05 Jan 2016
2 min 54 sec
Video Overview
Creators:
Tibetan & Himalayan Library
This is a video of Tsethar Bum from Yonru Village in Chentsa singing "I Will Sing While I Am Alive." This song is part of a collection of folk songs from the Rebgong cultural area.
འདི་ནི་མདོ་སྨད་རེབ་གོང་ཕྱོགས་ཀྱི་དམངས་གླུ་ཞིག་ཡིན་ལ། གཙོ་བོར་ལོ་ཆུང་དུས་སྐྱིད་ལ་རོལ་དགོས་པ་བསྟན་ཡོད།
གླུ་འདི་ཡང་བོད་ཀྱི་མི་ཚེའི་ལྟ་ཚུལ་དང་འབྲེལ་བ་ཞིག་ཡིན། ནང་དོན་གྱི་ཆ་ནས་མི་ཞིག་ཡིན་ན་གླུ་ལེན་གར་རྩེད་ལ་རོལ་དགོས་ཞིང་། ལྷག་ཏུ་ལོ་ཆུང་དུས་དང་ལང་ཚོ་དར་བའི་དུས་སུ་རོལ་དགོས་པ་བསྟན་ཡོད། དེ་མིན་རྒས་པའི་དུས་སུ་གླུ་གར་རྩེད་འཇོར་རོལ་བའི་དུས་མིན་པ་དང་། ཚེ་ཕྱི་མར་སོང་ཕྱིན་དེ་འདྲའི་སྐྱིད་ཅིག་མེད་ཅེས་པའི་དོན་ནོ། །
- ༼ཡེ་་་ཡ་རེ་་ཨ་ཟིན་ཁོ་་་ཡ་རེ་ལེན་་་ཞང་ཡ་རེ་ཟེར་ར་ཨ་ཟིན་ཁོ་གླུ་ཞིག་ལེན༽
- རྟ་རྒྱུགས་ན་འཇིག་རྟེན་འདི་ནས་རྒྱུགས། །
- ཚེའི་ཕྱི་མའི་ཡུལ་ན་རྒྱུགས་ས་མེད། །
- ས་ལག་མཐིལ་ཙམ་ཞིག་མེད་ས་ནས། །
- རྟ་ཞོན་ནས་རྒྱུག་ས་གང་ན་རེད། །
- ༼ཡེ་་་ཡ་རེ་་ཨ་ཟིན་ཁོ་་་ཡ་རེ་ལེན་་་ཞང་ཡ་རེ་ཟེར་ར་ཨ་ཟིན་ཁོ་གླུ་ཞིག་ལེན༽
- གླུ་ལེན་ན་འཇིག་རྟེན་འདི་ནས་ལེན། །
- ཚེ་ཕྱི་མའི་ཡུལ་ན་གླུ་ལེན་མེད། །
- མི་ཐེབ་མོ་ཙམ་ཞིག་མེད་ས་ན། །
- གླུ་བླངས་ནས་འདུག་ས་གང་ན་ཡོད། །
- གླུ་ཤེས་ཁུལ་བྱེད་ལ་དགོད་ཁ་སློང་།།