20 Feb 2012
40 min 9 sec
- ངའི་ཡན་གྱི་ལོ་མཐོན་པོ་ཅན་གྱི་དགེ་རྒན།
- སྔོན་ལ་ཁོང་རང་ལ་ཅིའི་མཚམས་ནས་འགན་འཁུར་ཡོད་མཁན།
- གསལ་ཆ་ཡོད་མཁན།
- བྱ་བ་ལས་དོན་བསྒྲུབ་དགོས་ན།
- སྤྱི་ཚོགས་རྙིང་བར་གསལ་ཆ་ཡོད་མཁན་ཅན་རྣམས་ཀྱིས་སླར་གསོ་བྱས་པ་རེད།
- གསར་བ་རྣམས་པ་དེ་ཚོས་སྤེལ་ནི་རེད།
- གཞན་གྱི་ཕྱོགས་སོགས་ལ་ང་ཚོ་དགེ་བའི་བཤེས་གཉེན་རྣམས་ཀྱིས།
- ལྷག་པར་དུ་ཁང་དམར་དགོན་པའི་འདོན་ཆ་སོགས་སྤེལ་ཡོད་པ་ཅི་ཡང་ཡོད་པ་མ་རེད།
- སྔོན་གྱི་དགེ་རྒན་གསལ་ཆ་ཡོད་མཁན་ཚོས་སླར་གསོ་བྱས་པ་རེད།
- ཚོགས་ལུགས་དང་འགྲོ་ལུགས་སོགས་བྱ་བ་གང་ཐད་ཀྱི་ཚོགས་ཆེ་ཆུང་སོགས།
- ཕྱི་ཚོགས་ནང་ཚོགས་གང་ཡིན་རུང་དེ་ཐམས་ཅད་ཀྱི་འགྲོ་ལུགས་ཐམས་ཅད་པོ་ཚང་མ།
- དེ་ཚོས་སླར་གསོ་བྱས་ནས་དཀར་ཐིག་གཡང་གསུམ་སོགས།
- བྱ་བ་གང་ཐད་ཀྱི་ཇ་ཁ་ཇ་བཟོ་སོགས་ཆོ་ག་ཆོས་སྤྱོད་སོགས་ཀྱི་འདོན་ལུགས་སོགས།
- ཚོགས་རིང་ཐུང་སོགས་བྱ་བ་གང་ཐད་པོ་ཐམས་ཅད་སྔོན་གྱི་དགེ་རྒན་ཚང་མས།
- སྔོན་གྱི་བསྟན་པ་གོང་མའི་ཕྱག་ཤུལ་མ་ཉམས་པར་དེ་ཚོས་འཛིན་སྐྱོང་སྤེལ་གསུམ་བྱས་ནས།
- གསར་བ་རྣམས་དེ་ཚོས་སྤེལ་བ་རེད།
- ཟེར་རྒྱུ་མེད།
- སྔོན་ལ་གྲྭ་བ་ཉིས་བརྒྱ་ལྷག་ཡོད་པར་བཤད།
- སྔོན་ལ་ང་ཚོར་བཅོས་བསྒྱུར་མ་བྱས་གོང་ལ།
- དེ་ཟེར་གི་རེད།
- འོ་ཡ།
- དགོན་པ་གཏོར་དུས་དེ་འདྲ་ཞིག་ཡོད་ནི་རེད་ཟེར།
- བླ་མ་སྤྲུལ་སྐུ་རྣམས་གསུམ་དགོན་པ་འདི་བདག་གཉེར་བྱེད་མཁན་གཙོ་བོ་བླ་མ་གསུམ་ཡོད་མྱོང་།
- གཙོ་བོ་སྔོན་ལ་དགོན་པ་འདི་འདེབས་མཁན་དང་འཛིན་སྐྱོང་སྤེལ་གསུམ་བྱེད་མཁན།
- སྔོན་གྱི་དགོན་པའི་བདག་པོ་ཆོམ་ཚ་ཚང་ཡིན་སོང་།
- དེ་ནས་ཆོམ་ཚ་ཚང་ཡུན་རིང་ལ་མ་བཞུགས་པར་དགོངས་པ་མྱ་ངན་ལས་འདས་སོང་བས།
- བཙན་ལྷ་ཚང་གིས་བདག་སྐྱོང་བྱས།
- ཝ་ཤུལ་དང་བཙན་ལྷ་གཉིས་པོ་ང་ལ་ཆ་རྒྱུས་ཡོད།
- བཅོས་བསྒྱུར་བྱས་མ་བྱས་པའི་སྔོན་ལ།
- བཙན་ལྷ་ཚང་དགོངས་པ་སྐུ་གཤེགས་སོང་།
- དེའི་འཕྲོར་ཆོམ་ཚ་ཚང་མཚན་ཉིད་ཀྱི་གྲྭ་ས་ནས་མཐར་ཕྱིན་མ་ཐག་མཚན་ཉིད་ཀྱི་ཁྲི་བར་བཞག་སོང་།
- བཅོས་བསྒྱུར་བྱས་མ་ཐག་པའི་དཔྱིད་ཀ་ཙམ་ལ་ཡང་ཁོང་ཉིད་དགོངས་པ་སྐུ་གཤེགས་སོང་།
- དེའི་འཕྲོར་ད་ཝ་ཤུལ་ཁེར་མ་མ་གཏོགས་ཡོད་པ་མ་རེད།
- ཝ་ཤུལ་ཁེར་མའི་སྐབས་བཅོས་བསྒྱུར་ཡོང་ནས་དགོན་པ་དེ་གཏོར་སོང་།
- གཏོར་དུས་ཁོང་ཉིད་དགུང་ལོ་ཧ་ཅང་མཐོ་བ་རེད་ལ།
- མཐོ་རུང་སྐུ་ཚེགས་དཀའ་ལས་ལ་མ་འཛེམས་པར།
- ཆོས་སྒོ་ཕྱེ་ནས་ལོ་རྙིང་བའི་ཁ་ཟུམ་ནས་འགྲུབ་སྟོན་བྱས་པའི་བར་དུ་ཁོང་ལ་རེ་ལྟོས་བྱས་པ་རེད།
- སྐུ་ཚེགས་དཀའ་ལས་ལ་ཡོངས་ནི་རེད།
- ཁྲིམས་ལའང་སྦྱྲར་བ་རེད།
- བོད་ཀྱི་ནང་ནས་རྒྱབ་བསྟེན་ས་བླ་མ་ཡིན་ནི།
- ཐམས་ཅད་པོ་ཚང་མས་ཁོང་གི་སྡུག་མྱོང་མི་ཐུབ་བསམས་ནས།
- དེ་ཕ་གིའི་ཚེ་དང་བླངས་ཅན་པོའི་ས་ཆ་དེར་དེད་ནི་རེད།
- རྒྱའི་སྙིང་རྗེ་ཞིག་སྒོམ་མ་ཟེར་རྒྱུ་མེད་ཀི
- ཁྱོད་བོད་ཀྱི་བླ་མ་རེད་གཞན་དང་འདྲ་ནི་མ་རེད་ཅེས་ནས།
- སྐབས་སྐབས་ལ་གྲལ་རིམ་མི་བཟང་བར་བརྩིས་ནས་ལུས་ལ་སྡུག་སྦྱར་ཡོད་སྐད་རེད།
- དེའི་སྐབས་ལ་མགོ་མེ་ལ་འཇོག་པ།
- གཅར་རྡུང་སྐོར་གསུམ་མི་ལ་བྱུང་རྒྱུ་ཡོད་ཚད་པོ་བྱུང་བ་རེད་ཟེར།
- དེ་བྱས་རུང་དེ་ཐམས་ཅད་པོ་བཟོད་ནས།
- དགོན་སེར་སྐྱ་ཐམས་ཅད་ཀྱི་སྐྱབས་མགོན་ལ་བཞུགས་ནས།
- དེ་ལྟར་ཆོས་སྒོ་དེ་ཕྱེ་ནས་ཁོང་ཉིད་ཡར་བླ་མའི་ཁྲི་ཐོག་ཏུ་བཞག་ནས་བླ་མའི་གོ་ས་ཡིན་ཞེས།
- ང་ཚོ་མི་ལྔ་འདིའི་མགོ་འཛིན་ལ་ཡོངས་ནས།
- ཉིན་གཉིས་གསུམ་རེའི་ནང་ནས་མཆོད་སྒྲུབ་སོགས་ཚོགས་བྱེད་དུས་ཁོང་གིས་མགོ་སྔ་བྱས།
- འདི་མཇུག་སྒྲིལ་ཚར་བའི་བར་དུ་ཁོང་ཉིད་བཞུགས་པ་རེད།
- དེ་ཚར་རྗེས་ཁོང་ཉིད་ལྷ་སར་ཕེབས་སོང་བ་རེད།
- དེ་ནས་ཁོང་གི་ལྷ་ས་རུ་དགོན་པའི་འདུ་ཁང་གི་བཞུགས་སའི་གདམས་པར་སོང་ནི་རེད།
- འོན་ཀྱང་བཞེངས་ནས་བླ་མ་གྲྭ་བ་ཀུན་པོ་ཤོང་བའི།
- བཞེངས་བྱེད་པོ་དེང་སང་འདྲ་བའི་འབྱོར་བ་བཟང་བོ་དེ་འདྲ་ཡོད་ནི་མ་རེད།
- དེ་འདྲ་ཞིག་སྦྱིན་སྟོབས་ཀྱང་ཡོད་ནི་མ་རེད།
- དེ་ལྟར་འབྱོར་བའི་སྟེང་ཞན་པ་རེད།
- ཞན་ཡང་འཛོམས་ཚོད་ཀྱིས་དེ་འདྲ་ཞིག་བཞེངས་ཏེ།
- དེར་ཕྲན་ཚེགས་ཅིག་ལྷག་ཡོད་པ་དེས་དེའི་དགུན་ཐོག་ཁོང་ཉིད་འདིར་ཕེབས་པ་རེད།
- དབུས་མཇལ་ལ་ལྷ་སར་ཕེབས་སོང་བ་རེད།
- དེར་ཕེབས་རྗེས་མར་ཕ་ཡུལ་ལ་ལོག་ལས་ཅུང་མ་འགོར་བར་སྐུ་གཤེགས་སོང་།
- དེ་ནས་ད་ཡང་སྤྲུལ་ཞིག་བཙལ་ན་ཞེས་མཆོག་མཆན་ཞིག་འེ་གནང་བསམས་ནས།
- ཡར་ཞུ་མང་པོ་བྱས་པ་རེད།
- བླ་མ་དེ་མིན་རུང་བླ་མ་བཅུ་ཁ་ཞིག་ཡོད་ཅིང་།
- ད་བདེན་པ་བླ་མ་རྣམས་དེ་རེད།
- དེ་ཡིན་ཚེ་དགོན་པའི་གྲྭ་གྲངས་ཀྱི་ཐོག་ཆེ་ཆུང་གི་ཐོག་བཤད་ན།
- གྲྭ་བ་ཉུང་ས་ཞིག་ལ་བླ་མ་གཅིག་ནས་གཉིས་ཀྱི་ཡན་ཡོད་མི་ཆོག་གི
