ང་བཅས་ར་ མ་འོངས་ཀྱི་ ད་ བུ་གཞི་ག་ར་དང་ ད་ལྟོ་གི་ན་གཞོན་འདི་ཚུ་ལུ་ ཏེ་ ལམ་སྲོལ་གྱི་རིག་པ་འདི་ སྤེལ་དགོ་ཁག་ཆེ་བས་བ་སྨོ་ལགས། ད་ ང་བཅས་ ད་ འ་ནཱི་བཟུམ་འབད་བའི་བསྒང་ལས་ ད་ལྟོའི་ ཤེས་རིག་གི་ལམ་ལུགས་བཟུམ་ཅིག་ནང་ལུ་འབད་བ་ཅིན་ འདི་ལམ་སྲོལ་ ཁྱབ་སྤེལ་གྱི་སྲིད་བྱུས་འདི་ ག་དེ་སྦེ་འདུག་ག་ མིན་འདུག་ག་ ནཱ་གི་ཐུགས་འཆར་ལས་འབད་བ་ཅིན་ འདི་ཅིག་གསུང་སྟེ་བཀའ་དྲིན་བསྐྱང་གནང་།

ད་དེ་བསྒང་ ང་ཡང་ནཱ་རྩོམ་སྒྲིག་སྦེ་སྡོད་པའི་སྐབས་སུ་ ཡར་རྫོང་ཁག་ཤེས་རིག་ལས་ཁུངས་ནང་ལུ་སྡོད་པའི་སྐབས་སུ་ལུ་འདི་ ཏེ་ ཨ་ཙི་རེ་ཡོད་ རོགས་གནས་བསྐོར་དང་ འ་ནཱི་ཚུ་ གཙང་སྦྲ་འཕྲོད་བསྟེན་དང་ གུས་ཞབས་འདི་ཚུ་ མི་ཆོས་གཙང་མ་བཅུ་དྲུག་ཚུ་འདི་ བཙུགས་ཏེ་རང་ཡོད་བ་ལགས་ ད་ནཱ་ལས་ ཤུལ་ལས་ཀྱི་ རྩ་གཞུང་འདི་ཚུ་ལུ་འདི་ ག་དེ་སྦེ་འགྱོཝ་ཨིན་ན་མ་ཤེས།

ད་ ཡོད་ག་མེད་ག་ ཞིབ་དཔྱད་ཡང་འབད་མ་ཚུགས་ བལྟ་ཡང་མ་ཚུགས་ གཙོ་བོ་འདི་ ནཱ་གིས་ཞུ་དོ་བཟུམ་སྦེ་ ཏེ་ མ་འོངས་པ་གི་ རྒྱལ་ཁབ་ཀྱི་བདག་འཛིནའཐབ་མི་ཟེར་རུང་དྲག་ སྡོད་མི་ཟེར་རུང་དྲག་ ཏེ་ ཁ་ལས་སླབ་པའི་སྐབས་སུ་ ཕ་ཤུལ་བུ་དང་ གཡག་ཤུལ་ཀོཝ་ཨིན་ཟེར་སླབ་མས་ ཏེ་ ཕའི་ཤུལ་ལུ་སྡོད་མི་ག་ཨིན་མས་ བུ་ཨིན་མས།

བུ་ཚུ་འདི་ཚུ་ལུ་འདི་ ག་གིས་སྤྲོད་དགོ་ཟེར་ ཕམ་དང་གཞུང་གིས་ སྤྲོད་དགོ་པས་བ་འ་ནཱི་སྐབས་སུ་ལུ་ ད་ གཙོ་བོ་འ་ནཱི་ཚུ་སྤྲོད་ནིའི་དོན་ལུ་ ཏེ་ ཨ་ལོ་ཚུ་ལུ་འདི་ ག་ཅི་སྨོ་ཟེར་བ་ཅིན་ མི་ཤེས་ཟེར་སླབ་སྟེ་འདི་ལུ་ཚོགས་བརྡ་གཏང་ནི་མེན་པས་བ་ལགས། ང་བཅས་རའི་ ཁོང་ལུ་མ་བྱིན་མས་བ་ལགས། ཁོང་ལུ་སྟོན་ཏེ་མ་བྱིན་པས་བ་ལགས།

ཁོང་ལུ་ལམ་སྟོན་འདི་ མ་བྱིན་པས་བ་ལགས་ བུ་མཁས་རུང་ ཕ་མའི་བསླབ་བྱ་དགོ་ཟེར་སླབ་མི་འདི་ བསླབ་བྱ་འདི་བྱིན་ནི་ཁག་ཆེ་བས་བ་ལགས། འ་ནཱི་ང་བཅས་ར་གིས་ ད་རེས་གནས་སྟངས་འདི་ གཞུང་གིས་ བསྐྱར་ཞིབ་འབད་ཞིནམ་ལས་ མ་འཐུསཔ་འདྲཝ་འབད་བ་ཅིན་ ཏེ་ ད་རེས་ནངས་པ་ མི་གིས་ གསརཔ་ཅིག་དེ་ཡང་ རྩ་གཞུང་ནང་ལུ་བཀོད་བཞག་པ་ཅིན་ ཁོ་གིས་ ཧེ་མའི་ལམ་ལུགས་མི་ཤེས་ལགས།

ཁོ་ལུ་ ཁོ་ལུ་སློབ་སྟོན་བྱིན་དགོ་ ཁོ་ལུ་སློབ་སྦྱོང་བྱིན་དགོ་ གནས་སྟངས་འདི་ལ་ལ་ཤེས་དགོ་ དེ་ལས་འབདན་ཁོ་གིས་ རྒྱབ་འགྱིར་ཞིནམ་ལས་ ལྷོད་ལྷོད་བཏང་སྟེ་འགྱོ་འོང་ ཏེ་ ཁོ་གིས་ གདོང་འགྱིམ་ཏེ་འགྱོ་མི་མི་ཨིན་མས་བ་ལགས། རྒྱབ་ རྒྱབ་བཤུད་རྐྱབ་མ་ཤེས་མི་ཨིན་མས་བ་ལགས། གསརཔ་ཨིན་མས་ རིག་པ་གསར་པའི་སྐབས་ལུ་ ཡོན་ཏན་ལྷབ་སྟེ་འོང་འོངམ་མི།

