༉  པདྨ་དགའ་ཚལ་ངང་ལམ་ལས་རྟེན་འབྲེལ་གྱིས་ ཁོ་རའི་གཡུས་ངང་ལམ་གྱི་ལོ་རྒྱུས་ཚུ་བཤད་པ་རྐྱབ་སྟེ་ཡོདཔ་ད་ ཁོ་གིས་འབད་བ་ཅིན་ མཁར་དང་མོང་སྒར་ གདུང་མིན་དང་སྦི་མཁར་གྱི་གཡུས་ཚན་ཚུ་ལས་ མི་ཚུ་གཅིག་ཁ་སྦེ་འོང་སྟེ་ གཡུས་དང་ས་གནས་ཚུའི་མིང་བཏགས་པའི་སྐོར་ལས་བཤད་དོ་ཡོདཔ་མས། ཁོ་གི་གཡུས་ཚན་འདི་ ཚལ་མ་ལས་སྦེ་འགྱུར་བཅོས་འབད་དེ་ མི་སྡོད་སའི་གཡུས་ཚན་ཅིག་སྦེ་ ག་དེ་སྦེ་བཟོ་ཡི་ག་གི་སྐོར་ལས་བཤད་པ་ཨིནམ་ད་ ད་རུང་ དེ་བསྒང་གཞི་གསར་འོང་མི་ཚུའི་གྲལ་ལས་ ངང་ལམ་ལུ་ ཚོང་ཁང་འགོ་ཐོག་བཙུགས་མི་ ཁོ་ར་དང་ ཁོ་གི་ཆ་རོགས་དག་པ་ཅིག་ཡོདཔ་མ་ཚད་ སྣུམ་འཁོར་ལམ་དེ་ཡང་ ག་དེ་སྦེ་བསལ་ཡི་ག་ དེ་ལས་ཤུལ་ལས་ ད་རེས་ཀྱི་ཁྲོམ་ཆུང་འདི་ལུ་ ག་དེ་སྦེ་གོང་འཕེལ་འགྱོ་ཡི་གའི་སྐོར་ལས་བཤདཔ་ཨིན་པས།