འེང་ ང་བཅས་ནཱ་གི་ གཡུས་འདི་ ཏེ་ སྦྱི་མེད་ན་ཟེར་སླབ་ཨིན་ལགས་ སྦྱི་མེད་ན་ལས་ ཏེ་ ད་ ང་བཅས་ནཱ་ལུ་ སྦྱེ་མེད་ན་ཟེར་སླབ་ཨིན་ ནཱ་ལྷོདཔ་ད་གཡུས་ཀྱི་མིང་ལེ་ཤཱ་ཡོད་ མར་ལས་ཕར་འབད་བ་ཅིན་ ཕར་ལས་དཔལ་ལི་ལ་ བྱོགཔ་པའི་ས་ མར་སྦྱང་པོད་ ནཱ་འདི་གླིང་གཞི་ཁ་ཟེར་སླབ་ཨིན་ལགས་ གླིང་གཞི་ཁ་ཟེར་ དང་ཕུ་ ང་བཅས་མར་ལས་ལུ།

བརྩིཔ་ད་ལུ་ མར་ལས་ གྱི་དཔ་ལྗོམ་དཔ་ཟེར་ སྤྱི་དཔོན་གཅིག་ དེ་ལསནི་ བྱོགཔ་པའི་སྤྱི་དཔོན་གཅིག་ གླིང་གཞི་པའི་སྤྱི་དཔོན་ ཡར་ལས་མཚོ་གོང་པའི་ སྤྱི་དཔོན་ཟེར་འབདཝ་ད་ དེ་བསྒང་སྤྱི་དཔོན་གཅིག་གི་ མི་སེར་ཨིན་མས་བ་ལགས་ནཱ་ལུ་ ཏེ་ འ་ནཱི་འབདཝ་ད་ལུ་ དེ་བསྒང་ ང་བཅས་ ང་གིས་ལོ་བཅུ་གསུམ་ལས་ ཏེ་ ཁྱིམ་ནང་གི་ འགན་འབག་སྟེ་གིས་སྦེ་ ལོ་བཅུ་གསུམ་ལུ་ ད་ལྟོ་མར་ཁ་ས་གྲབ་ཅུ་ལུ་ ཨ་མར་གྱི།

ཨིས་ཀུལ་(སློབ་གྲྭའི་)སྦུག་ལུ་ དང་ཕུ་གི་ རྒྱལ་པོའི་གླིང་ག་ཟེར་ ཡར་དང་མར་བྱོནམ་ད་ དེ་བསྒང་ཞབས་སྟོང་སྦེ་བྱོནམ་ད་ བཞུགས་སུ་གཅིག་ཡོད་བ་ ལོ་བཅུ་གསུམ་ལུ་ འ་ནཱ་ལུ་ འུར་ལཱ་རྐྱབ་ཅི་ལགས་ འདི་ནང་འུར་ལཱ་རྐྱབ་ མར་གྱི་གླིང་ག་བསྒྲུབས་ དེའི་སང་ཕོད་ལོ་བཅུ་བཞི་ལུ་ ད་ལྟོ་ལྕང་གླིང་མིའི་ཐང་གི་ ང་བཅས་ཡར་གྱི་ ཏེ་ ད་ལྟོ་རྫོང་ཁག་གི་ཡིག་ཚང་འདི།

སྔོན་མ་མཚོ་ཆེན་རྒྱལ་པོ་གི་ ཚོང་ཁང་ཟེར་འབོཝ་ད་ འ་ནཱི་རྐྱབ་ད་ ལོ་བཅུ་བཞི་ལུ་ འ་ནཱ་ལུ་རྐྱབ་ཅི་ལགས་ ལོ་བཅུ་བཞི་འ་ཡར་འུར་ལཱ་རྐྱབ་ ཡར་ལུ་འུར་ལཱ་ཚུད་མ་ཚུད་མས་ ལོ་བཅུ་བཞི་འབདཝ་ད་ ཏེ་ འ་ནཱི་འབདཝ་ད་ ཁྱིམ་ནང་ལུ་ག་ར་ ཨམ་སྲུ་བུཚ་ཚུ་ཙང་ཙ་སྦེ་ ཏེ་ ཕོ་སྐྱེས་འདི་ང་བཅས་སྤུན་ཆ་གཉིས་ལས་བརྒལ་མེད་ ཁོ་དམག་མི་ནང་ སློབ་གྲྭ་ནང་ལས་ དམག་མི་ནང་ཡར་སོང་།

ཁོ་ཡང་སློབ་གྲྭ་ནང་རང་སྡོད་ནུག་ དམག་མི་ནང་མ་འགྱོ་བས་ འ་ནཱི་སྦེ་སྡོད་སྡོད་བར་ ཏེ་ ང་གིས་ ལོ་བཅུ་བཞི་ལུ་ ཡར་འུར་ལཱ་འགྱོ་ ཡར་ལས་གྲྭ་འཛིན་འབད་བཞག་མི་འདི་གིས་ ཏེ་ ཁྱོད་འུར་ལཱ་མི་ཚུད་པས་ ཏེ་ གཟུགས་ཆུང་མས་ཟེར་འབདཝ་ད་ ང་བཅས་འདྲན་འདྲ་སེལ་བཏངམ་ད་ མིའི་སྦུག་ལུ་ ང་བཅས་ཆ་མཉམ་འ་ནཱི་སྦེ་ལྷོང་བཞགཔ་ད་ ཏེ་ ང་གིས་ སྦུག་ལུ་རྡོ་གཅིག་འདུག་ འ་ནཱི་རྡོ་གུ་འཛེགས་འབད་སྦེ།

ཏེ་ ང་འ་ནཱི་སྦེ་གཞན་ཚུ་དང་འདྲན་འདྲ་སྦེ་སྡོདཔ་ད་ ཏེ་ ཁོ་ཡར་ལས་མར་བལྟཝ་ད་ འདྲན་འདྲ་སྦེ་མཐོང་ད་ནུག་བ་ལགས་ ག་ར་བསལ་བཏང་ད་ཡི་ ང་ཡར་འུར་ལཱ་བཞག་ཡི་ ཏེ་ ཡར་གྱི་འདི་ ཚང་ཚང་ཏེ་ཡར་ལུ་འུར་ལཱ་རྐྱབ་ སྡོད་སྦེ་ བྱཱར་ཐེངས་གཅིགཔོ་འདི་ཡར་རྐྱབ་ ཏེ་ དགུན་ལས་ ཏེ་ དེ་ལསནི་ ང་བཅས་ཀྱི་ལོ་བཅོ་ལྔ་ལུ་ ཡར་ལས་ ཡར་གྱི་འདི་རྐྱབ་མི་དགོ་བས་ དེ་བསྒང་ལས་འདི་སྒྲུབ་མས།

ལོ་བཅོ་ལྔ་ལུ་མར་ སྐྱབས་ཆ་ལས་ལུ་ འདི་བསྒང་ལས་ མར་ལས་ལམ་བསལ་ནཱ་མཐོང་ནུག་ འ་མར་ལུ་རྐྱབ་མས་ལགས་ མར་ལས་རྐྱབ་ དེ་ལསནི་ མར་ལས་སྦེ་ དེ་བསྒང་དྲུག་བསྡོམས་ཟེརཝ་ད་ལུ་ མི་དྲུག་གི་ལོ་ཕྱེད་རྐྱབ་དགོ་ལགས་ ཁྱིམ་ནང་ལུ་མི་དྲུག་ང་བཅས་ར་ཡོད་པ་ཅིན་ ལོ་གཅིག་ཁ་བ་རི་བ་ མི་རེ་ལུ་ ཟླཝ་གཉིས་གཉིས་ཕོགཔ་ཨིན་ལགས་དེ་བསྒང་།

འ་ནཱི་མི་དྲུགཔ་འདི་གིས་ ལོ་གཅིག་རྐྱབ་ ཏེ་ མི་དྲུག་ལས་གསུམ་གཞན་ཁ་ལས་ཡོད་པ་ཅིན་ ཏེ་ ཕར་ལས་ཐོན་ ཕར་ལས་ལོ་གསུམ་ཟླཝ་དྲུག་ཕར་གྱི་རྐྱབ་ ཟླཝ་དྲུག་ནཱ་གིས་རྐྱབ་ ལོ་བཅུ་ ཟླཝ་བཅུ་གཉིས་ལོ་འཁོར་གཅིག་ལུ་ཟླཝ་བཅུ་གཉིས་ ཟླཝ་བཅུ་གཉིསཔོ་འདི་ ང་བཅས་ར་ལོ་བགོ་རྐྱབ་དགོ

