རྒྱལ་ཁབ་ནང་ སྣུམ་འཁོར་ལམ་དང་ ལམ་འགྲུལ་གྱི་མཐུན་རྐྱེན་ འགོ་མ་བཙུགས་པའི་ཧེ་མ་ སྐྱེལ་འདྲེན་གྱི་དོན་ལུ་ འབྲུག་མི་ལ་ཁ་མཐོ་སར་སྡོད་མི་ཚུ་གིས་གཡག་དང་ ས་ཁ་དམའ་སར་སྡོད་མི་ཚུ་གིས་ རྟ་ལུ་བརྟེན་སྡོད་ཡོདཔ་ད་ སེམས་ཅན་གུ་སྐྱེལ་འདྲེན་འབད་བའི་སྐབས་སུ་ རྟའི་སྒ་ཆས་ལ་སོགས་པ་ཚུ་ ཁག་ཆེ་ཏོག་ཏོ་ཨིན་པས། གློག་བརྙན་ཐུང་ཀུ་འདི་ནང་ ཐིམ་ཕུག་རྫོང་ཁག་ ཝང་དངས་ལོ་གཡུས་ཚན་ལས་ རྣམ་རྒྱལ་རྡོ་རྗེ་གིས་ སྒ་ཆས་དང་ གཞན་ཡང་ཉེ་བར་མཁོ་བའི་ རྟའི་ཅ་ཆས་ཀྱི་སྐོར་ལས་ བཤད་པ་རྐྱབ་ཨིན་པས། སྒ་ལུ་སྤྱིར་བཏང་ཡོངས་གྲགས་ལུ་ བཞོན་སྒ་དང་ ཁལ་སྒ་ཟེར་ ཁག་གཉིས་སྦེ་ཡོདཔ་ད་ འདི་ཚུ་ཡང་ ཨེ་ཏོག་མེ་ཏོག་གི་ཤིང་ལ་སོགས་པའི་ ཤིང་འཇམ་དྲགས་ཚུ་གི་སྦེ་ བཟོ་དོ་ཡོདཔ་ཨིན་པས། སྤྱིར་བཏང་སྒ་འདི་གཉིས་ ཅོག་ར་འཐདཔ་སྦེ་ཡོད་རུང་  བཞོག་སྒ་གུ་རྐངམ་བཀལ་ས་ཡོདཔ་ད་ ཁལ་སྒ་གུ་ཁུར་ཆ་བསྡམ་ནི་གི་ ཐགཔ་རིངམ་ཅིག་ཡོད་མི་ལས་བརྟེན་ ཁྱད་པར་བཟོཝ་ཨིན་པས། ཏེ་རྟ་གུ་བཞོན་ནི་བྱ་སྟབས་བདེ་ནིའི་དོན་ལུ་ ད་རེས་ནངས་པ་ བཞོན་སྒ་འདི་ཀོཝ་གི་སྦེ་བཟོ་ཡོདཔ་ཨིན་པས།