གཞལམ་སྒང་རྫོང་ཁག་ བཀཀ་སྟོང་གཡུས་ཚན་ལས་ ཨང་རྒས་ཅིག་གིས་ དང་ཕུགས་ ཀ་བལ་འཛུགས་སྐྱོང་གི་ ལཱ ཱ་ག་དེ་སྦེ་ར་འབད་དོ་ཡོདཔ་ཨིན་ནིའི་སྐོར་ལས་ བཤད་པའི་སྐབས་ མོ་གིས་འབད་བ་ཅིན་ གཡུས་ཁའི་མི་ཆ་མཉམ་གྱིས་ སྐུདཔ་གི་དོན་ལུ་ ཀ་བལ་གནམ་མེད་ས་མེད་ རྒྱ་ཆེ་ཏོག་ཏོ་སྦེ་ར་ འཛུགས་སྐྱོང་འབད་དོ་ཡོདཔ་མ་ཚད་ གཞུང་ལུ་ ཀ་བལ་གྱི་ཁྲལ་ཡང་བཏབ་ཡོདཔ་ལས་ གཞལམ་སྒང་གི་ མི་སེར་ཚུ་ རྒྱལ་ཁབ་ནང་ ཀ་བལ་སྟོན་མི་ དྲགས་ཤོས་ཅིག་ཨིན་པའི་ བརྡ་མཚོན་སྟོན་ཡོདཔ་ཨིན་པས། ཁྲལ་བཏབ་ལུགས་ཀྱི་སྐོར་ལས་ བཤདཔ་པའི་སྐབས་ མོ་གིས་ སླབ་མི་ནང་ རྨགཔ་ཚུ་ཕྱི་ཁར་ འུར་ལཱ་འབད་བ་འགྱོ་བའི་སྐབས་ ཨམ་སྲུ་ཕུད་རྡོག་ཅིག་སྦེ་ ཁྱིམ་ནང་ ཡུན་རིངམ་སྦེ་ ག་དེ་སྦེ་སྡོད་དགོ་ཟེར་ཨིན་པས། ད་རུང་ མོ་གིས་ ཨམ་སྲུ་ཚུ་ ཚོས་དང་ གོ་ལའི་ ཁྲལ་བཏབ་ནིའི་དོན་ལུ་ ཕྱི་རུ་ཞག་མ་ཉལ་བར་ ཐགས་འཐག་ནི་ ག་དེ་སྦེ་མཇུག་དགོ་པའི་སྐོར་ལས་ཡང་ སླབ་ཨིན་པས