འ་ནཱི་སྦེ་སྡོད་ལོ་བཅོ་ལྔ་ལུ་མར་རྐྱབ་ བཅུ་དྲུག་ཟེརཝ་ད་ མར་ལས་སྦེ་ལམ་འདི་དེ་བསྒང་ལས་ ཡར་དུང་འབོ་བར་ལྷོད་སོང་ཡི་ལགས་ འ་ཡ་ དུང་འབོ་བར་ལྷོད་ཞིནམ་ལས་ ཏེ་ཡར་ལས་ སྐད་རབ་དཔྱལ་ཐེ་ཟེར་ མི་འདི་དེ་བསྒང་ལས་ ཏེ་ དམག་མི་གི་ གཙོ་འཛིན་འདི་ ཨཔ་ཁྱབ་བདག་གཤགས་མི་འདི་ཨིན་མས་ དེ་ལས་ གུང་བློན་བླམ་རྡོ་རྗེ་བུ་ བཞུགས་ནུག་བཞུགས་ནི་འདི་ ཨིན་རུང་རང་ ཏེ་ གཙོ་འཛིན་འདི་ཁོ་ཨིན།

འ་ནཱ་ལས་ ཏེ་ ང་ལོ་བཅུ་དྲུག་ལས་ ང་ཡར་ལས་བསྟན་སྐྱོང་གླིང་དམག་ནང་ཡར་སོང་ཡི་ལགས་ བསྟན་སྐྱོང་གླིང་དམག་ནང་སྡོད་དེ་གིས་སྦེ་ ཏེ་ མར་ཟླཝ་དྲུག་ལྷགཔ་ ཟླཝ་དྲུག་ལངམ་ཅིག་ ང་བཅས་ཟླཝ་དྲུག་ཕར་ དམག་སྦྱོང་འབད་ད་རུང་ཡང་ ཏེ་ དེ་བསྒང་ དྲག་ཤོས་ འ་ནཱི་ ད་ལྟོ་མར་ ཀ་ལོ་ཁོ་ལ་ཡོད་དྲག་ཤོས་ ཧ་རི་ཟེར་མི་གཅིག་ཡོད་བ་ལགས་ འ་ནཱི་ཧ་རི་ཟེར་མི་འདི་གི་འོག་ལུ་ ཏེ་ ཁོ་ འགོ་པ་སྦེ་སྡོད་ནུག་ ང་བཅས་ཕར་དམག་མི་ལྷབ་ འ་ནཱི་སྦེ་འབདཝ་ད།

ཕར་སྡོདཔ་ད་ ང་བཅས་ དེ་བསྒང་ང་བཅས་ལུ་ལྟོ་ལོབ་(དངུལ་ཕོགས) ཏི་རུ་བཅུ་ཐམ་མས་ལགས་ ལྟོ་ལོབ་འདི་ཏི་རུ་བཅུ་ཐམ་ དེ་བསྒང་ལས་ ཨ་ནཱི་ཨིན་ཌའི་(རྒྱ་གར)ཏི་རུ་ཤོག་ཀུ་འདི་ འཐོན་སོང་ནུག་ ལྟོ་ལོབ་ཏི་རུ་བཅུ་ཐམ་ འདི་གུ་ཤ་འཐུས་ཏི་རུ་གཉིས་ ཨིན་ཌའི་ཏི་རུ་ རྐྱང་ལོར་ འོ་་་ གཉིས་ལོར་རེ་བྱིན་འོང་ འ་ནཱི་ཤ་འཐུས་མས། ཏེ་ འ་ནཱི་སྦེ་ང་བཅས་བསྟན་སྐྱོང་གླིང་ལུ་ འ་ནཱི་སྦེ་སྡོདཔ་ད་ ལྷབ་སྡོད་སྡོདཔ་བར་ར།

ཏེ་ ཕར་ལས་སྦེ་ ཏེ་ ཕར་སྡོདཔ་ ཕར་ལས་ སྤ་ཏེ་དེ་བསྒང་ ད་རེས་ཀྱི་ཏི་རུ་སྟོང་ཕྲག་བ་འདི་ ང་གིས་ ཏི་རུ་ ཡུདཔ་ཅིག་ ཏི་རུ་གཅིག་ཤུགས་ཆེ་ནི་མས་ འ་ནཱི་སྦེ་སྡོད་སྡོད་བར་རང་ ང་བཅས་བསྟན་སྐྱོང་གླིང་སྡོད་དེ་གིས་སྦེ་ འ་ནཱི་སྦེ་སྡོདཔ་ད་ ཕར་ལས་མར་བ་ལྗོ་འགྱོཝ་ད་ ང་བཅས་ཀྱི་ ཏི་རུ་གཉིསཔོ་འདི་ ཧེམ་མའི་ནང་བཙུགས་འབག་སྦེ་ ང་བཅས་ཁ་བསྡོམ་འགྱོ་བ་ཅིན་ ཐ་ལ་གཅིག་ཨེ་མ་ཉོ་བ་ཅིན་ ད་རེས་འབད་བ་ཅིན་ ཀེ་ཇི་གང་ཨིན་མས་ ཏེ།

ཤར་གྱི་བྲེ་སྦོམ་ཤོས་འ་ནེམ་རེ་སྡོད་ནི་འདུག་བ་ འ་བྲེ་ཟེར་མི་འདི་ལགས་ ཤན་མ་རྐྱབ་ཅིག་ འ་ནཱི་བྲེ་བདུན་བདུན་རེ་བྱིན་མས་ལགས་ བྲེ་བདུནམ་འདི་གི་ ང་བཅས་ཟླཝ་གཅིག་ཟ་མི་ཚར་བས་ ཐ་ལ་གཅིག་གི་ཨེ་མ་འདི་གི་ ཏེ་ འ་ནཱི་སྦེ་ ཏེ་ བསྟན་སྐྱོང་གླིང་ལུ་ ཕར་ལས་ དམག་མི་ཚང་ཚང་ཕར་སྡོད་ ཕར་ལས་དམག་མི་ཚངམ་ཅིག་ ཏེ་ དེ་ལསནི་ ང་བཅས་གསན་ཁར་(?)བཏང་པའི་བསྒང་ལས་ ལ་ལུ་ས་ཙི་ཁ་ཡར་སོང་ཡི།

ལ་ལུ་ཕར་དུང་རལ་ནང་གི་ ང་སྤ་རོ་དུང་རལ་ནང་གི་ ཚར་གཅིག་ཕོགཔ་ཅི་ དུང་རལ་ནང་ལས་ ཁྱབ་བདག་གཤགས་མི་འདི་གིས་བཏང་མ་བཏུབ་ ཁྱོད་བ་ཛ་ཝ་ལ་ནང་འཛུལ་ཤིག་ཟེར་ ཏེ་ བ་ཛ་ཝ་ལ་ནང་སྡོད་ཅི་ལགས་ བ་ཛ་ཝ་ལ་ནང་ལུ་ཡང་ ཡུདཔ་ཅིག་ ལོ་གཉིས་གསུམ་ཅིག་སྡོདཔ་ཅིག་ ཏེ་ འ་ནཱ་ལུ་ལོ་གཉིས་གསུམ་ཅིག་སྡོད་ བྷ་ཛ་ཝ་ལ་ནང་ཕར་སྡོདཔ་ད་ དེ་ལསནི་ཕར་ལས་སྦེ་ ང་བཅས་ཐིམ་ཕུག་བཏང་ད་ཡི།

ཐིམ་ཕུག་བཏང་ ལོག་ཐིམ་ཕུག་འོང་པའི་བསྒང་ལསནི་ ཏེ་ ང་བཅས་རེ་མར་ལུང་བསྟན་ཕུག་ རེ་ཡར་རྫོང་ནང་བཞག་ འ་ནཱི་སྦེ་འབད་དགོ་རུང་ ཏེ་ མར་ལས་ ཨིན་ཌི་ཡ་༼རྒྱ་གར༽གིས་ མར་ལས་རོགས་ ཏེ་ ཨཔ་ པཱན་ཇབ་གཅིག་ཡོད་ པཱན་ཇབ་དེ་དང་གཅིག་ཁར་དོ་རུང་ འེ་་་ རྒྱ་གར་གྱི་དམག་མི་རང་ཨིན་མས་ འ་ནཱི་སློབ་དཔོན་ཅིག་སྦེ་ ཏེ་ ང་བཅས་ཧཱ་ལུ་སློབ་སྦྱོང་འབད་བར་བཏང་ད་ཡི་ལགས།

ཕར་ལུ་ དམག་མི་གི་འ་ནཱི་ training (སློབ་སྦྱོང་)རྐྱབ་ ཕར་ལས་སྦྱོང་བརྡར་རྐྱབ་ ཏེ་ ང་བཅས་འ་ནཱི་སྦེ་ ཕར་ལུ་ ཕར་སློབ་སྦྱོང་རྐྱབ་སར་ ཕར་རྟག་བུ་ནཱ་བུ་སྡོད་ནི་མིན་འདུག་ ནཱ་ དགའ་སྟོན་རནམ་ཅིག་ སྤ་རོ་དགའ་སྟོན་རནམ་ཅིག་ ཕར་ལས་ཚུར་རྐང་སྟོང་སྦེ་ ནཱ་ དགའ་སྟོན་འབད་བར་འོང་དགོ་ལགས་ ཞབས་ཁྲ་རྐྱབ་པར་འོང་དགོ་ བ་ཛ་འཕུ་བ་འོང་དགོ་ འ་ནཱི་སྦེ་རེ་ཞབས་ཁྲ་རྐྱབ་ རེ་བྷ་ཛ་འཕུ་ ཕར་ལས་སྦེ་ནཱ་འོང་།

