17 Aug 2018
8 min 9 sec
Video Overview
Creators:
Dudul Dorjee, Tibetan & Himalayan Library
འདི་ནི་རི་བོང་གི་ཨ་མ་དྲེད་མོང་གིས་བསད་པས་བློ་ཐབས་ལ་བརྟེན་ནས་དགྲ་ཤ་བླངས་པའི་གཏམ་རྒྱུད་ཅིག་ཡིན།
གཏམ་རྒྱུད་འདིའི་ནང་དུ་རི་བོང་གི་ཨ་མ་དྲེད་མོང་གིས་བསད་པས་རི་ཕྲུག་གིས་དྲེད་ཕྲུག་བསད། ཨ་མ་དྲེད་མོང་གིས་ཁོ་བདའ་འོངས་པར་ཁོས་ལུག་རྫི་ནོར་རྫི་རྟ་རྫི་སོགས་ལ་སྐྱབས་བཅོལ་ཞིང་མཐར་འབྲོང་ལ་སྐྱབས་བཅོལ་ནས་དྲེད་མོང་བསད་ཅིང་། འབྲོང་ཡང་བསད་དེ་ཚོང་བ་ཞིག་ལ་འབྲོང་ཤ་ལེན་དུ་སོང་ཞེས་ཚོང་བའི་མགོའང་བསྐོར་ཡོད།
这是关于兔子的妈妈被雌熊杀害后,小兔子智斗雌熊为母报仇的故事。
这个故事主要讲述了兔子的妈妈被雌熊杀害后,小兔子智斗雌熊为母报仇的故事。小兔子被母熊追杀的时候求救于牧羊人、牧马人等。最后,在野牦牛的帮助下杀死了母熊。小兔接着杀死了野牦牛还欺骗商人, 让商人去取野牦牛的肉。
The story of a little rabbit who takes revenge for her mother's death with the help of a wild yak, then kills the wild yak.
- སྟག་འབུམ་རྒྱལ།གནའ་ཞིག་ལ།
- དྲེད་མོང་ཚང་ཞིག་ཡོད་པ་རེད།
- རི་བོང་ཚང་ཞིག་ཡོད་པ་རེད།
- གཉིས་ཀ་ར་སྐོར་གཅིག་གི་ནང་དུ་བསྡད་པ་ཡིན།
- དེ་ནས་ཉིན་ཞིག་ལ།
- དྲེད་མོང་དང་རི་བོང་གཉིས་གྲོ་མ་བཏུ་རུ་སོང་།
- དེ་ནས་རི་བོང་གིས་ཨ་མ་དྲེད་མོང་།
- ངས་གྲོ་མ་འབྲོང་མགོ་འདྲ་བ་ཞིག་རྙེད་ལ་ཟེར།
- ང་བྱིན་དང་མི་སྟེར་ན་ཟ་རྒྱུ་ཡིན་ཟེར།
- དེ་ནས་བྱིན་པ་རེད།
- དེ་ནས་ཨ་མ་དྲེད་མོང་ངས་གྲོ་མ་རྟ་མགོ་འདྲ་བ་ཞིག་རྙེད་ལ་ཟེར།
- ང་བྱིན་དང་ང་ལ་མི་སྟེར་ན་ཟ་རྒྱུ་ཡིན་ཟེར།
- དེ་ནས་བྱིན་པ་རེད།
- བར་ཞིག་ལ།
- ཨ་མ་དྲེད་མོང་ངས་གྲོ་མ་རྟེའུ་མགོ་འདྲ་བ་ཞིག་རྙེད་ལ་ཟེར།
- ང་ལ་བྱིན་དང་མི་སྟེར་ན་ཟ་རྒྱུ་ཡིན་ཟེར།
- ཟ་རྒྱུ་ན་ཟོ་དང་ངས་མི་སྟེར་ཟེར།
- དེ་ནས་དྲེད་མོང་གིས་རི་བོང་ཟོས་པ་རེད།
