Video Overview
"So Yaeki Guntey Theonpo,” performed in this video by Dechen Peldrön, Jangchub Peldrön and Sonam Dema from Lubi village, is a boedra song. It describes the happiness of encountering people and animals at their places of origin. The song recounts the joy in encountering and hearing the sounds and voices of a yak mother, an authentic master at a hermitage, a king at a castle, and gracious parents at the village. One never gets enough of any of them.
༉ འབྲུག་རྒྱལ་ཁབ་ཀྱི་རང་ལུགས་འབོད་སྒྲའི་གླུ་གཞས་ སྭོ་ཡར་གྱི་དགུང་སྟོད་མཐོན་པོ་ཟེར་མི་འདི་ ལྷུན་རྩེ་རྫོང་ཁག་ལུ་བི་གཡུས་ཚན་ནང་ལས་བདེ་ཆེན་དཔལ་སྒྲོན་དང་བྱང་ཆུབ་དཔལ་སྒྲོན་ དེ་ལས་བསོད་ནམས་སྒྲོལ་མ་ཚུ་གིས་འཐེན་ཏེ་འདུག དེ་ཡང་ ཕྱོགས་གཞན་ལས་མི་གསརཔ་དང་སེམས་ཅན་ཚུ་འཕྱདཔ་ད་ སེམས་ཁ་ལུ་དགའ་བ་དང་སྤྲོ་བ་ག་དེ་སྦེ་བྱུངམ་ཨིན་ན་ གླུ་གཞས་འདི་ནང་གསལ་སྟོན་འབད་དེ་ཡོདཔ་ཨིན། དེ་མ་ཚད་གཡག་མོ་ཚུ་འཕྱདཔ་ད་ སྐད་གོ་བའི་སྐབས་དང་ དེ་ལས་དབེན་པའི་རི་ཁྲོད་ཚུ་ནང་ ཡང་དག་པའི་མཚམས་བཅད་དེ་བཞུགས་མི་མཚམས་པ་ དེ་མ་ཚད་གཟིམ་ཅུང་ནང་ལས་རྒྱལཔོ་དང་གཡུས་ཁ་ལས་ཕམ་ཚུ་འཕྱད་པའི་སྐབས་ དགའ་བ་འབྱུང་མི་གི་སྐོར་ལས་བཤད་དེ་འདུག གོང་དུ་བཤད་དོ་བཟུམ་སྦེ་འཕྱད་པའི་སྐབས་དགའ་བ་ཐོབ་དོ་བཟུམ་ གཞན་མི་ཚུ་ལས་དགའ་བ་མི་ཐོབ་དོ་ཡོདཔ་ཨིན། སྭོ་ཡར་གྱི་དགུང་སྟོད་མཐོན་པོ་ཟེར་མི་གླུ་གཞས་འཐེན་ནིའི་ལམ་སྲོལ་འདི་ སྤང་མཁར་སྤྱི་འོག་ནང་མི་རབས་ལས་མི་རབས་བརྒྱུད་དེ་འཐེན་ཏེ་ཡོད་མི་ཅིག་ཨིན་མས། ཨིན་རུང་ གླུ་གཞས་འདི་ཧ་ལས་སི་སི་འབད་ གཡུས་ཁའི་ཕམ་རྒན་ཤོས་ཚུ་གིས་རྐྱངམ་ཅིག་ དུས་སྟོན་དང་ལོ་མཆོད་ཚུ་ནང་འཐེན་དོ་ཡོདཔ་ཨིནམ་ད་ གླུ་གཞས་འདི་ ལུང་ཕྱོགས་སོ་སོ་ནང་ལུ་དར་ཁྱབ་ཅན་ཅིག་མེནམ་པས།
- Lhuntse
- Khoma
- Dechen Peldon, Jangchub Peldon, Sonam Dema: སྭོ་ ཡས་ཀྱི་དགུང་སྟོད་མཐོན་པོའི་ཕྱོགས་ཤེད་ན། །འབྲི་མོ་ཨ་མའི་གསུང་སྐད་ལྷང་སེ་ལྷང་། །ཨ་མའི་ལ་གསུང་སྐད་ལྷང་སེ་ལྷང་། །ལྷང་སེ་ལྷང། སྭོ་ མར་དང་འོ་མའི་ཕྱོགས་ནས་ངོམས་པ་མེད། །འབྲི་མོ་ཨ་མ་འཕྲད་ན་དགའ་དགའ་རེད། །ཨ་མ་ལ་འཕྲད་ན་སྐྱིད་སྐྱིད་རེད། །སྐྱིད་ལ་སྐྱིད་རེད།བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: སྭོ་ ཡས་ཀྱི་དགོན་བཟང་ཁྲ་མོའི་ཕྱོགས་ཤེད་ན། །མཚན་ལྡན་བླ་མའི་གསུང་སྐད་ལྷང་སེ་ལྷང། །བླ་མའི་གསུང་སྐད་ལྷང་སེ་ལྷང་། །ལྷང་སེ་ལྷང་། སྭོ་ བྱིན་རླབས་དམ་རྫས་ཕྱོགས་ནས་ངོམ་པ་མེད། །མཚན་ལྡན་བླ་མ་མཇལ་ན་དགའ་དགའ་རེད། །བླ་མ་ལ་མཇལ་ན་སྐྱིད་སྐྱིད་རེད། །སྐྱིད་ལ་སྐྱིད་རེད།བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: སྭོ་ ཡས་ཀྱི་རྫོང་ཆེན་ཁྲ་མོའི་ཕྱོགས་ཤེད་ན། །དབང་ཆེན་དཔོན་པོའི་གསུང་སྐད་ལྷང་སེ་ལྷང་། །དཔོན་པོའི་གསུང་སྐད་ལྷང་སེ་ལྷང་། །ལྷང་སེ་ལྷང་། སྭོ་ བཀའ་བཀོད་ཚིག་གསུམ་ཕྱོགས་ནས་ངོམས་པ་མེད། །དབང་ཆེན་དཔོན་པོ་མཇལ་ན་དགའ་དགའ་རེ། །དཔོན་པོ་ལ་མཇལ་ན་སྐྱིད་སྐྱིད་རེད། །སྐྱིད་ལ་སྐྱིད་རེད།བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
- Dechen Peldon, Jangchub Peldon, Sonam Dema: སྭོ་ ཡས་ཀྱི་གཡུས་བཟང་མཐོན་པའི་ཕྱོགས་ཤེད་ན། །དྲིན་ཆེན་ཕ་མའི་གསུང་སྐད་ལྷང་སེ་ལྷང་། །ཕ་མའི་ལ་གསུང་སྐད་ལྷང་སེ་ལྷང་། །ལྷང་སེ་ལྷང་། སྭོ་ ཟས་ནོར་ལོངས་སྤྱོད་ཕྱོགས་ནས་ངོམས་པར་མེད། །དྲིན་ཆེན་ཕ་མ་མཇལ་ན་དགའ་དགའ་རེད། །ཕ་མ་ལ་མཇལ་ན་སྐྱིད་སྐྱིད་རེད། །སྐྱིད་ལ་སྐྱིད་རེད། ཡ་ལགས་སོ།། །།བདེ་ཆེན་དཔལ་སྒྲོན། བྱང་ཆུབ་དཔལ་སྒྲོན། བསོད་ནམས་སྒྲོལ་མ།
Loading ... - Oral Traditions
- Old Bodra
- Lhuntse
- Khoma
- Khoma
- Dzongkha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.