༉  ཨེ་མོ་ལན་གཅིག་གསུངས་ལ་ཟེར་བའི་གླུ་གཞས་འདི་ ལྷུན་རྩེ་རྫོང་ཁག་ཁོ་མ་རྒེད་འོག་ ཁོ་མ་གཡུས་ཚན་ནང་ལས་ཨིན་མི་ཚེ་རིང་སྒྲོལ་མ་གིས་འཐེན་ཏེ་ཡོདཔ་ཨིན། གླུ་གཞས་འདི་འབོད་སྒྲ་རྙིང་ཤོས་ཅིག་ཨིནམ་མ་ཚད་རང༌ལུགས༌གླུ༌གཞས༌གཡུས་ཚན་ནང་ཡོངས༌གྲགས༌ཅན༌ཅིག༌ཡང༌ཨིན༌མས། གླུ༌གཞས་འདི༌གིས༌ མཁའ༌འགྲོ༌འགྲོ༌བ༌བཟང༌མོའི་སྲས༌ ཀུན༌ཏུ༌ལེགས༌པ༌དང༌སྲསམོ༌ཀུན༌ཏུ༌བཟང༌མོ༌གཉིས༌ཀྱི༌བར༌ནའི༌བར༌ཆད༌དང༌དཀའ༌སྡུག༌མྱོང༌ཡོད༌མི༌ཚུ༌བཤད༌པ༌རྐྱབ༌སྟེ༌ཡོདཔ༌ཨིན། དེ་ཡང༌ མི༌ལོ༌ ༡༤༠༠ དེ༌ཅིག༌གི༌ཧེ༌མ༌ལྷོ༌མོན༌གཡུས༌ལུ༌སངས༌རྒྱས༌ཀྱི༌བསྟན༌པ༌དར༌ཁྱབ༌བཏང༌མི༌མཁའ༌འགྲོ༌འགྲོ༌བ༌བཟང༌མོའི༌རྟོགས༌བརྗོད༌ལུ༌གཞི༌བཞག༌སྟེ༌བརྩམས༌ནུག ལྷ༌སྲས༌དང༌ལྷ༌སྲསམོ༌གཉིས༌ ཨམ༌ཅུངམ༌བདུདམོ༌ཧ༌ཅང༌མའི༌འོག༌ལུ༌ཚད༌མེད༌པའི༌དཀའ༌སྡུག༌མྱོང༌ཡོདཔ༌ད༌ གཞན༌ཡང༌བདུདམོ༌འདི༌གི༌གདུག༌རྩུབ༌ཆེ༌བའི༌ལཱ་ལས་བརྟེན་ མཁའ་འགྲོ་ཡང་ལྷ་ཡུལ༌ལུ༌འཕུར༌བྱོན༌སོངཔ༌ཨིན༌མས། དེ་འབདཝ༌ལས༌ གླུ༌གཞས་འདི༌ཡང༌བདུདམོ༌ཧ༌ཅང༌གི༌ལྷ༌སྲས༌མ༌སྨད༌ཚུ༌ལུ༌ངན༌སྤྱོད་འབད་བའི་སྐོར་ལས་སྟོན་དོ་ཡོདཔ་ཨིནམ་དང་ གླུ་གཞས་འདི་ནང་མཁའ་འགྲོ་ལུ་དུས་གསུམ་གྱི་ལུང་བསྟན་བྱུང་ཡོད་པའི་སྐོར་ལས་ཡོདཔ་ད་ དུས་སྔ་མ་སྐབས་ལུ་རྒྱལཔོ་ཀ་ལ་དབང་པོ་གྲོགས་སྦེ་བསྟེན་ བར་དུས་ལུ་སྲས་དང་སྲསམོ་འཁྲུངས་ དེ་ལས་ཕྱི་དུས་ལུ་བདུདམོ་ཧ་ཅང་གིས་བར་ཆད་སྦོམ་རྐྱབ་དཔ་ལས་ ནུབ་ཕྱོགས་མཁའ་འགྲོའི་གླིང་ལུ་ཆོས་སྟོན་པར་འཕུར་བྱོན་བྱོནམ་ཨིན་མས། དེ་འབད་ནི་དེ་གིས་ལྷ་སྲས་དང་སྲསམོ་གཉིས་བདུདམོ་ཧ་ཅང་གིས་སྲོག་དང་འབྲལ་བའི་འཇིགས་སྐྲག་འབད་དེ་ དཀའ་སྡུག་དྲག་པོ་མྱོང་དགོཔ་བྱུང་ནུག ཁོ་མ་གཡུས་ཚན་ནང་ཧེ་མ་ལས་ཡོད་པའི་གླུ་གཞས་རྙིང་ཤོས་ཅིག་ཨིནམ་ད་ ཡོངས་གྲགས་ཅན་ཅིག་མེན་རུང་ ད་རེས་ནངས་པར་ཕམ་རྒན་ཤོས་ཚུ་གིས་ དུས་སྟོན་དང་ལོ་མཆོད་ དེ་ལས་ལཱ་འབད་བའི་སྐབས་ཡང་འཐེན་དོ་ཡོདཔ་ཨིན།