Video Overview
Kato Kyi from Sonak village in Tsekhok tells the story of a foolish husband and the story of a prince in dog skin choosing a wife.
- ཕྱུག་པོ་ཞིག་གི་རྩིབ་ན་གླེན་པ་ཞིག་ཡོད།
- གླེན་པ་བཟའ་ཟླ་གཉིས་ཡོད།
- དེ་ནས་གླེན་པ་དེ་ཡིས་ཉིན་ཞིག་ལ་ང་ལ་བསམ་ཚུལ་ཞིག་ཡོད་གི་ཟེར།
- ཅི་ཞིག་ཡོད་ཟེར།
- ངས་རྒྱལ་བོ་ཚང་གི་ལུག་གི་ལམ་ན་ཚེར་མ་འཛུགས་རྒྱུ་ཟེར།
- ཚེར་མ་བཙུགས་ན་ལུག་གིས་ཕ་རོལ་ལ་འགྲོ་ཞོར་འཁྲིགས།
- ཚུལ་རོལ་ལ་ཡོང་དུས་འཁྲིགས་ན་བལ་ཐོགས་རྒྱུ་རེད།
- ངས་བལ་དེ་གསོག་ནས་བཙོང་སྟེ་བོང་བུ་ཞིག་ཉོ་དགོས་ཟེར།
- བུད་མེད་དེ་ཡིས་སྐྱིད་ལ་ཟེར།
- ཁྱོད་ཀྱིས་བོང་བུ་ཞིག་ཉོས་ན་ང་ལ་དེར་ཞོན་ནས་ཡུལ་ལ་འགྲོ་དགོས་ཟེར།
- ཁྱོས་ངའི་བོང་བུ་ཞོན་ནས་བསད་ན་ཆོག་གམ་ཞེས།
- ཟེར་ནས་བུད་མེད་ལ་གཅེར་ནས་བསད་པ་རེད།
- རྒྱལ་བོ་ཞིག་ལ་བུ་ཞིག་ཡོད།
- རྒན་མོ་ཞིག་ལ་བུ་མོ་གསུམ་ཡོད་ནི་རེད།
- རྒན་པོ་ཡི་བུ་མོ་གཅིག་དེ་ཡིས་བཙུན་མོ་བྱེད་དགོས་ཟེར།
- དེའི་བུད་མེད་བྱེད་དགོས་ཟེར།
- ཉིན་ཞིག་ལ་བུ་མོ་ཆེ་བ་དང་ཁོ་གཉིས་སྤྲོ་གསེང་ལ་འགྲོ་རུ་བཅུག
- རྒྱལ་བོ་ཡིས་ལུག་བཤས་ཏེ་ཤ་ཁྱེར་ནས་སྤྲོ་གསེང་ལ་སོང་།
- སྤྲོ་གསེང་ལ་སོང་ནས་ཆུ་ཡི་ཕ་རོལ་ལ་སོང་།
- ཆུ་ཁ་ནས་བུ་དེས་ཁྱོས་ང་འཁུར་རྒྱུ་ན་ངས་ཁྱོད་འཁུར་རྒྱུ་ཟེར།
- འུ་གཉིས་ཀཆུ་ལ་བརྒལ་ན་མི་བཟང་གི་ཟེར།
- ཁྱི་ཞིག་གིས་མི་འཁུར་བ་ལས་མི་ཞིག་གིས་ཁྱི་གང་ལ་འཁུར་རྒྱུ་ཟེར།
- དེ་ནས་ཡང་བུ་མོ་འཁུར་ནས་ཕ་རོལ་ལ་སོང་།
- ཕ་རོལ་ལ་སོང་ནས་ཁོ་གཉིས་འདུག་ས་གཙང་སྦྲ་བྱས་ནས།
