17 Aug 2018
4 min 41 sec
Video Overview
Creators:
Dudul Dorjee, Tibetan & Himalayan Library
འདི་ནི་རྒྱལ་བོའི་བཙུན་མོ་བྲག་བདུད་ཅིག་དང་ལྐོག་གྲོས་ཀྱིས་རྒྱལ་བོ་གསོད་རྩིས་བྱས་པར་རྒྱལ་པོས་ཚོར་ནས་བྲག་བདུད་བཏུལ་བའི་གཏམ་རྒྱུད་ཅིག་ཡིན།
- གུ་རུ་སེམས།གནའ་ཞིག་ལ།
- རྒྱལ་བོ་ཞིག་ལ་ཨ་ཡེ་ཞིག་ཡོད།
- དེ་ནས་རྒྱལ་བོ་དེའི་ཨ་ཡེ་དེ།
- དགོང་མོ་ས་རུབ་ལ་ཉེ་དུས་མོ་ཅིག་ལ་བུད་འགྲོ།
- དེ་ནས་རྒྱལ་བོ་ཡིས་མི་རིག་ཞྭ་མོ་ནག་རིས་གོན་ནས།
- མགྱོགས་པ་ལྷམ་རྒན་སྐྱ་ལྡང་གོན་ནས།
- རྒན་མོའི་རྗེས་དེད་ནས་རྒྱུགས་པ་རེད།
- རྒྱུགས་ནས་ཨ་ཡེ་བྲག་རྩ་ཞིག་ལ་ཐོན་པ་རེད།
- བྲག་མི་ལ་བརྒྱ་སྒོ་ཕྱེ་ཟེར།
- དེ་ནས་བྲག་མི་ལ་བརྒྱ་ཟེར་བ་དེས་སྒོ་ཕྱེ་པ་རེད།
- སྒོ་ཕྱེ་ནས་ནང་དུ་སོང་ནས།
- དེ་རིང་རྒྱལ་བོ་ཡི་སྣ་ཅི་འདྲ་ཞིག་ལག་ཏུ་བུད་ཡོང་ཐལ་ཟེར།
- དེ་རིང་ཅུང་ཙམ་ཞིག་ལས་ལག་ཏུ་མ་ཡོང་ཐལ།
- དཀར་ཡོལ་གང་ལས་ལག་ཏུ་མ་ཡོང་ཐལ།
- དེ་ནས་བྲག་མི་ལ་བརྒྱ་ཡིས་སྣ་དཀར་ཡོལ་གང་ཟོས་ནས་གཉིད་པ་རེད།
- གཉིད་ནས་གཉིས་ཀས་ཁ་བརྡ་བྱས།
- སང་ཉིན་ངས་རྒྱལ་བོ་ཡི་སྲོག་ལེན་དགོས།
- དེ་ཡིན་ན་ཙན་དན་དཀར་དམར་གྱི།
- མེ་དཔུང་བརྒྱག་ཏུ་མ་འཇུག་ཟེར།
- དེ་དང་གསེར་གྱི་སྨྱུ་གུ་ལག་ཏུ་མ་འཇོག་ཟེར།
- དེ་ནས་རྒན་མོ་ཡིས་ཡ་ཡ་ཟེར།
- ཁོས་དེ་ལག་ཏུ་མི་འཇོག་ཟེར།
- དེ་ནས་ཕྱིའི་ནངས་མོར་རྒྱལ་བོ་ཡིས་གོ་སོང་།
- ཕྱི་སྐོར་ནས་མི་རིག་ཞྭ་མོ་ནག་རིས་གོན་ནས།
- མགྱོགས་པ་ལྷམ་རྒན་སྐྱ་ལྡང་གོན་ནས།
- ཕྱིར་སྐོར་ནས་ཡུལ་ལ་ཕེབས་སོང་།
- ཡུལ་ལ་ཕེབས་ནས་ནངས་མོར།
- ཙན་དན་དཀར་དམར་གྱི་མེ་དཔུང་རྒྱོབ་ཟེར།
- ཅི་ཞིག་བྱེད་རྒྱལ་བོ་ལགས་ཞེས་ཞུས་པར།
- དེ་ཅི་ཞིག་ཡིན་པས་ཅི་བྱེད།
- དྲ་མ་ཡི་ཕྱི་རོལ་ནས་ཙན་དན་དཀར་དམར་གྱི་མེ་དཔུང་རྒྱོབ་ཟེར།
- དེ་ནས་ཡ་ཡ་ཟེར་ནས་རྒྱལ་བོ་ཡི་བཀའ་མ་རྩིས་ན་མི་འགྲིག་གི
- མེ་དཔུང་རྒྱབ་པ་རེད།
- དེ་ནས་གསེར་གྱི་སྨྱུ་གུ་ཁྱེར་ཤོག་ཟེར།
- ཅི་ཞིག་བྱེད་རྒྱལ་བོ་ལགས་ཟེར་བར།
- དེ་མཁོ་ས་ཞིག་ཡོད་གི་ཟེར་ནས་གསེར་གྱི་སྨྱུ་གུ་ལག་ཏུ་བཞག
- དེ་ནས་ཉིན་གུང་ཞིག་ལ་བྱ་སྐད་ཡག་པོ་ཞིག་ཡོང་ནས།
- རྒྱལ་བོ་ཚང་གི་མཁར་ཁར་བབས་ནས་གྲགས་པ་རེད།
- དེ་ལྟར་བྱས་ནས་རྒྱལ་བོ་ཡི་རིག་མ་ཡིས།
- ཨ་ཨ་རྒྱལ་བོ་ལགས།
- ཁྱེད་ཀྱིས་དེ་རིང་དྲ་གཡོལ་ཡར་བཀྱག་ནས།
- དྲ་མ་ཕྱེ་དང་།
- འདི་འདྲའི་བྱ་ཡག་པོ་ཞིག་ཐོན་ཐལ།
- གན་ཅི་ཞིག་ཡིན་ནམ་ཟེར།
- དེ་ལྟར་བཤད་ནས།
- དེ་ནས་རྒྱལ་བོ་ཡིས་དྲ་གཡོལ་ཕྱེ་ནས།
- དྲ་མ་ཕྱེ་ནས།
