Video Overview
According to an oral tradition, the song Sharley Karma (Eastern Star) was composed by Sonam Dendup from eastern Bhutan in the nineteenth century. The fifth mind incarnation of Zhabdrung, Jigme Chogyal, was coming from Drametse in Mongar toward Talo in Western Bhutan, as he got homesick. The song expresses pity when seeing Zhabdrung JIgme Chogyal sick. The lyrics describe the spiritual master as a great master, comparing him with the moon and a star that emits light to clear all obstacles to every sentient being.
ཁ་རྒྱུན་རིག་གཞུང་དང་འཁྲིལ་བ་ཅིན་ ཤར་ལས་གཅིག་ཤར་ཟེར་མི་གླུ་གཞས་འདི་ དུས་རབས་ ༡༩ པ་དེ་ཅིག་ཁར་ ཞབས་དྲུང་གི་གསུང་སྤྲུལ་འཇིགས་མེད་ཆོས་རྒྱལ་མཆོག་ དགྲ་མེད་རྩེ་ལས་ མོང་སྒར་བྱོན་ མོང་སྒར་ལས་སྦེ་ རྟ་ལོག་ལུ་བྱོན་ འདི་ལས་ ཞབས་དྲུང་རིན་པོ་ཆེ་མཆོག་ རྟ་ལོག་ལུ་ཕེབས་ཞིནམ་ལས་ ཕ་གཡུས་དྲན་ཏེ་ ཐུགས་སྡུག་བཞུགས་པའི་སྐབས་ ཨ་རྒས་བསོད་ནམས་དོན་གྲུབ་འདི་ ཞབས་དྲུག་ལུ་ལྟ་སྟེ་ ཐུགས་ཀྱིས་བཟོད་མ་ཚུགས་པར་ གླུ་གཞས་འདི་བརྩམས་བརྩམས་ཨིན་པམས། གླུ་གཞས་འདི་ནང་ ཞབས་དྲུང་གི་གསུང་སྤུལ་འཇིགས་མེད་ཆོས་རྒྱལ་འདི་ ཉི་མ་དངཟླ་བ་འདྲ་བའི་ འཇིག་རྟེན་ནང་སེམས་ཅན་ཐམས་ཅད་ཀྱི་ མུན་པ་སེལ་གནང་མི་ བླ་མ་རྩ་ཆེ་ཏོག་ཏོ་ཅིག་ཨིན་ཟེར་ བཀོདཔ་མས།
- Talo
- Talo
- Punakha
- སྒྲོལ་དཀར་དང་ཆ་རོགས་ཤར་ལས་སྐར་མ་གཅིག་ཤར། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་ནུབ་ལས་སྐར་མ་གཉིས་ཤར། །སེར་མོ་ཁྲ་མོ་ལ། །(སྣང་བ་སྐྱིད་པོ་ལགས། །)
- སྒྲོལ་དཀར་དང་ཆ་རོགས་སྐར་མ་བརྒྱ་ཤར་སྟོང་ཤར། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་གནམ་ཁའི་སྦུག་ལུ་ཤར་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་ལ་མོ་གཅིག་བརྒལ་གཉིས་བརྒལ། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་ས་ཐག་རྒྱང་ལས་རིང་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་ཨོ་ལོ་སྐྱེས་པའི་ཕ་མ། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་ཧིང་གི་དཀྱིལ་ལས་དྲན་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་འཇམ་ནི་ཨ་མ་འཇམ་མས། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་མ་ཡང་ལས་ཀྱིས་བསྐོས་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་ལས་ཀྱིས་བསྐོས་པའི་མི་ཡུལ། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་འཇམ་ནི་ག་ལས་འོང་མ(བ)། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་ཤར་ཕྱོགས་རི་པའི་(རི་བོའི་)རྩེ་ལས། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་དཀར་སངས་(གསལ་)ཟླ་བ་ཤར་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་དཀར་སངས་(གསལ་)ཟླ་བ་མ་རེད། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་བླ་མའི་ཞལ་རས་འདྲ་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་བཀྲིས་ལུང་མའི་(པའི་)ཕུ་ལས། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་གསེར་གྱི་རྒྱ་གླིང་འཕུ་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་གསེར་གྱི་རྒྱ་གླིང་མ་རེད། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་བླ་མའི་གསུང་བཤད་(གསུང་སྐད་)འདྲ་བྱུང་། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་གོས་ཆེན་ཁ་གང་གྲུ་བཞི། །སེར་མོ་ཁྲ་མོ་(ཁྲམ་མེ་)ལཟེར་ན། །
- སྒྲོལ་དཀར་དང་ཆ་རོགས་མེ་ཏོག་བརྒྱ་དང་རྩ་བརྒྱད། །སྣང་བ་སྐྱིད་པོ་ལགས། །
- སྒྲོལ་དཀར་དང་ཆ་རོགས་གོས་ཆེ་འགྱུར་ས་ཡོད་རུང་། །སེར་མོ་ཁྲ་མོ་(ཁྲམ་མེ་)ལ་ཟེར་ན། །
- སྒྲོལ་དཀར་དང་ཆ་རོགས་འབྲུག་རིས་ཡལ་ས་མི་འདུག །སྣང་བ་སྐྱིད་པོ་ལགས།། །།
Loading ... - Oral Traditions
- Zhungdra-Dangrim
- Talo
- Talo
- Punakha
- Talo
- Dzongkha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.