Video Overview
Ap Tukten of Gasel Tshogom Gewog shares about how and when lozay ballads are recited and gives a few examples. Ballads were recited in a call-and-reply debate form with their friends or enemies. They are also recited between men and women during annual rituals and social gatherings. Lozay Ballads are recited in different sub genres according to the emotions/situation such as sad lozays, enmity lozays, love lozays, friendly lozays, auspicious lozays and funny lozays. This tradition is practiced more often in western parts of Bhutan.
༉ དབང་འདུས་ཕོ་བྲང་རྫོང་ཁག་ དགའ་སེལ་ཚོགས་སྒོམ་རྒེད་འོག་ནང་ལས་ཐུབ་བསྟན་གྱིས་ བློ་ཟེའི་སྒྱུར་ཐངས་ཀྱི་སྐོར་ལས་དཔེ་དང་སྦྲགས་ཏེ་བཤད་ནི་འདུག ཁོ་གིས་བཤད་མི་ནང་ བློ་ཟེ་འདི་ ཧེ་མ་ཧེ་མ་འབད་བ་ཅིན་ གཅིག་གིས་གཅིག་ལུ་དགའ་བའི་བློཝ་ཚུ་ ཕྲངམ་ཕྲང་སར་མ་སླབ་པར་ བློ་ཟེ་གི་ཐོག་ལས་སླབ་སླབ་ཅིག་འོང་ནི་ཨིན་མས། ད་རེས་ནངས་པར་འབད་བ་ཅིན་ བློ་ཟེ་དང་རྩང་མོ་ཚུ་ རྩོད་བསྡུར་གྱི་ཐོག་ལས་ ཆ་རོགས་དང་བྱངམ་ཕྱད་བཟོ་ཞིན་ན་ འགྲན་བསྡུར་འབད་བའི་སྲོལ་ཚུ་ཡོདཔ་ཨིན། དེ་མ་ཚད་ བློ་ཟེ་འདི་ ལོ་ཆོག་དང་ མི་དམངས་འཛོམས་འདུ་འབད་བའི་སྐབས་ལུ་ཡང་ ཉིནམ་དེ་སྤྲོ་བ་ཆེ་ཏོག་ཏོ་བཟོ་ནིའི་དོན་ལུ་ ཕོ་དང་མོའི་བར་ན་ཡང་རྩོད་བསྡུར་འབདཝ་ཨིནམ་ད་ བློ་ཟེ་སྒྱུར་དགོ་མི་དོན་དག་དེ་ཡང་ ནང་གི་ཚོར་བ་ཚུ་གཞན་ལུ་བཤད་ནི་དང་ ཕར་ལོགས་མའི་རིག་པ་ལྕོགས་གྲུབ་ཚུ་ཤེས་ཚུགསཔ་ཨིན་མས། བློ་ཟེ་འདི་ གནས་སྟངས་དང་འཁྲིལ་ཏེ་ རིགས་མ་འདྲཝ་ དགའ་གླུ་དང་སྐྱོ་གླུ་ སྟོད་སྨད་ དགྲ་གཉེན་གྱི་བར་ནའི་ཚིག་ཚུ་བཙུགས་ཏེ་སྒྱུརཝ་ཨིན་མས། བློ་ཟེར་སྒྱུར་ནི་གི་སྲོལ་འདི་ མང་ཆེ་ཤོས་ཅིག་ ནུབ་ཕྱོགས་ཁ་ཐུག་ལུ་ ལག་ལེན་འཐབ་ཨིན་མས།
- Wangduephodrang
- ཐུགས་རྟེན་/ Thukten:བཞུགས་གྲལ་མི་(ནི་)བ་དགའཝ་ཅིག །དབའེ་སྟེང་ཕྱོགས་ལྷ་ལུ་ཅིག་ཕུལ་གེ །དབའེ་སྟེང་ཕྱོགས་ལྷ་ལུ་ཅིག་ཕུལ་གེ །
- ཐུགས་རྟེན་/ Thukten:ལྷ་ཡི་དབང་པོ་རྒྱལ་མཚན(བརྒྱ་བྱིན)། །དབའེ་བཞུགས་གྲལ་བཞེས་པ་ཅིག་བྱོན་ཤོག །དབའེ་བཞུགས་གྲལ་བཞེས་པ་ཅིག་བྱོན་ཤོག །
- ཐུགས་རྟེན་/ Thukten:བཞུགས་གྲལ་མི་(ནི་)བ་དགའཝ་ཅིག །དབའེ་བར་ཕྱོགས་བཙན་ལུ་ཅིག་ཕུལ་གེ །དབའེ་བར་ཕྱོགས་བཙན་ལུ་ཅིག་ཕུལ་གེ །
- ཐུགས་རྟེན་/ Thukten:བཙན་གྱི་ཡ་མེ་སྤུན་བདུན། །དབའེ་བཞུགས་གྲལ་བཞེས་པ་ཅིག་བྱོན་ཤོག །དབའེ་བཞུགས་གྲལ་བཞེས་པ་ཅིག་བྱོན་ཤོག །
- ཐུགས་རྟེན་/ Thukten:བཞུགས་གྲལ་མི་(ནི་)བ་དགའཝ་ཅིག །དབའེ་འོག་ཕྱོགས་ཀླུ་ལ་ཅིག་ཕུལ་གེ །དབའེ་འོག་ཕྱོགས་ཀླུ་ལ་ཅིག་ཕུལ་གེ །
- ཐུགས་རྟེན་/ Thukten:ཀླུ་ཡི་གཙུག་ན་རིན་ཆེན། །དབའེ་བཞུགས་གྲལ་བཞེས་པ་ཅིག་བྱོན་ཤོག །དབའེ་བཞུགས་གྲལ་བཞེས་པ་ཅིག་བྱོན་ཤོག །
- ཐུགས་རྟེན་/ Thukten:ལགས་སོ་ལགས།། །།
Loading ... - Oral Traditions
- Lozey
- Wangduephodrang
- Wangduephodrang
- Dzongkha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.