- མོ་འདུག་ས་གཙང་སྦྲ་བྱས་ནས་ཁོའི་འདུག་ས་གཙང་སྦྲ་མ་བྱས་པ་རེད།
- འདི་ཅི་ཡིན་ནམ།
- ཁྱོས་ངའི་འདུག་ས་གཙང་སྦྲ་མ་བྱས་བར་ཁྱོས་འདུག་ས་གཙང་སྦྲ་བྱས་ཡོད།
- ཁྱི་ཡི་འདུག་ས་གཙང་སྦྲ་བྱེད་དགོས་པ་མ་རེད།
- མི་ཡི་འདུག་ས་ལས་ཁྱི་ཡི་འདུག་ས་གཙང་སྦྲ་བྱེད་དགོས་པ་མ་རེད་ཟེར།
- དེ་ནས་ཤ་བཙོས་ནས་ཁོ་གཉིས་ཀྱིས་ཤ་ཟོས།
- ཚོན་པོ་མོས་ཟོས་ནས་རྒྱུ་སྣེ་ཁོ་ལ་བྱིན།
- འདི་ཅི་ཡིན་ནམ།
- ཚོན་པོ་ཁྱོས་ཟོས་ནས་རྒྱུ་སྣེ་ངས་ཟ་བ་འདི།
- ཁྱི་ཞིག་ལ་ཚོན་པོ་དགོས་པ་མ་རེད།
- ཁྱི་ཡིས་གད་སྙིགས་ཟ་དགོས་པ་རེད་ཟེར།
- དེ་ནས་སྤྲོ་གསེང་བྱས་ནས་ཕྱིར་ཡོང་བ་རེད།
- ཕྱིར་ཡོང་ནས་རྒྱལ་བོ་ཡིས་དེ་རིང་ཅི་ཟེར་ཞེས་དྲིས།
- ཁྱོད་གཉིས་ཀྱིས་ཆུ་ཁ་ནས་སུས་འཁུར་བ་ཡིན།
- ཅི་ཟེར་བ་ཡིན།
- ཤ་ཁྱོད་གཉིས་ཀྱིས་ཅི་ལྟར་ཟོས་བ་ཡིན་ཟེར།
- ཆུ་ཁ་ནས་ངས་མོ་འཁུར་བ་ཡིན།
- མོ་ཡིས་ཁྱོད་ལ་ཅི་ཟེར་ཞེས་དྲིས།
- ཁྱོས་མོ་ལ་ངས་ཁྱོད་འཁུར་ཞེས་བཤད་པ་ཡིན་ནམ།
- མོ་ཡིས་ང་འཁུར་ཟེར་ཞེས་དྲིས་པར།
- ངས་མོ་ལ་ཁྱོས་ང་འཁུར་རམ་ངས་ཁྱོད་འཁུར་རྒྱུ་ཞེས་དྲིས་པར།
- མི་ཞིག་གིས་ཁྱི་ཞིག་གང་ལ་འཁུར་བ་དང་།
- ཁྱི་ཡིས་མི་འཁུར་བ་ལས་ཟེར་བས་ངས་འཁུར་ནས་སོང་བ་ཡིན།
- དེ་ན་ཤ་ཅི་ལྟར་ཟོས་པ་ཡིན་ཟེར།
- ཤ་ཚོན་པོའི་ཕྱོགས་མོས་ཟ་བ་དང་།
- རྒྱུ་སྣེ་ཡི་ཕྱོགས་ང་ལ་སྟེར་བ་རེད།
- ཅི་ཡིན་ནམ་ཟེར་ན།
- མི་ཡིས་ཚོན་པོའི་ཕྱོགས་ཟ་དགོས་པ་རེད།
- ཁྱི་ལ་གད་སྙིགས་འཕེན་དགོས་པ་རེད།
- ཁྱི་ཡིས་གད་སྙིགས་ཟ་དགོས་པ་རེད།
- ཟས་ཀྱི་འགོ་མ་མི་ཡིས་ཟ་དགོས་པ་རེད་ཟེར།
- དེ་ནས་ཡང་དེ་ངེད་ཚང་གི་བཙུན་མོར་མི་འགྲིག་གི་ཟེར།
