བརྙན་ཐུང་འདི་ནི་མདོ་སྨད་མང་འབའ་བྱ་གསུམ་གྱི་ཡ་གྱལ་མང་ར་ས་ཆའི་བོད་ཀྱི་སྲོལ་རྒྱུན་ལྟར་འཁྲབ་པའི་མནའ་མ་སློང་ཚུལ་ཞིག་ཡིན་ལ། མནའ་མ་སློང་མཁན་བར་བ་གཉེན་ཚང་གི་ཁྱིམ་དུ་འབྱོར་རྗེས་དང་པོར་གཉེན་ཚང་གི་མི་རྒྱུད་དང་ཕ་མ་བཅས་པར་བསྟོད་པ་བྱས་པ་དང་། དེ་ནས་ཡང་རིམ་བཞིན་བུ་དང་བུ་མོ་གཉི་ག་རང་དབང་རང་འཐད་ཡིན་པས་བུ་བུ་མོའི་འདོད་ཐོག་ལ་བཞག་ན་བཟང་རབས་སོགས་བཤད་དེ། གཉེན་ཚང་ལ་བུ་མོ་སྟེར་བའི་སྐུལ་མ་བྱེད་པ་རེད། ཡང་གཉེན་ཚང་གིས་སྤྱིར་བུ་མོ་འདི་གཞན་ལ་སྟེར་འདོད་མེད་མོད། བར་བ་ཁྱེད་ལྟ་བུ་ཞིག་ཡོང་ན་མི་སྟེར་ཟེར་སྲོལ་མེད་ཀྱང་ད་དུང་ཡུལ་ཕ་མ་དང་བུ་མོ་ལ་འདང་རྒྱག་པའི་དུས་ཡུན་ཞིག་དགོས་ཚུལ་བརྗོད་དེ། དེ་རིང་བུ་མོ་ཕྱིར་སྤྲོད་དགོས་པར་བརྗོད་ཡོད་པ་རེད། དེ་ནས་ཡང་བར་བ་ཉིད་ཀྱིས་དེ་རིང་བུ་མོ་ཕྱིར་སྤྲད་དེ་འདང་རྒྱག་པའི་དུས་ཚོད་བྱིན་ལོས་ཆོག གལ་ཏེ་བུ་མོ་ཕྱིར་གནས་ལ་བྲོས་ན། ཐེངས་རྗེས་མར་གཉེན་ཚང་གིས་མི་སྟེར་ཟེར་མི་ཉན་ཞེས་ཚིག་རྩ་དགག་པ་དང་། ད་དུང་ཡང་མུ་མཐུད་དུ་བུ་མོ་སློང་དུ་ཡོང་རྒྱུའི་འདོད་ཚུལ་བཤད་པ་རེད། ཡང་གཉེན་ཚང་གིས་བུ་མོ་ཕྱིར་འགྲོ་མི་སྲིད་པ་དང་། བུ་མོ་སྟེར་མི་ཐུབ་ཚུལ་སོགས་བརྗོད་ཡོད། བུ་མོའི་ཨ་མས་ཀྱང་སྤྱིར་བུ་མོ་འདི་གཞན་ལ་མནའ་མར་སྟེར་རྩིས་མེད་པ་དང་། བུ་མོའི་ཨ་ཕའི་བསམ་ཐོག་ཏུ་འཇོག་པ་ལས། རང་ཉིད་ལ་དེ་ལས་ལྷག་པའི་བཀོད་པ་དང་བསམ་བློ་མེད་ཚུལ། བར་བ་ཁྱེད་ཀྱང་ཁོང་ཁྲོ་ལངས་མི་ཉན་པ་དང་བུ་མོ་ཡང་བསྐྱར་གནས་ལ་བྲོས་ན་རྗེས་མར་ཡང་བསྐྱར་གྲོས་བྱས་ཆོག་ཚུལ་བརྗོད་ཡོད། ཕྱི་ཉིན་ཞོགས་པར་ཁྱིམ་གྱི་ཀ་བའི་སྟེང་དུ་ཁ་བཏགས་ཞིག་དཀྲིས་ཡོད་པས་བུ་མོ་ཡང་བསྐྱར་གནས་ལ་བྲོས་པ་ཚོར་རྟོགས་བྱུང་བ་དང་། བུ་མོ་རང་འཐད་ཡིན་ཚུལ་བསྟན་ཏེ་བརྙན་ཐུང་འདིའི་མཇུག་བསྡུས་ཡོད། སྤྱིར་མདོ་སྨད་ཨ་མདོའི་ཕྱོགས་ཀྱི་སྲོལ་རྒྱུན་ལྟར་ན། བུ་མོ་གནས་ལ་བྲོས་རྗེས་བར་བ་གཉེན་ཚང་དུ་མནའ་མ་སློང་བར་ཡོང་བ་དང་། གཉེན་ཚང་གིས་ཀྱང་ཉིན་དང་པོར་མནའ་མ་མི་སྟེར་བར་ནང་ཕུ་ནུ་དང་ཁྱིམ་རྒྱུད་ཀྱི་ངོ་སོ་སྲུང་བ་དང་། བུ་མོའི་གལ་ཆེའི་རང་བཞིན་དང་ཕ་མའི་བྱམས་བརྩེ་མཚོན་པ་རེད། དེ་བས། ཉིན་དང་པོར་བུ་མོ་ཕྱིར་གཉེན་ཚང་ལ་སྤྲོད་དགོས་པ་དང་། གལ་ཏེ་བུ་མོ་ཡང་བསྐྱར་གནས་ལ་བྲོས་ན་ད་གཟོད་བར་བ་དང་གྲོས་བྱས་ཏེ་སྟེར་བ་དང་། བུ་མོའི་ནུ་རིན་དང་གཉེན་སྟོན་གྱི་དུས་བཟང་སོགས་ཐག་གཅོད་པ་རེད།

སྤྱིར་ཨ་མདོའི་ཕྱོགས་ཀྱི་སྲོལ་རྒྱུན་ལྟར་ན། བུ་མོ་གནས་ལ་བྲོས་རྗེས་བར་བ་གཉེན་ཚང་དུ་མནའ་མ་སློང་བར་ཡོང་བ་དང་། གཉེན་ཚང་གིས་ཀྱང་ཉིན་དང་པོར་མནའ་མ་མི་སྟེར་བ། དེ་བས། ཉིན་དང་པོར་བུ་མོ་ཕྱིར་གཉེན་ཚང་ལ་སྤྲོད་དགོས་པ་དང་། གལ་ཏེ་བུ་མོ་ཡང་བསྐྱར་གནས་ལ་བྲོས་ན་ད་གཟོད་བར་བ་དང་གྲོས་བྱས་ཏེ་སྟེར་བ་དང་། བུ་མོའི་ནུ་རིན་དང་གཉེན་སྟོན་གྱི་དུས་བཟང་སོགས་ཐག་གཅོད་པ་རེད། བརྙན་ཐུང་འདི་ནི་མདོ་སྨད་བོད་ཀྱི་སྲོལ་རྒྱུན་ལྟར་འཁྲབ་པའི་མནའ་མ་སློང་ཚུལ་ཞིག་ཡིན་ལ། མནའ་མ་སློང་མཁན་བར་བ་གཉེན་ཚང་གི་ཁྱིམ་དུ་འབྱོར་རྗེས་བུ་མོ་སྟེར་མི་སྟེར་བ་དང་ཉིན་དང་པོར་བུ་མོ་ཁྱིམ་ལ་ཕྱིར་སྤྲོད་དགོད་པའི་སྐོར་ལ་སྐད་ཆ་བཤད་པ་དང་། ཕྱི་ཉིན་ཞོགས་པར་ཁྱིམ་གྱི་ཀ་བའི་སྟེང་དུ་ཁ་བཏགས་ཞིག་དཀྲིས་ཡོད་པས་བུ་མོ་ཡང་བསྐྱར་གནས་ལ་བྲོས་པ་ཚོར་རྟོགས་བྱུང་།