ནཱ་ལས་ དོ་རུང་ལོག་ ནཱ་གི་དགའ་སྟོན་གྲོལཝ་ཅིག་ཕར་འགྱོ་ འ་ནཱི་སྦེ་སྟེ་ ཕར་དང་ཚུར་འ་ནཱི་སྦེ་སྡོད་སྡོདཔ་བར་ དེ་ལསནི་ ཏེ་ ཁྱིམ་ནང་ལུ་ ཏེ་ ང་བཅས་སྤུན་ཆ་གཉིས་ལས་བརྒལ་མེད་ ཁོ་དམག་མི་ནང་སྦེ་ ང་གིས་ ཏེ་ དྲུག་བཅུ་ དབྱིན་ལོ་གཅིག་སྟོང་དགུ་བརྒྱ་དྲུག་བཅུ་རེ་བརྒྱད་ལས་ ཏེ་ ང་གིས་ ཏེ་ད་ དགོངསམ་ཞུ་དགོ་བས་ཟེར་ འབད་ཞིནམ་ལས་ ཏེ་ དགོངསམ་ཞུ་ འ་ནཱ་ལས་དགོངསམ་ཞུ་ཡི་ དགོངསམ་ཞུ་ ལོ་བརྒྱད་འདི་ དམག་མི་ནང་རང་སྡོད་ད་ནུག་ལགས།

ལོ་བརྒྱད་དགུ་འདི་ ཏེ་ འ་ནཱི་སྦེ་ དྲུག་བཅུ་རེ་ལྔ་ལས་དགོངསམ་ཞུ་ ཏེ་ གཡུས་ཁར་འོང་ གཡུས་ཁར་སྡོད་ ཏེ་ དེ་བསྒང་ལས་ ཏེ་ ང་བཅས་ ཁོང་ཨམ་སྲུ་ཙང་ཙ་སྦེ་ འ་ནཱི་སྦེ་འབད་ཞིནམ་ལས་ ཏེ་ གཡུས་ཁར་ལུ་འོང་ ཏེ་ ཕར་ལས་འོང་ འོ་་་ དྲུག་བཅུ་ལུ་ འ་་་ ནཱ་ལུ་གཡུས་ཁར་འོང་འབད་བའི་བསྒང་ལས་ ཏེ་ དམག་མི་གི་ཡིག་ཆ་དེ་བསྒང་ འ་ནཱི་ དཔལ་བེའུ་ལོ་ཟེར་ ཆ་མཉམ་ ཡིག་ཆ་འ་ནཱི་སྦེ་ཆུང་ཀུ་སྦེ་འདུག་སྦ་ལགས།

འ་ནཱི་ཚུ་ཆ་མཉམ་འབག་འོང་ ནེམ་འབད་ཡིག་ཆ་འདི་འབག་འོང་ ང་བཅས་ནེ་སྦེ་སྡོད་སྡོདཔ་བར་ ཏེ་ དེ་ལསནི་ གཡུས་ཁར་ལྷོད་ཞིནམ་ལས་ ཏེ་ད་ ཁྱོད་ ཁྲལ་རྒྱུགནི་རྒྱུག་དགོ་པས་ འདི་ནང་ལུ་ ཏེ་ ཨམ་སྲུ་བུ་ཚུ་ཡོད་རུང་ དེ་སྦེ་འབད་རུང་ཡང་ ཏེ་ ཁྱོད་ཏེ་ གཞུང་གཡོག་ནང་ལྟོ་ཐོབ་ཅིག་འབད་དོ་བ་ ཏེ་ད་ ཐིམ་ཕུག་ལུ་ དེ་བསྒང་ང་བཅས་སྤྱི་དཔོན་གོངམ་འོགམ་ཟེར་ཡོདཔ་ཨིན་ འ་ནཱི་དེ་བསྒང་སྤུ་ན་ཁ་གི་ཚུ་ཡང་ནཱ།

ཏེ་ ཁྱལ་འཐུས་ནཱ་ཐིམ་ཕུག་རྒྱུག་དགོ་ལགས་ ང་བཅས་ཐིམ་ཕུག་རྒྱུག་དགོ་མི་འདི་ མཚོ་ཆེན་ཆ་ཁྱབ་ཀྱིས་ ཏེ་ ནཱ་ལས་དགུན་ འ་་་ ད་ཚེ་འ་ནེམ་ཅིག་ཁར་ལས་ ཟླཝ་གསུམ་པའི་ནང་ལས་ ཕར་ལས་ནཱ་གཞི་འོང་མས་ལགས་ ནཱ་སྡོད་ དེ་ལས་ནཱ་ལས་ཟླཝ་ དགུཔ་བཅུཔ་པའི་ནང་ལས་གཞི་ཕར་འགྱོ་ ནཱ་ལས་ཕར་ཞག་གཉིས་གསུམ་སྡོད་ ཕར་ལས་ཚུར་ཡང་ འ་ནཱི་སྦེ་སྡོད་འབད་སྦེ་ ཏེ་ མང་སུ་ནཱ་སྡོད་ནི་མིན་འདུག་ལགས།

ཕར་དང་ཚུར་འ་ནཱི་སྦེ་འགྱོ་སྟེ་རང་སྡོད་དགོ་པས་ ནཱ་བཀའ་འཐོན་ཕར་འགྱོ་ དེ་ལསནི་ཕར་གྱི་ ཏེ་ ལྕང་ལཱ་མ་རནམ་ཅིག་ལས་ ཏེ་ ནཱ་འོང་ ནཱ་སྡོད་མི་གིས་ནཱ་སྡོད་ ཕར་ལྕང་ལཱ་རྐྱབ་མི་ལྕང་ལཱ་རྐྱབ་འབད་སྦེ་ ཏེ་ འ་ནཱི་སྦེ་རང་སྡོད་ ང་བཅས་ཕར་དང་ཚུར་འ་ནཱི་སྦེ་སྡོད་འབད་ཞིནམ་ལས་ ཏེ་ ཐིམ་ཕུག་སྡོད་ཟེར་ ཐིམ་ཕུག་སྡོད་ ཏེ་ དྲུག་བཅུ་རེ་བརྒྱད་ལུ་ སྤ་རོ་ལས་མར་ ཐིམ་ཕུག་ལས་མར་ ཆུ་རུད་ཚར་གཅིག་འཐོན་ཡི་བུ་ལགས་ ཆུ་བར་ཆུ་ལས་མར་ལུ།

དེ་བསྒང་ལས་ ནཱ་སློབ་གྲྭ་ནང་བཞུགས་བཞུགསཔ་འོང་ཌག་ཊར་བུ་ འ་ནཱི་ཆུ་རུད་འཐོནམ་ད་ ང་བཅས་ཆུ་བར་ཆུ་འ་ནཱི་ མཆོད་རྟེན་སྦོམ་འདི་གི་འ་ནཱ་ སྒར་ནཱ་སྡོད་སྡོད་སྦེ་ ང་བཅས་ ཕོ་ ཨམ་སྲུ་གི་ཕོ་རྒནམ་ ལཱ་རྒྱབ་གཅིག་ཡོདཔ་ཨིན་ འ་ནཱ་སྡོད་སྡོད་བར་ཆུ་རུད་འཐོན་ ཏེ་དེ་ལསནི་ དམག་མི་གི་ཡིག་ཆ་ཆ་མཉམ་ ཏེ་ ཆ་མཉམ་ཆུ་གིས་ འབག་ཡར་སོང་ཡི་ ཅ་ལ་ཡང་ཆ་མཉམ་ཆུ་གིས་ འབག་ཆིས་ལགས་ང་བཅས་ ཁོང་གི་ ཏེ་ཁྱིམ་དང་།

ཡུདཔ་ཅིག་ཆུ་རུད་ཐོནམ་ད་ ཆུ་ཆ་མཉམ་འ་ནཱི་སྦེ་འབག་ཡར་སོང་ཞིནམ་ལས་ ཏེ་ ད་ལྟོ་དམག་མི་གི་ ཅ་ཆས་ཚུ་ག་ནཱི་ཡང་མེད་ང་ལུ་ ཏེ་ འ་ནཱི་སྦེ་སྡོད་ དེ་སྦེ་སྡོད་སྡོད་བར་རང་ ཏེ་ འ་་་ལོ་ དྲུག་བདུན་དེ་ཅིག་དམངས་ཀྱི་ ལཱ་འབད་འ་ནཱི་སྦེ་སྡོད་ དམངས་ཀྱི་ལཱ་འབད་དེ་གིས་སྦེ་ ཏེ་ ང་བཅས་ཕར་དང་ཚུར་ ཏེ་ འབྲེལ་ཏེ་རང་སྡོད་ དྲག་ཤོས་ལམ་དཔོན་སྤ་རོ་སྐུ་ཞོགས་འབད་བའི་བསྒང་ལསནི་ ཏེ་ ང་བཅས་འ་ནཱི་ སྦྱི་མེད་རོང་ཆུ་ཡོད་བུ་ལགས།

འ་ནཱི་སྦྱི་མེད་རོང་ཆུ་གི་བཅད་པའི་བསྒང་ལས་ ཏེ་ སྤོ་རོ་གི་ཁྱལ་ ཏེ་ ཝང་གི་ཁྱལ་ཡང་ཨིན་པས་ མར་ད་ལྟོ་ཆུ་ འ་ནཱ་ ཚ་ལུང་ཆུ་ཕར་སྐབས་ཚུར་སྐབས་ཟེར་ཡོད་བ་ལགས་ ཡར་ལས་མར་ལུ་ འ་ནཱི་སྦྱི་མེད་རོང་ཆུ་བཅད་སྤ་རོ་ཨིན་ ཏེ་ དེ་བསྒང་ཝང་གི་ཁྱལཔ་ཚུ་ཡང་ཕར་བཙུགས་ འ་ནཱི་སྦེ་ཡར་སོང་ཡི་ ཏེ་ ང་བཅས་ལ་ལུ་ཁྱིམ་ཕར་སྦེ་ ས་མེད་ ཏེ་ ཁྱིམ་དེ་སྦེ་འབད་མི་ཚུ་ ཏེ་ ང་བཅས་ཐོན་འགྱོ་བའི་བར་ཡང་འགྱོ་ལོག་མེད་པར་ ཏེ་ ཕར་ལས་ཚུར།

ཨ་ཕར་ གཏན་ཅི་ཁ་ལས་ཚུར་ བྱག་འོགཔ་ཚུ་ སྤ་རོཔ་འདི་ཚུ་འོང་ ཏེ་ ད་ལྟོ་ཕྱེད་ཀ་འ་ནཱི་སྦེ་རང་ཡོད་བ་ལགས་ ཨ་མར་ལས་མར་ ཏེ་ཨ་མར་ ད་ལྟོ་ གྱི་དར་ཀོངམ་གྱི་ Hydel (གློག་མེ་)ཟེར་འབདཝ་ད་ གློག་མེ་ཕར་ཁར་ལས་སྦེ་ཚུར་ པུ་ར་(ག་ར་)ང་བཅས་ས་ཨིན་ ནཱ་གི་འདི་ཨམ་སྲུའི་ས་ཨིན་ མར་གྱི་འདི་ ངེའི་ས་མར་ཡོད་ལགས་ འ་ནཱི་སྦེ་ཆུ་གི་བཅད་ང་བཅས་ འ་ནཱི་སྦེ་ཚུད་ ཏེ་ ཕར་དང་ཚུར་འབད་བའི་བསྒང་ལས་འདི་ ཏེ་ ནཱ་གི་ཆ་ཁྱབ་ས་ཡང་ཕར།

ལ་ལུ་ཅིག་འདི་ ཁྱལ་ཕྱེད་ཀ་རྐྱབ་ མི་ལ་ལུ་གི་ཕར་འགྱོ་ ལ་ལུ་གི་ནཱ་རྒྱུག་འབད་སྦེ་ ད་ལྟོ་འ་ནཱི་སྦེ་རང་ཡོད་ནཱ་གི་ ཝང་ཆ་ཁྱབ་འདི་ ཏེ་ དང་ཕུའི་དཔྱེ་གཏམ་སླབ་ཡང་སླབ་མས་ དགུན་སུ་ཝང་གི་རྟིང་མ་བདའ་ བྱཱར་སུ་ཤར་གྱི་རྟིང་མ་བདའ་ཟེར་ བྱཱར་སུ་ཤར་གྱི་རྟིང་བདའ་བ་ཅིན་ ཤར་ལ་ལུ་མཁོ་ཐང་ཁ་ ལ་ལུ་སྟོད་པའི་ས་ ལ་ལུ་ཕོག་སྦྱིས་ཁ་ལས་ཕར་ཡར་སོང་འབད་སྦེ་ ཤར་བདའ་མ་འཛིན་མི་འདི་ འ་ནཱི་ཨིན་མས།

དགུན་སུ་ཝང་བདའ་མ་འཛིན་མི་འདི་ ཝང་ལ་ལུ་གར་སེ་ལུ་སྦེ་ ལ་ལུ་ཕར་ཤར་གྱི་ཧོངས་ལས་ ལ་ལུ་ནཱ་སྟག་མེད་དམ་ཅུང་ལས་འབད་སྦེ་ ང་བཅས་ཝང་བདའ་མ་འཛིན་མི་འདི་ ཁུངས་འདི་འ་ནཱི་སྦེ་ཨིན་མས་ལགས་ ཏེ་ ཨིནམ་ད་ལུ་ ད་འདི་ཏེ་ད་གཞུང་དྲིན་ཆེ་ ང་བཅས་ ཏེ་ ད་ ཁོང་ར་ཡབ་སྲས་རིམ་བརྒྱུད་ཚུ་གིས་ ཏེ་རྒྱལཔོ་འདི་ཚུ་ ད་ གཅིག་བ་གཅིག་བྱམས་བརྩེ་ཆེ་ གཅིག་བ་གཅིག་ནེམ་སྦེ་ འབྲུག་རྒྱལ་གསུམ་པའི་སྐབས་ལུ།

ང་གིས་འ་ནཱི་སྦེ་ལྟཝ་ད་ ད་ རྒྱལཔོ་རིམ་ཐེངས་གསུམ་ཡར་སོང་ཡི་ལགས་ རིམ་ཐེངས་གསུམ་འགྱོ་དགོ་མི་འདི་ འཇིགས་མེད་རྡོ་རྗེའི་སྐབས་ལས་ དངཔ་དམག་མི་ནང་སྡོད་ཡི་ གཉིས་པ་ལུ་ ཁྱལ་འཐུས་རྒྱུག་ དམངས་ཀྱི་ལཱ་ཅིག་འབད་ ང་གིས་སྤྱི་དཔོན་ ཏེ་ གོང་མའི་ལཱ་འབད་དེ་གིས་སྦེ་ ཡིག་གུ་ཨ་ཙི་མ་ཤེས་རུང་ ཏེ་ དམངས་ཀྱིས་འགན་ཁག་བཀལ་ འ་ནཱི་སྦེ་རྒྱུག་སྟེ་གིས་སྦེ་ ཏེ་ ལོ་མང་ཧི་རྫོགསཔ་ཅིག་ འ་ནཱི་སྦེ་རྒྱུག་སྡོད་ཅི།

ཨིན་རུང་ཡང་ ཏེ་ ང་བཅས་འ་ནཱི་ད་ལྟོ་ ཚར་ཅིག་ཞུ་དོ་བཟུམ་སྦེ་ འགྲོས་ཀྱིས་འགྲོས་ཀྱིས་ ཏེ་ ཞུ་བསྡོམས་འདི་ཚུ་ ཏེ་ ཞུ་བསྡོམས་ལས་ བཅུ་གཉིས་རྐང་གུ་ཡར་སོང་ཡི་ བཅུ་གཉིས་རྐང་འབད་དགོ་མི་འདི་ ང་ལུ་མི་དྲུག་ཡོད་ ནཱ་ ཌག་ཊར་ལུ་མི་དྲུག་ཡོད་པ་ཅིན་ མི་དྲུགཔ་འདི་བཅུ་གཉིས་སྦེ་ ཟླཝ་བཅུ་གཉིས་ ཟླཝ་དྲུགཔ་གཅིག་གིས་རྐྱབ་ རྩ་བོ་གཅིག་གིས་ ཟླཝ་དྲུག་རྩ་བོ་གཅིག་གིས་རྐྱབ།

ཏེ་ མི་དགུ་གཅིག་གི་ནང་ཡོད་ དྲུག་གཅིག་གི་ནང་ འོང་ གསུམ་གཅིག་གི་ནང་ཡོད་པ་ཅིན་ འདི་གིས་ཡང་དྲུག་བསྡོམས་ འོ་ བཅུ་གཉིས་རྐང་སྦེ་བཟོ་དགོ་རུང་ ཏེ་ ད་འ་ནཱི་སྦེ་ ཏེ་ དེ་བསྒང་ལས་མི་རེ་བསྡོམས་དགོ་རུང་མ་ཕོགཔ་སྦེ་ཡར་སོང་ཡི་ ཏེ་འགྲོས་ཀྱིས་འགྲོས་ཀྱིས་འབད་བའི་བསྒང་ལསནི་ ཏེ་ དེ་ལསནི་ ཏེ་ མི་གུ་བལྟ་མེན་པ་ཞིན་ན་ ཏེ་ མེ་འཕུ་གི་བདའ་ཟེར་ ཏེ་ ང་བཅས་མི་འདི་ཚུ་གི་ ཏེ་ དེ་བསྒང་ལས།

