ཟེར་སླབ་དོ་་ཡོདཔ་མས། གླུ་གཞས་འདི་གི་ཚིག་དང་འཁྲིལ་བ་ཅིན་ ཨོ་རྒྱན་གུ་རུ་རིན་པོ་ཆེའི་སྐུ་གཟུགས་ཀྱི་ཕྱག་མཚན་ལུ་ གཞི་བཞག་སྟེ་བརྩམས་ཡོདཔ་ལས་ ཨོ་རྒྱན་གུ་རུ་རིན་པོ་ཆེའི་བསྟོད་གླུ་ཅིག་ཨིན་པས།
The folk song "Omche Sela" falls under the Zhungdra (Bhutanese classical) category of songs and dances and is believed to have originated in the Ura region of Bumthang Dzongkhag (district). The song is a paean, a song of praise, to Guru Rinpoche, revering his birth from a lotus flower in Dhanakosha Lake and his respect for sentient beings.
- Bumthang
- སྦས་ཟུར་གྱི་ཨམ་སྲུ་ཚུ་/Bezur Women: ཨོཾ་ཆེ་གསལ་ལགས། །དྷ་ན་ཀོ་ཥའི་མཚོ་གླིང་ལས་ཤིང་ཅིག་འཁྲུངས་ལ། །ཤིང་མོ་དེ་ཡང་པདྨེའི་ལའི་སྡོང་པོ་འཁྲུངས་ལ། །ཤིང་མོ་དེ་ཡང་པདྨེའི་ལའི་སྡོང་པོ་འཁྲུངས།
- སྦས་ཟུར་གྱི་ཨམ་སྲུ་ཚུ་/Bezur Women: ཨོཾ་ཆེ་གསལ་ལགས། །མེ་ཏོག་པདྨ་མཐོ་ཞིང་ལའི་ཡངས་པའི་སྟེང་ལ། །དེ་ལ་ཡ་མཚན་ཆེ་བའི་ལའི་སྐུ་ཅིག་འཁྲུངས་ལ། དེ་ལ་ཡ་མཚན་ཆེ་བའི་ལའི་སྐུ་ཅིག་འཁྲུངས།
- སྦས་ཟུར་གྱི་ཨམ་སྲུ་ཚུ་/Bezur Women: ཨོཾ་ཆེ་གསལ་ལགས། །ཞབས་གཉིས་རྡོ་རྗེ་དཀྱིལ་ཀྲུང་ལའི་དྲུང་དུ་བཞུགས་ལ། མཚན་ཡང་ཨོ་རྒྱན་པདྨ་ལའི་འབྱུང་གནས་ཞུ་ལ།།མཚན་ཡང་ཨོ་རྒྱན་པདྨ་ལའི་འབྱུང་གནས་ཞུ།
- སྦས་ཟུར་གྱི་ཨམ་སྲུ་ཚུ་/Bezur Women: ཨོཾ་ཆེ་གསལ་ལགས། །སྤྱན་གཉིས་གཟིགས་པ་འཛམ་གླིང་ལའི་ཡོངས་ལ་གཟིགས་ལ། ཐུགས་ཡང་ལས་འཕྲོ་ཅན་གྱི་ལའི་ལྷག་པར་དགོངས་ལ། །ཐུགས་ཡང་ལས་འཕྲོ་ཅན་གྱི་ལའི་ལྷག་པར་དགོངས།
- སྦས་ཟུར་གྱི་ཨམ་སྲུ་ཚུ་/Bezur Women: ཨོཾ་ཆེ་གསལ་ལགས། །ཕྱག་གཡས་གསེར་གྱི་རྡོ་རྗེ་ལའི་རྩེ་ལྔ་བསྣམས་ལ། །ཕྱག་གཡོན་ཕྱེ་དམར་(ཐོད་བུམ་)བདུད་རྩིས་ལའི་གང་བར་ཤོག་ལ། །ཕྱག་གཡོན་ཕྱེ་དམར་བདུད་རྩིས་ལའི་གང་བར་ཤོག
- སྦས་ཟུར་གྱི་ཨམ་སྲུ་ཚུ་/Bezur Women: ཨོཾ་ཆེ་གསལ་ལགས། །ཟས་ནོར་ལ་ལོངས་སྤྱོད་ལའི་ཀུན་གྱིས་ཕུལ་ལ། །སྙན་པའི་གླུ་དང་དབྱངས་ཀྱི་ལའི་མཆོད་པ་ཕུལ་ལ། །སྙན་པའི་གླུ་དང་དབྱངས་ཀྱི་ལའི་མཆོད་པ་ཕུལ།
- སྦས་ཟུར་གྱི་ཨམ་སྲུ་ཚུ་/Bezur Women: ཨོཾ་ཆེ་གསལ་ལགས། །བདག་དང་ལ་འགྲོ་བ་ལ་སེམས་ཅན་རྣམས་ལ། །ཕྱི་མ་ཟངས་མདོག་དཔལ་རིར་ལའི་ཀྲ་(སྐྱེ་)བར་ཤོག །ཕྱི་མ་ཟངས་མདོག་དཔལ་རིར་ལའི་སྐྱེ་བར་ཤོག །
Loading ... - Oral Traditions
- Zhungdra-Dangrim
- Bumthang
- Bumthang
- Dzongkha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.