- ཕྱི་དྲོ་དྲེད་མོང་ཡུལ་ལ་ཐོན་པ་རེད།
- རི་ཕྲུག་གི་ཨ་མ་མ་ཡོང་བ་རེད།
- དེ་ནས་རི་ཕྲུག་གིས་ལྐོག་ཉན་བྱས་དུས།
- གན་རི་བོང་ཨ་མའི་ལག་པ་རེད།
- གན་རི་བོང་ཨ་མའི་རྐང་བ་རེད་ཅེས།
- དེ་ལྟར་དྲེད་ཕྲུག་ལ་བཤད་བཞིན་ཡོད།
- དེ་ནས་ཁོ་ཡིས་ཨ་མ་དྲེད་མོང་གིས་བསད་པ་ཤེས་ནས།
- ལྐོག་ཏུ་ངན་ཞིག་བྱེད་འདོད་ནས།
- ལྐོག་ཏུ་དེ་ལྟར་བསྡད་ནས།
- ནངས་མོར་དྲེད་མོང་ཕྱིར་གྲོ་མ་བཏུ་རུ་འགྲོ་དུས།
- དྲེད་ཕྲུག་ལ་དེ་ལྟར་བཤད།
- དེ་རིང་རི་ཕྲུག་གིས་ངེད་གཉིས་རྩེད་ཟེར་ངེས།
- གྲི་རྩེད་བྱེད་ཟེར་ངེས།
- དེ་ལྟར་ཨ་མས་མ་རྩེད་ཟེར་ཞེས་ཤོད་དང།
- ངེད་གཉིས་འབིག་རྩེད་བྱས་ནས་རྩེད་ཟེར།
- ངའི་ཨ་མའི་དེ་ལྟར་མ་རྩེད་ཟེར།
- ངེད་གཉིས་ཐབ་ཐོག་ནས་སྦྱང་ནས་རྩེད་ཟེར།
- དེ་ལྟར་ཨ་མས་མ་རྩེད་ཟེར།
- དེ་ལྟར་བཤད་ནས་བུད་སོང་།
- དེ་ནས་ཤུལ་ནས་ཁོ་དྲེད་ཕྲུག་ཡོད་སར་སོང་ནས།
- ངེད་གཉིས་རྩེད་ཟེར།
- ངེད་གཉིས་གྲི་རྩེད་བྱས་ནས་རྩེད་ཟེར།
- དེ་ལྟར་ཨ་མའི་མ་རྩེད་ཟེར།
- ངེད་གཉིས་འབིག་རྩེད་བྱས་ནས་རྩེད་ཟེར།
- དེ་ལྟར་ཨ་མས་མ་རྩེད་ཟེར།
- ངེད་གཉིས་ཐབ་ཐོག་ནས་སྦྱངས་ནས་རྩེད་ཟེར།
- དེ་ལྟར་ཨ་མས་མ་རྩེད་ཟེར་།
- དེ་ན་ངེད་གཉིས་ལག་བསྐོར་རྦབ་རྦབ་རིལ་ནས་རྩེད་ཟེར།
- དེ་ཆོག་སྟེ་ངའི་ཨ་མའི་དེ་ལྟར་མ་རྩེད་མི་ཟེར་གི
- དེ་ནས་གཉིས་ཀས་ལག་བསྐོར་ཁྱེར་ནས་སོང་སྟེ།
- ངོས་ཞིག་ནས་རྦབ་རྦབ་རིལ་ནས།
- དྲེད་ཕྲུག་རྦབ་རྦབ་བྱས་ནས།
- རི་ཕྲུག་སྦས་ནས་བསྡད་དེ།
- རིལ་རིལ་བྱས་ཏེ་བརྐྱང་ནས་དེ་ལྟར་བྱས།
- བར་ཞིག་ལ་དྲེད་ཕྲུག་ཁྱོད་དེ་ལྟར་སྡོད་ལ།
- ཁོས་རྦབ་རྦབ་བྱེད་ཟེར།
- དྲེད་ཕྲུག་གིས་ཡ་ཡ་ཟེར།
- དྲེད་ཕྲུག་སྦས་ནས་བསྡད་དེ།
- རི་ཕྲུག་གིས་རྦབ་རྦབ་བྱས་ནས།
- རྦབ་རྦབ་བྱས་ནས་ཐོན་དུས།
- དྲེད་ཕྲུག་བརྐྱང་དུ་བཅུག་ནས།
