Video Overview
A lady named Dzögé Drölma sang this to her dearest husband as she was leaving him.
བླང་རབས་འདི་ནི་འདས་བའི་དུས་ཤིག་ལ་མཛོད་དགེ་སྒྲོལ་མ་ཟེར་བའི་བུ་མོ་ཞིག་གིས་རང་གི་སྙིང་ནས་རྩེ་བའི་ཁྱོ་ག་དང་བྲལ་ཁར་བླངས་པའི་གླུ་ཞིག་རེད།
གླུ་འདི་ནི་སྔོན་གྱི་དུས་ཤིག་ལ། རྔ་བའི་བུ་ཞིག་མཛོད་དགེ་ཉིན་མའི་ཁྱིམ་ཚང་ཆེན་པོ་ཞིག་ལ་མག་པར་སོང་ནའང་། ཁོ་རང་འདུག་མ་འདོད་པར་ཕྱིར་ཕ་ཡུལ་རྔ་བ་རུ་ལོག་པ་ཡིན་འདུག གླུ་འདི་ནི་ཁོ་རང་ཕྱིར་ཕ་ཡུལ་དུ་ལོག་ཁར་ཁོ་ལ་སེམས་གཏིང་ནས་དུངས་བའི་ཁོ་རང་གི་མནའ་མས་ཁོ་ལ་བླངས་པ་ཡིན་འདུག གླུ་འདིའི་ནང་དུ་སྐབས་ཐོག་དེའི་བོད་ཀྱི་ཁྱིམ་ཚང་གི་སྒྲིག་གཞི་དང་། རིན་ཐང་ལྟ་བ། དེ་མིན་གྱི་ཕུན་སུམ་ཚོགས་པའི་རི་ཆུ་རིག་གནས་སོགས་ཀྱི་བརྡ་འཕྲིན་མང་པོ་ཞིག་མཐོང་ཐུབ་པ་རེད།
这首歌是由一位名叫卓玛的若尔盖女人在和他最爱的丈夫离别时吟唱的哀歌。
这首民歌主要讲述了一个来自阿坝地区的男人远嫁若尔盖尼玛地区的一户人家，而后他不想留在那里并决定回到他的故乡阿坝。当他离开时，深爱着他的妻子卓玛吟唱出这首哀歌来表达其不舍之情。这首民歌为我们展现了当时的藏族家庭结构和价值观，以及当地丰富的山水等自然景观文化。
- ཕྱི་རྫ་རི་སྡེ་རི་ཡག་གི།།
- རྫ་ལོས་ཡག་ཕྲ་ཡག་རྫ་རེད།།
- སྡེ་ལོས་ཡག་བླ་མའི་ལྷ་སྡེ།།
- ཁྱོད་བླ་མའི་ལྷ་སྡེའི་ནང་ལ།།
- ཁྱོད་ཕ་ཞིང་ཕ་ཁྱིམ་མེད་གི།།
- ཁྱོད་ཕ་ཞིང་ཕ་ཁྱིམ་ཅི་ཡོད།།
- ཁྱོད་སྐྱེ་ས་རྔ་བའི་ཡུལ་རེད།།
- ཁྱེད་ཆད་ས་ལྷ་མོའི་ཉིན་རེད།།
- ང་ཕ་ཞིང་ཕ་ཁྱིམ་ཡོད་གི།།
- ང་མིང་སྲིང་བདུན་གྱི་སྲང་ཆུང་།
- རྗེ་བླ་མ་གསུམ་གྱི་སྐུ་སྲིང་།།
- སྒར་ཡུལ་འབྲོག་གཉིས་ཀྱི་བདག་མོ།།
- དྲིན་ཕ་མ་གཉིས་ཀྱི་གཅེས་ཕྲུག།
- མིང་ཅི་བཏག་ཆོས་སྐྱོང་སྒྲོལ་མ།།
- མོའི་གཡས་སུ་མདའ་དར་ཤུག་གེ།།
- མོའི་གཡོན་དུ་སྲུང་སྐུད་ཉིལ་ལེ།།
- ཡུམ་དུམ་པའི་གདུང་དར་ཤུག་གེ།།
- མོའི་གཡས་ལུང་རྟ་ཡིས་གང་ནོ།
- འདོ་རྒོད་མ་གཡང་རལ་ཤུག་གེ།།
- མོའི་གཡོན་ལུང་ལུག་གིས་གང་ནོ།།
- བལ་ཁ་ཆུ་ཅེ་རིང་ཅེ་འཇམ།།
- མོའི་བར་གི་འབྲི་ཡིས་གང་ནོ།།
- འབྲུ་ཐུལ་ལུའི་ར་རྡང་དྲུག་ཅུ།།