བརྒྱ་ཆ་ལས་ ཡུདཔ་ཅིག་དགུ་བཅུ་འབད་བ་ཅིན་ རོགས་ཀྱི་རིག་པ་ཨིན་མས་ ཕར་ལས་ལེན་མི་ ང་བཅས་རའི་ རིག་པ་མེན་པས་བ་ལགས་འ་ནཱི་ཚུ་ རིག་པ་ཡོན་ཏན་གསརཔ་ལྷབ་པའི་སྐབས་ འ་ནཱི་ང་བཅས་རའི་རིག་པ་འདི་བྱིན་དགོ་པས་བ་ལགས། བྱིན་རུང་ཡང་ ཨ་ལོ་ཚུ་ལུ་འདི་ གཅིག་ལས་དཔྱད་པ་ཅིན་ མི་ཤེས་པས་ཟེར་མི་འདི་ ཕ་མ་གིས་མེདཔ་བཏང་མས་བ་ལགས། འ་ནི་འདི་ བུ་ལང་ཤོར་བཏང་བ་གཅེས་ཕྲུག་མིན་ཟེར་ སྔོན་བྱོན་རྒྱལ་བ་གོངམ་གྱིས་ཡང་གསུངས་བཞག་ནུག

ཏེ་ གཅེས་གཅེས་ཕངས་ཕངས་འབད་ བསླབ་སྟོན་ཡང་མ་བྱིན་ ཏེ་ ག་ཅི་ཡང་མ་བྱིན་པར་བཞག་པའི་བསྒང་ལས་ ཨ་ལོ་མི་ཤེས་ལགས་ འ་ནཱི་འབད་ནི་འདི་གིས་ ནཱ་ལས་ཞུ་དོ་བཟུམ་སྦེ་ གསུང་དོ་བཟུམ་སྦེ་རང་ ཏེ་ ང་བཅས་ར་གིས་ བསྐྱར་ཞིབ་འབད་ཞིནམ་ལས་ མི་འཐུསཔ་ཡོད་པ་ཅིན་ ལམ་སྲོལ་འདི་ཚུ་ ག་དེ་སྦེ་འབད་ན་ ཏེ་ ད་རེས་ གཞུང་ཚ་གྱང་ལང་མི་གཅིག་འ་ནཱི་ཨིན་མས་ ཧེ་མ་དང་ ད་རེས་ནངས་པ་ཕྱད་པ་ཅིན།

ས་དང་གནམ་གྱི་ ཨ་ལོ་ཚུ་འགྱུར་ཡར་སོང་ཡི་བ་ད་ གཅིག་འདི་ག་ཅི་འགྱུར་ཡི་ཟེར་བ་ཅིན་ དམངས་གཙོའི་རིང་ལུགས་འདི་ འགྱུར་བཏང་ཡི་བ་ལགས། དམངས་གཙོའི་རིང་ལུགས་འདི་གི་གོ་བ་འདི་ ཕྱི་འགྱུར་སྦེ་གོཝ་མས་བ་མི་གིས་ ང་གིས་ ག་ཏེ་ཡང་གསལ་བཤད་དེ་སྦེ་རང་རྐྱབ་དོ་ ནཱ་བུ་གིས་ དམངས་གཙོའི་རིང་ལུགས་ཟེར་བའི་སྐབས་སུ་ གོ་བ་ག་དེ་སྦེ་གོ་དོ་ ཕྱི་འགྱུར་གོ་ཡི་ཟེར།

ང་གིས་འབད་བ་ཅིན་ དེ་སྦེ་མེན་ཟེར་ ག་དེ་སྦེ་མནོ་བསམ་བཏང་དགོ་ཟེར་བ་ཅིན་ མངའ་བདག་རྒྱལ་པོ་གིས་ ཐུགས་བཞེད་ག་ཅི་གནང་ཡི་ཟེར་བ་ཅིན་ ད་རེས་ཚུན་ཚོད་མི་ ང་ཕུད་རྡོག་གཅིག་གིས་འགོ་འདྲེན་ཐོག་ལུ་ འབྲུག་རྒྱལ་ཁབ་འདི་ ང་གིས་སྐྱོང་སྦེ་ ཡར་འ་ནེམ་ཅིག་ ས་ཁར་བསྐྱེལ་ཡི་ ད་ཁྱེད་ཆ་ཁྱབ་ཀྱིས་ དམངས་སྤྱི་རུབ་ཀྱི་ཐོག་ལས་ འགན་ཁུར་འདི་འབག་ཞིནམ་ལས།

ཚར་གཅིག་ ག་དེ་སྦེ་འབད་ན་ འབད་ཚུགས་ག་བལྟ་ཞིནམ་ལས་ ཡར་ཡར་ གོམ་པ་ཚར་གཅིག་ གོམ་པ་སྤོ་ཟེར་ཨིན་མས་བ་ལགས། ཏེ་ ཁོང་ང་བཅས་རའི་ མིའི་མནོ་བསམ་ག་ཅི་བཏང་ཡི་ཟེར་བ་ཅིན་ དམངས་གཙོའི་རིང་ལུགས་ཟེར་བའི་བསྒང་ལས་ ཁའི་རང་དབང་ཡོད་ འབད་ནིའི་རང་དབང་ཡོད་ འབད་ནི་རང་དབང་ཡོད་ གུས་ཞབས་མེད་ ཁའི་རང་བདང་ཡོད་ གུས་ཞབས་མེད་སྨོ་ཤིག་ལགས།

