ཆང་སྐོར་ཟེར་མི་འདི་ སྡེ་ཚན་སྡེ་ཚན་འབད་བཟོ་ཞིན་ན་ ཞབས་བྲོ་རེ་འཁྲབ་ ཆང་ཕོརཔ་གང་གང་རེ་འཐུང་ཞིནམ་ལས་ ཁྱིམ་བསྐོར་རྐྱབ་སྟེ་ འགྱོ་མི་ཅིག་ལུ་ཆང་སྐོར་ཟེར་ སླབ་སྲོལ་དར་ཁྱབ་འབྱུང་སྟེ་འདུག དེ་བཟུམ་མའི་སྲོལ་འདི་ མང་ཆེ་ཤོས་ཅིག་ ཤར་ཕྱོགས་རྫོང་ཁག་གི་ཁ་ཐུག་ཡོདཔ་ཨིན། ད་ལྟོ་གི་གནས་སྐབས་ན་འབད་བ་ཅིན་ ཁེངས་བུ་ལི་ལུ་ བུ་ལི་མཆོད་པའི་མཇུག་ལུ་འབད་ ཆང་སྐོར་རྐྱབ་ཨིན་པས། ཞབས་བྲོ་འདི་ཡང་ ཆང་གཙང་སྒོར་མོ་མི་བཙུགས་ཆང་གཙང་སྒོར་མོ་བཙུགས་ཡོད། ཟེར་བའི་ཞབས་བྲོ་རྐྱབ་སྦེ་ ཁྱིམ་གུང་བཤལ་རྐྱབ་སྟེ་འགྱོཝ་ཨིན་པས། དེ་ལས་ ཆང་ཕོརཔ་རེ་རེ་ལག་པར་བཤེད་སྦེ་ གླུ་གཞས་ གཞུང་སྒྲ་བཞེས་སྤྲོ་ཡར་མཆོད་ཡར་ར་མཆོད། ཟེར་ ག་ནི་བ་སྤྲོ་བ་ཆེ་ཏོག་ཏོ་སྦེ་ འཐེན་ཏེ་ཆང་གི་མཆོད་པ་ཕུལ་ཞིནམ་ལས་ ལོག་དངོས་གྲུབ་ཞུ་བའི་ཚུལ་འབད་ ཆང་འདི་འཐུངམ་ཨིན་པས།