Video Overview
༉ ཚེ་དབང་གིས་བཤད་མི་དང་འཁྲིལ་བ་ཅིན་ མགར་ས་རྫོང་ཁག་ ལ་གཡག་རྒེད་འོག་ གནས་ལུགས་ཟེར་མི་གཡུས་ཚན་འདི་ ཞབས་དྲུང་རིན་པོ་ཆེ་ འབྲུག་ལུ་བྱོན་པའི་སྐབས་ འགོ་དང་པ་ ལ་ཡག་ལུང་གསུམ་ལུ་ཕེབས་ད་ འགོ་དང་པ་ས་གནས་དེ་ཁར་ཞབས་ཀྱིས་བཅགས་ བྱིན་གྱིས་བསླབས་ཏེ་ གནས་ཀྱི་ལུང་བསྟན་གནང་གནངམ་འབད་ནི་འདི་གིས་ སའི་མིང་ཡང་ གནས་ལུགས་ཟེར་ བཏགས་ནུག་ཟེར་ཨིན་པས། མ་གཞི་ལུང་བསྟན་གནང་མི་ལས་བརྟེན་ཏེ་ ས་གནས་ཀྱི་མིང་ཆགས་ཆགསཔ་ཨིན་པ་ཅིན་ གནས་ལུགས་ཟེར་མེན་པར་ གནས་ལུང་ཟེར་འོང་དགོཔ་ཅིག་ཨིན་པས། ཨིན་རུང་ ལོ་རྒྱུས་སླབ་མི་དང་འཁྲིལ་བ་ཅིན་ དེ་སྦེ་བཏགས་བཏགསཔ་ཨིན་ཟེར་མ་གཏོགས་ འདི་གི་སྐོར་ལས་ཁ་གསལ་སྦེ་བཤད་ནི་མིན་འདུག དེ་ལས་ ཞབས་དྲུང་རིན་པོ་ཆེ་ས་གནས་དེ་ཁར་འགོ་དང་པ་ཕེབས་ད་ ཆུ་ཨོམ་ལུ་གྱུར་སོངཔ་ལས་ ད་རེས་གནས་ལུགས་གཡུས་ཁ་ལུ་ ཨོམ་ཆུ་ལྷ་ཁང་ཟེར་ ལྷ་ཁང་གཅིག་ཡང་ཡོདཔ་ཨིན་མས།
Neglug village in Laya Gewog (county) in Gasa Dzongkhag (district) was named by Zhabdrung after he passed through the locality in the year 1616. According to Tshewang, the village leader, the name of the village means "blessed place" because this was where Zhabdrung first arrived after entering Bhutan. When he arrived, it is believed water turned into milk. To commemorate this miracle, a temple was built at the location and was named "Omchu Lhakhang" (Temple of Milk).
- Laya
- ཚེ་དབང་། Tshewangལ་སོགས། ད་ གནས་ལོ་ཟེར་མི་འདི་ ཏེ་ ད་ ང་བཅས་ར་ ད་རིས་ནངས་པ་ ཁའི་བརྗོད་སྒྲ་འབད་བ་ཅིན་ གནས་ལོ་ཟེར་སླབ་ད་མས་ དང་ཕུ་ཞབས་དྲུང་ཁོ་རང་བྱོན་པའི་དུས་ལུ་འབད་བ་ཅིན་ གནས་ལུགས་ཟེར།
- ཚེ་དབང་། Tshewangཏེ་ ཞབས་དྲུག་་ིན་པོ་ཆེ་ཁོ་ར་ ཏེ་ བོད་ལས་བྱོན་འདི་གི་སྦེ་ ང་བཅས་ར་དཔལ་ལྡན་འབྲུག་པའི་ ཁ་ལྷོ་ལུ་ ཆིབས་ཁ་ལྷོ་ལུ་བྱོན་འདི་གི་སྦེ་ ལ་ཡག་ལུང་གསུམ་འདི་ནང་ལྷོདཔ་ད་ལུ།
