Video Overview
Tshering Lham from Bongo Gewog sings a boedra song that commomerates and pasy homage to the great spiritual Buddhist masters such as Dorjé Phakmo of Chokhor Lhasa in Tibet, Namkhai Nyingpo of Lhodra Karchung and Ngakwang Namgyel of Pungthang Dechen. Such songs are composed mainly to remember the spiritual masters for their great deeds for the benefit of all sentient beings.
༉ ཆུ་ཁ་རྫོང་ཁག་ སྦོང་སྒོར་རྒེད་འོག་ མཚོ་ཁ་ལས་ཚེ་རིང་ལྷམོ་གིས་ འབོད་སྒྲའི་གླུ་གཞས་ ས་བོད་ཀྱི་བྱ་ཆེན་ངང་པ་ཟེར་མི་འདི་འཐེན་ཏེ་འདུག གླུ་གཞས་འདི་གི་འབྱུང་ཁུངས་དང་བྱུང་རབས་ བརྩམས་པ་པོ་ཚུ་མི་ཤེས་དོ་ཡོདཔ་ཨིན་རུང་ ཨ་ནཱི་གླུ་གཞས་འདི་ རང་སྐྱིད་སྡུག་ཕོག་སྡོད་པའི་སྐབས་ལུ་འཐེན་ནི་གི་གླུ་གཞས་ཅིག་ཨིན་མས། གླུ་གཞས་ཀྱི་ཚིག་དང་འཁྲིལ་བ་ཅིན་ ཕམ་དང་སྤུན་ཆ་ཚུ་བཀོ་བཞག་སྟེ་ ཐག་རིང་སར་འགྱོ་དགོ་པའི་གནས་སྟངས་ཅིག་ནང་འཐེན་ནི་གི་གླུ་གཞས་ཅིག་ཨིནམ་ད་ གླུ་གཞས་ཀྱི་ཚིག་ནང་ ས་བོད་ཀྱི་བྱ་ཆེན་ངང་པ་འདི། །རང་མ་འཕུར་ཟེར་བ་རྒྱ་ལུ་འཕུར་ཟེར་ རང་འགྱོ་དགོ་མ་མནོ་སྟེ་འབད་རུང་ འགྱོ་དགོཔ་འཐོནམ་ལས་ མ་འགྱོ་བ་ཐབས་རང་མིན་འདུག་ཟེར་ འཐེནམ་ཨིན་པས།
- ཨམ་ཚེ་རིང་ལྷ་མོTshering lham: ཨོ་མོ་ཨོ་མོ་མ་ཎི་ལ་པདྨེ་ཧཱུཾ། །ཨོམ་དང་ལས་སུ་མབ་ནི་ལ་པདྨེ་ཧཱུཾ། །
- ཨམ་ཚེ་རིང་ལྷ་མོTshering lham: ས་བོད་ཀྱི་བྱ་ཆེན་དབའེ་ངང་པ་ས། །ཁྱོད་མ་འཕུར་ཟེར་བ་དབའེ་རྒྱ་ལུ་འཕུར། །མར་མ་ཆགས་ཟེར་བ་དབའེ་རྒྱ་ལུ་ཆགས། །མར་རྒྱ་ཡི་གསེར་ཁྲི་དབའེ་གྱལ་ཁ་ཆགས། །
- ཨམ་ཚེ་རིང་ལྷ་མོTshering lham: ཚང་མ་འཚོལ་བ་ཟེར་བ་ཚང་ཅིག་འཚོལ། །ཚང་ལན་གཅིག་ཙན་དན་དབའེ་གུ་ལུ་འཚོལ། །ཡར་ཡོ་བོ་དང་ཧོར་པས་དབའེ་སྐྱིད་མ་སྟེར། །ཚང་ལན་གཅིག་ཙན་དན་དབའེ་རྩ་བར་འཚོལ། །
- ཨམ་ཚེ་རིང་ལྷ་མོTshering lham: མར་སྦསཔ་དང་སྦུལ་གྱིས་སྐྱིད་མ་སྟེར། །ཚང་ལན་གཅིག་ཙན་དན་དབའེ་བར་མོ་འཚོལ། །བར་སྒོང་རྡོག་ལྔ་གསུམ་དབའེ་བཅོ་ལྔ་བུད། །ང་བྱི་ཅུང་བཞི་གསུམ་དབའེ་བཅུ་གཉིས་འཐོན། །
- ཨམ་ཚེ་རིང་ལྷ་མོTshering lham: ང་བྱི་ཅུང་གཤོག་སྒྲོ་དབའེ་མ་རྒྱགསཔ་ལས། །ཟླཝ་དང་པའི་སོར་ཟླ་དབའེ་ཚེས་ཆི་ནུག །ང་བྱ་ཆེན་བོད་ལུ་དབའེ་འཕུར་རནམ་མས། །ང་མ་འཕུར་ཟེར་བ་དབའེ་རྒྱ་ལུ་་་་ཡར་ལུ་འཕུར། །
- ཨམ་ཚེ་རིང་ལྷ་མོTshering lham: ཡར་མ་འཕུར་ཟེརཝ་ད་དབའེ་ནམ་ལུ་འཕུར། །ཡར་མ་ལྡིང་ཟེར་བ་དབའེ་ནམ་ལུ་ལྡིང་། །ཡར་དགུང་དང་སྤྲིན་གྱི་དབའེ་མཚམས་ལུ་ལྷོད། །མར་མ་བལྟ་སེམས་ཀྱིས་དབའེ་བཟོད་མ་ཚུགས། །
- ཨམ་ཚེ་རིང་ལྷ་མོTshering lham: ང་བྱ་ཆེན་ལན་གཅིག་དབའེ་ལོག་བལྟ་ཚེ། །བྱ་མེད་པའི་བྱི་ཅུང་དབའེ་མགུ་རིལ་རི། །ཆུ་མེད་པའི་བརྡར་རྡོ་དབའེ་སྐམ་རག་རག །ང་བྱ་མོ་ལན་གཅིག་དབའེ་ལོག་དགོ་པས། །ལོག་དགོ་པས།། །།
Loading ... - Oral Traditions
- Old Bodra
- Bhutan
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
FOR EDUCATIONAL AND CULTURAL USE ONLY. REPRODUCTION IS STRICTLY PROHIBITED WITHOUT PERMISSION FROM SHEJUN.