གུས་ཞབས་འདི་ཚུ་ འ་ནཱི་ཚུ་འགྱོ་མས་ ཏེ་ད་ལགས་ བློན་པོ་ཚུ་ལུ་ ང་ དེ་སྦེ་རང་སླབ་དོ་ མི་སེར་གཡུས་ཁར་ལས་ཕར་འགྱོ་བ་ཅིན་ ནཱ་བུ་གིས་ ཚོགས་རྒྱན་བཙུགས་ཚར་ཞིནམ་ལས་ དྲིན་མ་བཀལ་ཟེར་ ཨ་ ང་གིས་ཚོགས་རྒྱན་བཙུགས་ཞིནམ་ལས་ ཁོ་དཔོན་ཐོབ་ཐོབ་ཨིན་ཟེར་ མནོ་བསམ་མ་བཏང་ཟེར།

ཁྱོད་ཕར་ གདམ་ཁ་རྐྱབ་ས་ལེ་ཤ་ཡོད་ ཚོགས་རྒྱན་འདི་ ཨ་ཕི་ནང་རང་ བཙུགས་མི་འདི་ ཁོའི་ནང་འགྱོ་མི་འདི་ ཁོའི་བསོད་ནམས་ཀྱིས་སྦེ་ འབག་འགྱོ་འགྱོཝ་ཨིན་ཟེར་ ཁོའི་བསོད་ནམས་ཀྱིས་ འཐེན་འཐེན་པའི་ཚོགས་རྒྱན་ཨིན་ཟེར་ ད་རོགས་བཏོན་ཚར་ཞིནམ་ལས་ ང་བཅས་ཀྱིས་ ཁ་བཏང་ནི་མི་འོང་།

ཁོ་ལུ་གཞན་འདི་ ང་བཅས་ར་གིས་ གྲོགས་རམ་འབད་དགོ་ཟེར་ འཛོལ་བ་ཅིན་ བསླབ་སྟོན་བྱིན་དགོ་ཟེར་ ཁོ་གི་ཐུགས་རྒྱུད་ཀྱི་བསྐུལ་ཏེ་ ལཱ་འབད་ཐངས་བཅའ་ཐངས་ཚུ་ ང་བཅས་ར་གི་བྱིན་ནི་འདི་ ཁག་ཆེ་ཟེར་ ཏེ་ འ་ནཱི་འབད་ནི་འདི་གིས་ ཁའི་དལ་དབང་དྲག་པ་ཅིན་ ལཱ་ཁག་འདུག་བ་ལགས་ ང་བཅས་རའི་ མི་ད་རེས་མནོ་བསམ་འ་ནཱི་བཏང་མས་ལགས་མི་ག་ར་གིས་རང།

དལ་དབང་ཟེར་བའི་སྐབས་སུ་ལས་ ཕྲང་ཕྲང་འ་ནཱི་གི་མནོ་བསམ་འདི་ ང་བཅས་ཀྱིས་ ཕར་གྱི་ལྟ་བ་འདི་ འ་ནཱ་བཙུགས་པའི་སྐབས་སུ་ལུ་འདི་ ག་ཅི་ཡང་འབད་ཆོག་པའི་སྣང་བ་ཅིག་བཏངམ་ཨིན་ འ་ནཱི་འབད་ནི་འདི་ ཕོ་མོ་དབང་ཚད་ཀྱི་ འདྲ་མཉམ་ལས་འབད་རུང་ དེ་སྦེ་འགྱོཝ་མས་ ང་མདངས་ཞག་ཚར་གཅིག་ཕུན་ཚོགས་གླིང་ལུ་འགྱོཝ་ད་ ཨམ་སྲུ་ཚུ་ལུ་སླབ་ཅི་ ནཱ་བུ་གིས་ དབང་ཚད་འདྲ་མཉམ་ ཕོ་མོ་འདྲ་མཉམ་ཟེརཝ་ད་ གོ་བ་འདི་ ག་དེ་སྦེ་གོ་དོ་ཟེར་བ་ཅིན།

ཕོནི་ཕོ་རང་ཨིན་ མོནི་མོ་རང་ཨིན་ འདྲ་མཉམ་འགྱོ་མི་བཏུབ་ཟེར་སླབ་ཨིན་ ཏེ་ མིང་གི་ཐོག་ལས་ འདྲ་མཉམ་མེན་ཟེར་ ཁོ་ ཁྱོདནི་ཨམ་སྲུ་རང་ཨིན་ཟེར་ ང་བཅསནི་ཕོ་སྐྱེས་ཨིན་ཟེར་སླབ་ཨིན་ ཏེ་ ད་ ནཱ་ལུ་ཡང་ གོ་བ་ག་ཅི་གོ་དགོ་ཟེར་བ་ཅིན་ ཐོབ་དབང་འདྲ་མཉམ་དགོ་ཟེར་ལགས་ ཐོབ་དབང་ ག་ཅི་དགོ་ཟེར་བ་ཅིན་ ཡོན་ཏན་ལྷབ་ནི་གོ་སྐབས་འདྲ་མཉམ་དགོ་ཟེར།

གཞུང་གི་གཡོག་ནང་ལུ་ གོ་སྐབས་འདྲ་མཉམ་དགོ་ཟེར་ འགན་འཁྲི་འབག་ནི་གོ་སྐབས་འདྲ་མཉམ་དགོ་ཟེར་ འ་ནཱི་ནཱ་བུ་གིས་ དམིགས་གཏད་འདི་ འ་ནཱི་ཁར་བསྐྱེད་དེ་བཏང་དགོ་ཟེར་ འ་ནཱི་སངས་རྒྱས་ཤཀྱཱ་ཐུབ་པ་གི་ཆོས་ནང་ལུ་ ག་དེ་སྦེ་གསུངས་ཏེ་ཡོད་ཟེར་བ་ཅིན་ ལུས་ལ་ཕོ་མོ་ཡོད་དེ་འབད་རུང་ སེམས་ལ་ཕོ་མོ་མེད།