ཏེ་ ཁྱལ་ལྕོགསཔ་མེད་པ་ ཏེ་ ང་ཡང་སྐྱིད་སྡུག་ཞུ་བའི་ལོ་ ང་ག་ཅི་འབད་ནི་ཟེར་ མ་པ་ང་བཅས་གཞུང་གིས་ཡང་མཁྱེན་མས་ འ་ནཱི་བསྒང་ལས་ ཏེ་ སྦ་སྒོར་བཟོ་ཚད་གཅིགཔ་ཡང་ ཏེ་ གུང་མེ་འཕུ་གི་བདའ་ཟེར་ མེ་འཕུ་ཚད་གཅིགཔ་ཆ་མཉམ་ ཏེ་ འུར་ལཱ་བཀལ་ འ་ནཱི་སྦེ་བཏང་ འུར་ལཱ་བཀལ་རུང་རང་ དེ་བསྒང་ལས་ ཏེ་ འཇམ་མས་ལགས་ ཏེ་ གོངམ་དྲིན་ཆེ་ དེ་བསྒང་ལས་འདི་ ཏེ་དོ་རུང་ ཉིནམ་རེ་ ཏེ་ ཏི་རུ་ལྔ་ལྔ་དྲུག་དྲུག་ འ་ནཱི་སྦེ་གནང་ནི་འདུག

དེ་བསྒང་ལས་འདི་ དོ་རུང་ཡུདཔ་ཅིག་འབད་མི་ཚུ་འདི་ ཏེ་ འུར་ལཱ་རྐྱབ་ནིའི་(རྩ་རང་ལང་??) དེ་བསྒང་ལས་ ཏི་རུ་རེ་འཐོབ་འབད་ གཡུས་ཁར་འབདན་ ཏི་རུ་མི་ཐོབ་པས་ འ་ནཱི་འབད་ནི་འདི་གིས་ ཏེ་ དེ་བསྒང་ལས་ ཏེ་ དོ་རུང་འུར་ལཱ་རྐྱབ་པར་འགྱོ་ ཏེ་ མེ་འཕུ་གི་བདའ་སྦེ་འབད་བའི་བསྒང་ལས་ ཏེ་ མེ་འཕུ་གི་བདའ་བཀལ་ཏེ་ དེ་ལསནི་ མེ་འཕུ་གི་བདའ་སྦེ་སྡོད་སྡོད་བར་རངནི་ དེ་ལསནི་ཏེ་ གོང་མ་གི་དོ་རུང་ དེ་སྦེ་མེན་པས་ཟེར།

ཏེ་ད་ མེ་འཕུ་གི་བདའ་འབདཝ་ད་ སྦ་སྒོར་ཚུ་ལུ་ཡང་ ཕོགཔ་ཡར་སོང་ཡི་བ་ལགས་ སྦ་སྒོར་བཟོ་སྡོད་མི་ཚུ་ལུ་ཡང་ ད་ དེ་སྦེ་མེན་པས་ ཏེ་ད་ རང་ས་རང་གུང་གི་བདའ་བཀལ་གེ་ཟེར་ འབད་བའི་བསྒང་ལསནི་ ཏེ་ ང་བཅས་གུང་ཡོད་མི་རྐྱངམ་གཅིག་ལུ་ཕོག་སྡོད་ཡི་ལགས་ གུང་ཡོདམི་རྐྱངམ་གཅིག་ལུ་ཕོག་པ་མ་གཏོགས་ དེ་བསྒང་ལས་ མེ་འཕུ་ཟེར་ སྦ་སྒོར་དང་ འ་ནཱི་སྦེ་ ཡུདཔ་ཅིག་འབད་མི་ཚུ་ལུ་ ཕོགཔ་རང་མ་ཕོག་པར་ཡོད་ ཏེ་ འ་ནཱི་ ཁོང་གི་བདའ་བཀལ།

འགྲོས་ཀྱིས་གྲོས་ཀྱིས་འབད་བའི་བསྒང་ལསནི་ ཏེ་ད་ གུང་གི་བདའ་འདི་གིས་ཡང་ ཏེ་ད་ ཁོང་ར་ འབྲུགརྒྱལ་གསུམ་པ་གིས་ འ་ནཱི་སྦེ་ བཞུགས་བཞུགསཔ་པར་རང་ ཏེ་ ཁོང་གི་འདི་ཡང་ བཤུབ་ཡར་སོང་ཡི་ འབྲུག་རྒྱལ་བཞི་པའི་སྐབས་ལས་དེ་འདི་ ཏེ་ ང་བཅས་ ཏེ་ འུར་ལཱ་རྐྱབ་མ་དགོཔ་ཡར་སོང་ཡི་ལགས་ འུར་ལཱ་རྐྱབ་མ་དགོཔ་འགྱོ་དགོ་མི་འདི་ ཏེ་ དེ་བསྒང་ལས་ ཏེ་ ལཱ་ག་ཅི་འབད་དགོ་རུང་ ཏེ་ གཱ་རི་ལམ་(སྣུམ་འཁོར་ལམ་) འདི་ནཱ་འཐོན།

ག་ཅི་འབད་རུང་ ཏེ་ད་ དམག་ཁང་རྐྱབ་དགོ་རུང་ རྫོང་ཁག་ནེམ་འབད་དགོ་རུང་ གཱ་རི་ལམ་བཏོན་མི་འདི་ དངཔ་དམག་ཁག་ནང་བཏོན་མས་ གཉིས་པ་རྫོང་ཁག་ལུ་བཏོན་མས་ ལཱ་གཱི་རི་(སྣུམ་འཁོར་)གྱིས་ འབད་འགྱོ་བའི་བསྒང་ལས་ ཏེ་ ང་བཅས་ ཏེ་ གུང་གི་བདའ་བདའཝ་ཡང་མེད་ ཏེ་ ལཱ་འབད་རུང་ཡང་ ཏེ་ ལཱ་ཕར་འབད་བར་འགྱོ་རུང་ཡང་ ཏེ་ འདི་དང་བསྟུན་བསྟུན་པའི་གི་ ཏི་རུ་གནང་འབད་འབད་སྦེ་ ཏེ་ད་ ལོ་གཅིག་བ་ལོ་གཅིག་ཉམས་དགའ་ད།

ད་ད་རང་གིས་འབད་རང་ཟ་ནིའི་ ཏེ་ད་ གོང་མ་གིས་ ཏེ་ ས་བྱིན་མེད་མི་ལུ་ཡང་ས་གནང་ སྔོན་མ་ང་བཅས་ས་གནང་ ཕར་དང་ཚུར་ཡང་སོང་མི་ཚུ་ ས་ཆུ་གི་བཅད་སྤ་རོ་ཡར་སོང་མི་ཚུ་ཡང་ ཏེ་ རོགས་སྤ་རོ་ཡར་སོང་ ནཱ་ལུ་ས་མ་ལང་མི་ཚུ་ ཏེ་ ནཱ་ལས་རང་ ཏེ་ ས་ཕར་དང་ཚུར་ལས་ དང་ཕུ་ ཏེ་ སྒོ་རྩ་བ་ལས་ཕར་ཡང་ འ་ནཱི་སྦེ་སྤང་རྒྱགས་ཚད་ལུས་ཏེ་འདུག་ འ་ནཱི་ཚུ་ཡང་ ཏེ་ གཞུང་གིས་གནང་ འ་ནཱི་སྦེ་ས་མེད་མི་ཚུ་ལུ།

མི་ག་མགུ་བདེ་མི་གིས་ ཏེ་ སྦོ་ལོགས་རྩ་བ་ལས་ ཏེ་ ཡུདཔ་ཅིག་འབད་མི་ཚུ་ ས་ཚུར་ཞུ་མི་ཚུ་ཞུ་ཡི་ འབད་བའི་བསྒང་ལསནི་ ཏེ་ ས་འདི་ཚུ་ ཇོབ་ཇོ་སྦེ་ འ་ནཱི་འབད་སྦེ་ དེ་བསྒང་ལས་ ཏེ་ ས་ཡང་སྐྱིད་སྡུག་ནེམ་འབད་དགོཔ་མིན་འདུག་ ཏེ་ དེ་སྦེ་སྡོད་སྡོད་བར་རངནི་ འགྲོས་ཀྱིས་བཏང་དགོ་རང་ ཏེ་མར་ལས་མར་གྱི་ ངོ་ལོགཔ་ཆ་ཁྱབ་ཀྱི་བྱེལཝ་ཐན་པའི་བསྒང་ལསནི་ མར་གྱི་ངོ་ལོགཔ་ཚུ་འགྱོ་བའི་ཟེར་བའི་བསྒང་ལས།

