Video Overview
དགུང་སྟོད་མཐོན་པོ་གསེར་གྱི་ཀ་བ་ལ་ཟེར་མི་གླུ་གཞས་འདི་ནང་ དམ་པའི་ཆོས་གཅིག་ཁར་སྒྲུབ་མི་ ཆོས་གྲོགས་ཚུའི་བར་ན་ཡོད་པའི་འབྲེལ་བའི་སྐོར་ལས་སླབ་ཨིནམ་ད་ འདི་ནང་གནམ་དང་ཉིམ་འདི་ དཔེ་གཟུགས་སྦེ་བཀོད་ཐོག་ལས་ དོན་ང་བཅས་རའི་མི་ཚེ་ལུ་མནོ་བསམ་བཏང་སྟེ་ གསེར་དང་གཡུ་བཟུམ་སྦེ་འགྱུར་བ་མེདཔ་སྦེ་སྡོད་པའི་རེ་བ་བསྐྱེདཔ་ཨིན་པས། གླུ་གཞས་འདི་ནང་ ཆོས་གྲོགས་ཀྱི་བར་ནའི་ ཐ་དང་དམ་ཚིག་འདི་ གསེར་གྱི་ཀཝ་ལས་སྒྲིང་སྒྲིང་དང་ གཡུའི་སྡོང་པོ་ལས་ཡང་རིངམོ་སྦེ་གནས་བཅུག་ཟེར་བའི་ སྨོན་ལམ་བཏབ་མས། གླུ་གཞས་ཀྱི་ཚིག་ལུ་ཉནམ་ད་ ནོར་བུ་སྒྲོལ་མ་དང་ བསོད་ནམས་ལྷ་མོ་གིས་ ཚིགས་བཅད་གཉིས་ལས་མ་འཐེནམ་ལས་ ཞབས་བྲོ་འདི་མཇུག་མ་བསྡུཝ་བཟུམ་ཅིག་ཡོདཔ་ད་ ངོ་མ་འབད་བ་ཅིན་ དཔེ་གཟུགས་ཅན་གྱི་གླུ་གཞས་འདི་ཚུ་ནང་ སྤང་དང་ཤ་བ་ ཆུ་དང་ཉ་མོ་ཟེར་ དཔེ་ལེ་ཤ་ཅིག་འོང་དགོཔ་ཨིན།
Norbu Dema and Sonam Lhamo sing a song called "Gungtey Thoenpo Sergi Kawa". It speaks of a good relationship between dharmic friends. It uses several metaphors such as the sky and the sun, which the composer wishes to be eternal as gold and turquoise. This implies that the bond between dharmic friends should be as strong as a golden pillar and as long as a turquoise trunk. By looking at the lyrics, Norbu and Sonam seem to have sung only two of the song's stanzas. The rest of the song includes more examples such as the stag in the meadow and the fish in the river.
- ནོར་བུ་སྒྲོལ་མ་དང་བསོད་ནམས་ལྷ་མོ Norbu Dema & Sonam Lhamoདགུང་སྟོད་མཐོན་པོ་གསེར་གྱི་ཀ་བ་ལ་ཅིག་འདྲ་སོང་། །ཁྲི་གདུགས་ཉི་མ་གཡུ་ཡི་སྡོང་པོ་ལ་ཅིག་འདྲ་སོང། །གསེར་གྱི་ཀ་བ་འགྱུར་ལྡོག་མེད་པ་ལ་ཅིག་བཞུགས་ཡོད། །གཡུ་ཡི་སྡོང་པོ་རྒྱུན་ཆད་མེད་པ་ལ་ཅིག་བཞུགས་ཡོད། །གཡུ་ཡི་སྡོང་པོ་རྒྱུན་ཆད་མེད་པ་ལ་ཅིག་བཞུགས་ཡོད། །
- ནོར་བུ་སྒྲོལ་མ་དང་བསོད་ནམས་ལྷ་མོ Norbu Dema & Sonam Lhamoརང་སེམས་དགའ་་་་་་ རང་སེམས་དགའ་བ་ལུས་སེམས་སྐྱིད་པ་ལ་ཅིག་བཞུགས་ཡོད། །ཆོས་གྲོགས་དག་ལ་དམ་ཚིག་གཙང་མ་ལ་ཅིག་བཞུགས་ཡོད། །ཆོས་གྲོགས་དག་ལ་དམ་ཚིག་གཙང་མ་ལ་ཅིག་བཞུགས་ཡོད། །
- ནོར་བུ་སྒྲོལ་མ་དང་བསོད་ནམས་ལྷ་མོ Norbu Dema & Sonam Lhamoགངས་སྟོད་མཐོན་པོ་གསེར་གྱི་ཀ་བ་ལ་ཅིག་འདྲ་སོང་། །སེང་ཆེན་དཀར་མོ་གཡུ་ཡི་སྡོང་པོ་ལ་ཅིག་འདྲ་སོང། །གསེར་གྱི་ཀ་བ་འགྱུར་ལྡོག་མེད་པ་ལ་ཅིག་བཞུགས་ཡོད། །གཡུ་ཡི་སྡོང་པོ་རྒྱུན་ཆད་མེད་པ་ལ་ཅིག་བཞུགས་ཡོད། །གཡུ་ཡི་སྡོང་པོ་རྒྱུན་ཆད་མེད་པ་ལ་ཅིག་བཞུགས་ཡོད། །
- ནོར་བུ་སྒྲོལ་མ་དང་བསོད་ནམས་ལྷ་མོ Norbu Dema & Sonam Lhamoརང་སེམས་དགའ་བ་ལུས་སེམས་སྐྱིད་པ་ལ་ཅིག་བཞུགས་ཡོད། །ཆོས་གྲོགས་དག་ལ་དམ་ཚིག་གཙང་མ་ལ་ཅིག་བཞུགས་ཡོད། །ཆོས་གྲོགས་དག་ལ་དམ་ཚིག་གཙང་མ་ལ་ཅིག་བཞུགས་ཡོད། །ལགས་སོ་ལགས།། །།
Loading ... - Oral Traditions
- Old Bodra
- Metsho
- Dzongkha
Shejun ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས།ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from.