༉  མོང་སྒར་རྫོང་ཁག་ འབྲས་སྤུངས་རྒེད་འོག་ལས་ ཞབས་བྲོ་རྐྱབ་མི་སྡེ་ཚན་ཅིག་གིས་ གཡུས་ལྷ་ཁང་ནང་ལུ་ གཞུང་སྒྲ་ ཕོ་བྲང་ཆེན་མོ་ཟེར་མི་འདི་འཐེནམ་ཨིན་པས། གཞུང་སྒྲ་འདི་ དགའ་སྟོན་གྱི་སྐབས་ལུ་ དང་ཕུ་ཕ་མའི་སྐབས་ལས་རང་ མོང་སྒར་རྫོང་ནང་ལུ་རྐྱབ་སྲོལ་ཡོདཔ་ཨིནམ་དང་ འ་ནཱི་གཞུང་སྒྲ་འདི་ འཆམ་རྐྱབ་པའི་སྐབས་དང་ མཐོང་འབྲེལ་གྱི་སྐབས་ལུ་ གསོལ་འདེབས་ཀྱི་ཚུལ་སྦེ་རྐྱངམ་ཅིག་མ་གཏོགས་ གཞན་དགའ་སྟོན་གྱི་སྐབས་ལུ་འཐེན་སྲོལ་མེདཔ་ཨིན་པས། གཞུང་སྒྲ་འདི་ ད་རེས་ནངས་པར་ཡང་རྐྱབ་སྲོལ་ཡོདཔ་ད་  གཞུང་སྒྲ་འདི་གིས་ ང་བཅས་ར་ སྒྲུབ་པ་དང་ སངྱས་ཀྱི་གོ་འཕང་འཐོབ་དགོ་པ་ཅིན་ སྐྱེས་བུ་དམ་པ་ དཔེར་ན་ གུ་རུ་རིན་པོ་ཆེ་ལ་སོགས་པ་རྩ་ཅན་གྱི་བླམ་ནམ་མཁའི་སྙིང་པོ་ཚུ་གིས་བྱིན་གྱིས་བརླབས་པའི་ གནས་རྩ་ཅན་ དཔེར་ན་ ཆོས་འཁོར་ལྷ་ས་དང་ལྷོ་བྲག་མཁར་ཆུ་ལ་སོགས་པ་ཚུ་མཇལ་དགོ་ཟེར་བའི་དོན་སྟོནམ་ཨིན།