- གསེར་གྱི་སྨྱུ་གུ་གཡུགས་ནས།
- རོ་བྱ་ཐན་བྱ་འདིར་ཤོག་ཟེར།
- དེ་དུས་བྱ་རྒན་ཡར་ནས་སོང་སྟེ་མེ་ནང་དུ་རྒྱབ།
- གསེར་གྱི་སྨྱུ་གུ་བླངས་ནས་འགའ་ཞིག་ནང་དུ་ཕུར་བ་རེད།
- དེ་ནས་རྒྱལ་བོ་ཡི་བཙུན་མོ་ཡིས།
- ཨ་ཅི་ཞིག་བྱེད་རྒྱལ་བོ་ལགས།
- དེ་ལྟར་བྱས་ན་རུང་ནི་མ་རེད།
- སྙིང་རྗེ་དེ་དེ་ལྟར་བསྲེག་པ་མ་རེད་ཟེར་ནས།
- མོ་རྒྱུགས་ནས་སོང་སྟེ།
- གཤོག་སྒྲོ་ནས་བཟུང་སྟེ་ཕ་རོལ་མཐའ་ལ་འཕངས།
- དེ་ནས་དྲུད་ནས་འགྲོ་བ་དང་།
- འཕུར་མ་འཕུར་བྱས་ནས་ཕ་རོལ་ལ་སོང་ནས།
- སྒོང་ནས་བསྡད་དེ་བུད་སོང་།
- དེའི་ཚད་ལ་དགོང་མོ་ས་རུབ་ནས་ཡོང་དུས།
- ཡང་མོས་གྲྭ་སྒྲིག་བྱས་པ་རེད།
- ཡང་འགྲོ་དགོས་ཟེར་ནས་ལམ་ལ་ཆས་པ་རེད།
- ཡང་རྒྱལ་བོ་སོང་ནས་མི་རིག་ཞྭ་མོ་ནག་རིས་གོན་ནས།
- མགྱོགས་པ་ལྷམ་རྒན་སྐྱ་ལྡང་གོན་ནས།
- རྒན་མོའི་རྗེས་དེད་ནས་ཡང་རྒྱུགས་པ་རེད།
- ཡང་བྲག་མི་ལ་བརྒྱ་སྒོ་ཕྱེ་ཟེར་ནས།
- དེ་ལྟར་ཐེངས་འགའ་ལ་བོས་ནས་སྒོ་ཕྱེ་བ་རེད།
- ཨ་ཚ་ཨ་ཡ་ཨ་ན་ཟེར་ནས་ན་ཟུག་ལངས།
- ངས་ཁྱོད་ལ་མདང་དགོང་བཤད་ལ།
- ཙན་དན་དཀར་དམར་གྱི་མེ་དཔུང་བརྒྱག་ཏུ་མ་འཇུག
- གསེར་གྱི་སྨྱུ་གུ་ལག་ཏུ་མ་འཇོག་ཞེས་ངས་ཁྱོད་ལ་བཤད་ཡོད།
- ཁྱོད་འདི་ཅི་འདྲ་བ་ཞིག་རེད་ལ།
- རྒྱལ་བོ་དེ་ཚང་གི་སྲོག་ལེན་པ་ལས།
- ཅུང་ཙམ་ཞིག་ལས་ངའི་སྲོག་བླངས་པ་རེད།
- དེ་ནས་རྒྱལ་བོ་དེ་ཚང་གི
- བྲག་མི་ལ་བརྒྱ་ཡི་ཐབས་ཟད་སོང་བ་རེད།
- དེ་འདྲ་ཞིག་རེད།
Loading ... Collection:
Subcollection
- Northeastern Tibet (Amdo) Collections
Subject
- Folk Story
Recording Location
- Tsolho Tibetan Autonomous Prefecture
Language
- Amdo Group
Terms
- དམངས་ཀྱི་སྒྲུང
Time Period:
Creator:
Dudul Dorjee
Director:
Wangchok Bum
Editor:
Wangchok Bum
Cinematographer:
Wangchok Bum
Producer:
Tibetan & Himalayan Library
Cinematographer:
Tashi Gyal
Cinematographer:
Tsering Drolma
Editor:
Lhamo
Contributing Performer:
གུ་རུ་སེམས།
Contributing Transcriber:
Sangmo
Contributing Performer:
Guru Sem
Publisher:
Tibetan and Himalayan Library
Data Entry:
Copyright Owner:
Tibetan and Himalayan Library
Year Published:
2019
Visibility:
Public (group default)
Shanti AV Id:
20971
Versions:
Date Created:
Thursday, March 8, 2018
Digital Format:
video quicktime
Media Type:
Moving Image
Colors:
Color