- དེའི་ཡན་ཡོད་ཚེ་དགོན་པའི་ཆེ་ཆུང་ལ་བལྟ་དགོས་ཞེས་མཆོག་མཆན་མི་སྟེར་གི
- དེ་ཡིན་ཚེ་ང་ཚོས་བླ་མ་གསུམ་པོ་མ་གཏོགས་རེ་བའི་སྟེང་མི་འཇོག
- གཞན་རྣམས་ཀྱང་ང་ཚོས་མི་སྙེག་ནི་མ་རེད།
- ང་ཚོའི་བླ་མ་མ་ཡིན་ནི་མ་རེད་ད།
- ཡིན་ཀྱང་ད་རེ་བ་འདྲའི་སྟེང་བཏང་ན་འགྲིག་གི་མེད་ཀི།
- དེ་ཡིན་ཚེ་ང་ཚོའི་བླ་མ་གསུམ་པོ་དེར་ཡིན་ན་མིན་ན་མཆོག་མཆན་ཞིག་ཨེ་ཡོད།
- ཅེས་ཡར་ཞུ་ལྷན་དུ་བྱས་ནས་བསྡད་ནི་རེད།
- སྔོན་ལ་མགོ་འཛིན་བྱེད་མཁན་ཆོམ་ཚ་ཚང་རེད།
- སྐུ་གཤེགས་དུས་ཀྱང་བླ་མ་གཉིས་ཀྱི་སྔོན་ལ་གཤེགས་པ་རེད།
- དེ་གཞན་གཉིས་ཀར་མཆོག་མཆན་སྟེང་ཡོད་ནི་རེད།
- ཁྲི་སྐལ་གདན་སྐལ་སོགས་བྱིན་ནས་ཆོས་སྒོ་ཕྱེས་ནས་ལོ་བཅུ་ཁ་ཤིག་འགོར་ཨེ་ཡོད།
- དེ་ནས་ཝ་ཤུལ་ཚང་སྐུ་གཤེགས་ནས་དེ་འདྲ་ཞིག་འགོར་ཡོད།
- དེ་བར་དུ་ཅི་ཡང་མ་བྱས་ལ།
- དེ་ནས་ཆོམ་ཚ་ཚང་དང་བཙན་ལྷ་ཚང་གཉིས་ཀར་མཆོག་མཆན་ཐོབ་སོང་ནི་རེད།
- ཁོང་གཉིས་ཀར་མཆོག་མཆན་ལྷན་དུ་ཐོབ་ནི་རེད།
- དེ་ནས་ཝ་ཤུལ་ཚང་ལ་མཆོག་མཆན་ད་རུང་ལ་ཐོབ་ཡོད་ནི་མ་རེད།
- ཁོང་ཉིད་སྐུ་གཤེགས་དུས་ལ་ཆེས་རྗེས་མ་ཡིན་ནི་རེད།
- བླ་མའི་གྲངས་ཀའི་སྟེང་ནས་ལ།
- ད་དགོན་པ་ཆུང་ཆུང་ཞིག་ལ་བླ་མ་གཉིས་མ་གཏོགས་ཐོབ་གི་མ་རེད།
- སྤྱིར་ན་གཅིག་ཡིན་ན་ཆོག་གི་རེད་ཅེས་པའི་ནང་དོན་རེད།
- འོན་ཀྱང་ཁྱོད་ཚོར་ད་རུང་བཟང་བོ་བྱས་ནས་གཉིས་ཡོད་ནི་རེད་ཟེར།
- དེ་མཚམས་ནས་བཟུང་ཡར་ཞུ་བྱས་རུང་ད་བར་དུ་མཇུག་འབྲས་ཅི་ཡང་མེད་པའི་རྒྱུ་མཚན་དེ་ཡིན།
- དེ་ནས་བཙན་ལྷ་ཚང་ཕྱིར་ཕེབས་སོང་།
- དེའི་རྗེས་ནས་ཆོམ་ཚ་ཚང་སྐུ་གཤེགས་སོང་།
- དེ་ནས་མཆོན་མཆན་ཟེར་བ་སྟེར་རྒྱུ་ཡིན་ནམ་མི་སྟེར་མི་ཤེས།
- ད་དཟོད་ཡིན་དུས་ད་དེ་མ་གཏོགས་འཁུརསྟེང་ལ་ཅི་ཡང་མེད་ཀི།
- དེ་ལྟར་ད་བླ་མ་གཞན་གཉིས་ལ་ཐོབ་པའི་མཆོག་མཆན་དེ་ཝ་ཤུལ་ཚང་གིས་མ་ལོན་ནི་རེད།
- དེ་འདྲ་ཞིག་རེད།
- དེ་ནས་དགོན་པས་འདོན་ཕྱག་ལེན་ལོ་རེར་ཕྱི་ཚོགས་ནང་ཚོགས་གཉིས་ཀ།
- མཆོད་པ་གཏོར་མ་རེ་འདོན་ཕྱག་ལེན་རེ་རོལ་མོ་འབུད་དཀྲོལ་རེ་ཕྱོགས་གང་ཐད་ནས།
- དགེ་རྒན་རྣམས་ཀྱིས་བསྟན་པ་གོང་མའི་ཕྱག་རྗེས་མ་ཉམས་པར།
- ཡོད་པ་དེ་དགེ་རྒན་རྣམས་ཀྱིས་ཉམས་པ་སོར་ཆུད་བྱས་ནས།
- དེ་ཅི་རེད་ཟེར་ན་ཁབ་ཤུལ་སྐུད་པས་མཚོན་པ་ཡིན་ཅེས་དགེ་རྒན་རྣམས་ཀྱིས།
- སྔོན་གྱི་འདོན་ཕྱག་ལེན་དང་བྱ་བ་གང་ཐད་ཀྱི་དཀར་ཐིག་གཡང་གསུམ།
- ཕྱི་ཚོགས་ནང་ཚོགས་ཀྱི་འདོན་པ།
- བྱ་བ་གང་ཐད་ཀྱི་དེ་ཅི་རེད་ཟེར་ན་དུས་འཁོར་ཞིག་གི་འཆམ་དང་ས་མཆོད།
- རྒྱུད་སྡེ་གསང་སྡེ་འཇིགས་གསུམ་པོ།
- རོལ་མོ་འབུད་དཀྲོལ་སོགས་བྱ་བ་གང་ཅིའི་ཐད་ནས།
- སྔོན་གྱི་དུས་མཆོད་ཐམས་ཅད་དགོན་པར་ཅི་ཞིག་ཡོད་ན།
- དེ་ཁ་ཚང་བོ་ཅི་རེད་ཟེར་ན་གྲྭ་བའི་གྲངས་ཀ་དང་།
- ད་ཆ་རྐྱེན་གྱི་འཛོམས་མ་འཛོམས་ཡོད་ནི་རེད་མོད།
- ཤུལ་དུ་ཅིས་ཀྱང་རང་ཐད་རང་ཐད་ནས་ཤུལ་སྟོང་བར་མ་བྱས་པར།
- གྲྭ་བ་མི་མགོའི་མ་འཛོམས་ཀྱང་མིང་ཞིག་།
- ཁ་མཚམས་རེར་གྲྭ་བ་ཉུང་ཉུང་རེ་ནས་མེད་རུང་ཁ་མཚམས་རེ་དབྱེ།
- ལྡུག་ཚད་ཀྱི་སྟེང་ནས་ཀྱང་རང་ཐད་རང་ཐད་ནས་གྲྭ་བ་མང་རུང་ཉུང་རུང་བླུགས།
- གཞུང་གིས་ཀྱང་དུས་འཁོར་གྱི་ས་མཆོད་ས་དང་གར་འཆམ་ས་བྱ་བ་གང་ཐད་པོ།
- ཚང་མས་ཤུལ་དུ་ཡོད་ནི་བྱས་ཏེ།
- སྔོན་གྱི་འདོན་ཆ་སོགས་ལ་ཤུལ་དུ་མ་ཐོན་རྒྱུ་ཞིག་དགེ་རྒན་རྣམས་པས་བཀའ་དྲིན་ལ་མེད།
- ད་ཕྱིན་ཆད་ང་ཚོའི་རིང་ནས།
- ཁབ་ཤུལ་སྐུད་པས་མཚོན་པར་བྱས་ཏེ་ཡར་རྒྱས་གོང་འཕེལ་ལ་འགྲོ་རྒྱུ།
- འགྲོ་ཐུབ་ན་མ་ཐུབ་ན་དེ་ང་ཚོའི་འགན་ཏུ་བབས་ཡོད་པ་རེད།
- སྔོན་གྱི་དགེ་རྒན་རྣམས་ཀྱི་བཀའ་དྲིན་རེད་མ་གཏོགས།
- གཞན་མཁས་པ་ཞིག་དང་ཡོན་ཏན་པ་ཞིག་ལ།
- ང་ཚོས་རྒྱུ་ཚེགས་གཉིས་ཀྱི་སྟེང་ནས་དཀའ་ཞུ་རྒྱུ་ཡོང་བ་ཞིག་གཅིག་ཀྱང་མེད།
- སྔོན་གྱི་དགེ་རྒན་བཀའ་དྲིན་ཅན་རྣམས་ཀྱིས།
- མཚམས་ཉར་ཚགས་ལ་སོགས་ཀྱི་ཕྱོགས་ནས་ཀྱང་།
- ང་ཚོ་ལ་ཏག་ཏག་འདྲ་ནས་ནང་ནས་མ་འདྲ་ནི་རེད།
- ཁང་དམར་དགོན་པའི་འདུ་ཁང་གི་སྒོ་མཉམ་དུ་རྒྱབ་སྟེ་མཉམ་དུ་སྒོར་བུད་མོད།
- འོན་ཀྱང་དེ་འདྲ་ནས་ནང་ནས་མ་འདྲ་བར་སྔོན་གྱི་བག་ཆགས་ཀྱི་སྟོབས་ཀྱིས་ཡིན་ས་རེད།
- ཁང་དམར་དགོན་པའི་འདོན་ཕྱག་ལེན་སོགས་ད་རུང་མི་འབོར་བར
- བྱ་བ་གང་ཐད་པོ་ཅིས་ཀྱང་ཤུལ་དུ་ཚང་ནི་བྱས་ཡོད་པ་དེའི་རྒྱུ་མཚན་དེ་ཡིན་སོང་།
- སྔོན་མིའི་ཁ་བརྡ་ལྟར་ན་རྒྱ་སྐད་ཀྱི་ལའོ་ཧུང་ཅིན་ཟེར་ནས་སྔོན་ལ་དམར་དམག་ཅིག་ཡོང་ནས།
- གཏོར་མཁན་དེ་ཡིན་ཡོད་རེད་ཟེར།
- དེ་སྔོན་ལ་ཚེ་དང་བླངས་ཞེས་པའི་རྒྱ་སྡེ་ཞིག་ཡོད་པ་དེ་དེང་སང་ལམ་ཕུད་ཡོད་པ་དེ་རེད།
- དེ་ལ་ཡོད་པ་རེད།
- དེ་དུས་དགོན་པ་དེ་སྔ་ནི་རེད།
- ལོ་རྒྱུས་འདྲའི་སྟེང་ནས་བཤད་ན་དགོན་པ་རྙིང་བ་ཞིག་ཡིན་ས་རེད།
