17 Aug 2018
3 min 23 sec
Video Overview
Creators:
Dudul Dorjee, Tibetan & Himalayan Library
འདི་ནི་མི་སེམས་ངན་གྱིས་གྲོགས་ལ་བསམ་པ་གནག་ནས་རང་གི་རྟ་རང་གིས་བསད་པའི་གཏམ་རྒྱུད་ཅིག་ཡིན།
གཏམ་རྒྱུད་འདིའི་ནང་དུ་སྔོན་གྲོགས་པོ་གཉིས་ཡོད་པར་གཅིག་སེམས་བཟང་ཡིན་པ་དང་གཅིག་སེམས་ངན་ཡིན། དེ་ནས་གྲོགས་པོ་སེམས་ངན་གྱིས་གྲོགས་སེམས་བཟང་བོར་གནོད་བྱེད་བསམས་ཏེ། མཚན་མོ་གྲོགས་སེམས་བཟང་གཉིད་པའི་སྐབས་སུ་གྲོགས་སེམས་བཟང་གི་རྟ་དྲུད་ནས་བསད་པ་རེད། ཕྱི་ཉིན་ལྟ་དུས་མདང་དགོང་ཁོས་བསད་པ་ནི་གྲོགས་སེམས་བཟང་གི་རྟ་མ་ཡིན་པར་ཁོའི་རྟ་ཡིན་པ་རེད།
这是一则关于一位黑心人想加害自己的朋友,结果自己杀死了自家马的故事。
这则故事主要讲述了从前有两个朋友,一个心地善良,而另一个则心肠狠毒。 有一天,那名心肠狠毒的朋友想污蔑他的朋友偷窃。所以,晚上乘那位好心朋友睡觉的时候,他把朋友的马拖出去杀死了。结果,第二天等他起床发现昨晚被杀的不是那位好心朋友的马,而是他自己的马。
The story of a bad-hearted man who accuses his friend of theft and kills his horse, but ends up killing his own horse by mistake.
- སྐར་མ་མཚོ།གནའ་ཞིག་ལ།
- བསམ་དཀར་ཞིག་དང་བསམ་ནག་ཅིག
- དེ་གཉིས་ཀ་ས་ཆ་ཐག་རིང་ཐག་རིང་ཞིག་ལ་མཉམ་དུ་སོང་བ་ཡིན།
- གཉིས་ཀ་སོང་སོང་ནས།
- དེ་ནས་གཉིས་ཀས་བབས་ཁ་བཏབ་ནས་བ་བཞག་བྱས་ནས་བསྡད།
- བསྡད་ནས་གཉིས་ཀས་ནུབ་ཇ་འཐུང་ནས།
- གཉིས་ཀས་རི་ཐོ་བརྩིངས་ནས།
- ནུབ་ཇ་བསྐོལ་ནས་ནུབ་ཇ་འཐུང་རྗེས་གཉིད་པ་རེད།
- དེ་ནས་གཉིད་ཀྱི་གཏིང་ལ་སོང་ཡོད་དུས།
- བསམ་ནག་དེ་ལངས་པ་རེད།
- ལངས་ནས་སོང་སྟེ་རྟའི་ཁོག་ནས།
- ཁོའི་རྟ་རྒན་མིན་པར་རོགས་པའི་རྟ་རྒན་ཡིན་འདོད་ནས།
- དྲུད་ནས་སོང་སྟེ་མཐའ་ལ་འཕངས་པ་རེད།
- མཐའ་ལ་འཕངས་ནས་ཕྱིར་ཡོང་སྟེ།
- ཁོ་ལ་ཤེས་སུ་མ་བཅུག་པར་ཉལ་བ་རེད།
- ཉལ་ནས་ནམ་ལངས་ནས་ཡོང་དུས།
- སེམས་ལ་འདིའི་རྟ་རྒན་མཐའ་ལ་འཕངས་ཡོད་པ་འདྲ།
- དེ་རིང་འདི་ལ་རྟ་ཡོད་པ་མ་རེད།
- ཨ་རོད་ཨ་རོད་ཁྱོད་ལོངས་དང་།
- ཁྱོད་ཀྱི་རྟ་རྒན་དེ་རིང་མཐའ་ལ་འཕངས་ཡོད་པ་འདྲ་ཟེར།
- དེ་ནས་གཞན་དེས་སེམས་ཐང་ལ་བབས་ནས།
- ངས་གྲོགས་པོར་འཇོག་མེད་མ་བཅོས།
- སྒྱིད་པའི་ཉྭ་ཤ་མ་ཟོས།
- ངའི་རྟ་མཐའ་ལ་ལྷུང་དོན་མེད་ཟེར་ནས།
- མགོ་རུམ་ལ་བཏང་ནས་ཡང་བསྐྱར་གཉིད་པ་རེད།
- དེ་ནས་ཉི་རྩེ་བརྒྱབ་ནས་ཡོང་དུས།
- གཉིས་ཀ་ཡར་ལངས་པ་ཡིན།
- ལངས་ནས་བལྟས་དུས།
- མདང་དགོང་ཁོས་དྲུད་ནས་མཐའ་ལ་འཕངས་པ་དེ།
- ཁོ་ཡི་རྟ་རྒན་ཡིན་པ་རེད།
- བསམ་དཀར་ལ་རྟ་ཡོད་པ་རེད།
- ཁོ་ལ་རྟ་མེད་པ་རེད།
- བསམ་དཀར་དེས་ནངས་ཇ་བསྐོལ་ནས་འཐུང་སྟེ།
- རྟར་ཞོན་ནས་བུད་སོང་།
- ཁོ་ལ་རྟ་མེད་པར་རྐང་ཐང་ཡིན་པས་དེ་ནས་ལུས་སོང་།