Video Overview
83-year-old Naku from Dorshing village in Phongmey, Trashigang sings an old Boedra song entitled Om Chi Senla (O Listen). It is a song dedicated to great religious masters, in appreciation of their hard work to help dharma flourish. The composer and origin of the song is unknown. The song also praises Guru Rinpoche, describing his auspicious birth from the lotus and his many great deeds. This song is performed in a group of around five to twenty dancers, who form a circle.
བཀྲིས་སྒང་རྫོང་ཁག་ ཕོངས་མེད་རྒེད་འོག་ གཡུས་ཟོར་ཤིང་ལས་འབད་མི་ སྐྱེས་ལོ་༨༣་ལང་མི་ ཨ་རྒས་གནག་ཀུ་གི་ གཞུང་གྲ་རྙིང་ཤོས་ ཨོམ་ཅི་་ལས་ ཟེར་མི་འདི་ འཐེན་ནུག། ཞབས་ཁྲ་འདི་ཡང་ ཆོས་དང་འབྲེལ་ཡོདཔ་ལས་ དམ་པའི་ཆོས་དར་མི་དང ཆོས་བཤད་མི་ བླམ་དང་སློབ་དཔོན་ཚུ་ལུ་ ངལ་རངས་ཀྱི་ གོ་ལས་ ཆེད་དུ་ཞུཝ་ཨིན་མས། ཞབས་ཁྲ་འདི་གི་ རྩམ་པ་པོ་དང་ འབྱུང་ཁུངས་ ངེས་པ་མེདཔ་ཨིན་རུང་ རྩོམ་པ་པོ་གི་ ཞབས་ཁྲ་འདི་ དམ་པའི་ཆོས་ དར་གནང་མི་ བླམ་ལུ་བརྡ་སྟོན་ འཕུལཝ་ཨིན་མས། དེ་མ་ཚད ་ཨྱོན་གུ་རུ་རིན་པོ་ཆེ་ལུ་ བསྟོད་བསྔགས་དང་ མེ་ཏོག་པརྨ་ལས་ འཁྲུངས་ཡོད་པའི་སྐོར་དང་ མཛད་བྱ་བཟང་པོ་ ཚུ་ཡང་ འགྲེལ་བཤད་ མཛད་གནང་ནུག། ཞབས་ཁྲ་འདི་ སྡེ་ཚན་ནང་ལུ་ མི་ལྔ་ལས་ཉི་ཤུ་གི་བར་ སྒོར་སྒོམས་འབད ་རྐྱབ་ཨིན་མས།
- Trashigang
- Dorshing
- ནག་ཀུ་ Nakuཨོཾ་སངས་ལ་ཎི་ཟེར་ ཨ་པ་རྒན་རྒས་ཚུ་གི་གླུ་གཞས་ཨིན་མས་དང་ཕུ་གི་ཟེར།
- ནག་ཀུ་ Nakuདཔེ་མགུ་ལ་བསྟན་པའི་ཉིད། །མགུ་འདི་ལ་མགུ་དཀར་ཤར། །