- དེའི་ཕྱི་ཉིན་བུ་མོ་འབྲིང་བ་དང་ཁྱོད་གཉིས་སོང་ཟེར།
- ཡ་ཟེར་ནས་ཡང་བུ་མོ་འབྲིང་བ་དང་ཁོ་གཉིས་སོང་།
- ཁོ་གཉིས་སོང་སྟེ་ཡང་ལུག་བཤས་ནས་འགྲོ་རུ་བཅུག
- ཡང་ཆུ་ཁ་དེར་ཐོན་དུས་ཁྱོས་ང་འཁུར་རྒྱུ་ཡིན་ནམ་ངས་ཁྱོད་འཁུར་རྒྱུ་ཞེས་དྲིས།
- ཁྱི་ཡིས་མི་འཁུར་བ་ལས་མི་ཡིས་ཁྱི་གང་ལ་འཁུར་རྒྱུ་ཟེར།
- དེ་ནས་ཡང་བུ་དེས་བུ་མོ་འཁུར་ནས་སོང་།
- ཡང་སོང་ནས་མོའི་འདུག་སའི་འོག་གཙང་སྦྲ་བྱས་ནས།
- ཁོ་ཡི་འོག་གཙང་སྦྲ་མ་བྱས།
- འདི་ཅི་ཡིན་ནམ།
- ཁྱི་ཡི་འོག་གཙང་སྦྲ་མ་བྱས་ན་ཆོག་པ་རེད།
- ངའི་འོག་གཙང་སྦྲ་བྱེད་དགོས་པ་རེད་ཟེར།
- ཡང་ཤ་ཟོས་པ་རེད།
- ཚོན་པོའི་ཕྱོགས་མོས་ཟོས་ནས་རྒྱུ་སྣེ་ཡི་ཕྱོགས་ཁོ་ལ་བྱིན།
- འདི་ཅི་ཡིན་ནམ།
- ཁྱི་ཡིས་གད་སྙིགས་ཟ་དགོས་པ་རེད་ཟེར།
- ཟས་ཀྱི་མགོ་མ་མི་ཡིས་ཟ་དགོས་པ་རེད་ཟེར།
- གད་སྙིགས་ཁྱི་ལ་འཕེན་དགོས་པ་རེད།
- དེ་ནས་ཡོང་སྟེ་བུ་མོ་འདིས་ཅི་ཞིག་བྱེད་ཟེར།
- ཆུ་ཁ་ནས་ཁྱི་ཞིག་གིས་མི་འཁུར་བ་ལས།
- ངས་འུ་གཉིས་ཀྱིས་ཁྱོས་འཁུར་རྒྱུ་ཡིན་ནམ་ངས་འཁུར་རྒྱུ་ཞེས་དྲིས་པར།
- ཁྱི་ཡིས་མི་འཁུར་བ་ལས་མི་ཡིས་ཁྱི་གང་ཞིག་ལ་འཁུར་རྒྱུ་ཟེར།
- ངས་འཁུར་ནས་སོང་བ་དེ་རིང་ཡང་དེ་རེད་ཟེར།
- ངའི་འདུག་ས་གཙང་སྦྲ་མི་བྱེད་པར་མོའི་འདུག་ས་གཙང་སྦྲ་བྱས་པ་ཡིན་ཟེར།
- དེ་ཅི་རེད་ཟེར་བ་ཡིན།
- མི་ཡི་འདུག་ས་ལས་ཁྱི་ཡི་འདུག་ས་གཙང་སྦྲ་བྱེད་དགོས་པ་མ་རེད།
- ཡང་ཚོན་པོའི་ཕྱོགས་མོས་ཟ་བ་དང་།
- གད་སྙིགས་ང་ལ་སྟེར་ཟེར།
- དེ་ཅི་རེད་ཟེར་ནས།
- ཟས་ཀྱི་མགོ་མ་མི་ཡིས་ཟ་དགོས་པ་རེད་ཟེར།
