04 Jul 2018
6 min 6 sec
Video Overview
Creators:
Monika Subba
The Therma Lhakhang in Chaskhar village under Sarpang District was founded by His Holiness Garab Rinpoche, a Nyingma master from Bhutan, in the year 2011 to foster the Buddhist philosophy in the southern districts. This ritual is performed twice a month to bring peace and harmony to the country and for the benefit of all sentient beings. The association has around hundred and fifty members in total and perform the ritual every month; most of the members have gone through non-formal education system. Besides therma ritual, the members also recite other rituals for the wellbeing of all sentient beings.
- Umling
- Sarpang
- སློབ་དཔོན་ཚེ་རིང་Lopen Tshering: ལགས་སོ། ན་གཉིས་ཀྱིས་དྲི་བ་གསུངས་མི་འདི་ལུ་ ང་གིས་ལན་དུམ་གྲ་ཅིག་ཞུ་བ་ཅིན། ཏེ་ང་བཅས་ཨ་ནཱི་དགེ་ལེགས་ཕུག་ལེགས་སྐྱིད་ཐང་ཟེར་ ས་ཆ་གི་མིང་འདི་དེ་སྦེ་ཞུཝ་ཨིན། ད་ང་བཅས་ནཱ་ཁྲོས་མའི་ལྷ་ཁང་འདི་ ཧེ་མ་གནམ་ལོ་༢༠༡༡ ལས་འགོ་བཟུང་སྟེ་བཞེངས་བཞེངསམ་ཨིན།
- སློབ་དཔོན་ཚེ་རིང་Lopen Tshering: དེ་ལས་ ཏེ་ང་གི་བླམ་གི་ བླམ་འདི་ བླམ་དགའ་རབ་རིན་པོ་ཆེ་ཨིན་ཟེར་ཞུཝ་ཨིན། དེ་ལས་ད་ཧེ་མ་འགོ་བཙུགསཔ་ད་ སྦྱིན་བདག་དག་པ་ཅིག་གིས་འགོ་བཙུགས་ཏེ་གིས་སྦེ་ དེ་ལས་ནཱ་ལྷོ་མཚམས་རྫོང་ཁག་ཁ་ཐུག་ལུ་ ནང་པ་ཆོས་ཀྱི་ཨ་ཙི་ཅིག་བསྟན་པ་དར་ནི་གི་དོན་ལས་ ད་རུང་སྦྱིན་བདག་དེ་ཚུ་གིས་ དེ་སྦེ་འགོ་བཙུགས་བཙུགསཔ་ཨིན་མས།