- ཨ་རིགས་དགོན་པ་རྙིང་བ་ཞིག་ཡིན་ཡོད་མོད།
- ཡིན་ཀྱང་དེ་དུས་སྲིད་ཀྱི་སྟེང་ལ་ཆེན་པོ་མ་ཟིན་པར།
- གྲྭ་བ་རྣམས་ཀྱང་སྐྱ་མིན་སེར་མིན་འདྲེས་མ་ཡིན་ས་ཡོད་པ་རེད།
- དེ་ནས་ཁང་དམར་རྙིང་བ་ཅེས་འདི་ཕྱོགས་ན།
- ཁྱོད་ཚོ་ཡར་འགྲོ་མར་འགྲོ་བྱས་ནས་མཐོང་ཡོད་སྲིད།
- དེའི་ཕྱོགས་སུ་གནས་སྤར་ནས་དེར་ཆགས་ནས་བསྡད་ཡོད་ནི་རེད།
- དེ་དུས་བཙན་ལྷ་ཚང་དང་ཆོམ་ཚ་ཚང་སོགས་བཞུགས་ཡོད།
- དེ་དུས་དགོན་པ་ཡག་པོ་བསྐྱངས་ཡོད་པ་རེད་ཟེར་གི་འདུག
- དེ་དུས་དགོན་པར་དག་བསྟེན་འདྲ་བྱས་ནས་བྱ་བའི་སྤྱོད་ལམ་སོགས་བྱ་བ་གང་ཅིའི་ཐད་ནས།
- བྱ་རྒྱལ་ཁྱུང་ཆེན་ཞིག་ལ་ཚང་རྒྱུ་དེ་བྱིའུ་ཆུང་ཕོ་རོག་ཞིག་ལ་ཚང་ནི་བྱེད་དགོས་ཅེས་ནས།
- ཆོས་བརྒྱན་ནི་རེད་ཟེར།
- མཁའ་རྒྱལ་ཚང་དང་རུ་སེར་བླ་མ་ལ་སོགས་པ་ཡོད་ཟེར།
- དེ་ཚོ་ཉིས་ཐོག་གི་སྟེང་ཡོད་པའི་ཁོང་རྣམ་པ་འགའ་ཡོད་མྱོང།
- བདེན་པ་གཉིས་སོགས་ས་བཀྲམ་འདྲའི་སྟེང་ཡག་པོ་བཟང་བོ་ཞིག
- དག་བསྟེན་གྱི་སྟེང་དུ་ཐུབ་སོང་ཡིན་ས་རེད།
- སྔོན་མའི་རིང་ལ།
- དགོན་པ་ཞིག་གི་འགྲོ་ལུགས་འདུག་ལུགས་ཚོགས་ལུགས།
- དེའི་འཕྲོར་བྱ་བ་གང་ཐད་ཀྱི་འགྲིག་ལམ་ལ་སོགས་ཀྱི་སྟེང་མང་པོ་ཞིག་ཚང་ཡོད་ནི་རེད་ཟེར་མོད།
- འོན་ཀྱང་གྲལ་དག་པོ་དག་པོ་ཞིག་ཁ་ཚང་བོ་བརྒྱ་ཆའི་བརྒྱ་བོ་ཡོང་ཨེ་ཡོད་མི་ཤེས་མོད་ལ།
- དེའི་སྐབས་དེར་དམར་དམག་ཐོན་ནས་དགོན་པ་འདི་དར་ཡོད་ཅེས།
- དེ་རྒྱ་དམག་བླུགས་ནས་དགོན་པ་འདི་ས་ཕུད་སོང་།
- དེ་འགྲོ་ནི་ཐམས་ཅད་བྲོས་ནས་ཁྲ་ཁྲ་ལོང་ལོང་བྱས་ནས།
- ཤུལ་དུ་སྐུ་གསུངས་ཐུགས་རྟེན་མགོན་པོ་ལ་སོགས་ནང་རྟེན་ལས་རྐུ་ཐུབ་ནི་རྣམས་རྐུ་ནི་རེད།
- དེ་ནས་ཉིན་ཁ་ཤས་ཤིག་གི་ནང་དུ་དགོན་པ་དེ།
- དམག་བླུགས་དུས་མར་ནང་ལ་སོང་ནས་བར་སྐབས་ལ་ཤུལ་ནས་ཁུར་ཡོང་ཡོད་ནི་རེད།
- སྐུ་གསུངས་ཐུགས་རྟེན་དང་གྲྭ་ཤག་གི་འདུ་ཁང་ལ་སོགས་མེར་བཏང་།
- དེ་ནས་ཆགས་ས་གནས་ས་ལ་སོགས་གཏན་ནས་ཡོད་མ་བྱུང་།
- དེ་ནས་ཆོམ་ཚ་ཚང་ཡང་སྐུ་གཤེགས་སོང་བ་རེད།
- དེ་ནས་དགོན་པའང་སྐྱབས་མེད་མགོན་མེད་དུ་གྱུར་ནས།
- ཤུལ་དུ་ཆགས་སའང་ལྷག་པར་དུ་མེད་པར་བསྡད།
- དེ་ནས་ལོ་གཅིག་ལོ་གཉིས་ཀྱི་ནང་དུ་འཚོགས་མ་ཐུབ་ཁ་རེད།
- གུར་གྱི་ནང་དུ་དུས་མཆོད་རེ་འཚོགས་པ་དང་ཚོགས་མཆོད་རེ་འཚོགས་ནི་རེད་ཟེར།
- སྦྲ་གུར་གྱི་ནང་དུ་དུས་མཆོད་སོགས་འཚོགས་ཡོད་པ་རེད་མ་གཏོགས་གནས་ས་མ་ཆུད་པར།
- བཙན་ལྷ་ཚང་གིས་སྔོན་ལ་ཕ་གིའི་མདོ་དེར་ས་སྟོང་ཞིག་ལ།
- ཁོང་གི་རི་ཁྲོད་ཡིན་ཞེས་དེར་བཞུགས་ཡོད་ཟེར།
- རི་ཁྲོད་ཀྱི་ནང་དུ།
- དེ་ནས་བཙན་ལྷ་ཚང་ལ་སེར་སྐྱ་གཉིས་ཀྱིས།
- ཡིན་གཅིག་མིན་གཉིས་ཁོང་གིས་མགོ་བསྐྱངས་དགོས།
- དགོན་པ་འདི་བདག་ཁུར་བཞེས་རྒྱུ་དེ་ཁྱེད་ལ་གསལ་ཞེས།
- དེ་མ་གཏོགས་ཆོམ་ཚ་ཚང་ཡང་སྐུ་འདས་སོང་བས་ཞལ་བཞུགས་མེད་གི
- ས་ཆ་འདི་ན་འགོ་རི་གྲོང་གཉིས་ལ་ལྟ་སའི་ཡུལ་ཞིག་ཡོད་པ་ཁྱེད་ཚང་རེད་ཞེས།
- ད་ནས་བཟུང་ཁྱེད་ཚང་གིས་བཀའ་གསུངས་ནང་ལྟར་བཀའ་ཅི་གསུངས་ན་དེ་བསྒྲུབ་རྒྱུ་ཡིན།
- དེ་ལྟར་སྐོར་མའི་སྐོར་མ་ནང་ཞུས་བྱས་པས་ཁོང་གིས་ཐུབ་ནི་མ་རེད་ཁྱོད་ཚོས་ཁ་ཨེ་ཉན་མི་ཤེས།
- ཁོང་གིས་ཀྱང་ཁོང་གིས་དོན་དམ་པའི་བདག་ཁུར་བྱེད་དགོས་ཚེ།
- ཁོང་གིས་བསམས་པ་ཞིག་མ་བསྒྲུབས་ཚེ་ཁོང་གིས་ཀྱང་བདག་ཁུར་བྱེད་པ་མིན།
- དེ་ལྟར་གསུངས་དུས།
- ཁོང་གིས་ཅི་གསུངས་ན་སྐྱ་སེར་དང་བར་བཤད་ཐམས་ཅད་ཀྱིས་གུས་བས།
- ཁྱེད་ཚང་གི་ཅི་རེད་ཟེར་ན་ཚིག་གི་བདག་པོ་ཚིག་ཡིན།
- ཅི་གསུངས་རུང་ང་ཚོས་ཤུགས་ཕུད་ཅེས་ཞུས།
- དེ་ནས་ལས་དོན་འདྲ་གཏན་ལ་ཕེབས་ནས་ལས་དོན་སྒྲུབ་རྒྱུ་བྱས།
- དེ་ལྟར་ཡར་ཞུས་པས་དེ་ལྟར་འདི་གསར་སོ་མའི་ཐོག་ཏུ་དགོན་པ་འདི་བཏབས།
- དེ་ནས་བཙན་ལྷ་ཚང་གིས་བདག་ཁུར་བཞེས།
- བཞེས་པར་མ་ཟད་གྲྭ་བའི་ནང་གི་དོ་དམ་མི་ཐུབ་པའི་སྐོར་དེ་བཤད་གི་ཡོད་ས་རེད།
- ཁོང་ལ་གྲྭ་བ་བཞི་སྡེ་ཤིག་མ་གཏོགས་མེད་ཀྱང་རུང་།
- གྲྭ་བ་ཞིག་ཡིན་ཚེ་གྲྭ་བ་དག་མ་གྲལ་དག་ཅིག་དགོས།
- དེ་མ་ཡིན་པར་དམ་ཚིག་གཙང་མི་གཙང་གི་བྱ་བ་ཡོད་ནི་འདྲ་ཡོད་ཚེ།
- དེ་འདྲའི་གྲྭ་བ་ཁོང་ལ་གཏན་ནས་གཅིག་ཀྱང་མི་དགོས།
- ཅི་བྱས་ཀྱང་མི་ཐུབ།
- ལོ་ཆེ་བའི་གྲས་ན་ཡོད་ན་འདྲ་ཆུང་བའི་གྲས་ན་ཡོད་ན་འདྲ།
- དེ་འདྲ་ཡོད་ཚེ་ཁོང་གིས་གཏན་ནས་བདག་ཁུར་བྱེད་རྒྱུ་མིན།
- དེ་འདྲ་སྡོམ་ཤོར་སོགས་གྲས་ན་འདྲེས་མ་ཡོད་ཚེ་ཁོང་གིས་བདག་ཁུར་བྱེད་མི་ཐུབ།
- མི་དགོས་ཞེས་གསུངས་དུས་ད་ལོ་གཞོན་རྣམས་ཡིན་ས་རེད་མ་གཏོགས།
- ལོ་རྒན་པ་མང་པོ་ལྷག་ཡོད་ས་མ་རེད།
- ཁོང་རྣམས་ཁ་ཤས་མ་གཏོགས་ཤུལ་དུ་ལྷག་ཡོད་ས་མ་རེད།
- དེའི་ནང་དུ་བཤད་པ་སྟེན་པ་ཡོད་ནི་དམ་ཚིག་སོགས་ཆ་སྙོམས་ཡོད་པ་རྣམས།
