༉  པདྨ་དགའ་ཚལ་རྫོང་ཁག་ ཆོས་འཁོར་གླིང་རྒེད་འོག་ལས་ པདྨ་རིན་འཛིན་གྱིས་ རྒྱ་གར་གྱི་ངོ་རྒོལ་བ་ཚུ་ འབྲུག་གི་ལྷོ་ཕྱོགས་ལུ་གཞི་བཅགས་སྡོད་མི་ཚུའི་ལོ་རྒྱུས་སླབ་མི་ནང་ ག་གིས་ཡང་ཤེས་དོ་བཟུམ་སྦེ་ ངོ་རྒོལ་བ་ཚུ་ ནགས་ཚལ་སྟུག་དྲགས་ཚུ་ནང་སྒར་བཅགས་སྡོད་ནུག་ ཟེར་ཨིན་མས། ཏེ་དེ་བསྒང་ ང་བཅས་རའི་མ་འོངས་སྔོན་གཟིགས་ཅན་གྱི་རྒྱལཔོ་ མི་དབང་མངའ་བདག་རིན་པོ་ཆེ་འབྲུག་རྒྱལ་བཞི་པ་མཆོག་གིས་ འཕྲལ་འཕྲལ་ར་ས་གནས་དེ་ནང་ལས་ཕར་བྱོན་ཏེ་ ཁོང་དང་མཇལ་ཕྲད་མཛད་དེ་ གྱངས་ཁ་གནང་ནིའི་དོན་ལུ་ ཚལ་ལུ་དང་ཨེ་པཱལ་ཚུ་གནང་རྫུ་བཏབ་སྟེ་གྱངས་ཁ་གནང་བའི་ལོ་རྒྱུས་དང་ མི་དབང་མཆོག་གིས་ ངོ་རྒོལ་བ་ཚུ་ང་བཅས་ཀྱི་རྒྱལ་ཁབ་ནང་ལས་འཐོན་འགྱོ་དགོཔ་སྦེ་ཞི་བའི་ཐོག་ལས་ག་དེམ་ཅིག་གསུངས་རུང་ཉན་མ་བཏུབ་ལས་བརྟེན་ སྤྱི་ལོ་ ༢༠༠༣ ལུ་ དགྲ་ཁག་གསུམ་གྱི་དམག་མི་ཚུའི་འགོ་ཁྲིད་མཛད་དེ་ དམག་རྐྱབ་སྦེ་དམག་གི་རྒྱལ་ཁ་ཐོབ་མི་འདི་ སྤྱིར་འཛམ་གླིང་ནང་དང་ ང་བཅས་ར་འབྲུག་མི་ཡོངས་ཀྱིས་ མི་དབང་མཆོག་ལུ་ ནམ་ཡང་བརྗེད་མ་ཚུགས་པའི་བཀའ་དྲིན་དགའ་ཚོར་བསམ་དགོཔ་ཨིན་པས།