འ་ནཱི་འབད་ནི་འདི་གིས་ འཁོར་རྣམ་པ་བཞི་ནང་ལུ་ དགེ་སློང་དང་དགེ་སློང་མ་ དགེ་བསྙེན་དང་དགེ་བསྙེན་མ་ཟེར་ཡོད་ཟེར་ ཆོས་ཀྱི་ནང་ལུ་ འདྲན་འདྲ་གོ་སྐབས་གནང་སྟེ་ཡོད་ སངས་རྒྱས་ཀྱིས་ འ་ནཱི་ རིགས་འབྲེལ་ཏེ་ ནཱ་བུ་གིས་ སྲིད་དོན་ནང་ལུ་ཡང་ ཏེ་ འདྲན་འདྲ་འོང་ནི་གི་ མནོ་བསམ་བཏང་དགོ་ཟེར།

མནོ་བསམ་འདི་ ཕོ་སྐྱེས་ཀྱིས་ མདའ་རྐྱབ་ས་ལུ་ ཁྱོད་ཚུ་གིས་མདའ་རྐྱབ་ད་ ཕོ་སྐྱེས་ཀྱིས་ ཁུ་རུ་རྐྱབ་ས་ལུ་ ཨམ་སྲུ་ཚུ་གིས་ཁུ་རུ་ དེ་ལས་ ཁུ་རུ་རྐྱབ་ ཕོ་སྐྱེས་ཀྱིས་ རྡོ་སྒོར་རྐྱབ་ས་ ཨམ་སྲུ་གིས་རྡོ་སྒོར་རྐྱབ་ནི་འདི་མེན་ཟེར་ འ་ནཱི་ལྟ་བ་འདི་ གནས་སྟངས་དང་མ་མཐུན་པའི་ལཱ་ཨིན་ཟེར་ མནོ་བསམ་བཏང་སྟེ་ འ་ནཱི་འདི་མེན་ཟེར་ འ་ནཱི་སྦེ་ང་གིས་ གོ་བརྡ་སྤྲོད་དོ་ལགས།

འ་ནཱི་ང་བཅས་ཀྱིས་ མནོ་བསམ་བཏང་ནི་འདི་ད་རེས་ གཅིག་འ་ནཱི་གི་དཀྲུག་བཏང་མས་ལགས་ང་བཅས་ཀྱི་ གཅིག་འ་ནཱི་ཁ་གི་རང་དབང་འདི་གིས་ ཏེ་ གནམ་མེད་ས་མེད་བཏང་ཡི་བ་ལགས་ འ་ནཱི་གི་ འ་ནཱི་ཚུ་ ང་བཅས་རའི་ཨ་ཙི་ཅིག་ཤེས་བྱ་འདི་ སྤེལ་དགོ་པས་ལགས་འ་ནཱི་ཚུ་ ག་དེ་མང་མང་བརྡ་བརྒྱུད་ཀྱི་ནང་ལས་ཕར་ དམངས་གཙོའི་རིང་ལུགས་ཟེར་མི་འདི་ ཁུངས་དང་དགོས་པ་ འ་ནཱི་མས་བཤད་པ་རྐྱབ།

དེ་ལས་ ང་ཕོ་མོ་འདྲ་མཉམ་གྱི་བཤད་པ་འབད་བ་ཅིན་ འ་ནཱི་འ་ནཱི་སྦེ་ཨིན་ཟེར་མི་ཅིག་ ལེགས་ཤོམ་སྦེ་གོ་བརྡ་འཕྲོད་ནི་འདི་ གནམ་མེད་ས་མེད་ཁག་ཆེ་བས་བ་ལགས། ཏེ་ སྨྲ་ཤིང་བསྐུལ་བ་བྱས་པ་ན། དུད་འགྲོ་ལ་ཡང་གོ་བ་ལ། དུད་འགྲོ་སེམས་ཅན་གྱིས་འབད་རུང་ ལེགས་ཤོམ་འབད་བ་ཅིན་ ང་བཅས་ར་འདི་མི་ཨིན་མས་ ཏེ་ སྨྲ་ཤེས་དོན་གོ་བ་བྱས་པ་མཚན་ཉིད་དང་ལྡན་པའི་མི་ཨིན་མས་ཏེ་ད།

ད་ མི་གིས་འདི་ ཧེང་སྐལ་ཤེས་དགོ་བ་ཏེ་ དེ་འབདཝ་ད་སླབ་དནི་ འ་་་ ལེ་ཤ་སླབ་དགོ་པས་ལགས་ ལ་ལུ་ཅིག་ནང་ལུ་ ཏེ་ མ་གོ་བ་ཨིན་པས་ ཏེ་ གོ་བ་མེད་པའི་མི་ལ། རྒྱལ་པོའི་བཀའ་ལས་དབྱུག་པ་བཙན་ཟེར་གསུངས་ནུག་སྨོ་ཤིག་ལགས། ཏེ་ འ་ནཱི་འབད་ནི་དེ་གིས་ ཁྲིམས་བཟོ་མི་འདི་ རྒྱུ་མཚན་འདི་ལས་བརྟེན་ཏེ་ཨིན་མས་བ་ལགས་ ང་བཅས་རང་གི་ འ་ནཱི་ཚུ་ ང་བཅས་ར་གིས་ ཨ་ཙི་ཅིག

མནོ་བསམ་གཏང་ནི་ཚུ་ ཨ་ཙི་འགྱུར་བ་བཏང་དགོ་པས་ ང་བཅས་འབྲུག་པའི་མི་འདི་ཚུ་ གཅིག་ང་བཅས་འབྲུག་པའི་མི་ལུ་ ད་ ཕྲང་སྟེ་རང་ཞུ་དགོ་པས་ ང་རང་འབྲུགཔ་ཨིན་ སྐྱིད་ཐལ་ཏེ་ལགས་ སྐྱིད་ཐལ་ཏེ་ལགས་ གནམ་མེད་ས་མེད་ ཆོག་ཤེས་མེད་པའི་སྐྱིད་ཅིག་ སྐྱིད་ཉམས་ཅིག་སྐྱོང་སྟེ་ཡོདཔ་ཨིན།