- དེ་རྣམས་ཁོ་ན་རང་འཐད་རང་འཐད་སྒོས་རང་རང་གི་ས་འདེམས་ཅིག་ཅེས།
- ཁོང་རང་ལ་གྲྭ་བ་སློབ་མ་བཞི་མ་གཏོགས་མ་ལྷག་རུང་སྐྱོན་མེད།
- ཡག་པོ་བཟོ་དགོས་པ་ལས་ངན་པ་ཤིན་ཏུ་བཟོ་རྒྱུ་མེད།
- མི་དགོས་ཞེས་བཙན་ལྷ་ཚང་གིས་ཞིབ་བཤེར་འདྲ་བྱས་ནས།
- ཡར་བཅད་ལོ་མ་མར་བཅད་ཡུང་རྡོག་བྱས་ནས།
- དེ་དུས་བར་ལ་དགོན་པའི་འཚོགས་ས་ནི་མ་ཡོད་པར།
- རུ་ནང་དུ་ལྡམ་ལྡོམ་མང་པོར་བསྡད་པ་དེ་ཚོ་ཨེ་ཡིན་ན་མི་ཤེས་པ་མ་གཏོགས།
- དེ་དུས་གྲྭ་བ་མང་པོ་དུས་གཅིག་ཏུ་ཕུད་པ་རེད་ཟེར།
- ད་བར་གྱི་རྒད་པོ་དང་གྲོང་བ་ཚོས་བཤད་ན་ད་ནི་འཚོགས་རྒྱུ་གསུངས་མགོའང་མི་འཆང་།
- ཐུབ་མཁན་ཨེ་ཡིན་བསམས་རྒྱུ་ཐམས་ཅད་མ་ཐུབ་ནི་རེད་འདུག་གི་མ་བཅུག
- སྔོན་ལ་འདོན་ཕྱག་ལེན་རྒྱུ་ཤེས་པ་རེད་ཨེ་རེད།
- མགོར་འགན་ཁུར་བཞག་ན་ཐུབ་མཁན་དེ་རྣམས་པ་གྲས་སུ་མ་ཚུད་པ་རེད།
- དོན་དག་འདྲ་ཡོད་ས་རྣམས་གཞི་གཅིག་ཏུ་མར་ཕུད་ཚར་ནི་རེད།
- ཐ་ན་ཚོགས་ཆེན་དབུ་མཛད་ཀྱང་མར་ཕུད་ཡོད་པ་རེད།
- དེའི་རྐྱེན་གྱིས་ཚང་མས་བཙན་ལྷ་ཚང་གིས་ཤུལ་དུ།
- བསྡུ་རྒྱུ་ཞིག་ཆུད་མི་སྲིད་ཅེས་སྨྲས་པ་རེད་ཟེར།
- ཁོང་ཉིད་ཀྱིས་གནད་དོན་ཡོད་མཁན་ཐམས་ཅད་པོ་ཕྱིར་ཕུད་རྗེས།
- ཤུལ་དུ་གྲལ་དག་གིས་བསྒྲུབས་ཏེ་མང་ཚོགས་བཅོས་བསྒྱུར་བྱེད་དུས་བར་དུ་བདག་ཁུར་བྱས།
- དེ་དུས་ད་དགོན་པ་ནི་དགོན་པ་ཞིག་དང་འདྲ་བ་དང་གྲྭ་བ་ནི་གྲྭ་བ་དག་མ་ཞིག
- ཡར་བཅད་ལོ་མ་མར་བཅད་ཡུང་རྡོག་བྱས་ཏེ།
- དེ་འདྲའི་དགོན་པ་ཡང་དག་ཅིག་བསྒྲུབ་མཁན་བཙན་ལྷ་ཚང་ཡིན་ནི་རེད་ཟེར་གིན་འདུག
- ང་ལ་གསལ་ཆ་ཡོད་ནི་མིན།
- ང་ཚོགས་ཐོག་ཏུ་ཆུད་དུས་ནས་ཡོད་གི་ང་རང་ལ་སྒྲུབ་མཁན་ཁོང་ཚང་ཡིན།
- དགེ་ཚུལ་གྱི་སྡོམ་པ་གནང་མཁན་ཡང་ཁོང་ཚང་ཡིན།
- དེའི་ལོ་དེར་ཕལ་ཆེར་སྐུ་གཤེགས་སོང་བ་ཡིན།
- དགུང་ལོ་བགྲེས་པོ་འདུག
- དེ་འདྲ་ཞིག་ཡིན་འདུག
- དེ་ལྟར་ཡར་ཡོང་བའི་རྒྱུ་མཚན་དེ་འདྲ་ཞིག་ཡིན་ས་རེད།
- ཡང་དེ་འདིར་ཡོང་ནས་གསར་བཟོ་བྱས་ནི་རེད།
- འདིར་གསར་བཟོ་ཐེངས་གཉིས་ལ་བྱས་པ་རེད།
- གཅིག་དང་གཉིས་གཉིས་དང་གསུམ་གྱི་བར་གི
- རང་རང་གི་རིན་ཆེན་སྲོག་ལ་མ་འཛེམས་པར་ལོ་བདུན་ལ།
- ནང་བསྟན་གྱི་གཙོ་བོ་སོགས།
- དགོན་པའི་གྲྭ་བ་ཕུད་ཚར་ནི་རེད་སྒོར་ཕུད་པ་རེད།
- རུ་ནང་དུ་ཕབ་རྒྱུ་རྣམས་རུ་ནང་དུ་ཕབ་ནས་སློ་གྲྭར་མངགས་རྒྱུ་སློབ་གྲྭར་མངགས།
- དམག་ལ་གཏོང་རྒྱུ་དམག་ལ་བཏང་ནས་གནས་ས་འདུག་ས་མ་ཡོད་ནི་རེད།
- ཅ་ལག་ཤུལ་ཏུ་བསྐྱུར་ནས་དགེ་རྒན་ལོ་ལོན་ཁ་ཤས་ཤིག་ལ་སྲུང་དུ་བཅུག
- དེ་ཚོས་རྒྱུ་ཐམས་ཅད་རྒྱ་ཁོག་ལ་ཁྱེར་བའི་བར་དུ།
- ནང་གི་རྟེན་གཙོ་བོ་རྣམས་དགེ་རྒན་རྣམས་པས་ཉིན་མཚན་མེད་པར་བདག་གཉེར་བྱས།
- རང་གི་ནང་ལ་འཇོག་མི་ཐུབ་གི་གཅིག་གིས་གཅིག་ལ་སྐྲག་དགོས་ནི་རེད།
- འོན་ཀྱང་རང་འགོར་བབས་ཡོངས་དུས་ཡར་ནས་མར་ལ་སྤར་མར་ནས་ཡར་ལ་སྤར།
- ནང་བསྟན་གྱི་གཙོ་བོ་བདེན་པ་དཔེ་མེད་པ་ཞིག་བདག་ཐུབ་མེད་རུང་།
- ལག་ཕྱོགས་ས་ཞིག་རྩ་ཆེན་རྩ་ཆེན་ཞིག་ཕྱིར་མ་ཤོར་ནི་རེད།
- ཡར་ཁྱེར་མར་ཁྱེར་བྱས་ནས་ཡར་བསྐང་མར་སྐོང་བྱས་ནས།
- ད་སྐབས་ཀྱང་དྲང་མོར་བཤད་ན་དགོན་པ་ཆུང་བ་མ་གཏོགས།
- ལོ་རྒྱུས་ཐོག་ནས་བཤད་ན་རྟེན་རྣམས་ནི་དགོན་པ་ཆེན་པོ་ཞིག་ལ་མེད་པ་འདི་ན་ཡོད་པ་རེད།
- ལོ་རྒྱུས་ལ་གསལ་ཆ་དེ་འདྲ་ཆེན་པོ་མེད་ཀྱང་རུང་ལོ་རྒྱུས་ལ་བལྟས་ན།
- ཁྱེད་རྣམས་པས་ལ་བལྟས་ན་རྟེན་དང་བླ་མ་ལ་སོགས་པ་གང་ཡིན་ན།
- གང་ཞིག་ལ་མ་འོངས་བ་ན་སེམས་ཅན་གྱི་བསྡུ་བྱ་ལ།
- འདིས་རྒྱལ་ཁམས་ཐམས་ཅད་པོ་ལ་ཕན་ཞིག་ཐོག་བསམས་པ་ཐུགས་མདུན་ཞིག
- སྐྱེ་བུ་དམ་པ་ཞིག་ལ་ཡོད་རྒྱུ་རེད་མ་གཏོགས།
- བླ་རུང་གི་བླ་མ་ཆེན་པོ་དེ་ཚོས་ཀྱང་རྟེན་འགངས་ཆེན་དེ་འདྲ་ཡིན་དུས།
- འདི་འདྲའི་རྟེན་འགངས་ཆེན་རྒྱལ་རོང་ཁ་མཚམས་ལ་དགོས་རྒྱུ།
- འདི་འདྲ་ཅི་ལ་བྱིན་ནི་རེད་ཟེར་གི་འདུག་ཅེས་ཞབས་ཞུ་བ་ཚོས་ཟེར་མོད།
- གང་ལྟར་དགོན་པ་ལ་རྟེན་ཡོད་གི
- དེ་འདྲ་རེད།
- མ་འོངས་བ་ཞིག་ལ།
- གང་ཞིག་སེམས་ཅན་གྱི་འདུ་བཞེངས་ཞིག་ཏུ་འགྱུར་བའི་ཐུགས་སྨོན་ཡོད་རྒྱུ་རེད།
- མ་གཏོགས་དེ་ལས་གཞན་ལྷག་པར་ཡོད་པ་མི་ཤེས།
- འདི་དགོས་མཁོ་ཡོད་གི་རྒྱལ་རོང་ཁ་མཚམས་ཞིག་ལ་དཀའ་གི་ཞེས྄
- ཐུགས་ལ་དགོངས་པ་ཡིན་རྒྱུ་རེད།
- མ་འོངས་བ་ཞིག་གི་བྱ་བ་ཡིན་ན་དེ་ནི་བདེན་པ་ཡ་མེད་རེད་བསམས་གི
- གསེར་བརྐོ་བ་དེས་ལོ་འགའ་ལ་བརྐོ་གི་བསྡད་ནི་རེད།
- ཡར་ཞུ་བསྐོར་མ་མང་པོར་ཡར་སྤྲད་ནི་རེད་མོད།
- བྱས་རུང་ཁའི་བཤད་རྒྱུ་ནི་རང་གི་ས་གནས་རང་གི་བདག་ཁུར་དོ་དམ་བྱེད་དགོས།
- ཁོར་ཡུག་སྲུང་སྐྱོབ་བྱེད་དགོས་དེ་དགོས་རྒྱུ་ཞིག་རེད་ཅེས་རྒྱུ་མཚན་དེ་བཤད་གི།
- དོན་གྱིས་གསེར་འདི་གསེར་བརྐོའི་ལས་ཁུངས་འདི་སྟོབས་འབྱོར་ཅན་ཞིག་ཡིན་ས་རེད།