- ཚེ་དབང་། Tshewangགནས་ལུགས་ཟེར་སླབ་མི་ ངོ་མ་འདི་ གནས་ཀྱི་ འགོ་དང་པ་ ཞབས་དྲུང་རིན་པོ་ཆེ་གིས་ ཁོ་ར་གི་སྐུ་འདྲ་ངོ་མ་བཞེངས་འདི་གི་སྦེ་ དེ་ནང་གནས་ ང་ོམ་འདི་དེ་ནང་བཅགས་ད་ནི་གིས་ གནས་ལུགས་ཟེར་ གནས་ལུགས་ཀྱི་ ལུང་བསྟན་གནང་འདི་གིས་ གནས་ལུགས་ཟེར་སླབ་མི་འདི་ འདི་ཨིན།
- ཚེ་དབང་། Tshewangའདི་ནང་ལུ་ ང་བཅས་ར་ཡར་ ཨོམ་ཆུ་ལྷ་ཁང་ཟེར་མི་འདི་ནང་ལུ་ ཆུ་ཨོམ་ནང་འཛུལཝ་ ཞབས་དྲུང་རིན་པོ་ཆེ་ཁོ་ར་བྱོན་པའི་བསྒང་ གནམ་མེད་ས་མེད་ ཉིནམ་འཇའ་གི་འགོར་ གནམ་མེད་ས་མེད་རྟག་དང་རྟེན་འབྲེལ་ལེགས་ཤོམ་ ཡོད་པའི་རྟག་མཚན་ཡོད་པའི་ གནམ་མེད་ས་མེད་ཡོད་པའི་ལོ་རྒྱུས་ ཕམ་རྒན་ཤོས་ཀྱིས་སླབ་འདི་འདུག།
- ཚེ་དབང་། Tshewangད་རིས་ནངས་པ་འབད་རུང་ ཨོམ་ཆུ་ལྷ་ཁང་བཀྲ་ཤིས་ལྷ་ཁང་ཟེར་ ཨོམ་ཆུ་ལྷ་ཁང་ཟེར་མི་འདི་ དང་ཕུ་འབད་བ་ཅིན་ ཆུང་ཀུ་ཅིག་ཡོད་ནི་འདི་གིས་ ད་རིས་ནངས་པ་ ང་བཅས་ར་བཀྲཤིས་ལྷ་ཁང་ཟེར་མི་འདི་ གནམ་མེད་ས་མེད་རྒྱས་ཤིང་རྒྱསཔ་ མ་བཏུབ་བཏུབ་སྦེ་ ནས་སྦེ་བཞེངས་འདི་ཡོད།
- ཚེ་དབང་། Tshewangའདི་ནང་ལུ་ ཞབས་དྲུང་རིན་པོ་ཆེ་ཁོ་ར་བྱོན་པའི་བསྒང་གི་ སྐུ་འདྲ་འདི་ད་ལྟོ་ཡང་ ང་བཅས་རའི་ སྐུ་འཁོར་འབྱོན་རུང་བྱོན་ ང་བཅས་རའི་ འབྲུག་རྒྱལ་ཁབ་ཀྱི་ མི་སེར་ཆེ་འབྲིང་ཆུང་གསུམ་ དཔོན་ཁག་ག་ཅི་རང་འབྱོན་རུང་ ང་བཅས་ར་འདི་ནང་ཞལ་མཇལ་ ང་རང་བྱིན་གྱིས་བརླབས་པའི་ས་འདི་ལུ་ གནམ་མེད་ས་མེད་རྩིས་མཐོང་བསྐྱེད་འདི་རང་དེ་སྦེ་ཡོད།
- ཚེ་དབང་། Tshewangད་ལྟོ་ཚན་ཚད་འབད་རུང་ཡང་ དེ་སྦེ་རང་ཡོད། ད་ལས་ཕར་འབད་རུང་ ང་བཅས་ར་ ང་བཅས་ལ་ཡག་རྒེད་འགོ་གི་ མི་སེར་ག་ར་གྱི་ཁོང་སྟེ་ལས་ ང་བཅས་ལ་ཡག་རྒེད་འགོ་འདི་ནང་ལུ་ ཞབས་དྲུང་རིན་པོ་ཆེ་བྱོན་བྱོནམ་གི་ ས་སྒོ་ཅིག་འབད་ནི་འདི་གིས། ད་ལྟོ་ཚན་ཚད་ ང་བཅས་ར་ཚོགས་བསགས་གྲིབ་བྱང་ གནམ་མེད་ས་མེད་དགའ་བ་དང་སྐྱིད་པ་ཡོད་མི་འདི་ ཞབས་དྲུང་རིན་པོ་ཆེ་གིས་ ཐུགས་སྨོན་ལས་ ཨིན་མནོ་འདི་གི་ ང་བཅས་ར་མནོ་བསམ་འདི་བཏང་འདི་ཡོད།
- ཚེ་དབང་། Tshewangད་ང་བཅས་རང་ མནོ་བསམ་བཏང་དོ་བཟུམ་སྦེ་རང་ དེ་སྦེ་འབད་འབད་འོང་མནོ་བའི་རེ་བ་ ང་བཅས་ར་ ད་ལྟོ་ཚན་ཚད་དེ་སྦེ་ཡོད་ ད་ལས་ཕར་འབད་རུང་ཡང་ གནམ་མེད་ས་མེད་དགའ་བ་དང་སྐྱིད་པའི་ངང་ལུ་ ཞབས་དྲུང་རིན་པོ་ཆེ་ཁོ་རང་གི་ ཐུགས་སྨོན་ལས་བརྟེན་དེ་གིས་སྦེ་ ད་ལྟོ་ཚན་ཚད་ཡང་དེ་སྦེ་རང་ཡོད།