- ནག་ཀུ་ Nakuབུ་ཆུང་ལ་ཁྱོད་རང་མེན་ན། །[བྱང་ཆུབ་ཟེར་རང་ཨོ་?]ཟེར། །
- ནག་ཀུ་ Nakuཨ་པ་གིས་རྒས་རུང་ སྨོན་ལམ་ལེགས་ཤོམ་བཏབ་ཅི་ ཁྱོད་ཀྱིས་ཨ་པ་བཟུམ་སྦེ་ལོ་རྒས་ཏེ་ ཚེ་རིང་སྡོད་ཟེར་ ཨ་པ་གིས་གླུ་གཞས་དེ་སྦེ་འཐེན་ནུག་ བུཚ་ཚུ་ལུ།
- ནག་ཀུ་ Nakuཉི་ཨ་པ་གདོང་ལ་ལྟ་ན་ནི། །གདོང་འདི་ལ་གཉེར་མ་ཤར། །
- ནག་ཀུ་ Nakuབུ་ཆུང་ལ་ཁྱོད་རང་སྐལ་བཟང་མི་སེར་གྱི་ཞབས་ཏོག་ཞུ། །
- ནག་ཀུ་ Nakuཁྱོད་ཀྱིས་དགྲ་དང་གཉེན་ཟློག་ཅིག་ཟེར་ ང་གིས་ ཏེ་དེམ་ཅིག་ལོ་ན་རྒས་རུང་ ཨ་པ་ལོ་ན་རྒསཔ་ ཐབས་མིན་འདུག ཁྱོད་ཀྱིས་དགྲ་དང་གཉེན་བཟློག་ཚུགསཔ་འོང་ [ཁྱོད་ཀྱི་ཚུགས་པས་?]ཟེར་ ཨ་པ་གིས་གླུ་གཞས་འཐེན་ནུག
- ནག་ཀུ་ Nakuཨ་པ་ལ་རྒས་དང་མ་རྒས་གཉིས། །ཨ་པའི་མིག་ལ་ལྟ་ལ། །
- ནག་ཀུ་ Nakuམིག་གི་ལ་མིག་ཆུ་འབབ་པ་ནི་ཨ་པ་རྒས་པའི་རྟགས། །ཨའེ་བུ་ཆུང་ཁྱོད་ཀྱིས་ད་ལྟོ་ཡང་ ཏེ་ངེའི་ཕ་མ་བཟུམ་གསོ་ཡི་ ཁྱོད་ཕ་ལས་བུ་བཟང་ཟེར་འོང་བཅུག་ཅིག་ཟེར་ ང་གིས་ཁྱོད་སྨོན་ལམ་བཏབ་ཅི་ ངནི་ལོ་གྲངས་ལེ་ཤཱ་སོང་ཞིནམ་ལས་ཐབས་རང་མིན་འདུག་བ་ཨ་པ་འདི།
- ནག་ཀུ་ Nakuམགུ་ལ་ལྟོས་ན་ མགུ་ཏོག་དཀརཔོ་གྱུར་ཏེ་ཡོད་ཟེར་ མིག་ལ་ལྟོས་ན་ མིག་ཏོ་གིས་ཡང་མ་མཐོངམ་ཨིན་ དེ་ཏེ་སྲོག་ལུ་བརྟེན་ཏེ་འཐེན་གེ་སྨེ་ཨ་པ་གིས་ཟེར་ བཟའནི་ལྟོ་ཐོབ་ འཐུངནི་ཆུ།
- ནག་ཀུ་ Nakuཨ་པ་ལ་རྒས་དང་མ་རྒས་ཨ་པའི་སོ་ལ་ལྟ་ལ། སོ་འདི་ལ་དུང་སོ་དཀར་མོ་ཤར་བས་ཨ་པ་རྒས་པའི་རྟགས།
- ནག་ཀུ་ Nakuཨེའི་བུ་ཟེར་ ཕ་ལས་བུ་བཟང་ཟེར་ ཨ་པ་འདི་རྒས་པའི་སྟབས་ཀྱིས་ བལྟ་བ་ཅིན་མིག་ལུ་ཐོགས་ མགུ་ཏོག་འདིནི་དཀརཔོ་གྱུར་ཡི་ ད་བཟའ་བ་ཅིན་ ལྟོ་ཚོདམ་ག་ར་ སོ་གིས་འབད་མ་ཚུགས་ སོ་ག་ར་ཡར་སོ་ཡི་ཟེར་ ཨ་པ་གིས་ བུ་ཁྱེད་བཟུམ་ལུ་ ང་བཟུམ་གྱིས་སྨོན་ལམ་བཏབ་བཞགཔ་མས་ལགས།
