05 Jan 2016
1 min 47 sec
Video Overview
Creators:
Tibetan & Himalayan Library
This is a video of Drolle from Serchen, Amdo singing an archery festival song. This song is part of a collection of folk songs from the Rebgong cultural area.
འདི་ནི་འདིར་ཚོགས་ཁྲོམ་པ་ཡོངས་ཀྱི་ངོ་སོ་དགུང་ལ་བསྟོད་པའི་གླུ་ཞིག་ཡིན།
གླུ་འདིའི་ནང་དོན་གཙོ་བོ་ནི་གཞུ་ཡར་འཁྱོག་ཤྭ་བའི་རྭ་ཅོ་ཡིན་པ་དང་མར་འཁྱོག་འབྲོང་གི་རྭ་ཅོ་ཡིན་པ། གཞུ་ཐིག་བཀྲ་ཤིས་དོན་འགྲུབ་ཡིན་པ་བརྗོད་དེ་དེ་རིང་བཀྲ་ཤིས་དོན་འགྲུབ་ཀྱི་ཉིན་མོ་ཡིན་པ་དང་། གྲལ་གྱི་མགོ་ན་ཕ་དང་ཨ་ཁུ་བཞུགས་པ་དང་། གྲལ་གྱི་རྔ་མ་ན་མ་སྲུ་མོ་རྣམས་བཞུགས་པ། གླུ་རྩེད་རིགས་བླངས་ཏེ་སྐྱིད་ལ་རོལ་བཞིན་ཡོད་པས་དེ་རིང་ནི་བཀྲ་ཤིས་དོན་འགྲུབ་ཀྱི་ཉིན་མོ་ཡིན་པ་བརྗོད་ཡོད།
- ༼ཡེ་་་་ཡ་རེ་ཡ་རེ་་་་ཡ་རེ་ལེན་དགོ༽
- གཞུ་ཡར་འཁྱོགས་ཤྭ་ར་དཀར་པོ་རེད། །
- འདི་མར་འཁྱོགས་འབྲོང་རྭ་སྨུག་པོ་རེད། །
- འདིའི་གཞུ་ཐིག་བཀྲ་ཤིས་དོན་འགྲུབ་རེད། །
- དོན་འགྲུབ་པའི་ཉི་མ་དེ་རིང་རེད། །
- གླུ་བར་མ་བསྐྱུར་ལ་རྗེས་མ་ལེན། །
- གྲལ་མགོ་སྐོར་ནས་ཕ་ཁུ་རེད། །
- གྲལ་རྔ་བསྐོར་ནས་མ་སྲུ་རེད། །
- གླུ་རྩེད་རིགས་བཀྲ་ཤིས་དོན་འགྲུབ་རེད། །
- དོན་འགྲུབ་པའི་ཉི་མ་དེ་རིང་རེད། །
- གླུ་ཤེས་ནི་མིན་ཡང་དགའ་ནི་ཡིན། །