ནངས་པ་གནངས་ཚེ་སྡུག་ཅིག་ཐོབ་རང་ཐོབ་ ང་འདྲོགཔ་ཨིན་ལགས་འ་ནཱ་ལས་ ང་རང་མནོ་བསམ་བཏང་པ་ཅིན་ སྡུག་ཅིག་རེག་འོང་ ལྟ་མ་ད་ རྡོ་ག་ཅི་ལོ་ ངར་གདོང་ རྡོ་དང་ཕྱདཝ་ཅིག་ ཕྱད་ནིའི་དུས་ཚོད་ཅིག་མི་འོང་ག་ཟེར་མནོ་སྟེ་ ད་རེས་འདི་གནམ་མེད་ས་མེད་ ལྷའི་ཞིང་ཁམས་བཟུམ་ཅིག་ཡང་ འདི་བཟུམ་ཅིག་མི་འོང་མནོཝ་ཅིག་འདུག་ང་གིས་ འབྲུག་རྒྱལ་ཁབ་ང་བཅས་ར་བཟུམ་སྦེ།

ཏེ་ མར་ལྕང་གླིང་མི་ཐང་རྩེད་ཐང་ནང་འབད་བ་ཅིན་ ཕྱི་རི་ནུབ་ཕྱེད་ ཆུ་ཚོད་གཅིག་དང་གཉིས་དེ་ཅིག་ཁར་ཡང་ ཏེ་ རྐང་རྩེད་ཕུཊ་བཱོལ་རྩེ་ནི་ཡོད་པ་ལུ་ མདའ་རྩེ་ནི་ཡོད་པ་ལུ་ དེ་སྦེ་རང་ཏེ་ང་བཅས་རའི་ འདི་ཚུ་ག་ཏེ་ཡོད་ རྒྱལ་ཁྱབ་གཞན་ཁ་ལུ་ འདུག་ག་ལགས་ ཏེ་ ང་གིས་འདི་ ཕྱི་ཁར་ལས་ཕར་ ལྷོད་ཡང་མ་ལྷོད།

ང་བཅས་འབྲུགཔ་བཟུམ་སྦེ་ མི་སྤྲོ་ཉམས་སྟོན་མི་ཅིག་འདི་ གནམ་མེད་ས་མེད་མ་མཐོང་ཟེར་ཞུ་ནི་ ང་གིས་འབད་བ་ཅིན་ གནམ་མེད་ས་མེད་སྐྱིད་ གནམ་མེད་ས་མེད་ གཞུང་གི་བཀའ་དྲིན་ཆེ་ནི་དེ་གིས་ནཱ་ ག་ཅི་རང་ནཱ་ བཏོན་བཞག་སྟེ་ཡོད་ནི་འདི་གིས་ དེ་ལས་ནཱ་ ཚོ་ཏོ་ཅིག་མེད་རུང་ ཚྭ་ཅིག་མེད་དེ་སྦེ་རུང་ ཏེ་དེ་ ཉོ་སྟེ་བླུག་ཆོག་ཆོག་ཡོད་ནི་འདི་གིས་སྐྱིད་ཐཝ་མས་ཏེ་ལགས།

དུས་ནམ་ཅིག་ཚར་གཅིག་ ང་བཅས་ར་གི་སྡུག་ སྐྱིད་ལོ་བདེ་བའི་དུས་སུ་སྡུག་བསྔལ་འོང་། སྡུག་སྔལ་དུས་སུ་བདེ་བ་འོང་། ཟེར་ མི་རྣམ་ཀུན་གྱི་བདེ་སྡུག་དང་། འཁོར་ལོ་བཞིན་དུ་འཁོར་བ་འགྱུར། ཟེར་སླབ་ཨིན་ འ་ནཱི་ཚུ་གི་ འོང་ནི་གི་ཉེན་ཁ་ཡོད་ ཏེ་ ཞབས་དྲུང་རིན་པོ་ཆེ་གིས་ཡང་ ག་དེ་སྦེ་གསུངས་ཡི་ ཁག་ཁག་ལྕོགས་ལྕོགས་པའི་ལས་མ་བྱེད་ན། མངར་མངར་ལྷོད་ལྷོད་མའི་ཟས་མི་བརྙེད།(?) ཟེར།

ངུ་འགྲོ་བའི་ལས་ཀ་མ་བྱས་ན། གར་འགྲོ་བའི་སྡིག་པ་མི་འོང་། གསུངས་ཏེ་ཡོདཔ་ཨིན་ དགའ་ཤོར་སྐྱིད་ཤོར་ལ་ཡོན་ཏན་ཤེས་པ་ཅིན་ མི་ཐམས་ཅད་ཀྱིས་ མཁས་པ་བྱས་དང་ཟེར་ གསུངས་ཏེ་ཡོད་བ་ ཏེ་འ་ནཱི་གི་ ང་བཅས་ཀྱིས་ མནོ་བསམ་བཏང་དགོ་པས་ འ་ནཱི་ཚུ་ག་ར་ འ་ནཱི་ང་བཅས་ར་གིས་ ད་རེས་ཨ་ཙི་ཅིག་ ཏེ་ རྒྱལ་ཁྱབ་ཡར་རྒྱས་འགྱོ་བའི་ནམ་དུས་ལུ་ ད་ ཚར་གཅིག་གདོང་འགྱིམ་ཏེ་ རོགས་དག་པ་ཅིག་རང་ཨིན་མས་ ན་འཐན་མནོ་བསམ་བཏང་སྟེ་འགྱོ་མི་ཚུ།