- མོ་མ་མོའི་གྱ་རྩག་ནང་གི།།
- མོ་ལྷ་འབྲི་ཞོལ་མ་འགྲོ་འགྲོ།།
- གསེར་སེར་པོའི་ལཉྫ་ཞིག་རེད།།
- དངུལ་དཀར་པོའི་དགུ་སྐོར་ཞིག་རེད།།
- གུར་དཀར་པོའི་ལྷ་གུར་ནང་གི།།
- ཐབ་སྒྱེད་པུ་རིགས་གསུམ་མགོན་པོ།།
- ནང་བཙུགས་ནོ་ཟངས་དཀར་གཤོག་དྲུག།
- ནང་སྐོལ་ནོ་འབྲུ་དང་སྣ་བདུན།།
- འདིའི་ཁ་ལེབ་པདྨ་བཀའ་ཐང་།།
- འདི་བཅུ་བྱེད་གསེར་ཐོམ་ལི་མ།།
- ཟས་འགོ་མ་དཀོན་མཆོག་གསུམ་མཆོད།།
- ཟས་བར་མ་ལྷ་མོའི་གྲྭ་ཚང་།
- ཟས་ཞོལ་མ་ཤར་ལུ་ཁྱོད་བླུག།
- ཕྱི་སྡེ་བ་མ་དགའ་བཞག་རུང་།།
- ནང་བཟའ་བ་མ་འཐད་བཞག་རུང་།།
- ཁྱོའི་སྐག་གི་གྲི་ཐུང་ནང་ལ།།
- ཉ་དཔའ་དར་འདོག་ནོ་མོ་རེད།།
- ཕྱི་སྡེ་བའི་བཤད་ནོ་བདེན་ན།།
- ཁྱོད་མི་འདུག་འགྲོ་ནི་རེད་ཟེར།།
- ཁྱོད་མི་འདུག་འགྲོ་ནོ་བདེན་ན།།
- ཁྱོད་ཤར་སྒོའི་ནང་ནས་བུད་དེ།།
- ཁྱོས་ཤར་ཕྱོགས་ས་ལ་ལྟོས་དང་།།
- གངས་དཀར་པོའི་རྩེ་འཛིན་ཅན་པོ།།
- ཆར་ཟ་ཟིའི་སྦྲང་ཆར་ཅན་པོ།།
- གན་མོན་པའི་ལྷ་གཉན་དཀར་པོ།།
- རི་དཀར་པོ་དགེ་བའི་གདུང་གྲོགས།།
- ཟླ་རེ་རེའི་ཚེས་འགོ་རེ་ལ།།
- བསང་ཕུད་ནས་མཆོད་དོ་གྱིས་ར།།
- དགྲ་ལམ་ཐུག་དམ་ལ་འདོག་རྒྱུ།
- ཁྱོད་མི་འདུག་འགྲོ་ནོ་བདེན་ན།།
- ཁྱོད་ནུབ་སྒོའི་ནང་ནས་བུད་དེ།།
- ཁྱོས་ནུབ་ཕྱོགས་ས་ལ་ལྟོས་དང་།
- སྨུག་ལ་ལོང་སྤུས་ངད་ཅན་པོ།།
- བྲག་ལྷ་རིའི་རྫ་རི་ཅན་པོ།།
- དེ་གཉན་རྒོད་བྲག་རའི་རྫ་རེད།།
- ཟླ་རེ་རེའི་ཚེས་འགོ་རེ་ལ།།
- བསང་ཕུད་ནས་མཆོད་དོ་གྱིས་ར།།
- དགྲ་ལམ་ཐུག་དམ་ལ་འདོག་རྒྱུ།།
- ཆུ་རྨ་ཆུ་སྨེ་ཆུ་འདྲེས་མཚམས།།
- སྒྲོག་སུམ་ལག་ཐང་ལ་འཕེན་དུས།།
- མོའི་ཕྱོགས་ལ་རྟ་ཁ་གསུམ་སྐོར།།
- སྐོར་ཡོད་གི་བསམ་པ་མོས་འཛིན།།
- ཕྱིར་རྔ་བའི་གླིང་ལ་ཐོན་དུས།།
- མོ་སྒྲོལ་མས་བླངས་ཐལ་ཟེར་ནས།།
- ཚིག་འབྲུ་དྲུག་འབྲས་བུ་གསུམ་པོ།།
- ཡར་མ་མཐོ་མར་ལ་མ་དམའ།།
- དེ་བཤད་ནས་འོར་གི་གཅིག་སྡོད།།
Loading ... - Northeastern Tibet (Amdo) Collections
- Music of Amdo
- Serdeu
- Ngawa Amdo
- སྨེང་བ