- སློབ་དཔོན་ཚེ་རིང་Lopen Tshering: ཏེ་ང་བཅས་ནཱ་ ཁྲོས་མའི་ལྷ་ཁང་ཟེར་ མཚན་ཞུ་དགོ་མི་འདི་ ཏེ་ཆོས་འདི་མ་པ་ག་ར་ཅོག་འཐདཔ་སྦེ་ར་ཨིན། ཏེ་དེ་འབདཝ་ད་ ང་བཅས་ནཱ་ཁྲོས་མའི་ལྷ་ཁང་ཟེར་ མི་སེར་འདི་ཚུ་ག་ར་གིས་ཆོས་བསྒྲུབ་ནི་གི་གོ་སྐབས་ཅིག་ཨིནམ་ལས་བརྟེན་ཏེ་གིས་ ང་བཅས་ནཱ་རིན་པོ་ཆེ་གིས་དེ་སྦེ་འགོ་བཙུགས་གནང་གནངམ་ཨིན་ཟེར་ཞུ་ནི་ཨིན།
- སློབ་དཔོན་ཚེ་རིང་Lopen Tshering: ཏེ་ང་བཅས་ནཱ་ལོ་བསྟར་བཞིན་དུ་ རྒྱལ་ཁབ་ཀྱི་སྐུ་རིམ་བཟུམ་སྦེ་ ཟླཝ་རེ་ལུ་ཚར་གཉིས་གཉིས་རེ་ཁྲོས་མའི་ཚོགས་འཁོར་བཏང་དོ། དེ་ལས་མི་སེར་གིས་ང་བཅས་ར་འབྲུག་རྒྱལ་བཞི་པ་མི་དབང་མངའ་བདག་རིན་པོ་ཆེ་མཆོག་གི་འཁྲུངས་སྐར་དུས་ཆེན་དང་ དེ་ལས་ ཏེ་འབྲུག་རྒྱལ་ལྔ་པ་མི་དབང་མངའ་བདག་རིན་པོ་ཆེ་གི་འཁྲུངས་སྐར་དུས་སྟོན་དང་ དེ་ལསན་ ཏེ་ཞབས་དྲུང་ངག་དབང་རྣམ་རྒྱལ་གྱི་སྐུ་མཆོད་ ད་འདི་མ་ཚད་ གཞན་དང་གཞན་ཡང་ང་བཅས་ནཱ་རྒྱལ་ཁབ་ཀྱི་སྐུ་རིམ་ག་ཅི་གི་ཐད་ལས་འབད་རུང་ ང་བཅས་ནཱ་ཁྲོས་མ་ཚོགས་དམངས་མི་གྲངས་བརྒྱ་དང་ལྔ་བཅུ་དེ་ཅིག་ཡོདཔ་ཨིན།
- སློབ་དཔོན་ཚེ་རིང་Lopen Tshering: ད་འ་ནཱི་ཨ་ནཱིམ་ཅིག་འདི་ རྒྱལ་ཁབ་ཀྱི་སྐུ་རིམ་རང་རང་སོ་སོ་གི་ ཚེ་ཕྱི་མ་དང་ད་ལྟ་གཉིས་ཀྱི་ཕན་ཐབས་ཟེར་རུང་ ང་བཅས་ནཱ་དྲོ་པ་ཁྲོས་མ་འགོ་བཙུགསཔ་ད་ དྲོ་པ་བསང་མཆོད་དང་ དེ་ལས་རླུང་རྟ་བསང་དང་ [རྙིང་མ་གི་ཚོགས་འཁོར་?] དེ་ལསན་ཏེ་ ཕྱི་རུ་བར་ཆད་ལམ་སེལ་ སྒྲོལ་མ་ཚེ་སྒྲུབ་ དེ་ལས་གཤིན་པོའི་དོན་ལས་བསྔོ་སྨོན་དང་ ཏེ་ཨ་ནཱི་འདི་ཚུ་ག་ཅི་གི་ཐད་ལས་འབད་རུང་ ད་ང་བཅས་ཀྱིས་ཅི་ལྕོགས་གང་ལྕོགས་སྦེ་ རྒྱལ་ཁབ་ལུ་འ་ནཱི་གི་དོན་ལུ་ཞབས་ཏོག་ཞུ་དོ་ ཟེར་ཞུ་ནི་ཨིན།
- སློབ་དཔོན་ཚེ་རིང་Lopen Tshering: ད་ཁྲོས་མ་བཏངམ་ད་ལུ་ ང་བཅས་ར་མི་གནགཔ་ཆ་ཁྱབ་ ཨཱ་་་གཙོ་བོ་ར་ཨ་ནཱི་བཀྲིན་ཆེ་ཤོས་འདི་ ད་གཞུང་ལུ་བཀྲིན་ཆེ་ཤོས་ཞུ་དགོ་མི་འདི་ གཞུང་གི་འབད་གཞི་རྟེན་ཤེས་ཡོན་གི་གོ་སྐབས་ཅིག་བཙུགས་སྦེ་ འ་ནཱི་གིས་གནམ་མེད་ས་མེད་ང་བཅས་ཨ་ནཱི་ ཁྲོས་མ་བཏང་མི་དེ་ཚུ་ལུ་ཕན་པ་གནམ་མེད་ས་མེད་སྦོམ་སྦེ་ར་ ཏེ་བཀྲིན་ཆེ་ཟེར་ཞུ་ནི་ཨིན།