གར་མི་འདི་ ཏི་རུ་བཟོ་བའི་ནམ་དུས་ལུ་ཨིན་ ད་བཟོ་ད་བཟོ་དགོ་ ད་སླབ་མི་འདི་ དུས་ནམ་ཕུགས་ཅིག་ ང་བཅས་ཀྱིས་སྤྲོ་ཉམས་སྟོན་ ཏེ་ ང་བཅས་ར་གིས་ བདེན་པ་མཉེས་མ་(?) བར་ན་ཁར་ཚུ་ མང་ཆེ་ཤོས་ཅིག་སྐྱིད་ སྐྱིད་ཐལ་ཏེ་འདུག་ད་ ཁོང་གཉིད་མ་ཚོར་བས་ལགས་འ་ནཱི་ཚུ་ འ་ནཱི་ཚུ་ ང་བཅས་ར་གིས་ ཤེས་དགོ་པས།

ལགས་སོ་ ད་ མཇུག་ར་ དེ་དང་རིགས་འབྲེལ་ཏེ་གིས་སྦེ་ ད་ ལམ་སྲོལ་མ་འོངས་པའི་དོན་དག་ལས་ལམ་སྲོལ་ ཁག་ཆེ་བའི་ ཆེ་ཧིང་གི་སྐོར་ལས་ ད་ དེ་ལས་ ནཱ་གི་ལོགས་སུ་ དོ་རུང་གཞན་བསམ་ཆར་གསུང་ནི་གི་ ང་བཅས་རའི་འདི་ཚུ།

ད་ གནམ་མེད་ས་མེད་ ད་ཅི་ཞུ་དོ་བཟུམ་སྦེ་ ཡར་ལས་རྒྱས་ཤིང་རྒྱས་པ་ག་ར་ ང་གིས་ཡར་ལས་ཞུ་ཡི་ ད་ ག་ཅིསྨོ་ཟེར་བ་ཅིན་ ང་ར་གིས་དྲིན་མི་འདི་ མནོ་ཚད་དྲན་ཚད་ ད་འ་ནཱི་སྦེ་ཨིན་ལགས་ ཏེ་ ང་ར་འདི་ ག་ཅི་སྨོ་ཟེར་བ་ཅིན་ སེམས་ཁར་མནོ་མི་ཅིག་ སླབ་མི་ཅིག་ཨིན་ལགས། ཏེ་ ལ་ལུ་ཅིག་ཐུགས་ཁར་ཡང་ཕོག་དོ་འོང་། ཏེ་ ག་ཅི་སྨོ་ཟེར་བ་ཅིན་ ཛ་དཔེ་སྤྲུལ་རིན་པོ་ཆེ་གིས་ གསུངས་ནུག་བ་ལགས།

དྲི་ན་བཤད་དགོས། ཟེར་ཏེ་ སླབ་ན་སློབ་དགོས། ཟེར་ཨིན་མས་ཏེ་ ཝ་མི་བརྒལ་ག་མི་འབྲེལ་གྲམ་ལྕགས་ལོ་(?) ཁྱི་མི་གཟུགས་ག་མེད་ཀུན་མེད་ནམ་བཀོད་ལོ་(?) ཁ་མི་མང་ག་མེད་རོགས་ཀྱིས་དྲི་ལན།(?) ཟེར་མི་འདི་ཨིན་མས་ ཏེ་ རོགས་ཀྱིས་དྲིཝ་ད་ལུ་ ཏེ་ ང་གིས་ མནོ་ཚད་དྲན་ཚད་སླབ་བཞག་དཔ་ཨིན་ལགས། ད་གནམ་མེད་ས་མེད་ རྒྱས་ཤིང་རྒྱསཔ་སྦེ་ཞུ་ནི་ཡང་མིན་འདུག་ ཏེ་ ད་ཅི་ལྟག་ལས་ཞུ་ཚར་ཡི།

ཏེ་ ད་ནཱ་ལས་ཕར་འབད་ད་རུང་ ད་ མི་ཐོག་འ་ནཱ་ལུ་ ང་བཅས་ཆ་ཁྱབ་ཀྱི་གུ་དེ་འདི་ ཉི་ཤུ་རྩ་གཅིག་པ་ཨིན་མས་ ད་ དུས་རབས་ཉི་ཤུ་རྩ་གཅིག་པའི་ནང་ན་ལུ་ ཏེ་བྱེད་ཀྱི་ ལོ་ཕྱེད་ཀྱི་ནང་ན་ལས་ ང་བཅས་རའི་ལོ་ ནང་ན་ལས་ཚུར་ ཨ་ཙི་ཅིག་ ང་བཅས་རའི་གཞུང་དང་ མི་སེར་དང་ག་ར་ ང་བཅས་རའི་ སྒེར་སྡེ་ཨིན་རུང་དྲག་ སྤྱི་རུབ་ཀྱི་ཐོག་ལས་རྒྱལ་ཁབ་ཀྱི་ ལམ་སྲོལ་དང་གནས་སྟངས་འདི་ཚུ་དང་།

ཏེ་ བདག་འཛིན་འབད་བ་ཅིན་ ད་ ང་བཅས་ར་གི་ ལེགས་ཤོམ་ཅིག་འོང་ནི་མས་ ད་ འདི་ཁ་ལས་ཡལ་སོངཔ་སྦེ་ དང་ཕུའི་མི་འདི་ཚུ་ག་ར་ ཏེ་ དེ་སྦེ་ནི་དེ་གིས་ ལ་ལུ་ ཏེ་ ང་བཅས་ར་གི་ སྐྱེ་བ་ཕྱི་མའི་ལམ་བདའ་སྟེ་ སྔ་མའི་ལམ་བདའ་སྟེ་འགྱོ་མི་ཙང་ཙ་ཨིན་མས། ད་ འ་ནཱི་འགྱོ་ཞིནམ་ མ་འགྱོ་བ་ཅིན་ ཏེ་ ང་བཅས་ར་རྣ་རྒྱུན་རེ་མི་ཐོབ་ནི་ཨིན་མས་བ་ལགས། ཏེ་ ད་རེས་འབད་བ་ཅིན་ མི་ཐོག་ནང་ཨ་ཙི་ཅིག་འདུག་བ་ལགས་ནཱ།