- གད་སྙིགས་ཁྱི་ལ་འཕེན་དགོས་ནི་རེད་ཟེར།
- དེ་ཡང་བཙུན་མོར་མི་བཟང་གི་ཟེར།
- ཡང་ཕྱི་ཉིན་བུ་མོ་ཆུང་བ་ཁྲིད་པ་རེད།
- ཆུང་བ་དང་ཁྱོད་གཉིས་སོང་ལ་ལྟོས་ཟེར།
- ཡང་ལུག་ཅིག་བཤས་ནས་འགྲོ་རུ་བཅུག
- ཡང་ཆུ་ཁར་སོང་ནས།
- ཆུ་ཁ་ནས་ཁྱོས་ང་འཁུར་རྒྱུ་ཡིན་ནམ་ངས་ཁྱོད་འཁུར་རྒྱུ་ཟེར།
- དེ་ནས་བུ་མོ་ཆུང་བས་ངས་ཁྱོད་མི་འཁུར་བར་ཁྱོས་ང་གང་ལ་འཁུར་རྒྱུ་ཟེར་ནས།
- མོས་ཁོ་འཁུར་ནས་སོང་བ་ཡིན།
- ཡང་ཕ་རོལ་ལ་སོང་།
- རུས་པའི་ཚབ་དུ་རུས།
- ཤ་བཙོས་ན་ཡང་སྔོན་ལ་ཚོན་པོའི་ཕྱོགས་ཁོ་ལ་བྱིན་པ་དང་།
- དེ་ནས་སྤྲོ་གསེང་བྱས་ནས་ཕྱིར་ཡོང་།
- ཕྱིར་ཡོང་ནས་རྒྱལ་བོ་ཡིས་དེ་རིང་བུ་མོ་འདིས་ཅི་ཟེར་ཞེས་དྲིས།
- ཆུ་ཁ་ནས་ཁྱོད་གཉིས་ཀྱིས་སུས་འཁུར་བ་ཡིན།
- དེ་རིང་བུ་མོ་འདིས་ཆུ་ཁ་ནས།
- ཁྱོས་ང་འཁུར་རྒྱུ་ཡིན་ནམ་ངས་ཁྱོད་འཁུར་རྒྱུ་ཞེས་དྲིས་དུས།
- ངས་ཁྱོད་མི་འཁུར་བར་ཟེར་ནས་ང་འཁུར་ནས་སོང་བ་ཡིན།
- ཕ་རོལ་ལ་སོང་ནས་ངེད་གཉིས་ལ་རུས་པའི་ཚབ་དུ་རུས་ཡིན།
- ཤ་བཙོས་ན་ཡང་སྔོན་ན་ང་ལ་སྟེར་བ་དང་།
- ཚོན་པོའི་ཕྱོགས་ཀྱང་ཁྱོས་ཟ་དགོས་ཟེར་ནས་ང་ལ་སྟེར་གི་ཟེར།
- འདི་བཙུན་མོར་འགྲིག་གི་ཟེར།
- འདི་ངེད་ཚང་གི་མནའ་མ་རེད་ཟེར།
- བུ་མོ་དེ་ཁོ་ཚང་གི་བུ་དེའི་མནའ་མ་ལ་བླངས་བ་ཡིན།
- བུ་མོ་ངོ་མའི་སྐྱིད་པ་རེད།
- ཁོ་བུ་བསོད་ནམས་ཅན་ཞིག་རེད།
- ཁོ་དེ་འདྲ་ཞིག་རེད།
- མོ་ངོ་མས་སྐྱིད་པ་རེད།
- སྤུན་ཆེ་བ་གཉིས་ལ་བཤད་རྒྱུ་ཞིག་ཡོད་པ་ངས་བརྗེད་སོང་བ་རེད།
- ཁོ་ཚོ་བདེ་མོ་སྐྱིད་པོ་བྱས་ནས་བསྡད་པ་རེད།
- ཆེ་བ་གཉིས་ཀྱིས་ཅི་ཡང་མ་ཐུབ་ཞིག་བཤད་རྒྱུ་ཡོད་པ་བརྗེད་སོང་།