དོ་རུང་ མི་མགུ་བདེ་དྲགས་ཚུ་གིས་ ཏེ་ གཞུང་ལུ་བཅར་ ཡར་ལས་མར་ ཡར་དང་མར་ཟེར་འབད་བའི་བསྒང་ལསནི་ མར་ལས་མར་འགྱོ་ ཏེ་ ས་ག་བདེ་སར་ལས་མར་ད་ལྟོ་ ང་བཅས་ཀྱི་འབྲུགཔ་འདི་ཚུ་ཕྱེད་ཀ་ད་ ཆ་མཉམ་མར་ལས་མར་འཛུལ་ གཅིག་བ་གཅིག་ནེམ་འབདཝ་སྦེ་ ལ་ལུ་གིས་ ཏེ་ བྱཱ་ཞིང་གི་ལཱ་འབད་ཟ་ ལ་ལུ་གིས་ཨ་ལཱན་ཅི་གི་ལཱ་འབད་ ལ་ལུ་གིས་དོག་མ་གི་ལཱ་འབད་ ད་ ཁྱིམ་ནང་ལུ་མི་མགུ་བདེ་དྲགས་འབད་མི་ཚུ།

ཏེ་ ཆ་མཉམ་གཅིག་ཁར་མ་སྡོད་པར་ཏེ་ ལ་ལུ་གིས་ནཱ་སྡོད་ ལ་ལུ་གིས་ མར་ལས་མར་སྡོད་འབད་སྦེ་ ཏེ་ད་ ད་ ལཱ་འབད་ཟ་མ་ཧུམ་པ་ཅིན་ ཏེ་དེ་ ཏེ་ ང་བཅས་ར་ ང་བཅས་ར་ དོན་ཧིང་རུལ་ནི་རང་ཨིན་མས་ ཏེ་ ད་སྔོན་མ་ང་བཅས་ཀྱི་སྐབས་ལུ་ ཨ་ནཱ་ངེའི་ཁྱིམ་གདོང་ཁར་ལས་ད་ལྟོ་ ཌག་ཊར་བུ་གི་ གཱ་རི་བཞག་ས་ལས་རོགས་ གླང་དརོ་བརྒྱད་བརྒྱད་དགུ་དགུ་རེ་ རྒྱ་ཚ་འ་ནཱི་སྦེ་རྨོཝ་མས་ལགས།

ཏེ་ ད་གླང་བཞག་ ད་ འགྲོས་ཀྱིས་འགྲོས་ཀྱིས་ ཏེ་ད་ གླང་འཚོ་མི་མིན་ནུག་ ད་སྒོ་ཁར་གླང་ཡོད་རུང་ཡང་ ཏེ་ད་ རོགས་ཀྱི་ དབའི་ཁྱོད་གླང་མི་དགོ་ག་ཟེརནི་ གླང་མི་དགོ་ཟེར་ ད་ པའུ་ཀྲི་ལར་(འཕྲུལ་གླང་)གཅིག་འོང་རུང་ ཏེ་ དྲོ་པ་ཕྱི་རུ་ ཏེ་ གླང་འབད་བ་ཅིན་ དྲོ་པ་ཕྱི་རུ་ཞག་མ་ཉལ་བར་ གླང་གསོ་དགོ་པས་ལགས། རྩ་བརྔ་དགོ་པས་ མི་གཉིས་དེ་ཅིག་རྩྭ་བརྔ་ ཕྱི་རུ་ཞག་མ་ཉལ་བར་གླང་གསོ་དགོ་པས།

ད་ པའུ་ཀྲི་ལར་འབད་བའི་བསྒང་ལས་ ཏེ་ མར་ཁུ་བླུག་ ད་ རང་གིས་ ཏེ་ ད་ ལཱ་འབད་དགོཔ་ད་འབད་ འབད་མ་དགོཔ་ད་ གྱང་གི་རྩ་བར་བཞག་འབད་སྦེ་ ཏེ་ད་ ལོ་གཅིག་བ་ལོ་གཅིག་ཉམས་དགའཝ་ ལོ་གཅིག་བ་ལོ་གཅིག་ ནེམ་འབདཝ་སྦེ་ ཏེ་ད་ལོ་ ང་བཅས་ ཨེ་ད་ རྒས་པའི་གྲས་འདི་མེན་ ཏེ་ད་ གཞན་དང་ཕྱེད་པ་ཅིན་ ང་བཅས་ཀྱི་ ཡུདཔ་ཅིག་ བདུན་བཅུ་དོན་གསུམ་འགྱོ་ཡི་ལགས་ད་ དམག་མི་ནང་ལས་ཡང་འགོ་བཙུགས་བཙུགས་པ་ ད་ལོ་འ་ནེམ་ཅིག་འགྱོཝ་མས།

ད་ ག་ལས་ཕར་རང་འགྱོ་རུང་ རྒས་ཤོས་ཀྱི་གྲས་མ་ ད་ ང་བཅས་བ་རྒསཔ་དོ་རུང་ ཁོང་དག་ཤོས་ཅིག་ཡོད་འ་ནཱི་སྦེ་ ང་བཅས་ཕར་ལས་ཕར་ལུ་ ད་ འ་ནཱི་ཚུ་འདི་ ཏེ་ བློ་འཁྱོལཝ་མས་ ཁོང་རང་གིས་སླབ་མས་ ཏེ་ ད་ ལམ་གཱ་རི་ནང་འགྱོ་ ཤེ་རྔ་ན་ལས་ནཱ་འོངམ་ད་ ཕར་ལས་རེ་ཚེ་སྐབས་ གཟུགས་མ་བདེཝ་གཅིག་པོ་ ཕར་ལས་མི་ནཱ་ ནཱ་ལྷོད་པའི་བསྒང་ལས་ དབའི་ ཐོན་ཐོན་ཟེར་བའི་བསྒང་ལས།

དེ་ལསནི་ སྒོ་ཁར་ལྷོད་མས་ཏེ་ལགས་ ད་ དུས་ཚོད་འ་ནེམ་ཅིག་གུ་ལྷོད་མས་ཏེ་ ཏེ་ ག་ཅི་འབད་དགོ་རུང་ དང་ཕུ་ང་བཅས་ ང་བཅས་ཀྱི་སྐབས་ལུ་ ཆོ་གུ་བཏངམ་ད་ ཏེ་ ཕར་ལས་ ལྕང་ཡུལ་མཐོང་ས་ཟེར་མི་ཅིག་ཡོད་ འ་ནཱ་ལས་ནངས་པ་གནངས་ཚེ་ ཆོ་གུ་བཏང་འབད་བའི་བསྒང་ལས་ རང་གི་ཁྱིམ་ནང་མི་ངར་ངེ་ཡོདཔ་མེད་པ་ཅིན་ མི་གཅིག་ལས་མི་བཀོལ་ ལ་ཕུག་ལེན་པར་བཏང་དགོ

མར་ཕགཔ་གཅིག་བཙུགས་ནི་འདུག་ ཕགཔ་འདི་ ཤ་འདི་ཕྱེད་ཀ་དེ་ཅིག་ཆོ་གུ་བཏང་ དེ་ལས་ ལ་ཕུག་ལེན་ འ་ནཱི་སྦེ་བཏང་ ཏེ་ ཤ་འདི་ཆོ་གུ་འདི་གུ་ལས་ ཤ་ཏེ་ ཇོབ་ཇོ་སྦེ་ག་ཏེ་གཏང་ནི་འདུགཔ་ འ་ ཕྱི་རུ་གདང་རས་འབོ་ དྲོ་པ་ཇ་ འོ་ དྲོ་པ་ཐུགཔ་བཞེས་ཆ་མངརམ་གི་ འ་ ཇ་གཅིག་དང་ ལྟོ་གཅིག་ལས་བརྒལ་རྐྱབ་ནི་མེད་ ཨེ་མ་ཡང་བཏང་ནི་མིན་འདུག་ ག་ནི་ཡང་བཏང་ནི་མིན་འདུག

