06 Jan 2016
3 min 21 sec
Video Overview
Creators:
Tibetan & Himalayan Library
This is a video of Tsering Jyi from Yonru Village in Chentsa singing a song called "The Lama Is like a Sandalwood Tree." This song is part of a collection of folk songs from the Rebgong cultural area.
འདི་ནི་སྨོན་ལམ་འདེབས་པའི་གླུ་ཞིག་ཡིན། ཕ་བླ་མའི་སྐུ་ཚེ་ཡུན་རིང་དུ་བརྟན་རྒྱུའི་སྨོན་ལམ་དང་འབྲེལ་ཏེ་ཕྱི་སྣོད་ཀྱི་བཀོད་པ་ཡང་ཡང་སྐྱིད་པ་དང་བདེ་བའི་སྨོན་ལམ་འདེབས་པའི་གླུ་ཞིག་ཡིན།
གླུ་འདིའི་ནང་དོན་གཙོ་བོ་ནི་ཕ་བླ་མའི་བྱམས་བརྩེ་ཕྱོགས་བཅུར་ཁྱབ་ཡོད་པ་དང་དཔེ་དེ་བཞིན་དུ་ཀུན་ལ་ཕན་པའི་ཉི་ཟླ་དང་ཀུན་ལ་སྙན་པའི་ཁུ་བྱུག་གི་སྐད། ཀུན་ལ་མཁོ་བའི་ནས་འབྲུ་སོགས་ཀྱིས་སེམས་ཅན་ཡོངས་ཀྱི་མཁོ་ཉག་གི་བར་ཁ་དུས་རྒྱུན་ཆོད་པའི་སྨོན་འདུན་བརྗོད་པའི་གླུ་ཞིག་ཡིན།
- ཡེ་་ཡ་རེ་ཡ་རེ་ཨ་གྲགས་སོ་ལོ་ལོ་ཡང་ཡ་རེ་ལེན་གོ
- ཕ་བླ་མ་ཙན་དན༼ཨ་གྲགས་སོ་ལོ་ལོ་ཡང༽སྡོང་བོ་རེད།།
- འདི་སྐྱེས་ནས་རྩེ་མོ༼ཨ་གྲགས་སོ་ལོ་ལོ་ཡང༽དགུང་ལ་ཟུག།
- དགུང་ཉི་ཟླ་གཉིས་ཀ༼ཨ་གྲགས་སོ་ལོ་ལོ་ཡང༽ཤར་ས་རེད།།
- ངས་ཡང་ཡང་ཤར་བའི༼ཨ་གྲགས་སོ་ལོ་ལོ་ཡང༽སྨོན་ལམ་འདེབས།།
- ཡེ་་ཡ་རེ་ཡ་རེ་ཨ་གྲགས་སོ་ལོ་ལོ་ཡང་ཡ་རེ་ལེན་གོ
- ཡལ་ག་རྒྱས་ནས༼ཨ་གྲགས་སོ་ལོ་ལོ་ཡང༽བར་སྣང་བཀང་།།
- ཁུ་བྱུག་སྔོན་མོ༼ཨ་གྲགས་སོ་ལོ་ལོ་ཡང༽གྲགས་ས་རེད།།
- གན་ཡང་ཡང་གྲགས་པའི༼ཨ་གྲགས་སོ་ལོ་ལོ་ཡང༽སྨོན་ལམ་འདེབས།།
- ཡེ་་ཡ་རེ་ཡ་རེ་ཨ་གྲགས་སོ་ལོ་ལོ་ཡང་ཡ་རེ་ལེན་གོ
- རྩད་པ་རྒྱས་ནས༼ཨ་གྲགས་སོ་ལོ་ལོ་ཡང༽ས་གཞིར་བཀང་།།
- ནས་རིགས་སྔོན་མོ༼ཨ་གྲགས་སོ་ལོ་ལོ་ཡང༽འཁྲུངས་ས་རེད།།
- ཡང་ཡང་འཁྲུངས་པའི༼ཨ་གྲགས་སོ་ལོ་ལོ་ཡང༽སྨོན་ལམ་འདེབས།།