- དེ་གཅིག་རྗེས་གཉིས་མཐུད་བྱས་ནས་ཡོངས་ནི་རེད།
- རྒྱུ་ལ་དེང་སང་མི་དགའ་ནི་མེད་གི་དྲང་མོར་བཤད་ན།
- ཕྱོགས་གཅིག་ན་སྤྱིར་འབབ་སྒོ་བྱིན་ན་ཟེར་གི་ཡོད་གི་གཉིས་ན་དགེའང་སྟེར་གི་ཡོད་ས་རེད།
- དེ་རེད་ཐ་ཟེར་དུས་རྒྱུ་ཆེན་པོ་དེར་འགྲན་ཡ་མི་ཐུབ་གི་རྒྱུ་མེད་པོ་དེ་ཕམ་འགྲོ་གི
- ང་ཚོས་ཀྱང་བསྐོར་མང་པོར་ཡར་ཞུ་བྱས་ནས་སྐྱིད་སྡུག་གི་བྱ་བའི་སྟེང་མང་པོ་ཡར་ཞུ་བྱས་ནི་རེད།
- བྱས་རུང་གོ་དེ་ཆོད་འདི་ཆོད་དཔེ་མེད་པ་ཞིག
- ད་དོན་དམ་པའི་བཤད་ན་ཁྱོད་ཚོར་ཁག་མེད་གི
- ཁོར་ཡུག་རྫོབ་གི་ཡོད་གི་འདི་གནོད་གི་ཟེར་གི་ཡོད་གི
- དེ་མ་གཏོགས་གོང་ནས་ལ་ཡིག་ཆ་ཞིག་ཕུད་ཡོད་གི་ཟེར་གི
- དོ་དམ་བྱོས་མ་གཏོགས་མ་བྱེད་ཟེར་གི་མེད་གི
- དེའི་མ་ཆོག་ནི་མ་རེད་མ་གཏོགས་དོན་གྱིས་གསེར་བརྐོ་ཚང་ལ་དོན་དག་འདྲའི་སྟེང་།
- རོགས་འདྲ་མང་པོ་བཟོ་གི་འདུག་མ་གཏོགས་དེ་གཏན་ནས་འགོག་གི་མ་རེད།
- དེ་བྱས་དུས་ང་ཚོའང་སྡུག་ཐུག་ནས་བང་ཟད།
- ང་ཚོས་ཀྱང་དཀའ་ལས་འདྲ་བརྒྱབ་ནས།
- གྲྭ་ཚང་མ་གཏོགས་ཐམས་ཅད་པོ་གྲྭ་བ་རྒན་གཞོན་བར་མ་མཐའ་དག་གིས་བཅོས་འདྲ་བྱས་ན།
- ང་ཚོ་ལ་བཤད་རྒྱུར་ཁྱོད་ཚོ་ལ་རྒྱུའི་ཕྱོགས་ནས་ལྷུང་དུ་མི་འཇུག
- ཁོང་ཚོས་ཁྱོད་ཚོར་འཛུགས་བསྐྲུན་བྱེད་དགོས་ན།
- གྲྭ་ཤག་དགོས་ན་འདྲ་སྤྱིར་འཛུགས་བསྐྲུན་བྱེད་དགོས་ན་འདྲ།
- ཁ་འཚོ་བའི་མ་ཆོག་པ་སྤྱིའི་དཀའ་ཁག་ཡོད་ན་ཕམ་གི་མི་འཇུག་ཟེར།
- དེ་ལྟར་རྒྱུ་མཚན་བཤད་དུས་དངོས་ནས་བཤད་ན་འདི་ནས་ཁོང་ཚོའི་ལག་ཏུ་ཡོང་རྒྱུ་ཤིག་ཡོད་དུས།
- དེའི་ཡན་གྱི་ཁེ་སྤོགས་ཡོད་པའི་རྐྱེན་གྱིས྄
- ང་ཚོར་ཡང་ཁེ་ཕན་ཞིག་སྤྲོད་ཨེ་ཐུབ་ལྟ་ནོ་ཁོ་ཐག་ཡིན་ནི་རེད།
- ལོ་གཅིག་གཉིས་ཀྱི་ནང་དུ།
- ལོ་གཅིག་གཉིས་ཀྱི་ནང་དུ་ང་ཚོའི་ཕོ་བ་རྒྱག་གི་བསམས་ནས་ཁོ་ཚོར་གུ་ཡང་བཏང་ཚེ།
- མི་རབས་རྗེས་མ་རྣམས་ལ་དེའི་ཡན་གྱི་གྱོང་གུད་ཞིག་མེད་གི
- དེའི་ཤུལ་དུ་འཚོ་བྱེད་ལྷག་པར་བ་ཞིག་འཇོག་མི་ཐུབ་གི
- ད་ང་ཚོ་ཚང་མ་མེད་མེད་ལ་རྒྱུ་མེད་གི་ད་སྔ་ཁང་དམར་དགོན་པར་མཚོན་ན།
- མེད་ཀྱང་རུང་ཕྱི་རབས་མི་རབས་རྗེས་མ་རྣམས་ལ་གནོད་ཚེ་ཆེན་པོ་བསྐྱེད་རྒྱུ་ལས།
- ཅི་ཡོད་ཐམས་ཅད་ང་ཚོའི་སྟེང་ལ་ཡོང་ཏུ་བཅུག
- དཀའ་ལས་ཡོད་ན་ང་ཚོའི་སྟེང་ལ་ཡོང་ཏུ་བཅུག
- ལྟོགས་སྡུག་གཉིས་ཀའི་དཀའ་ལས་ཅི་ཡོད་ཀྱང་ང་ཚོའི་སྟེང་ལ་ཡོང་ཏུ་བཅུག
- མི་རབས་རྗེས་མའི་སྐབས་སྔ་བ་རྣམས་ཀྱིས་ཅི་བྱུང་གི་འགན་ཚང་མ་ཁུར།
- གང་ལྟར་འཆའ་ན་འཆའ་ཐག་བཅད་འཇོག་མ་འཆའ་ན་མ་འཆའ་བར་དེར་གོ་མ་ཆོད་ནི་རེད།
- མ་གཏོགས་རྒྱུ་ཕྲན་ཚེགས་ཤིག་གི་ཐོག་ལ་ང་ཚོས་མི་བསྐུར།
- དེ་ལྟར་བཤད་ནས་ང་ཚོ་གྲྭ་རྒན་གཞོན་བར་མ་མཐའ་དག་གིས་ཁ་སེམས་གཅིག་ཐོག་བྱས་ནས།
- སྤྱིར་ཡིན་ན་དེའི་གོང་ན་ཁུལ་དང་རྫོང་ཞང་སོགས་ཡོད་གི་ང་ཚོས་ཐུབ་ནི་མ་རེད་མོད།
- ད་ཅི་བྱས་རུང་ང་ཚོ་འདུག་སའི་ས་མེད་གི
- སྔོན་བསྟན་པ་གོང་མ་ནས་བཟུང་དགོན་པ་འདི་ཆོས་བསྒྲུབ་ན་བསྒྲུབ་སའི་ས་རེད།
- མདུན་རི་ཞིག་རྒྱབ་རི་ཞིག་གཡས་རི་ཞིག་གཡོན་རི་ཞིག་རྩི་ཤིང་ནགས་ཚལ་ལ་སོགས་པ།
- བྱ་བ་གང་ཐད་ནས་ཆ་རྐྱེན་འཛོམས་ས་ཞིག་རེད།
- ཅེས་བསམས་ནས་ང་ཚོ་ས་འདིར་བཞག་ནི་རེད་མོད།
- ད་ནི་མི་སུ་དང་སུ་ཡིན་རུང་རྐང་ལག་གང་རུང་ཞིག་ལ་འདི་ཁྱོད་ལ་ལྷག་མ་ཞིག་རེད་ཅེས།
- བཅད་སོང་ཚེ་དེའི་ལུས་ཕུང་དེ་ལ་མི་གནོད་རྒྱུ་ཞིག་མི་ཁེར་མ་ཞིག་ལ་གཏན་དུ་ནས་ཡོད་ནི་མ་རེད།
- ཁྱོད་ལ་ལག་པ་གཅིག་མ་གཏོགས་མི་དགོས་ཟེར་ནས་གཅོད་པའམ།
- རྐང་བ་གཅིག་མ་གཏོགས་མི་དགོས་རྐང་བ་གཞན་དེས་ཐུབ་ནི་རེད་ཟེར་བ་དང་གཅིག་པ་རེད།
- དེ་ལྟར་བྱས་ཚེ་མི་རབས་རྗེས་མ་ཡིན་ན།
- ང་ཚོའི་སྐབས་སུ་དེའི་གྱོང་གུད་ཆེན་པོ་འདྲ་ཁུར་ཏེ
- མི་རབས་རྗེས་མ་ལ་བྱས་རྗེས་ངན་པ་དེ་འདྲ་མི་འཇོག་ཅེས་ཐག་བཅད་ནས།
- བཟང་ངན་ཅི་ཞིག་ཡོད་ན་ང་ཚོའི་སྟེང་དུ་ཡོང་གི་འཇོག
- ཅེས་གྲྭ་ཚང་མང་ཚོགས་ཁ་མཐུན་ནས་བཅོས་ཡོང་ནས།
- ད་ང་ཚོས་ཡ་ཟེར་མི་ཐུབ་གི་ཁྱོད་ཚོས་བསམ་ནོ་བྱོས།
- རྫོང་གིས་ཀྱང་རྒྱབ་སྐྱོར་བྱེད་ས་གསེར་བརྐོ་ཚང་རེད།
- ཅི་བྱས་རུང་ཁོ་ཚོའི་ལག་ཏུ་ཡོད་པ་སྒོར་མོ་རེད་རུམ་ན་ཡོད་པ་གསེར་རེད།
- དེ་ཡིན་ན་ཁྱོད་ཚོས་ཁ་ངོ་ལོས་སྟེར་་་སྟེར་གི
- སྟེར་ན་ཁྱོད་ཚོས་བྱིན་ཆོག་ང་ཚོ་ཡུལ་ལ་ལོག་རྒྱུ་ཡིན།
- འདི་ནས་བསྡད་ན་ཁྱོད་ཚོས་ང་ཚོ་སྨད་གི་མདོ་གན་ན་བུད་ཚེ།
- དམག་གིས་ཁྱོད་ཚོ་འཛིན་བཟུང་བྱེད་རྒྱུ་ཡིན་ཟེར།
- ཡར་མགོ་ནས་ཁོང་ཚོའི་ལས་ཀ་བར་ལག་ཕྱོགས་ཐུབ་གི་མེད།
- ཁྱོད་ཚོའི་སྟེང་ཐོ་རེངས་ཡོང་རྒྱུ་ཡིན་དང་སང་ཉིན་ཡོང་རྒྱུ་ཡིན་ཟེར་གི་ཡོད།
- ང་ཚོ་ཅི་བྱས་ན་ཤུགས་བསྐྱུར་ཡུལ་རེད།
- མར་མདོ་ལ་འབུད་ས་མེད་གི་ཡར་མགོར་འགྲོ་ས་མེད་གི