ད་ ད་ཅི་ཡང་ཞུ་ཡི་ང་གིས་ མིང་བཏོན་ཏེ་ རྫོང་དཔོན་བགྲེསཔ་དཀར་མདོག་ལོ་ ལྕང་ཕྱི་གྲུབ་འཆི་མེད་ ལྕང་རྡོ་རྗེ་ལོ་ དེ་ལསནི་ ང་བཅས་ར་དྲག་ཤོས་རྫོང་བདག་དང་ གཉིས་སྐལ་མའི་ དྲག་ཤོས་བ་ཀྲོ་དཀརཔོ་ལོ་ འདི་ཚུ་ལེ་ཤ་འདུག་ ཏེ་ དྲག་ཤོས་ག་ཛ་ལོ་ འདི་ག་ར་བཞུགས་འདི་ཚུ་ལུ་ ང་བཅས་ར་ ཨ་ཙི་ཅིག་ གནས་སྟངས་འདི་ཚུ་ ག་དེ་སྦེ་ཨིན་ན།

ད་ འ་ནཱ་ལས་ཉམས་སྲུང་འབད་ཞིན་ན་ ང་བཅས་ར་གིས་ ཏེ་ ཨ་ཙི་ཅིག་ ང་བཅས་ར་གིས་འདི་ ནཱ་འབད་ཚུགསཔ་འདྲཝ་འབད་བ་ཅིན་ ད་ ཁོང་རྒས་ཤོས་མ་འདི་ཚུ་ ང་བཅས་ར་གིས་འཛོམས་ ད་ གཞུང་གི་ཁ་ཐུག་ལས་འབད་རུང་དྲག་ སྒེར་གྱི་ཁ་ཐུག་ལས་འབད་བ་ཅིན་ དེ་ལས་ ཨ་ཙི་རེ་མ་དངུལ་རེ་ཡོད་པ་ཅིན་ ཏེ་ཚར་གཅིག་རེ་ ཟླཝ་རེ་རེ་གཉིས་གཉིས་བར་ན་ལུ་ གྲོས་བསྡུར་རེ་འབད་ནི་གིས།

ལམ་སྲོལ་འདི་ཚུ་བཟོ་བཞག་པ་ཅིན་ ང་བཅས་ར་གིས་ འ་ནཱི་ དད་མ་རྙིང་མ་(?)བློ་སླབ་ནི་གི་དོན་ལུ་ དང་ཕུ་གི་ལོ་རྒྱུས་ འ་ནཱི་ལོ་རྒྱུས་མ་དྲི་བ་ཅིན་མི་ཐོན་ལགས་འ་ནཱི་ཚུ། ལོ་རྒྱུས་དྲིཝ་ད་རྐྱངམ་གཅིག་འཐོནམ་ཨིན་ རྔ་ལ་དབྱུག་པས་མ་བྱས་ནས། འདིའི་བར་དུ་ཁྱད་ཅི་ཡོད། ཟེར་མི་འདི་ བདེན་རང་བདེན་འ་ནཱི་འདི་ བདེན་རང་བདེན་དགོཔ་འདུག་ རྡུང་རང་རྡུང་དགོ་པས་བ་ལགས།

ཏེ་ མ་རྡུང་བ་ཅིན་ མི་འཐོན་པས་བ་ལགས་ ཏེ་ འ་ནཱི་ང་བཅས་ར་གིས་ ཟླཝ་མ་ཚུད་དེ་འབད་རུང་ དུས་ཅི་ ལོ་གཅིག་གི་ནང་ལུ་ ཏེ་ ཟླཝ་གསུམ་གསུམ་གྱི་བར་ན་ ཚར་རེ་འབད་རུང་ འ་ནཱི་ཨ་ཙི་ཅིག་ མི་རྒས་ཤོས་མ་འདི་ཚུ་ ང་བཅས་ར་ནཱ་འོང་ ཐིམ་ཕུ་ནང་ གྲོས་འཛོམས་ཁང་ཅིག་ནང་འཛོམས་ ཉིནམ་གཅིག་ ཆུ་ཚོད་གཉིས་ལས་གསུམ་བཞི་རེ་བཤད་ཐོ་རེ་བཏང་ ཏེ་ ག་ཅི་རང་སླབ་དགོ་རུང་སླབ་བཅུག་འབད་བ་ཅིན་ ད་རུང་འདི་ཚུ་གིས་ཁ་ལས་ཐོན་འོང་ལགས།

ད་ འ་ནཱི་འབད་ནི་འདི་གིས་ དུས་ཚོད་གནམ་མེད་ས་མེད་ ང་གིས་འབད་བ་ཅིན་ ཐབས་ལམ་གཅིག་ ད་ འདི་ཚུ་ཁག་ཆེ་ཤོས་ཅིག་འདུག་ འ་ནཱི་འབད་ནི་འདི་གིས་ ང་བཅས་རའི་ ད་ཅི་ཞུ་དོ་བཟུམ་སྦེ་ ལམ་སྲོལ་ཟེར་མི་འདི་དང་ སྐད་ཡིག་ཟེར་མི་འདི་ སྐད་ཡིག་ང་བཅས་རའི་འབྲུག་རྒྱལ་ཁབ་ནང་ལུ་ ཉམས་ནིའི་དུམ་ཁ་ལུ་ལྷོད་དོ་ལགས།

ད་ ང་བཅས་ར་གིས་འདི་ མི་གིས་ཁ་ལས་ ཨ་་་རྫོང་ཁ་ཟེར་མི་དེ་འདི་ཡོད་མནོཝ་ཅིག་བཏང་མས་ ང་གིས་འབད་བ་ཅིན་མེད་ལགས་ད་ རྫོང་ཁ་འདི་ བརྒྱ་ཆ་ལས་འབད་བ་ཅིན་ བརྒྱ་ཆ་ཧ་ལམ་བརྒྱ་ཆ་དྲུག་བཅུ་དེ་ཅིག་ བཞི་བཅུ་དེ་ཅིག་ རོགས་ཀྱི་ཁ་སྐད་འཛུལ་དོ་ག་ར་ མི་གནག་པའི་གཡུས་ཁ་འབད་ད་རུང་ འདི་རང་སླབ་སྡོད་མས་ཏེ་ད་ ཨ་ཞང་ལོ་ ཨཱན་ཊི་ལོ་ མ་མི་ལོ་ ཌེ་ཌི་ལོ་ དེ་ལས་ད།

