༉  གྲུབ་ཐོབ་ཐང་སྟོང་རྒྱལ་པོ་གིས་བརྩམས་གནང་མི་ཨ་ལྕེ་ལྷ་མོའི་འཆམ་འདི་ ཁང་ཁྱིམ་ལ་སོགས་པ་གསར་བཞེངས་འབད་བའི་སྐབས་ རྐྱེན་བར་ཆད་མི་འབྱུང་ནིའི་ཐབས་ལུ་ སྤྱིར་གནས་བདག་གཞི་བདག་ཚུ་ལུ་གསོལཝ་བཏབ་པའི་ཚུལ་སྦེ་རྐྱབ་དོ་ཡོདཔ་ཨིན་མས། འཆམ་རྐྱབ་མི་རེ་རེ་གི་མིང་ཡང་ ལྷ་མོ། ཀླུ་མོ། ཉ་པ། ཉ་རོགས། ཆོས་རྒྱལ་ནོར་བཟང་ཟེར་སླབ་སྲོལ་ཡོདཔ་ད་ ཨ་ལྕེ་ལྷ་མོའི་འཆམ་འདི་ འབྲུག་རྒྱལ་ཁབ་ཀྱི་ས་གནས་ མེ་རག་སག་སྟེང་དང་ཤིང་མཁར་ལའུ་རི་ལས་ཕར་མ་གཏོགས་ གཞན་ཁ་ལུ་གནམ་མེད་ས་མེད་ཅིག་རྐྱབ་སྲོལ་མེདཔ་ཨིན་པས། ཁོང་གསུམ་གྱིས་བཤད་དོ་བཟུམ་འབད་བ་ཅིན་ ཟངས་ཐིག་ལུ་བརྩི་བསྲུང་ཞུ་སྟེ་བདག་འཛིན་འཐབ་དགོ་མི་དེ་ གྲུབ་ཐོབ་མཆོག་ ས་གནས་དེ་ཁར་ཕེབས་ཏེ་འགྲོ་དོན་མཛད་བྱིན་གྱིས་བརླབས་གནང་པའི་བཀའ་དྲིན་གྱིས་འབད་ བདེ་སྐྱིད་ཕུན་སུམ་ཚོགས་ཏོག་ཏོ་སྦེ་སྡོད་ནི་ཡོདཔ་ལས་ འདི་གི་བཀའ་དྲིན་ལུ་ བདག་འཛིན་འཐབ་སྟེ་བརྩི་སྲུང་ཞུཝ་ཨིན་ཟེར་ བཤདཔ་ཨིན་པས།