- སེན་མོང་བར་གི་ཤིག་གཅིར་ས་རེད་དེ་ལས་ཡུལ་ལ་འགྲོ་གི་ཡིན།
- ད་ཁྱོད་ཚོས་འདི་དགོན་པ་བྱས་ནས་འཇོག་ན་ཁྱོད་ཚོས་ལྟོས།
- གསེར་བརྐོ་ཚང་ལ་སྤྲོད་ན་ཁྱོད་ཚོས་ལྟོས།
- ཁྱོད་ཚོ་རྫོང་གི་བསམ་ནོ་བྱོས་ཡར་ཞུ་བྱེད་དགོས་ན་ཡར་ཞུ་བྱོས།
- ང་ཚོས་དབྱར་མ་གྲོལ་ཚེ་ཅི་ཡང་བྱེད་མི་ཐུབ་ཅི་བྱས་ཀྱང་ནམ་ཟླའི་ཁྱད་པར་ཞིག་ཡོད་གི
- ནམ་ཟླ་འཁྱག་ནས་དབྱར་གྲོལ་བའི་ཕྱི་ཉིན་ང་ཚོས་དགོན་པའི་སྒོ་ནི་བརྒྱབ་སྟེ།
- སྐུ་གསུངས་ཐུགས་རྟེན་རྐྱང་བ་མ་རེད།
- དགོན་པ་འདི་གསར་མ་བཞེངས་ནས་སོ་མ་བཙུགས་ནི་རེད།
- ང་ཚོ་མ་བསྡད་པ་མིན།
- དེ་ཆོས་དད་མང་ཚོགས་ལ་དགོན་པ་གྲྭ་ཚང་འདི་དགོས་བསམས་ན་ཁྱོད་ཚོས་ལྟོས།
- མི་དགོས་བསམས་ན་ཁྱོད་ཚོས་ལྟོས་ང་ཚོ་ལ་ཁྱི་ལངས་ཤུལ་དུ་ང་ལ་ལུས་རྒྱུ་འདྲ་མེད་གི
- ཆོས་བསྒྲུབ་ན་འདི་གང་གིས་ཀྱང་བསྒྲུབ་ཆོག་གི
- མི་ཐུབ་མཁན་རྣམས་ཡུལ་ནས་བསྡད་ཆོག་གི
- ཐུབ་མཁན་རྣམས་གཞན་དགོན་སྡེ་གང་ཏུ་སོང་རུང་ཆོས་ལ་དད་པ་རང་མོས་རེད།
- རང་ས་རང་སར་འགྲོ་རྒྱུ་རེད།
- དེ་འགྲོ་མི་འགྲོ་རང་རང་ལ་ཐུག་རྒྱུ་ཞིག་རེད་འདི་ནས་ང་ཚོས་བསྐྱུར་མི་ཐུབ་རྒྱུ་ཞིག་མེད།
- གཅིག་ན་ཆོས་དད་མང་ཚོགས་དང་ལས་ཀ་འདིའི་གོང་གི་སྒྲིག་ལམ་དང་།
- སྲིད་ཇུས་སྟེང་གི་སྒྲིག་ལམ་ལ་སོགས་བརྩི་སྲུང་འདྲ་བྱེད་རྒྱུའི་ཚུགས་ཀ་བྱས་པ་མ་གཏོགས།
- ང་ཚོས་ཡིན་ན་མིན་ན་འཛིན་བཟུང་བྱེད་མཁན་ཞིག་ལག་ཏུ་མ་ཆུད་པར་བསྡད་མེད།
- མདོར་བུད་ན་ཁྱོད་ཚོས་ཁྲིམས་ལ་འབྱར་རྒྱུ་ཡིན་ཟེར་གི་བསྡད་ཡོད་གི
- ཡར་མགོ་གན་ནས་མར་ཁྱོད་ཚོའི་སྟེང་དགྲར་ཡོང་རྒྱུ་ཡིན་ཟེར་གི་བསྡད་ཡོད་གི
- ང་ཚོའི་ས་གནས་སུ་ཡོང་ནས་ཁོ་ཚོས་བརྙས་ཕབ་གི་ཡོད་པ་མ་གཏོགས།
- ང་ཚོ་ཁོ་ཚོའི་ས་གནས་སུ་སོང་ནས་བསད་ནི་མ་རེད།
- ང་ཚོར་བཀོད་པ་མེད་གི་འདུག་མི་ཕོད་འགྲོ་ནི་ཡིན་ཞེས་ལ་ལ་བུད་སོང་ནི་རེད།
- ལ་ལས་འགྲོ་གི་མི་འཇོག་མོད་ལྡེ་མིག་གསེར་བརྐོ་ཚང་གི་སྒོ་ཁར་ཕངས་ནས་
- ཉིན་ཁ་ཤས་ནང་བུད་སོང་ནི་རེད།
- དེའི་རྗེས་ནས་བྱ་བ་ལམ་ལ་བུད་སོང་ནི་རེད།
- གསེར་བརྐོ་དེ་ཚང་།
- གསེར་བརྐོ་ཚང་གིས་ཁྱོད་ཚོར་ས་བྱིན་ཡོད་ཟེར་ནི་རེད།
- ས་བྱིན་ཡོད་ཟེར་རྒྱུ་དེ་ཅི་རེད་ཟེར་ན་གསེར་བརྐོ་སའི་ས་དེ་ང་ཚོ་དགོན་པའི་སའི་ཁོངས་མ་རེད།
- དགོན་པའི་མཐའ་བཞི་ལ་ཁོར་ཡུག་ཆེན་པོ་ཞིག་སྟེར་རྒྱུའི་རྣམ་པ་བྱེད་གི
- དེ་བྱས་དུས་ང་ཚོ་མི་སེར་གྱི་ཁོར་ཡུག་ལ་གནོད་བསྐྱལ་ན་ང་ཚོ་ལའང་བྱེད་རྒྱུ་གཏན་ནས་མེད།
- གསེར་འདི་བརྐོས་ན་སུ་ལའང་གནོད་གི་བསམས་ནས་ང་ཚོའི་ལྟོ་ཁེར་མ་མ་རེད།
- གཏན་དུ་ནས་ཁྱོད་ཚོས་གསེར་བརྐོ་ཚང་འདི་ནས་འདུག་དགོས་ཟེར་དུས་
- ང་ཚོ་གཏན་ནས་ཕྱིར་འཁོར་རྒྱུ་མིན།
- ཁྱོད་ཚོས་ཇི་ལྟར་གསེར་བརྐོ་ཚང་གསོ་སྐྱོང་བྱེད་ན་དེ་ལྟར་བྱོས།
- ང་ཚོས་ཀྱང་ང་ཚོ་འདུག་མི་ཐུབ་པའི་རྒྱུ་མཚན་ཆེན་པོས་ཐུབ་ན་འདྲ་ཆུང་ངུས་ཐུབ་ན་འདྲ
- སྐྱ་ས་ནས་ཡར་ཞུ་བྱེད་ཐུབ་ན་འདྲ་སེར་ས་ནས་ཡར་ཞུ་བྱེད་ཐུབ་ན་འདྲ
- ཡར་ཞུ་བྱེད་ས་དང་བྱེད་མཁན་འདྲ་ཡོད་ན་ཡར་ཞུ་བྱེད་རྒྱུ་རེད།
- དེར་ལྟ་རྟོག་བྱེད་མཁན་འདྲ་ཡོད་ཚེ་བཟང་སོང་ནི་རེད་མ་ཡོད་དུས་མ་ཡོད་ནི་རེད།
- ཁྱོད་ཚོར་རྒྱལ་ཁ་ཐོབ་ནི་རེད་ཁྱོད་ཚོས་བསམ་ནི་བྱོས།
- ང་ཚོ་ཤུལ་ནས་ཡོང་རྒྱུ་མིན།
- གསེར་བརྐོ་ཚང་དེ་རིང་ཉི་མ་ནས་ལྕགས་ཁེམ་སར་རྒྱག་རྒྱུ་མིན་ཁོང་ཚོ་འགྲོ་ནི་ཡིན།
- ས་ཆ་འདིར་སྔོན་ལ་ང་ཚོ་ཡོངས་བ་ནས་བཟུང་གནོད་བསྐྱལ་བར་བྱེད་རྒྱུ་མེད་པ་མ་གཏོགས།
- ད་ནས་བཟུང་དེའི་ཐོག་ཏུ་ཡང་བསྐྱར་གནོད་བསྐྱལ་རྒྱུ་མིན་ཞེས་
- གྲོས་མཐུན་ཡི་གེ་བྲིས་ནས་ས་འདིར་བོད་ཡོད་གི་ཟེར་དུས་ང་ཚོ་དེའི་ཕྱི་ཉིན་ནས་ཡོང་རྒྱུ་རེད།
- ང་ཚོས་ཀྱང་འདུག་བསམས་ནས་རང་གི་ཤུལ་གྱི་ཡོད་ཚད་བསྡུས་ནས་
- ཁྱོད་ཚོ་ལས་བྱེད་པ་ཞིག་ཡིན་རུང་རང་གི་ཁྱིམ་ཤུལ་གྱི་རྒྱུ་ནོར་བཏང་སྟེ་
- གྲྭ་ཚང་གིས་ཀྱང་མཁར་ཤུལ་ཐམས་ཅད་གྲྭ་བའི་མཁར་དུ་འགྲོ་གི་མི་འཇོག་
- བསམས་ནས་གཞུང་ཁང་འདིར་རེ་མོས་བྱས་ཡོད་པ་མ་གཏོགས།
- གཞུང་ལ་འཛུགས་བསྐྲུན་བྱེད་གི་ཨེ་ཡོད་མི་ཤེས།
- ཁྱོད་ཚོས་ཁོང་ཚོ་གུང་ཁྲན་ཏང་གི་མི་ཡིན་ཟེར་གི་ཡོད་ནི་རེད།
- ང་ཚོ་ཡིན་ན་རང་གི་སྟོབས་ཀྱིས་མི་སྒེར་གལ་ཆུང་བྱས་ནས།
- གཅིག་ན་རྒྱལ་ཁབ་ལ་འགན་ཞིག་ཡོད་གི་གཉིས་ན་ང་ཚོས་ཀྱང་འདི་ལྟར་མ་འཆའ་བར་བསྡད་ན།
- དེ་འདྲ་ཡག་པོ་ཞིག་མ་རེད་རང་རོགས་གཉིས་ཀར་འགན་ཞིག་ཡོད་གི་བསམས་ནས།
- འབྱོར་བའི་སྟེང་ནས་ཀྱང་རང་གི་སྟོབས་ཀྱིས་རང་གལ་ཆུང་དང་།
- གཞུང་གལ་ཆེན་བྱས་ནས་བསྡད་ནི་རེད།
- ད་ནི་གསེར་བརྐོ་ཚང་གི་ཁ་ངོ་དོན་གསུམ་གྱིས་ཁྱོད་ཚོས་ང་ཚོ་འདུག་གི་མི་འཇོག་གི
- དེ་ཅི་རེད་ཟེར་ན་ཕྱིའི་དགྲ་དགག་ནང་ལ་བཀུག་ནི།
- ནང་བདུད་རྩི་ཕྱི་ལ་ཤོར་ནི་ཟེར་བའི་དཔེ་དེ་ཡིན་ས་རེད།
