Video Overview
༉ ལྕང་ཡུལ་བུམོ་དགའ་ལེགསམོ་འདི་ ལྕང་གཡུས་དེ་ནང་ ག་ནི་བ་འཇའ་རིསམོ་ཅིག་སྡོད་སྡོདཔ་མས། དེ་ཡང་ ཧེ་མ་མགར་ས་རྫོང་ནང་ཕྱག་ཞུ་སྡོད་མི་མགར་ས་བླ་མའི་སེངྒེ་ཟེར་མི་དང་ཅིག་ཁར་དགའ་མཐུན་བྱུང་བའི་མཐའ་མར་ དགའ་ལེགསམོ་གི་ཕམ་ཚུ་གིས་ངོས་ལེན་འབད་མ་བཏུབ་མ་ཚད་ མཐར་བཤུད་བཏང་པའི་ཤུལ་ལུ་ ལྕང་ཡུལ་བུམོ་དེ་ཤི་སོངཔ་ཨིན་པས། བུམོ་གི་དེ་གི་ཕུངམོ་དེ་མེ་བཏང་པའི་སྐབས་ སྒར་ས་བླ་མའི་སེངྒེ་དེ་ཡང་མེ་ནང་མཆོངས་ཏེ་ སྟབས་གཅིག་ཁར་ཤི་སོང་པའི་ལོ་རྒྱུས་ ད་ལྟོའི་བར་ན་ཡང་ ཡོངས་གྲགས་སྦེ་ཡོདཔ་མ་ཚད་ སློབ་གྲྭ་ནང་ཡང་སྲུང་སྦེ་ལྷབ་ནི་ཡོདཔ་ཨིན། འདི་གི་སྐོར་ལས་གློག་བརྙན་འདི་ནང་བཤད་པ་རྐྱབ་མི་དེ་ཡང་ དགའ་ལེགསམོ་གི་མི་བརྒྱུད་ཅིག་ཨིན་མི་ ལྕང་ཡུལ་ལས་རྣམ་རྒྱལ་བཟངམོ་ཨིན་པས།
Changyul Galem was a famous beauty of the Chang village in Punakha district, whose love affair with Singye, a lama's attendant in Gasa, became a legend. Galem is said to have died without fulfilling her wish to be with Singye. Namgay Zam, a descendant of Galem who inherited the old family house, talks about the decrepit old structure that was once the house of Galem, and the various rituals the family conducts. The ancient traditional three-storied mud house sits right next to the house in which Namgay Zam currently lives.
- Zamdongkhar Changyul
- རྣམ་རྒྱལ་བཟངམོ།ད་ ལྕང་ཡུལ་བུམོ་ དགའ་ལེགསམོ་གི་ ཁྱིམ་འདི་ ཨ་ནཱི་ རྙིངམ་འདི་ར་ཨིན་ལགས། ཏེ་ ཨ་ནཱི་ཁར་ལུ་ ཁྱིམ་འདི་ ཐོག་གསུམ་སྦེ་ ཏེ་ ཁོང་རང་གི་ ཕ་ཁྱིམ་འདི་ར་ ཨ་ནཱི་སྦེ་འབད་ ཏེ་ མ་པ་ མགར་ས་ བླ་མའི་སེངྒེ་ཟེར་ ཏེ་ འདི་མར་རྫོང་ནང་སྡེ་པའི་་ ཕྱག་ཞུ་མི་ཅིག་ ཨིན་དོ་ཡོདཔ་ཨིན་མས་པ་ལགས།
- རྣམ་རྒྱལ་བཟངམོ།ཏེ་ དགའ་ལེགསམོ་གི་ རྨགཔ་འབད་སྦེ་ ཏེ་ དགའ་ལེགསམོ་འདི་ ཨཔ་དང་ ཨའི་གི་ གཉེན་རྐྱབ་མ་སྟེར་བ་ ཏེ་ མོ་ ཨ་ནཱི་སྦེ་ གྱོངས་སྦེ་ ཏེ་ ད་རེས་ ང་བཅས་འབདཝ་ད་ ཏེ་ བརྒྱུད་པ་ལས་ བརྒྱུད་པ་ཡར་སོང་ནུག་ལགས།