- ནག་ཀུ་ Nakuཕ་ལས་ ད་ང་དེམ་ཅིག་ཟེར་རུང་ ང་ལས་ཁྱོད་ ཕ་ལས་བུ་བཟང་ཟེར་ བཟང་བཅུག་ཟེར་ སོ་འབད་བ་ཅིན་ ང་ལས་སོ་གིས་ང་འབད་མ་ཚུགས་རུང་ ཁྱོད་ཀྱི་སོ་གིས་འབད་ཚུགས་སྦེ་ ཕ་ལས་བུ་བཟང་ རྨུར་ཡི་ཟ་སྨ་རེད་ཟེར་ དེ་ལས་ འདི་བཟུམ་ཨིན་དོན་དག
- ནག་ཀུ་ Nakuཉི་ཨ་པ་རྒས་དང་མ་རྒས་གཉིས་ཨ་པའི་རྐང་ལ་ལྟ་ལ། །རྐང་འདི་ལ་[ཅུང་ལུང་?]ཤར་བས་ཨ་པ་རྒས་པའི་རྟགས། །
- ནག་ཀུ་ Nakuཨ་པ་འདིནི་རྒས་ཞིནམ་ལས་ འེ་ལམ་འགྱོ་བ་ཅིན་ རྐངམ་ཡོར་འགྱོ་སྟེ་མི་བཏུབ་པས་ ད་ཕ་ལས་བུ་བཟང་འདི་ ཁྱོད་ལུ་ང་གིས་སྨོན་ལམ་བཏབ་པའི་སྐབས་ལུ་ ཁྱོད་ཀྱི་རྐངམ་ལུ་འབད་བ་ཅིན་ ཡོར་མ་འགྱོ་བར་ མིག་འབད་བ་ཅིན་ མཐོངམ་བཅུག་ཅིག་ སོ་འབད་བ་ཅིན་ ཤ་དང་ཉ་རྨུར་ཚུགས་པའི་ཕ་ལས་བུ་བཟང་ ཁྱོད་སྡོད་སྨ་རེད་ཟེར་ ཨ་པ་གིས་དེ་སྦེ་སྨོན་ལམ་བཏབ་པའི།
- ནག་ཀུ་ Nakuའ་ནཱི་འདི་བུ་ལུ་སྨོན་ལམ་བཏབ་པའི་ ཨ་པ་གི་གླུ་ལེགས་ཤོམ་ཨིན་སྨེ་འ་ནཱི་འདི་ ཨ་པ་རྒས་དོ་བཟུམ་སྦེ་ ཁྱོད་རྒས་མ་བཅུག་ཟེར་ རོགས་གོངམ་རིན་པོ་ཆེ་ལུ་ཕྱག་ལེགས་ཤོམ་འབད་ཞུ་སྟེ་ བླ་མ་བཟང་པོའི་ཕྱག་ལེགས་ཤོམ་འབད་ཞུ་སྟེ་ བྱིན་རླབས་འཇུག་སྟེ་ ཚོགས་བསགས་བྱིན་བསགས་པ་འོང་བཅུག་ཅིག་ཟེར།
- ནག་ཀུ་ Nakuཁྱེད་ཚུ་གིས་ཡང་ སྨོན་ལམ་དེ་སྦེ་བཏབ་སྨ་རེད་ཟེར་ ཨ་པ་གིས་དེ་སྦེ་གསུངས་བཞག་བཞགཔ་མས་ དང་ཕུ་ང་བཅས་རའི་ཨང་རྒས་ཨ་རྒས་ཚུ་གིས་ གཏམ་དེ་སྦེ་ ང་གིས་ཨ་ཙི་ཅིག་སེམས་ཁར་བཞག་བལྟ་ཡི།། །།
Loading ... - Oral Traditions
- Bhutan Cultural Library
- Zhungdra-Dangrim
- Trashigang
- Dorshing
- Dorshing
- Tsangla
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.