- ང་ཚོའང་རྒྱག་ཆེ་ནི་མ་རེད་སྡུག་ཐུག་ནི་རེད།
- ང་ཚོའི་སྒལ་བ་ཕྲ་ནི་རེད་མ་གཏོགས་ང་ཚོས་ཧབ་བཏབ་ནི་མ་རེད།
- ང་ཚོར་ཐབས་མེད་གི་མི་འདུག་ཁོ་ཞིང་དག་པ་ཡིན།
- ད་ཅི་རེད་ཟེར་ན་ང་ཚོས་སྒོ་རྒྱག་མ་ཐུབ་ན་ང་ཚོ་ངན་ནི་ཡིན་ལ།
- ཁྱོད་ཚོས་གསེར་བརྐོ་གསོ་སྐྱོང་བྱེད་མ་ཐུབ་ན་ཁྱོད་ཚོ་ངན་ནི་ཡིན།
- དེ་ལྟར་བཤད་ནས་ང་ཚོ་གྲོས་མཐུན་མ་བྱུང་བར།
- དེ་ནས་དེའི་ཉི་མ་ཕྱི་ཉིན་ང་ཚོ་དགག་རེས་བྱས་པའི་ཉིན་ནས་བཟུང་ལྡེ་མིག་སྤྲད་དེ་
- ཤུལ་དུ་དགེ་རྒན་ཚོ་དང་ཆུང་བ་འགས་འགྲོ་བྱེད་བཙལ་ནས་བུད་སོང་།
- དེ་ནས་ལས་བྱེད་པ་རྙིང་བ་ཚོའང་གཅིག་རྗེས་གཉིས་མཐུད་ཀྱིས་འདིར་ཐོན་སོང་།
- ཁྱོད་ཚོ་ཅིའི་ཕྱིར་འགྲོ་དགོས་ནི་རེད་ཅེས་དྲིས་མོད།
- དེ་ཁོ་ཚོས་སྔོན་ལ་ཐོས་ཡོད་ནི་རེད།
- དེའི་སྔོན་གྱི་ཉིན་དེ་ཚོ་ལ་ང་ཚོས་དོན་དག་བཤད་ནས་ཁ་སྐམ་བར་དུ་བཤད་ནི་རེད།
- ང་ཚོ་འདུག་གི་མི་འཇོག་གི་འགྲོ་ནི་ཡིན་ཞེས་བཤད་དུས་ཁོང་ཚོས།
- འགྲོ་ས་ཞིག་ཡོད་ནི་མ་རེད་འདིར་བསྡད་དེ་བཤད་དགོས་ནི་རེད་མྱུར་ན་འགྲིག་གི་མ་རེད་ཟེར།
- ཁྱོད་ཚོར་དོན་འདི་མྱུར་མོར་བྱུང་ཡོད་སྲིད་ང་ཚོར་ཡུན་རིང་རེད་མོད་ཐག་གཅོད་མཁན་ཞིག་མེད་གི
- ད་ནི་འགྲོ་རྒྱུ་ཡིན་ཡུན་རིང་བཤད་ན་མྱུར་མོར་བཤད་ན་ཁྱོད་ཚོས་ལྟོས།
- ཅེས་བཤད་ནས་ཁ་མ་ཉན་པར་བུད་སོང་།
- དེ་ནས་གསེར་བརྐོ་ཚང་བུད་སོང་ཤུལ་དུ་ང་ཚོ་ཕྱིར་ཐོན་ཡོང་ནི་རེད།
- མ་ཡོང་ན་ང་ཚོ་ཅོག་མེ་སྟེར་གི་སྡོང་མ་རེད་ཤུལ་དུ་ཡོང་ནས་བསྡད་ནི།
- ད་སྔ་ཨ་ལག་གི་བཀའ་དྲིན་གྱིས་བྱ་བ་གང་ཐད་ནས།
- རྒྱ་བོད་གཉིས་ཀྱིས་སྒྲིག་ལམ་གྱི་སྟེང་ནས་འཆའ་མཐུན་གྱིས་བྱ་བ་བསྒྲུབ་ནས།
- ང་ཚོས་ཀྱང་དཔེ་མེད་པ་ཁྲིམས་འགལ་གྱི་བྱ་བ་ཞིག་སྒྲུབ་མེད་གི་བསམས།
- ངས་རང་གི་ཧ་ཅང་ཤེས་མདོག་བྱས་ནི་མིན་རུང་།
- ད་སྔ་རྒྱལ་ཁབ་ལ་རློམ་རྒྱུ་འདྲ་མ་ཡོད།
- དེའི་ཕྱིན་ཆད་མི་ཤེས་རེད་ལ།
- གསེར་ས་འོག་ནས་ཕྱིར་འདོན་བྱེད་ཀྱི་རྒྱུ་ཆ།
- དེའི་ནང་དུ་དུག་རྫས་མ་སྲེས་ན་གསེར་ཕྱིར་ལོན་ཐུབ་ས་མ་རེད།
- དེ་ཆུ་ལ་བརྟེན་དགོས་གི་ཡོད་འདུག
- དེ་སྔོན་ཁོ་ཚོ་འདིར་ཐོན་དུས་དྲང་མོར་བཤད་ན་ང་ཚོས་ཧ་གོ་མ་སོང་།
- ཧ་གོ་ནིའང་མ་རེད་དེ་དུས་རྒྱ་ཆེན་པོ་མི་འདུག་གསེར་ཡོད་མེད་ལ་ཚོད་ལྟ་བྱས་ས་རེད།
- ཏེའན་ཡང་ཀུང་སི་ཟེར་མཁན་ཞིག་ཐོག་མར་ཐོན་ཡོང་།
- མན་ཆད་ཆུ་སྨད་ཀྱི་འབར་ཁམས་ཡན་ཆད་ཀྱི་རོང་བ་ཚོ་དང་།
- འདིའི་མན་ཆད་ཀྱི་མི་རྣམས་ཀྱིས་ཆུའི་ནང་དུ་
- ཉ་དང་སྲོག་ཆགས་གཞན་མང་པོ་ཤི་སྟེ་སྨད་ཀྱི་ཆུ་བཀག་ཡོད་སའི་བར་དུ་ཐོན་འདུག་ཟེར།
- འདིའི་ཆུ་མགོ་ན་ཅི་བྱེད་ཀྱིན་འདུག
- སེམས་ཅན་མང་པོ་དང་ས་གནས་ལ་གནོད་ཀྱིན་འདུག
- གསེར་བརྐོ་ཚང་འདིས་ཅི་བྱེད་ཀྱིན་འདུག་བསམས་ནས་བལྟ་རུ་སོང་དུས་ན་
- གསེར་བརྐོ་ཚང་གིས་ཡར་ན་ཆུ་བཀག་ཡོད་གི་ཟེར།
- ཆུ་ལག་ཆུང་ཆུང་ཞིག་ཡིན་ས་རེད་ཆུ་འདིར་ཉིན་ལག་ཅིག་དང་སྲིབ་ལག་ཅིག་ཡོད་ནི་རེད།
- སྲིབ་ལག་གི་ཆུ་བཀག་ཡོད་གི་ཟེར་དེའི་ནང་ན་ཉ་དང་སྦལ་བ་སོགས་རྫོགས་མེད་ཤི་འདུག
- ཆུ་དེ་བཀག་ཡོད་ཀྱང་མཚམས་མཚམས་རེར་ཕྱིར་མངགས་ནས་ས་ཆ་ལ་ལར་ཐོན་ཡོད་གི
- རྒྱུན་དུ་མངགས་བཞིན་མེད་དེ་ཁོ་ཚོས་ཆུ་བེད་སྤྱོད་བྱེད་དགོས་པའི་རྐྱེན་ཡིན་ས་རེད།
- དེའི་ནང་དུ་དུག་ཡོད་ནས་དེར་རུལ་དྲི་དང་དྲི་ངན་འདུག་ཟེར།
- དེ་ནས་ང་ཚོས་དེའི་ཆུ་བླངས་ནས་འདི་ནས་ང་ཚོ་ཨ་ཁུ་ཚོ་ལ་ན་ཚའི་གནོད་འདྲ་མང་པོ་བྱུང་ནི་རེད།
- ལ་ལ་ཤི་བ་དང་ཁོག་པ་བཤལ་བ་སོགས་བྱུང་བ་དེ་ཐེངས་མང་པོར་རྫོང་དང་ཁུལ་ལ་ཡར་ཞུ་བྱས།
- ཡི་གེ་ཁྱེར་བ་དང་དེའི་ཆུ་ཁྱེར་བ་ལ་སོགས་འདྲ་མི་འདྲ་བྱས་རུང་།
- གོ་མ་ཆོད་ནི་རེད་གསེར་བརྐོ་ཚང་ལ་ཁ་ཡ་བྱས་ནས་ང་ཚོར་བར་ན་དོན་མེད་གི
- ཇི་ལྟར་གནོད་གི་ཅེས་བཤད་ན་མི་ཐུབ་གི་དེ་དེ་ནས་བཀག་ཐལ།
- ཁོ་ཚོའི་ཞེ་ནས་ཅིག་ཤེས་ཡོད་ནི་རེད་དེ་དུས་ང་ཚོར་ཆུ་དེས་གནོད་ཡོང་དུས།
- ཆུ་འདི་གཏན་ནས་འཐུང་མི་ཉན་གི་ཟེར་དུས་ཕ་གིའི་ཁོག་ཆུ་དེ་ཚུར་འཐེན་ཡོང་ཟེར།
- ཕ་གིའི་རི་ངོས་ལ་ཆུ་རྫོང་ཆེན་པོ་ཞིག་བརྐོས་དང་ང་ཚོས་དེའི་ནང་དུ་ཁྱོད་ཚོར་བཏུང་ཆུ་གསོག་ཟེར།
- གནད་དོན་མེད་ན་དེ་ཟེར་རྒྱུ་མ་རེད།
- དེ་ལ་ང་ཚོས་དེ་ལྟར་མི་ཆོག་གི་དེ་ན་དགུན་དུས་ང་ཚོས་ཅི་བྱ།
- ཆུ་ཞིག་ལ་བལྟ་མཁན་མི་གཅིག་ཀྱང་མེད་ཅེས་བཤད།
- དེའི་རྗེས་ཁོ་ཚོས་སྲིབ་ན་བརྐོ་བཞིན་འདུག་ལ་ཉིན་གྱི་ཆུ་ལག་འདི་རུ་འཐེན་ཡོང་ནི་རེད།
- དེ་འདྲ་བྱས་ནི་རེད་ཆུས་གནོད་བཞིན་པ་ཁོ་ཚོའི་ཞེ་ན་གསལ་ནི་རེད།
- དོན་དངོས་སུའང་གྲྭ་བ་ཤི་ནི་ཡོད་ནི་རེད་མོད་ཤི་རུང་དེ་ཁས་བླངས་ཡོད་ནི་མ་རེད།
- མཐའ་མཇུག་ས་འདིར་གནོད་ཡོད་པ་དང་།
- དྲང་མོར་བཤད་ན་བདེན་པ་གང་ཡིན་ཁོ་ཚོའི་སེམས་ལ་གསལ་བ་རེད།