- རྣམ་རྒྱལ་བཟངམོ།ཏེ་ ང་བཅས་ཀྱིས་ གནམ་མེད་ས་མེད་ ཤེས་ཡང་མི་ཤེས་པས། ད་རེས་ བརྒྱུད་པ་ ང་བཅས་འབདཝ་ད་ ང་བཅས་ཀྱིས་ བདག་འཛིན་འབད་སྦེ་ ཏེ་ ད་མ་པ་འདི་ ཁྱིམ་འདི་ ཨིན་ནི་འདི་ དང་ཕུག་ དུས་རྒྱས་ལས་ཀྱི་ ཁྱིམ་འབད་ནི་དེ་གིས་ བྱིན་བརླབས་ཡང་ ཆེ་ཤོས་སྦེ་ར་ ཨིན་ལགས་ཨིན་ནི་འདི།
- རྣམ་རྒྱལ་བཟངམོ།ཏེ་ རོགས་ ཟླཝ་དང་པ་ དཔའ་མཛངསཔ་ ཡར་ལས་མར་ འོངམ་སྦེ་འབདཝ་ད་ དཔའ་མཛངསཔ་ཡང་ ནཱ་འོང་ ནཱ་ ང་བཅས་ཀྱི་ མཆོད་བཤམ་ནང་ མར་ཆང་ཕུད་གཏོར་ ཏེ་ འདི་ལས་ ལོག་སུ་ འཆམ་རྒྱས་པའི་ཟེར་ འདི་ལས་ མར་ལས་འོངམ་སྦེ་ སྒོ་ཁ་ལུ་ རྦད་རྐྱབ་ སླེམ་མ་ཆམས་ འདི་ལས་ ཆང་ཕུད་གཏོར་ ཨ་ནཱི་སྦེ་རང་ འབད་དགོ་ལགས།
- རྣམ་རྒྱལ་བཟངམོ།ཏེ་ འདི་ལས་ འདི་དང་བསྟུནམ་ ཕར་ལྕང་ཤིང་ ལྕང་ཡུལ་མགོན་བྲགཔ་ཟེར་ ཕར་མགོན་བྲག་འདི་ཁར་ ཏེ་ ལོ་གཅིག་ལུ་ ཕར་མགོན་བྲགཔ་ ཚར་གསུམ་གསོལ་དགོ་ལགས། ཟླཝ་བརྒྱདཔ་ དགུ་པའི་ནང་ ཚར་གཅིག ཏེ་ དགུན་ཟླ་ཟེར་ མར་མགོནཔ་ དབང་ཆེན་དང་འཁྲིལ་ མར་བཞེངས་བརྡ་ཕུལཝ་ཅིག་ ཏེ་ འདི་ནང་ དྲོ་པ་བ་ཛ་(ཆུ་ཚོད)གསུམ་ལས་ ཏེ་ མར་ལས་ དར་ཞུ་སྦེ་ ཡར་ལུ་ མགོན་བྲགཔ་གསོལ་ འདི་ལས་ མར་ལས་ སློབ་དཔོན་རྩེ་ ཞུ་སྟེ་རང་ དེ་སྦེ་འབད་དགོ་ལགས།
- རྣམ་རྒྱལ་བཟངམོ།ཏེ་ འདི་ལས་ མཇུག་འདི་རང་ ཟླཝ་གསུམ་པའི་ནང་ གྲོ་ལི་གསོལཝ་ད་ མ་གྲོ་ལི་གསོལ་འབད་སྦེ་ ཏེ་ ཨ་ནཱི་བསྒང་ ཟླཝ་གསུམ་པའི་ ཚེས་བཅོ་ལྔ་ལུ་ མཇུག་བསྡུཝ་ཨིན་ལགས། ཏེ་ འདི་ལས་ ཨ་ནཱི་ ལྕང་ཤིང་ལྕང་ཡུལ་ མགོན་བྲགཔ་ཟེར་ ཏེ་ འོ་ནཱི་ ནཱ་གི་འདི་དང་ སྦྲགཔ་འབདན་འདི་གིས་ ཕར་གི་འདི་ཡང་ ནཱ་ ང་བཅས་ཀྱིས་རང་ འདི་བསྒང་ལས་རང་འབདན་འདི་གིས་ ད་་ལྟོ་བར་ན་ཡང་ ང་བཅས་ཀྱིས་རང་ འབད་སྡོད་དགོ་ལགས།
- རྣམ་རྒྱལ་བཟངམོ།ཨ་ནཱེ་ཅིག་རང་ཨིན་ལགས། བཀའ་དྲིན་ཆེ།
Loading ... - oral-traditions
- Village House History
- Zamdongkhar Changyul
- Zamdongkhar Changyul
- Dzongkha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.