- མགོ་ཡི་དཀྱིལ་ལ་བརྒྱབ་ནས་བསད་པ་རེད།
- དེ་ནས་ཁོ་བྲོས་སོང་།
- བྲོས་ནས་སོང་།
- བྲོས་ནས་སོང་སྟེ་ལུག་རྫི་ཞིག་དང་འཕྲད།
- ཨ་ཁུ་ལུག་རྫི།
- ང་ཕ་ཞིག་ཡོད་ལ་གླག་གིས་བསད་ལ།
- མ་ཞིག་ཡོད་ལ་དྲེད་ཀྱིས་བསད་ལ།
- དྲེད་ཕྲུག་རྒྱ་ལུ་ང་ཡིས་བསད་ལ།
- ང་སྦས་ས་ཡོད་ན་སྦས་རན་རེད།
- རྐོང་ས་ཡོད་ན་རྐོང་རན་རེད།
- ངའི་རྗེས་ན་ཨ་མ་དྲེད་མོང་ཐོན་བཞིན་ཡོད་ཟེར།
- དེ་ནས་ཁོའི་ལུག་གི་བལ་ནང་དུ་འཛུལ་དང་ཟེར།
- དེ་ནས་ལུག་གི་བལ་ནང་དུ་སྦས་ནས་བསྡད་ཡོད་དུས།
- དྲེད་མོང་ཐོན་པ་རེད།
- ཐོན་ནས་ཨ་ཁུ་ལུག་རྫི།
- སྣ་ཅོར་ཅོར་ཅན་གྱི་ལག་སུག་ཐུང་ཐུང་ཅན་ཞིག་མ་མཐོང་ངམ།
- མ་རིག་མ་གོ་ཟེར་ན་ཟ་རྒྱུ་ཡིན་ཟེར།
- མཐོང་བ་ཡིན་ཏེ་རི་བོང་ཁ་ཤོ་ལ་དྲིས་ཟེར།
- དེ་ནས་བྲོས་སོང་།
- དེ་ནས་བྲོས་སོང་ནས་རྟ་རྫི་ཞིག་དང་འཕྲད།
- ཨ་ཁུ་རྟ་རྫི།
- ཕ་ཞིག་ཡོད་ལ་གླག་གིས་བསད་ལ།
- མ་ཞིག་ཡོད་ལ་དྲེད་ཀྱིས་བསད་ལ།
- དྲེད་ཕྲུག་རྒྱ་ལུ་ང་ཡིས་བསད་ལ།
- ངའི་རྗེས་ན་ཨ་མ་དྲེད་མོང་ཐོན་བཞིན་ཡོད་ཟེར།
- ང་སྦས་ས་ཡོད་ན་སྦས་རན་རེད།
- རྐོང་ས་ཡོད་ན་རྐོང་རན་རེད་ཟེར།
- ཁོ་རྟ་ཡི་རྔོག་མའི་ནང་དུ་འཛུལ་ཟེར།
- དེ་ནས་དྲེད་མོང་ཐོན་པ་རེད།
- སྣ་ཅོར་ཅོར་ཅན་གྱི་ལག་སུག་ཐུང་ཐུང་ཅན་ཞིག་མ་མཐོང་ངམ་ཟེར།
- དེ་ནས་མཐོང་བ་ཡིན་ལ་རི་བོང་ཁ་ཤོ་ལ་དྲིས་ཟེར།
- དེ་ནས་བྲོས་སོང་།
- བྲོས་ནས་སོང་སྟེ་ནོར་རྫི་ཞིག་དང་འཕྲད།
- ཨ་ཁུ་ནོར་རྫི།
- ང་སྦས་ས་ཡོད་ན་སྦས་རན་རེད།
- རྐོང་ས་ཡོད་ན་རྐོང་རན་རེད་ཟེར།
- ངའི་རྗེས་ན་ཨ་མ་དྲེད་མོང་ཐོན་བཞིན་ཡོད་ཟེར།
- དེ་ནས་ཁོ་གཡག་གི་རྩིད་པའི་ནང་དུ་འཛུལ་ཟེར།
- དེ་ནས་དྲེད་མོང་ཐོན་པ་རེད།
- ཨ་ཁུ་ནོར་རྫི།
- སྣ་ཅོར་ཅོར་ཅན་གྱི་ལག་སུག་ཐུང་ཐུང་ཅན་ཞིག་མ་མཐོང་ངམ་།
- མ་མཐོང་མ་གོ་ཟེར་ན་ཟ་རྒྱུ་ཡིན་ཟེར།