ཏེ་ ཉི་མ་ནང་གི་ཨམ་ཆ་ཁྱབ་ ཕྱི་རུ་གདང་རས་འབོ་བའི་བསྒང་ལས་ ལ་ཕུག་དང་ཚོདམ་ཅིག་བཟོ་ ཚོདམ་ཕོརཔ་གང་ཟ་ གང་ཚ་ངེར་བཏོན་བཟེད་བཞག་འོང་ལགས་ འ་ནཱི་གངམ་འདི་ ནངས་པ་ཟ་ནི་ཨིན་མས་ ཏེ་ དོ་རུང་ ནངས་པ་དྲོ་པ་རང་གི་ཁྱིམ་ནང་ལྷོདཔ་ད་ སྤ་་་ཤ་ཁམ་ཏོ་གཅིག་ཐོབ་རུང་ ཏེ་ སྤར་རི་སྦུག་བཅམ་ཏེ་ འདི་གིས་ལྟོ་ཁམ་ཏོ་བཞི་བཞི་ལྔ་ལྔ་འཛུལ་བས་ དནི་དེ་ ད་ ཤ་ཡང་ ཏེ་ད་ མི་འདི་ཚུ་ཏེ་ ད་ ག་དགོཔ་(བ་ཛར་) ཁྲོམ་ཁར་ལས་འཐོབ།

རང་མེད་པར་འབད་བཟོ་རུང་ཡང་ ཏེ་ད་ འ་་་ ག་ཅི་འབད་བ་ ཨ་ཕར་ཁྲོམ་ཁར་འགྱོ་ ཨ་མར་སྒོ་ཁར་ལས་ པད་ཚོད་ ག་ཅི་ཟེར་ རང་གི་ ཤན་ཏ་ཤིང་ཏོག་འབག་ ཁྲོམ་ཁར་བསྐྱེལ་ འདི་བཙོང་ཕར་ལས་ཉོ་འབད་སྦེ་ ཏེ་ ག་དགའཝ་སྦེ་ ཏེ་ད་ དནི་ཏེ་ད་ ཤ་ལུ་ཡང་ ཏེ་ ཡིད་ཆེས་མེད་ ང་བཅས་མི་ལུ་འ་ནཱི་སྦེ་ཨིན་མས་ ཏེ་ད་ ལོ་གཅིག་བ་ལོ་གཅིག་ ཏེ་ ཁོང་རང་ ཡབ་སྲས་རིམ་འབྱོན་ཚུ་གིས།

ཏེ་ ང་བཅས་འ་ནཱི་སྦེ་ ལོ་གཅིག་བ་ལོ་གཅིག་ཉམས་དགའཝ་ ལོ་གཅིག་བ་ལོ་གཅིག་སྐྱིདཔ་འབད་སྦེ་ ད་འདི་ཏེ་ ད་ ལོ་རྒས་མི་ཚུ་ལུ་ བློ་འཁོལཝ་མས་ བློ་འཁོལ་མི་འདི་ག་ཅི་སྨོ་ཟེར་བ་ཅིན་ ད་ ལམ་གཱ་རི་ནང་འགྱོ་ ལོ་གཅིག་བ་ལོ་གཅིག་ཉམས་དགའ་ ལཱ་འདི་ཚུ་ག་ར་འཕྲུལགླང་གིས་འབད་ འ་ནཱི་སྦེ་འབད་བའི་བསྒང་ལསནི་ ཏེ་ད་ གནམ་མེད་ས་མེད་ནེམ་འབད་དགོཔ་མིན་འདུག་ལགས་ ད་ ད་འདི་ ད་སྐྱིད་བུ་ཨིན་མས་ལགས།

ད་ གཞུང་ལུ་བཞུགས་མི་ཡང་ སྤའོ་སྟོང་ཕྲག་སུམ་བཅུ་བཞི་བཅུ་ཟེར་འབདཝ་ད་ ང་བཅས་ མི་གིས་ཡང་མ་མཐོང་མི་གིས་ ཏེ་ ལྟོ་ལོབ་(དངུལ་ཕོགས་) འ་ནཱི་སྦེ་ལེན་མི་གིས་ ང་བཅས་ཏི་རུ་མིག་གིས་རང་མ་མཐོང་མི་གིས་ ཏེ་ འ་ནཱི་ཚུན་ཚོད་སླབ་མས་ ད་ ཏི་རུ་ སྟོང་ཕྲག་བཅུ་ཐམ་བཅུ་གཅིག་འདི་ ལྟོ་ལོབ་ཨིན་ཟེར་མནོཝ་རང་མི་བཏང་མས་ ང་བཅས་དེ་བསྒང་ཏི་རུ་བཅུ་གཉིས་ཀྱི་ཡང་ ཇོབ་ཇོ་སྦེ་ཏེ་ལགས་ འ་ནཱི་སྦེ་སྡོདཔ་མས།

གླང་གཅིག་ལུ་ཡང་ དེ་བསྒང་ཏི་རུ་བརྒྱད་བརྒྱད་དགུ་དགུ་ཨིན་མས་ལགས་ གླང་ཡང་ཀུ་ཅིག་འབད་རུང་ཡང་ ཏེ་ ད་འདི་ཏེ་ སྤ་་་ད་ མནོ་བསམ་ཅིག་བཏང་པ་ཅིན་འདི་ཏེ་ གཞུང་གིས་ འ་ནཱི་ཚུན་ཚོད་ ཏེ་ རྒྱ་བོད་གཉིས་ལུ་ ག་ར་མཐུན་ལམ་བཟོ་ ང་བཅས་གཡུས་ཁར་ལུ་ འ་ནཱི་ཚུན་ཚོད་ཀྱི་ མི་སེར་འདི་ཚུ་ཡར་དྲགས་བཏངམ་ད་ ང་བཅས་མི་ གཡུས་ཁའི་མི་འདི་ཚུ་ ལཱ་འབད་ཟ་ཧུམ་མས་ཟེར་ཞུ་ནི་ད་ ད་ ས་མེད་མི་ས་གནང་།

ག་ཅི་མེད་རུང་ ཏེ་ད་ གཞུང་ལས་སྐྱིད་སྡུག་རང་གིས་ འ་ནཱི་སྦེ་ཞུ་སྟེ་གིས་སྦེ་ ཏེ་ད་འབད་ད་ཡི་ ཨིནམ་ད་ལུ་ ད་ཅི་ནཱ་ལས་ ཌར་ཊར་གྱིས་ཡང་གསུང་དེས་ ང་བཅས་མི་འདི་ཚུ་ལུ་ ག་ཅི་སྨོ་ཟེར་བ་ཅིན་ ད་ གོང་མ་གིས་ག་དེ་ཅིག་རང་བཀའ་གནང་རུང་ རང་གི་རྒྱན་ཆས་འདི་ དང་ཕུ་མི་འདི་ཚུ་གིས་ ཏེ་ ལཱ་ཕར་དང་ཚུར་བརྒལ་ ང་བཅས་དམག་མི་ནང་སྡོད་ འགྱོ་སྦེ་འབདཝ་ད་ ང་བཅས་ཀྱི་བུམ་ཐང་ འོ་ སེ་ཕུག་འབོ་ས་ལས་ ད་ བསྟན་སྐྱོང་གླིང་ལུ།

རྒྱ་གར་གྱི་མགྱོནམ་འོང་ཡི་ཟེར་ བའི་བསྒང་ལས་ ང་བཅས་ལུ་ ཕར་ལས་ཕར་ ཤ་ཉོ་ དེ་བསྒང་ལས་ལུག་འདི་དགྱོནམ་མར་དྲང་ནི་གི་ཨིན་མས་ལགས་ ལུག་ཉོ་བར་འགྱོ་དགོ་པས་ ཏེ་ སེ་ཕུག་འབོ་སར་ལས་ཕར་ འ་ནཱི་སྦེ་འགྱོཝ་ད་མར་ལས་ བསྟན་སྐྱོང་གླིང་ལས་འགྱོཝ་ད་ཡར་ ད་ལྟོ་བྱ་ད་རོ་ཁྱི་ཟེར་ཡོད་བ་ འ་ཡར་ནང་ལྷོདཔ་ད་ འ་ཡ་སྤང་ཅིག་འདུག་ལགས་ འ་ནཱ་སྡོདཔ་ད་ ཏེ་ དེ་བསྒང་ང་བཅས་གོ་གཅིག་ གཟུགས་ཁར་ལུ་དམག་གོ་གྱོན།

གོ་གཅིག་ ཏེ་ དམག་གོ་གི་ཕྱི་ལས་གྱོན་ གོ་གཅིག་ནང་ན་བཙུགས་ འ་ནཱི་སྦེ་འབད་སྦེ་ འ་ཡར་སྡོདཔ་ད་ ཏེ་ ང་བཅས་བ་རོགས་འབྱོགཔ་ཨ་ལུ་ཚུ་ངར་ཡེང་པས་ ང་བཅས་འདི་སྤང་ནང་ལུ་ ཛའི་ གྱང་དྲེགས་མི་ཚུགས་པས་ ཏེ་ ཐིང་ནི་འདི་་་་གུ་མས་ ཐིང་ནི་ཀོམ་གདན་ ནོར་གྱི་ཀོཝ་བརྒལ་མིན་འདུག་༼?༽ འ་ནཱ་ལུ་ཨ་ལོ་ཚུ་གིས་མགུ་ཏོ་སྤུར་ ཏེ་ རོགས་ཕར་ལས་ཕར་གྱི་ སེ་ཕུགཔ་དང་བོ་སོབ་ རྟ་ཚབ་ འ་ནཱི་ཚུ་གིས།

