Video Overview
Aum Wangmo learned this song from her mother when she was young. She led the dance during the Chojam consecration. The song has retained popularity over the years, and is widely performed and known throughout Bhutan. It is not known who composed the song. In general, this song is about making offerings to the upper god, Tsen spirit, and Naga underground.
ཨམ་དབང་མོ་གིས་ གླུ་གཞས་འདི་ མོ་རའི་ཨའི་ལས་ ལྷབ་ཡོདཔ་མ་ཚད་ གཞོནམ་སྦེ་སྡོད་པའི་བསྒང་ མོ་ར་སྐྱོ་འགྱམ་ རབ་གནས་ཀྱི་སྐབས་ རྩེད་དཔོན་སྦེ་ཡང་ ཞབས་བྲོ་ཚུ་རྐྱབ་ཡོདཔ་ལས་ཞོར་ཁ་ལུ་ མོ་ར་གིས་ཤེས་ཡོདཔ་སྦེ་ སླབ་ཨིན་པས། གླུ་གཞས་འདི་ ག་གིས་བརྩམས་ཅི་ག་ ཁ་གསལ་སྦེ་ བཤད་ནི་མེད་རུང་ ཨམ་དབང་མོ་གིས་ མོ་རའི་ཨའི་ལས་ལྷབ་ཅི་ཟེར་ ཨིནམ་ད་ ད་རེས་ནངས་པ་ གླུ་གཞས་འདི་ རྒྱུན་མ་ཉམས་པར་འཐེན་སྲོལ་ཡོདཔ་ཨིན་མས། འདི་ཅོག་ར་འཐདཔ་པའི་ གླུ་གཞས་འདི་ ལུང་ཕྱོགསགཞན་ཁར་ལས་ཕར་ཡང་ འཐེན་སྲོལ་ཡོད་པའི་གླུ་གཞས་ཅིག་འབདཝ་ལས་ མི་མང་ཤོས་ཅིག་གིས་ ལེགས་ཤོམ་སྦེ་ ཤེས་དོ་ཡོདཔ་ཨིན་མས། དེ་འབདཝ་ལས་ ཉམས་ནིའི་ཉེན་ཁ་མེདཔ ཨིན་མས། བཅུད་དོན་འབད་བ་ཅིན་ གླུའི་མཆོད་པ་འདི་ སྟེང་ལྷ་དང་ བར་བཙན་ དེ་ལས་འོག་ཀླུ་ལུ་གླུ་ཚིག་གི་ཐོག་ལས་གླུའི་མཆོད་པ་ཕུལ་བའི་ ཚུལ་སྟོནམ་ཨིན་པས།
- དབང་མོ་ Wangmoགླུ་གར་ཁྲ་མོ་མི་ཕུལ། །གླུ་གར་ཁྲ་མོ་ཕུལ། །ཡོད་སྟེང་ཕྱོགས་ལྷ་ལུ་ཕུལ། །Offer not the beautiful song. If offered, then offer to the upper realm of the gods.
- དབང་མོ་ Wangmoལྷ་ཡི་བརྒྱ་བྱིན་དབང་པོ། །གླུ་གར་ཁྲ་མོ་གསན་དང། །གླུ་གར་ཁྲ་མོ་གསན། །Oh! Powerful God Jajin, Have a listen to the beautiful song then.
- དབང་མོ་ Wangmoགླུ་གར་ཁྲ་མོ་མི་ཕུལ། །གླུ་གར་ཁྲ་མོ་ཕུལ་ཡོད། །བར་ཕྱོགས་བཙན་ལ་ཕུལ། །Offer not the beautiful song. If offered, then offer to the middle Earth deities.
- དབང་མོ་ Wangmoབཙན་ཆེན་སྐྱིད་བུ་རླུང་ལྡན་(བཙན)། །གླུ་གར་ཁྲ་མོ་གསན་དང་། །གླུ་གར་ཁྲ་མོ་གསན། །Son of the middle earth deities, Lungtshen, Have a listen to this beautiful song.
- དབང་མོ་ Wangmoརི་ཅིག་གཡས་པའི་རི་ལས། །ས་ལུ་ཅིག་འཁྲུངས་ཡོད། །སུ་ལུ་ཅིག་འཁྲུངས། །From the right side of the ridges, The incense tree, Sulu grows.
- དབང་མོ་ Wangmoརི་ཅིག་གཡོན་པའི་རི་ལས། །བ་ལུ་ཅིག་འཁྲུངས་ཡོད། །བ་ལུ་ཅིག་འཁྲུངས། །From the left side of the ridges, The incense tree, Baru, grows.