- ཚེ་དབང་། Tshewangདོ་རུང་ནི་སྦེ་རང་ འབད་འོང་མནོ་བའི་ རེ་བ་དང་ དེམ་མ་མ་ཚད་ ང་བཅས་ར་ ཞབས་དྲུང་རིན་པོ་ཆེ་ཁོ་ར་གིས་ ཐུགས་སྨོན་ལས་བརྟེན་འདི་གིས་སྦེ་ ང་བཅས་ལྷོ་མོན་ཁ་བཞི་ནང་ལས་ བྱང་སྟག་རྩི་སྒང་ཟེར་མི་ ང་བཅས་ལ་ཡག་རྒེད་འོག་ནང་ལུ་ཕོག་ནི་འདི་གིས་ འདི་ནང་ལས་ང་བཅས་གནམ་མེད་ས་མེད་ ང་བཅས་ར་སྐལ་བ་བཟངམ་ཨིན་མས་ཟེར་ཞུ་ནི།
- ཚེ་དབང་། Tshewangདེ་དང་འབྲེལ་འདི་གི་སྦེ་ ང་བཅས་ར་ལ་ཡག་གི་རྒེད་འོག་གི་ ཆོས་འབད་རུང་གནམ་མེད་ས་མེད་ དད་པ་ཡོདཔ་དང་ དད་པ་དམ་ཚིག་སྐྱེད་དེ་གིས་སྦེ་ ཆོས་ལུ་གནམ་མེད་ས་མེད་ བརྩི་མཐོང་སྐྱེད་དེ་གིས་སྦེ་ ནང་པ་སངས་རྒྱས་པའི་ཆོས་ ངོ་ཤེས་པའི་མི་ཅིག་ཨིན།
- ཚེ་དབང་། Tshewangདེ་མ་ཚད་ སྔར་སྲོལ་ལམ་ལུགས་འབད་རུང་ ང་བཅས་རང་ གྱོན་ཆས་ཀྱི་རིགས་རྣམས་འབད་རུང་ ག་ཅི་རང་འབད་རུང་ ཞབས་དྲུང་རིན་པོ་ཆེ་ཁོ་ར་ བྱོན་པའི་དུས་ལས་ཀྱི་བཟུམ་སྦེ་རང་ ད་ལྟོ་གནམ་མེད་ས་མེད་བརྩི་མཐོང་སྦེ་ རྒྱས་ཞིང་རྒྱསཔ་སྦེ་རང་ དེ་སྦེ་རང་བརྩི་འདི་གི་རང་ཡོད།
- ཚེ་དབང་། Tshewangད་ལས་འབད་རུང་ ང་བཅས་ཀྱི་ དུས་ད་ལྟོ་ཚན་ཚད་ཡོད་མི་འདི་ ཉམས་མ་བཅུག་པའི་ རེ་བ་འདི་ང་བཅས་ལུ་ཡོད་ དེ་མ་ཚད་མི་ཉམས་ནི་གི་ མནོ་བསམ་འདི་ཡང་ ང་བཅས་ལུ་ཡོད།
- ཚེ་དབང་། Tshewangཉམས་པ་ཅིན་འདི་ལུ་ ང་བཅས་ཀྱི་རྒྱབ་སྐྱོར་ཡང་ ང་བཅས་རྒེད་འོག་གི་ཧོང་ཏོག་ལས་ གནམ་མེད་ས་མེད་ལེགས་ཤོམ་འཕུལ་ཞིན་ན་ལས་ མར་ཉམས་པ་གཙོ་ཡར་ཕར་གོང་འཕེལ་གཏང་ནི་འདི་ མནོ་བསམ་འདི་ངབཅས་ལུ་ཡོད།
- ཚེ་དབང་། Tshewangད་ གནམ་མེད་ས་མེད་རྒྱས་ཤིང་རྒྱསཔ་མ་ཤེས་རུང་ ཞབས་དྲུང་རིན་པོ་ཆེ་ཁོ་ར་ བྱོན་པའི་དུས་ལས་རང་ གནམ་མེད་ས་མེད་དེ་སྦེ་འདུག། དེ་ནང་ལས་ ད་ཆོས་ཀྱི་བསྟན་པ་དར་ནི་དང་ ང་བཅས་རའི་རྒྱལ་ཁབ་ཀྱི་ ལོངས་སྤྱོད་ཕུན་སུམ་ཚོགས་ཏོག་ཏོ་སྦེ་ འབད་ནི་དང་ ང་བཅས་ལ་ཡག་རྒེད་འོག་འདི་ སྔར་ལས་གནམ་མེད་ས་མེད་དར་ཤིང་རྒྱས་བཅུག་མནོ་བའི་ རེ་བ་དང་ ད་ ང་ལས་གནམ་མེད་ས་མེད་ རྒྱས་ཤིང་རྒྱསཔ་ཞུ་ནི་མེད་ འདི་ལུ་མདོར་བསྡུས་ཞུ་མི་འདི་ལུ་ བཀའ་དྲིན་ཆེ་ཟེར་ཞུ་ནི་ཨུན་ལགས།
Loading ... - Oral Traditions
- Community History
- Laya
- Laya
- Dzongkha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.