འདི་ཚུ་ག་ར་ མིང་ག་ར་ཚོད་བསྲེནི་མི་སླབ་མས་ སབ་ཇི་སླབ་མས་ ཧོན་ཚོདནི་མི་སླབ་མས་ སཱག་ཟེར་སླབ་ད་མས་ ཏེ་ ག་ཅི་སླབ་ནི་ཏེ་ད་ ཏེ་ ད་འདི་ཚུ་འདི་ཉམས་མས་ལགས་ ང་གིས་འབད་བ་ཅིན་ ད་ འདི་ཚུ་ག་ར་ ཉམས་པའི་གི་དུམ་ཁ་འདུག་ ད་ འདི་ཚུ་ལམ་སྲོལ་ཚུ་ཕར་བཞག་ སྐད་ཡིག་ཡང་ཉམས་ནི་འབད་དེས་ ད་ རྒྱལ་ཁབ་ཀྱི་ངོ་རྟགས་འདི་རང་ ད་ཅི་ཞུ་དོ་བཟུམ་སྦེ།

ཁ་སྐད་དང་ ད་ ང་བཅས་ར་གི་ གྱོན་ཆས་དང་ལམ་སྲོལ་ཚུ་ཨིན་མས་ འདི་གསུམ་ ང་གིས་འབད་བ་ཅིན་ སྲོག་མགུ་ཏོ་བཟུམ་ཅིག་ རྐངམ་དང་ལགཔ་བཟུམ་ཅིག་ དོན་ཧིང་བཟུམ་ཅིག་ཨིན་མས་མནོཝ་མས་ རྒྱལ་ཁབ་ཀྱི་རང་དབང་རང་བཙན་ངོ་རྟགས་སྟོན་དགོ་པ་ཅིན་ ང་གིས་གྱོན་ཆས་ལུ་ མནོ་བསམ་བཏང་པ་ཅིན་ ཕྱིའི་རྒྱལ་ཁབ་ག་ཏེ་ལུ་ཡང་ དོརམ་ཁེན་ཇ་གྱོན་མས་ ང་བཅས་ འབྲུག་པའི་རྒྱལ་ཁབ་ རྒྱལ་ཁབ་ཀྱི་ ངོ་སྟོན་ཚུགས་པས་བ།

གོ་ཅིག་གྱོན་ གྲྭ་ལྷམ་ཅིག་བཙུགས་འབད་བ་ཅིན་ འེང་་་ཨ་ནཱི་འབྲུགཔ་ཟེར་བ་ཅིན་ ལགཔ་མཐུད་པར་ཐོན་འོང་ ཏེ་ ག་ར་ཏེ་ འབྲུག་པའི་མི་ཟེར་ དམིགས་བསལ་གྱི་ཁྱད་ཆོས་ཅིག་ ཁོ་གིས་ ངོ་སྤྲོད་རྐྱབ་ཅི་བ་ འ་ནཱི་གོ་གིས་ དེ་ལས་ རྒྱལ་ཁབ་གཞན་གྱི་མི་འདི་ཚུ་གིས་ ངོ་སྤྲོད་རྐྱབ་པར་ཐོན་འོང་བ་ལགས། ང་བཅས་ར་ཕར་འགྱོ་མི་དགོ་ ང་རྒྱལ་ཁབ་འ་ནཱི་གི་མི་ཨིན་ འེང་་་ཁྱོད་འབྲུགཔ་ཨིན་པས་སྨོ་ཟེར་མི་ཅིག་ཤུགས་རང་འོང་།

ནུས་པ་འ་ནེམ་ཅིག་འདུག་ལགས་ ང་གིས་ལྟ་བ་ཅིན་ ཏེ་ འ་ནཱི་ཚུ་ ང་བཅས་ར་གིས་ ཨ་ཙི་རེ་ཐུགས་བཞེད་གནང་དགོཔ་འདི་ གནམ་མེད་ས་མེད་གལ་ཆེ་དྲགས་ཅིག་ འ་་་ མཐོང་མས་ཟེར་ ཞུ་ནི་ཨིན། གནམ་མེད་ས་མེད་ རྒྱས་ཤིང་རྒྱསཔ་སྦེ་ ཞུ་ནི་མིན་འདུག་ ད་ཅི་ང་གིས་ཡར་གོང་ལས་ཡང་ ལེ་ཤ་ཅིག་ཞུ་ཡི་ ད་ ཞུ་མི་འདི་ཚུ་ག་ར་ ལ་ལུ་ཅིག་ཐུགས་ཁར་ཡང་ཕོག་དོ་འོང་།

ཨིན་ཏེ་འབད་རུང་ ཏེ་ ང་གིསནི་ ཁ་གིས་ བཤད་བཤདཔ་ཅིག་མཆུའི་གྲོགས་རམ་ཨིན་(?) མི་ཉན་ཚིག་རྣམས་ཐོས་པའི་ཚེ། བྲག་བྱག་བཞིན་དུ་བལྟ་བར་བྱ། ཟེར་གསུངས་ཏེ་ཡོད་ ད་འ་ནཱི་འབད་ནི་འདི་གིས་ ང་བཅས་རང་གི་ ཏེ་ ཕར་གྱི་ཐུགས་ཁར་ཕོག་ནི་ཡོད་པ་ཅིན་ ཏེ་ ཐུགས་ཁར་མ་བསྣམས་ ཏེ་ འ་ནཱི་སྦེ་ཞུ་ནི་ཨིན་ལགས། བཀའ་དྲིན་ཆེ།

ལགས་སོ། ལགས་སོ་ བཀའ་དྲིན་ཆེ།