- སློབ་དཔོན་ཚེ་རིང་Lopen Tshering: ད་འ་ནཱི་གཞི་རྟེན་ཤེས་ཡོན་བཚུགས་ཚར་བཞིམ་ལས་ ང་བཅས་ནཱ་ཁྲོས་མ་གི་སྡེ་ཚན་འདི་ ཆོས་འབད་མི་མང་ཆེ་ཤོས་ར་གཞི་རྟེན་ཤེས་ཡོན་ལྷབ་སྟེ་ འ་ནཱི་སྦྱངས་ཏེ་ཚར་ཞིནམ་ལས་ ཏེ་ང་བཅས་ནཱ་ཁྲོས་མ་གི་སྡེ་ཚན་ནི་ལུ་ ཏེ་གནམ་མེད་ས་མེད་ འ་ནཱི་དཔེ་ཆ་ཤེས་ཏེ་ ཧ་གོ་སྟེ་སྦེ་ ཁྲོས་མ་བཏང་མི་དེ་ཚུ་མང་ཆེ་ཤོས་ར་ཨ་ནཱི་དེ་ཨིན་ཟེར་ཞུ་ནི་ལགས།
- སློབ་དཔོན་ཚེ་རིང་Lopen Tshering: ད་འ་ནཱི་འདི་ང་བཅས་ཀྱིས་ ཧིང་ལས་ར་ འབྲུག་གཞུང་ལུ་གནམ་མེད་ས་མེད་བཀྲིན་ཆེ་ཟེར་ཞུ་ནི་ཨིན། ད་འ་ནཱི་ ཏེ་ཁྲོས་མའི་གཅོད་ཚོགས་འདི་སྦྱངས་ཞིནམ་ལས་ དེ་ལསན་ ཏེ་ང་བཅས་གཅོད་ཚོགས་སྦྱང་མི་དེ་ཡང་ གཙོ་བོ་འཇིག་རྟེན་མི་གནགཔ་ སྒེར་གྱི་ལཱ་འབད་མི་ཞིང་གི་ལཱ་འབད་མི་ འ་ནི་ཚུ་ཨིན། འ་ནཱི་དེ་ཚུ་ཡང་ད་ གདུང་འཛིན་དགའ་རབ་རིན་པོ་ཆེ་མཆོག་གིས་ ཏེ་ཐུགས་རྗེ་རྒྱ་ཆེ་ས་ལས་གཟིགས་ཏེ་གིས་སྦེ་ དེ་ལས་ཨ་ནཱི་གྲྭ་ཚང་ དགེ་སློང་ཨ་ཎི་འདི་ཚུ་མ་པ་རང་བཞིན་གྱིས་ཆུང་ཀུ་བསྒང་ལས་ར་ ཆོས་སྒྲུབ་ནི་གི་གོ་སྐབས་ཡོད།
- སློབ་དཔོན་ཚེ་རིང་Lopen Tshering: ད་དེ་འབདཝ་ད་ང་བཅས་ར་གི་ འཇིག་རྟེན་པ་ད་ལྟོ་གོང་ལུ་ཞུ་དོ་བཟུམ་སྦེ་ ད་གཞན་མི་ཆོས་སྒྲུབ་ནི་གི་གོ་སྐབས་མ་ཐོབ་མི་ལུ་བརྟེན་ཏེ་གིས་སྦེ་ ཏེ་རིན་པོ་ཆེ་ཁོ་ར་གིས་ཐུགས་རྗེ་གཟིགས་ དེ་ལས་ཏེ་འ་ནཱི་ཚུ་ཆོས་སྒྲུབ་ནི་གི་གོ་སྐབས་ མ་གཅིག་ཁྲོས་མ་ནག་མོ་ ལྷ་གཙོ་བོ་འདི་གསང་སྔགས་ཀྱི་ལྷ་ཨིན།