- དེ་ནས་མཐོང་བ་ཡིན་ལ་རི་བོང་ཁ་ཤོ་ལ་དྲིས་ཟེར།
- དེ་ནས་ཡང་ཁོ་བྲོས་སོང་།
- བྲོས་ནས་སོང་སྟེ་འབྲོང་ཞིག་དང་འཕྲད།
- དེ་ནས་ཨ་ཁུ་འབྲོང་།
- ཕ་ཞིག་ཡོད་ལ་གླག་གིས་བསད་ལ།
- མ་ཞིག་ཡོད་ལ་དྲེད་ཀྱིས་བསད་ལ།
- དྲེད་ཕྲུག་རྒྱ་ལུ་ང་ཡིས་བསད་ལ།
- ང་སྦས་ས་ཡོད་ན་སྦས་རན་རེད།
- རྐོང་ས་ཡོད་ན་རྐོང་རན་རེད།
- ངའི་རྗེས་ན་ཨ་མ་དྲེད་མོང་ཐོན་བཞིན་ཡོད་ཟེར།
- དེ་ནས་ཁོའི་སྣ་ནང་དུ་འཛུལ་ཟེར།
- རྗེས་ནས་ངས་ཧྭང་ཟེར་དུས་ཁྱོད་ཤོག་ཟེར།
- དེ་ནས་ཡ་ཡ་ཟེར།
- སྣ་ནང་དུ་འཛུལ་སོང་།
- དེ་ནས་དྲེད་མོང་ཐོན་པ་རེད།
- ཨ་ཁུ་འབྲོང་།
- སྣ་ཅོར་ཅོར་ཅན་གྱི་ལག་སུག་ཐུང་ཐུང་ཅན་ཞིག་མ་མཐོང་ངམ།
- མ་མཐོང་མ་གོ་ཟེར་ན་ཟ་རྒྱུ་ཡིན་ཟེར།
- ཟ་རྒྱུ་ན་ཟོ་དང་ཁོས་མ་མཐོང་ཟེར།
- དེ་ནས་དྲེད་མོང་ཁོའི་ཐོག་ཏུ་རྒྱུགས་ནས།
- འབྲོང་གིས་རྡུང་ནས་བསད་པ་རེད།
- དེ་ནས་ཧྭང་ཟེར་ནས་ཁྱོད་ཤོག་ཟེར།
- དེ་ནས་ཁོ་མར་བབས་ནས།
- ཨ་ཁུ་འབྲོང་ཁྱོད་སྡོད་དང་ངའི་ལྷམ་ལུས་སོང་ཟེར།
- ཕྱིར་སོང་ནས་ཉྭ་ཐོག་ཏུ་སོ་བཏབ་ནས་འབྲོང་བསད་པ་རེད།
- དེ་ནས་ཁོ་ཡོང་སྟེ་ཚོང་བ་ཞིག་དང་འཕྲད།
- ཚོང་བ་ཞིག་དང་འཕྲད་པས།
- ཕ་ཞིག་ཡོད་ལ་གླག་གིས་བསད་ལ།
- མ་ཞིག་ཡོད་ལ་དྲེད་ཀྱིས་བསད་ལ།
- དྲེད་ཕྲུག་རྒྱ་ལུ་ང་ཡིས་བསད་ལ།
- ཕ་རོལ་གན་ནས་འབྲོང་ཞིག་བསད་ལ།
- འབྲོང་ཤ་ལེན་དུ་ཚོང་བ་འགྲོ་རྒྱུ་ཨེ་ཡིན་ཟེར།
- དེ་ནས་ཚོང་བ་དེ་འབྲོང་ཤ་ལེན་དུ་བུད་སོང་།
- དེ་ནས་ཤུལ་ནས་ཚོང་བ་དེའི་བྲོ་རྐུས་ནས་ཟོས་ཏེ།
- ཁོ་ཡིས་དག་སེལ་བྱས་ནས།
- ཕ་ཞིག་ཡོད་ལ་གླག་གིས་བསད་ལ།
- མ་ཞིག་ཡོད་ལ་དྲེད་ཀྱིས་བསད་ལ།
- དྲེད་ཕྲུག་རྒྱ་ལུ་ང་ཡིས་བསད་ལ།
- ཕ་རོལ་གན་ནས་འབྲོང་ཞིག་བསད་ལ།
- འབྲོང་ཤ་ལེན་དུ་ཚོང་བ་བུད་ཐལ།
- ཚོང་བ་གན་ཐན་ལྟས་ཡིན་པར་ལྟོས་དང་ཟེར།
- ཚར་སོང་།