- དེ་མ་གཏོགས་ང་ཚོའི་སྟེང་དུ་འགྲོ་སོང་གཏོང་ནི་མ་རེད།
- ཆུ་སོགས་ང་ཚོར་ཉིན་ཆུ་འཐེན་པ་སོགས་བྱས་ནས་ལྷང་ལ་ཕུད་པ་རེད།
- དེ་བྱས་རུང་རྒྱ་ཇེ་ཆེ་དང་མི་ཇེ་མང་དུ་སོང་ནས།
- སྐབས་ཞིག་ལ་ས་གནས་མང་ཚོགས་ཀྱི་སྦྲའི་ས་ནི་ཇེ་འཛིན་རེད།
- དེ་ཚར་དུས་དེ་རུ་མི་མེད་གི་མ་གཏོགས་ཡོད་དུས་བསད་རྒྱུའི་ཚུགས་ཀ་རེད།
- དང་ཐོག་་་ཧེ་ཧེ།
- དེ་ལག་ལེན་དུ་བཏང་ཚེ་དེ་འདྲ་ཞིག་མ་རེད།
- ང་ཚོས་ཀྱང་ཁོ་ཚོར་སྡུག་ཐུག་བང་ཟད་བར་མ་བསྐྱུར་ནི་ཡིན་སོང།
- འཆི་རྒྱུ་ལས་ལྕེབས་རྒྱུ་ཟེར་གི་ཞེས་པའི་དཔེ་བཞིན་དུ།
- དེ་ལྟར་སྐབས་ཐོག་ལ་གསེར་བརྐོ་ཕྱིར་ཕུད་པ་རེད།
- ལོས་ཤི་ཤི་ཡོད་ནི་རེད་དེ་མིན་ཀྱང་སྨད་ཀྱི་མང་པོ་ཤི་སོང་བ་དང།
- ཡར་གྱི་རྫི་བོའི་སྒོ་ཕྱུགས་མང་པོ་ཤི་སོང་།
- ཤི་སོང་བའི་རོ་སོགས་ཁོ་ཚོར་བསྟན།
- དེར་མ་ཟད་རོ་ཟོས་རྗེས་བྱ་ཤི་ཡོད་པ་སོགས་བསྟན་ནས་པར་བླངས།
- དེ་འདྲ་མང་པོ་བྱས་ནི་རེད་མོད་དེ་དུས་ནས་ཁྱོད་ཚོར་ཁག་མེད་ཅེས་སྒོར་རྡོག་འགའ་རེས་བྱིན་ནས་
- དེའི་གོང་དུ་འགྲོ་རུ་མ་བཅུག་པར་གསེར་བརྐོའི་བྱ་བ་སྔར་བཞིན་མུ་མཐུད་དུ་ལས་ནི་རེད།
- གཏན་དུ་ནས་དེས་གོ་ཆོད་མ་སོང་།
- འདིའི་མན་ཆད་ཀྱི་ཕ་གིའི་ལུང་བའི་ནང་གི་རྒྱ་ཁུལ་མང་ཚོགས་ཀྱི་སྒོ་ཕྱུགས་རྫོགས་མེད་ཤི་སོང་།
- དེ་ཚོས་ཀྱང་ཤི་སོང་བའི་རོ་སོགས་བསྟན་དུས་རྒྱལ་ཁབ་དང་གསེར་བརྐོའི་མིས་
- བདེན་གི་ཤི་ཡོད་གི་གནོད་བསྐྱེལ་ཡོད་མོད་ཁོ་ཚོས་རྐྱེན་ཡིན་ཀྱང་མིན་ཀྱང་སྒོར་མོ་སྟེར་
- ཞེས་སྒོར་མོ་མང་ནི་རེད་དེ་བས་ཡང་སྒོར་མོ་བྱིན་ནི་རེད།
- དེའི་སྔོན་ལོ་ཞིག་ལ་ཡང་རྒྱལ་ཁབ་ཀྱིས་ནགས་ཁྲིམས་བཞག་སྟེ་དེའི་ཡི་གེ་ཐོན་ཡོང་དུས།
- རྒྱ་ཁུལ་གྱི་མི་ཡོང་ནས།
- འདིའི་ཕ་གིའི་ལུང་བའི་ནང་གི་ནགས་རྩ་འབྲེག་འབྲེག་བྱས་ནས་སྟོང་བར་ཕུད་སོང་།
- དེ་ནས་རྒྱལ་ཁབ་ཀྱི་ནགས་ཁྲིམས་ཀྱི་ཡི་གེ་སྦྱར་སོང་།
- སྦྱར་རྗེས་སྡོང་ངན་པ་འདྲ་གཅོད་ཁུལ་བྱས་ནས།
- གྱེན་དུ་ཡོད་པ་རྣམས་གཅོད་མི་ཉན་གི་རྒྱལ་ཁབ་ཀྱི་ཡི་གེ་ཐོན་ཡོད་གི་ཨེ་རེད།
- དེ་ཐོན་གི་ཡོད་དུས་བར་དུ་རྒྱ་ཚོས་གློག་སོག་ཁྱེར་ཡོང་ནས་
- ཕ་གིའི་ནགས་ཉིན་མཚན་མེད་པར་ཉིན་བཅུ་ཁའི་ནང་དུ་མེད་པར་བཟོས་སོང་།
- དེའི་རྗེས་གསེར་བརྐོ་ཚང་ཡ་མགོ་འདིར་འདུག་དུས་ཁོ་ཚོའི་ཁང་བ་འཛུགས་བསྐྲུན་བྱེད་དགོས་ན
- རྒྱ་ཁོག་ཏུ་ཁྱེར་དགོས་ན་གློག་སོག་ཁྱེར་ཡོང་ནས་ཅི་དགོས་ན་དེ་བཅད་དེ
- ཤུག་པ་དགོས་ནས་ཐང་ཤིང་དགོས་ན་སྡོང་བོ་དགོས་ན་ཅི་དགོས་ན་དེ་བཅད་དེ།
- རྗེས་སུ་དོན་དག་བུད་ཤུལ་དུ་དེ་ཐམས་ཅད་མེར་བཏང་ནས།
- སའི་བཀབ་ནས་འདྲུད་འཐེན་འཁོར་ལོ་ཆུ་ཡོད་ས་དེས་ས་བགེབས་སར་ས་བཀབ།
- ཡལ་ག་དང་གད་སྙིགས་རྣམས་མེར་བསྲེགས་ཐུབ་པ་རྣམས་མེར་བསྲེགས།
- མི་ཐུབ་པ་རྣམས་ས་འོག་ཏུ་མནན།
- དེ་ཐམས་ཅད་པོ་ཁོ་ཚོ་སྒེར་གྱི་སྟེང་བཀོལ་ནི་རེད།
- དེར་འཛུགས་བསྐྲུན་བྱེད་དགོས་ན་རྒྱ་ཁོག་ཏུ་ཁྱེར་དགོས་ན།
- དེ་རེད་མ་གཏོགས་རྒྱལ་ཁབ་ཀྱིས་་་་ལུང་བ་འདིའི་ནང་དུ་ནགས་ཁྱེར་བ་བགྲང་གིས་མི་ལངས།
- འདིའི་ལུང་བའི་ནང་རྩ་འབྲེག་འབྲེག་བྱས་ནས་ཚར་སོང་།
- འདིའི་མིག་གིས་མཐོང་ས་རུ་ཅི་རེད་ཟེར་ན།
- རྒྱལ་ཁབ་ཀྱིས་རེག་མི་ཆོག་པའི་ཁྲིམས་བཞག་ཡོད་ནི་རེད།
- ཕ་གིའི་མིག་གིས་མི་མཐོང་ས་རུ་སྐྲག་མི་དགོས་གི་ང་ཚོར་ཐུབ་ཚོད་བྱེད་ཀྱིན་ཡོད་གི
- ཨེ་རེད་་གཅིག་ཤོད་ད་ཁྱོད་ཚོའི་སྣ་བཅད་འཇོག་ཁྱོད་ཚོ་འཛིན་བཟུང་བྱེད་རྒྱུ།
- ཞེས་བཤད་ནས་ངར་སྐད་སྒྲོག་དུས་ང་ཚོས་ཁ་བཟུང་ནས་འདུག་རྒྱུ་མ་གཏོགས་མེད་གི
- དེ་ལྟར་ང་ཚོར་ཐུབ་ཚོད་མང་པོ་བྱས་སོང་མོད་ད་དེ་ཚོ་རེ་རེ་བཞིན་བཤད་མ་བཤད་མེད་གི
- ཅི་བྱས་རུང་ལས་རྒྱུ་ཐམས་ཅད་ལས་ནས་
- གནའ་དཔེ་བཞིན་རྟ་རྒྱུགས་ནས་རྡུལ་བཏང་ཚར་ཡོད།
- དེ་འདྲ་ཞིག་གི་ཚད་མཚམས་ཡིན་སོང་་་་ཧེ་་།
Loading ... Collection:
Subcollection
- Kham
- Oral Histories of Kham
Subject
- History
- Personal Events
Referenced Places
- Zangkar
Recording Location
- Khangmar Gön
Language
- Kham
Editor:
Kelsang Norbu
Director:
Tsehua Washu
Cinematographer:
Tsehua Washu
Contributing Interviewee:
Kesang Sangkyi
Contributing Interviewer:
Tsehua Washu
Contributing Producer:
Tibetan and Himalayan Library
Publisher:
Tibetan and Himalayan Library
Data Entry:
Copyright Owner:
Tibetan and Himalayan Library
Visibility:
Public - accessible to all site users
Shanti AV Id:
1870
Versions:
Date Created:
Monday, February 20, 2012
Media Type:
Moving Image
Format Standard:
QuickTime
Colors:
Color