- སློབ་དཔོན་ཚེ་རིང་Lopen Tshering: ད་འ་ནཱི་གི་ཆོས་འདི་ལུ་ལམ་བསྟེན་ཏེ་གིས་སྦེ་ཆོས་སྒྲུབ་པ་ཅིན་ ད་ཚེ་འདི་ལུ་བར་ཆད་སེལ་བ་མ་ཚད་ མགྱོགས་པར་བཟུམ་ཅིག་ སངས་རྒྱས་ཀྱི་གོ་འཕང་ལུ་ཐོབ་ནི་གི་ཐབས་ལམ་གཙོ་བོ་ཅིག་ མ་གཅིག་ཁྲོས་མ་ནག་མོ་ལྷ་འདི་ཡོདཔ་ཨིན། ཆོས་འདི་ག་ར་ཅོག་འཐདཔ་སྦེ་ར་ཨིན་ དེ་འབདཝ་ད་ ལ་ལུ་གིས་ཆོས་བསྒྲུབས་ཏེ་གིས་སྦེ་ མ་ཎི་བཛྲ་གུ་རུ་བགྱངས་ཏེ་སྡོད་མི་ཡང་ཡོད།
- སློབ་དཔོན་ཚེ་རིང་Lopen Tshering: དེ་འབདཝ་ད་ ཨ་ནཱི་ཆོས་ཀྱི་ནང་ལས་ ད་གཙོ་བོ་བྱིན་རླབས་ཆེ་བ་ ཟབ་པ་རྒྱ་ཆེ་བ་ གཏིང་ཟབ་པ་འདི་ ཏེ་མ་གཅིག་ཁྲོས་མ་ནག་མོ་ ཆོས་འདི་འདུག་ཟེར་ དེ་སྦེ་ཞུ་ནི་ཨིན། ད་ང་བཅས་ནཱ་ལྷ་ཁང་ནང་ལུ་ཨ་རྟག་ར་ ད་ནཱ་བཞུགས་མི་དགེ་སློང་ ཧ་ལམ་༡༣ དེ་ཅིག་ཡོདཔ་ཨིན། འ་ནཱི་ཚུ་གིས་ཡང་ ད་དྲོ་པ་བསང་དང་
- སློབ་དཔོན་ཚེ་རིང་Lopen Tshering: དེ་ལས་ཏེ་ཕྱི་རུ་གི་གསོལ་ཁ་དང་ དེ་ལས་ཏེ་བར་ཆད་ལམ་སེལ་དང་སྒྲོལ་མ་ཚེ་སྒྲུབ་འདི་ཚུ་འདི་ ཨ་རྟག་རང་མ་ཆད་པར་ང་བཅས་བཏང་སྡོདཔ་ཨིན། འ་ནཱི་སྦེ་ད་ང་བཅས་ཨ་ནཱི་ ཡར་ངོ་མར་ངོ་ ད་ཅི་གོང་ལུ་ཞུ་དོ་བཟུམ་སྦེ་ ཁྲོས་མ་ཚོགས་འཁོར་གནང་མི་འདི་ཚུ་གིས་ ད་དེ་སྦེ་ར་བཏང་དོ་ ཟེར་ཞུ་ནི་ཨིན། ཨ་ནཱིམ་ཅིག་ཨིན།། །།
Loading ... Collection:
Subcollection
- Oral Traditions
Subject
- Historical Account and Narrative
Referenced Places
- Umling
- Sarpang
Recording Location
- Umling
Creator:
Monika Subba
Editor:
Rinchen Dorji
Contributor:
Lopen Tshering
Publisher:
Tibetan and Himalayan Library
Sponsor:
Arcadia Fund (Other)
Data Entry:
Copyright Owner:
Shejun Agency
Year Published:
2018
Rights Summary:
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.
Visibility:
Public (group default)
Shanti AV Id:
20131
