བཀྲ་ཤིས་གཡང་རྩེ་རི་བྱུང་ལས་ སངས་རྒྱས་རྡོ་རྗེ་གིས་འཐེན་མི་གླུ་གཞས་ སྐལ་བཟང་ལ་འདི་ གོང་གི་ཚིག་ཚུ་ལུ་བལྟ་བ་ཅིན་ སེམས་སྐྱོ་བའི་གནས་སྐབས་ཅིག་ནང་འཐེན་ནི་གི་གླུ་གཞས་བཟུམ་ཅིག་ཡོདཔ་ཨིན་རུང་ མཇུག་གི་ཚིག་ འཇིགས་མེད་སེང་གེ་དབང་ཕྱུག །སྐལ་བཟང་ལ། སྔར་ལས་དར་ཞིང་རྒྱས་སོང་། ཟེར་འཐེན་དོ་ཡོདཔ་ལས་ འདི་ལུ་བལྟ་བ་ཅིན་ འབྲུག་རྒྱལ་བཞི་པ་མི་དབང་མངའ་བདག་རིན་པོ་ཆེ་ལུ་བསྟོད་པའི་སྒོ་ལས་ སེམས་དགའ་བའི་དཔའ་ཉམས་བསྐྱེད་དེ་འཐེན་འཐེནམ་བཟུམ་སྦེ་ཡང་མཐོངམ་ཨིན་པས། ག་དེ་སྦེ་ར་ཨིན་རུང་ གླུ་གཞས་སྐལ་བཟང་ལ་འདི་ གདངས་དབྱངས་མ་འདྲཝ་ལྷམ་པ་གསུམ་དེ་ཅིག་འཐེན་ནི་ཡོད་ས་ལས་གཅིག་ཁོ་གིས་འཐེནམ་ཨིན་པས། དེ་མ་ཚད་ ཚིག་ཡང་ཨ་ཙི་རེ་མ་འདྲཝ་སྦེ་འདུག།