- དབང་མོ་ Wangmoསུ་ལུ་བ་ལུ་འདྲ་བའི། །ལྷ་བསང་ཅིག་བཏང་ཡོད། །ལྷ་བསང་ཅིག་བཏང་། །In the middle of these incense trees, Offer the smoke offering of the gods.
- དབང་མོ་ Wangmoསངས་རྒྱས་བསྟན་པ་དར་བའི། །དར་མཆོག་ཅིག་འཕྱར། །སོང་དར་མཆོག་ཅིག་འཕྱར། །
- དབང་མོ་ Wangmoགླུ་གར་ཁྲ་མོ་མི་ཕུལ། །གླུ་གར་ཁྲ་མོ་ཕུལ། །ཡོད་འོག་ཕྱོགས་ཀླུ་ལ་ཕུལ། །
- དབང་མོ་ Wangmoཀླུ་ཆེད་དགའ་བ་འབྱོག་པོ། །གླུ་ལ་ཁྲ་མོ་གསན་དང་། །གླུ་གར་ཁྲ་མོ་གསན་དང་། །
- དབང་མོ་ Wangmoརི་ཅིག་གཡས་པའི་ལོག་ལས། །ས་ལུ་ཅིག་འཁྲུངས་ཡོད། །ས་ལུ་ཅིག་འཁྲུངས། །
- དབང་མོ་ Wangmoརི་ཅིག་གཡོན་པའི་ལོག་ལས། །བ་ལུ་ཅིག་འཁྲུངས་ཡོད། །བ་ལུ་ཅིག་འཁྲུངས། །
- དབང་མོ་ Wangmoས་ལུ་བ་ལུ་འདྲ་བའི། །ལྷ་བསང་ཅིག་བཏང་སོང་། །ལྷ་བསང་ཅིག་བཏང་། །
- དབང་མོ་ Wangmoསངས་རྒྱས་བསྟན་པ་དར་བའི། །དར་མཆོག་ཅིག་འཕྱར། །སོང་དར་ཕྱོགས་ཅིག་འཕྱར། །
- དབང་མོ་ Wangmoའ་ནེམ་ཅིག་ཨིན་ལགས།
- ཡེ་ཤེས་དབང་ཕྱུག་ Yeshi Wangchukལགས་སོ་ ཨ་ནཱི་ཡང་ ཁྱོད་རའི་ཨའི་ལས་ལྷབ་ལྷབ་ཨིན་ན?
- དབང་མོ་ Wangmoཨིན་ལགས་ ང་རའི་ཨའི་གིས་སྟོན་སྟོནམ་ ཧེ་མ་ངེའི་ཨའི་གིས་ཡང་ ཞབས་བྲོ་འཐེན་འོང་ལགས།
- ཡེ་ཤེས་དབང་ཕྱུག་ Yeshi Wangchukའེང་ལགས་སོ་ ནཱ་གི་རབ་གནས་?
- དབང་མོ་ Wangmoའོང་ ང་བཅས་ཀྱི་རབ་གནས་ནང་།
- ཡེ་ཤེས་དབང་ཕྱུག་ Yeshi Wangchukསྐབས་ལུ་ཡ་ལགས་?
- དབང་མོ་ Wangmoའོང་ལགས། ཧེ་མ་འདི་ང་གིས་འཐེན་འོང་ལགས་ རྩེད་དཔོན་སྦེ་ཡང་ ད་བརྗེད་སོང་ནུག་ལགས།
- ཡེ་ཤེས་དབང་ཕྱུག་ Yeshi Wangchukའེང་་་ ཨ་མ་ཁྱོད་ར་ཡང་ རྩེད་དཔོན་ཨིན་ན་ལགས?
- དབང་མོ་ Wangmoའོང་་་ རྩེད་དཔོན་སྦེ་འཐེན་འོང་ལགས་ ཧེ་མ་མར་ལུ་ དེ་འབདཝ་ད་ རྒན་ཤོས་འགྱོ་སྟེ་ མ་ཎི་རེ་འགྱངས་ན་མ་གཏོགས་ ཞབས་བྲོ་ཚུ་རྣམ་རྟོག་མི་འོང་པས་ལགས།
Loading ... - Bhutan Cultural Library
- Bhutan
- ཞབས་བྲོའི་རོལ་དབྱངས
- གཞས་གདངས
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.