གཟུགས་ཁར་ལུ་གོ་གཉིས་གྱོན་ལགས་ ཆར་བཀབ་གཅིག་ཆུམ་མའི་དོ་གུ་བཀལ་འབད་སྦེ་འོང་ ཕྱི་རུ་འ་ནཱ་ལྷོད་པའི་བསྒང་ལས་ ལྟོ་འདི་ང་བཅས་འདྲན་འདྲ་འབད་ཟཝ་མས་འ་ནཱ་ལས་ འདྲན་འདྲ་འབད་ཟ་ འ་ནཱི་སྦེ་སྡོད་པའི་བསྒང་ལས་ མནོ་བསམ་བཏངམ་ད་ ང་བཅས་འ་ནཱི་བསྒང་ལས་ ང་བཅས་ཧ་གོ་ཡི་ལགས་ ག་ཅི་སྨོ་ཟེར་བ་ཅིན་ འ་ནཱི་བསྒང་ལས་ཁོང་གིས་ གོ་གཉིས་ལས་ གཉིསཔོ་འདི་གཟུགས་ཁར་གྱོན་ ཕྱི་རུ་ཉལ་རན་པའི་བསྒང་ལས་ གོ་ནང་ན་བཤུབ།

ཕར་གཉིས་བཏང་ ཚུར་གཉིས་བཏང་ ཕར་འོང་རང་གོའི་ལགཔ་གཉིསཔོ་འདི་ ་་་་ ཧང་སྦེ་བཙུགས་ འ་ནཱི་སྦེ་ཕྱི་ལས་ཆར་བཀབ་འདི་བཀབ་སྦེ་ ཏེ་ བོང་བོ་ཨིན་མས་ཏེ་ ང་བཅསནི་གཉིད་ལོག་མ་བཏུབ་པར་ ནམ་ལངས་ནི་མེད་ ལོང་པའི་བསྒང་ལས་ བ་མོ་བཀྱག་གུང་གུ་སྦེ་ཆགས་ རོགས་དྲོ་པ་ ཏེ་ ཆར་བཀབ་གུ་ལས་ཕར་ བ་མོ་ཆགས་སྡོད་རུང་ལོང་ནི་མིན་འདུག་ཏེ་ ཚ་ཏོག་ཏོ་སྦེ་ཉལ་སྡོད།

ང་བཅས་འབད་མི་ཚུགས་པས་ཏེ་ལགས་གྱང་སྟེ་ ཏེ་ འ་ནཱི་དང་ཕུ་གི་ ཏེ་ མི་འདི་ཚུ་ འ་ནཱི་གོ་གཉིས་སྦེ་གྱོན་དགོ་མི་འདི་ འ་ནཱི་ཨིན་མས་ ང་བཅས་ཀྱི་ འ་ནཱི་སྦེ་གྱོན་གནང་ཞིནམ་ལས་ ང་བཅས་ཀྱིས་ རྟག་བུ་ན་བུ་ ང་གིས་ཡང་ ཏེ་ད་ འ་ནཱི་ཚུ་བཟུམ་སྦེ་ མ་པ་ཏེ་ ད་ ཏེ་སྦྱང་བ་རང་ཚུདཔ་མས་ ཏེ་ རྟག་བུ་ན་བུ་ ཏེ་ སྤུ་ན་ཁ་སྡོད་རུང་སྡོད་ ནཱ་སྡོད་རུང་སྡོད་ ང་བཅས་ཀྱིས་ རྟག་བུ་ན་བུ།

ཏེ་ སྦྱང་བ་ཚུད་ཚུད་ ཏེ་ ང་འབོད་འདི་ཚུ་ཡང་ ང་བཅས་ཀྱིས་ དམག་མི་ནང་སྡོདཔ་འབདཝ་ད་ འབོད་འདི་ཚུ་འ་ནཱི་སྦེ་ འ་ནཱི་ལས་ཕར་ བྱི་ལི་ལ་ཕར་དང་ཚུར་བྱོནམ་ད་ འབོད་འདི་ཚུ་ཡང་ ཏེ་ དེ་བསྒང་གི་འབོདཔ་འདི་ཚུ་ཡང་ ཏེ་ ད་རེས་བཟུམ་སྦེ་ གཱ་རི་བདའ་ནི་མིན་འདུག་ རྟ་བདའ་ནི་མིན་འདུག་ འབོད་ཚོང་ སྤ་རོ་ ཐིམ་ཕུ་ལས་ སྤ་རོ་བལྟ་བྱོན་རུང་ཡང་ འ་ནཱི་སྦེ་ཨིན་མས་ འབག་ནི་ཟེར་ཚེ་ བཀབ་ནེ་གཅིག་དང་།

ཁོང་རའི་གི་ ཏེ་ ཕད་ཅུང་གཅིག་ སྦུན་བཅོ་ ཕད་ཅུང་དོ་སྦེ་ཡོད་པ་ཅིན་ འདི་གུ་བཀབ་ནེ་འདི་གིས་བཏབ་བཟོ་ གཟུགས་ཁར་གོ་གཉིས་གྱོན་འབད་སྦེ་ ཏེ་ ཕྱི་རུ་ག་སྡོད་སར་ལུ་ ཏེ་ རོགས་འ་ནཱི་ཏེ་ ང་བཅས་དེ་བསྒང་གི་མི་དེམ་ གཟུགས་ཁར་ལུ་ སྒྲིང་སྒྲིང་ཡོད་མི་འདི་འ་ནཱི་ཨིན་མས་ ད་ད་རེས་ཀྱི་མི་གིས་ གོ་ཨམ་སྲུ་འབད་རུང་ཡང་ ཏེ་ད་ ན་ཧིང་ཞེ་ཧིང་འདི་ དཀྱི་ར་འདི་ཕཱུལ་(ཆ་ཚང་)སྦེ་རང་དཀྱིཝ་མས་ས།

དནི་ཏེ་ དཀྱི་ར་ཧབ་(ཕྱེད་)ཟེར་དཀྱི་ དཀྱེས་ར་ཧབ་ལས་གུ་ ཡར་ལས་འོན་ཇུ་གྱོན་པའི་བསྒང་ལསནི་ ད་ད་ཕཱུལ་ཡོད་བཟུམ་སྦེ་མཐོང་མས་ ཕོ་སྐྱེས་ཀྱིས་ ན་ཧིང་ཞེ་ཧིང་གོ་ཧབ་(ཕྱེད་ཀ)གྱོན་ཡི་ འདི་རང་དེ་གཞུང་གིས་ཡང་ གྱོན་མ་སྟེགས་ དནི་གོ་ནང་ཤབ་ཡང་མེདཔ་གྱོན་འབད་སྦེ་ ཏེ་ འ་ནཱི་སྦེ་སྡོདཔ་ད་འདི་ ཏེ་ སྔོན་མ་གི་སྲོལ་འདི་ ཉམས་སུ་ཉམས་སུ་སྦེ་ འ་ནཱི་འབད་འགྱོ་སྦེ་འབདཝ་ད་ ཏེ་ ད་ཅི་ནཱ་ལས་ ཌག་ཊར་གྱིས་གསུང་དོ་བཟུམ་སྦེ་ཨིན།

མི་ཚུ་གིས་ ལམ་ལུགས་འདི་ སྲོལ་ཉམས་ཟེར་སླབ་རུང་ འ་ནཱི་དེམ་ཅིག་ཨིན་མས་ལགས་ ཏེ་ སྔོན་མ་གི་ ལམ་ལུགས་སྲོལ་ཚུ་པུ་ར་(ག་ར་)ཉམས་འགྱོ་དེས་བ་ལགས་ དེ་བསྒང་ལུ་རོགས་ གོ་གཉིས་གཉིས་ དེ་བསྒང་ཨཔ་ རྒྱ་གར་དར་ཤིང་ཟེར་མི་ཚུ་ ང་བཅས་ཀྱིས་ཤེས་འདི་གིས་སྦེ་ ཏེ་ ད་ལྟོ་ དམག་རྩི་རིན་ཆེན་ཚེ་རིང་བུ་གི་ཨ་པ་ཨིན་མས་ ན་ཧི་ཞེ་ཧིང་གྱོངས་ཞིན་ན་མམ་ འ་ནཱི་ཚུ་གིས་ གོ་གསུམ་གསུམ་རེ་གྱོན་མས་ ང་བཅས་ཀྱིས་ཤེསཔ་ད་ གསུམ་ང་བཅས་ཀྱིས་གྱོན་ས་རང་མཐོང་ཅི་ འ་ནཱི་སྦེ་གྱོན་སྡོདཔ་མས་ ཏེ་ འ་ནཱི་ཚུ་གིས།