Video Overview
Sangay from Dechenling in Pemagatshel district describes Dechenling Lake and the Khoche dynasty. His story mentions the ancestor of Khoche, called Tashi, who founded Tokawoong village. That ancestor called Dongsho Oza, a pundit from India, and requested him to subdue the mermaid in the lakes around the Gewog (county). Dongsho Oza sailed his boat in the lakes and almost all of the mermaids were driven out. Sangay then briefly touches on the further history, including Gongdu King and Namgling King, two brothers who fought for power over the region.
༉ པདྨ་དགའ་ཚལ་ཡར་རྒྱས་འུང་ལས་ བསོད་ནམས་གྲུབ་པ་གིས་ ལུང་ཁང་མ་མཚོའི་ལོ་རྒྱུས་དང་ཅིག་ཁར་གནས་རྡོ་དེ་སྟོནམ་ཨིན་པས། དེའི་ལོ་རྒྱུས་འདི་ ཧེ་མ་ལས་ར་ ནོར་རྫིཔ་ཨ་རྒས་ཨང་རྒས་ཚུ་གིས་སླབ་ནི་ཡོདཔ་ཨིན་རུང་ ཡོངས་གྲགས་སྦེ་མ་སྡོདཔ་ཨིན་པས། འཇམ་དབྱངས་མཁྱེན་བརྩེ་རིན་པོ་ཆེ་གིས་ ཆོས་འཁོར་གླིང་ལུ་མ་ཎི་དུང་སྒྲུབ་བསགས་གནང་པའི་སྐབས་ལུ་ ནོར་བུ་སྒང་པ་ཚུ་ཡང་འོང་སྟེ་ ཨ་ནཱ་ལས་ལོག་འོངམ་ད་ ལུང་ཁང་མ་མཚོ་ཅིག་ཡོད་ཟེར་སླབ་མས་ ཨ་ནཱ་ར་འོང་ནི་མས་ཟེར་ བལྟ་བའི་སྐབས་ལུ་ རྡོ་བཀག་བཀགཔ་གུ་ལས་མར་བལྟ་བའི་སྐབས་ གུ་རུ་གི་ཞལ་ཅིག་ཡང་མཇལ་ཚུགས་ཏེ་ཡོདཔ་ཨིན་མས། དེ་ནང་ལུ་ ཁོང་ནོར་རྫིཔ་ཚུ་གིས་ ཐགཔ་སྤྲིངས་སྦེ་བལྟཝ་ད་ལུ་ འདོམ་དྲུག་དེ་ཅིག་ཆུ་ཡོདཔ་སྦེ་དང་ འདོམ་དྲུག་དེ་ཅིག་ཆུ་མེདཔ་སྦེ་འདུག་ཟེར་ བཤད་དོ་ཡོདཔ་ཨིན་མས།
- Dechheling
- Pemagatshel
- བསོད་ནམས་གྲུབ་པ་Sonam Dupba: ད་ང་ ནཱ་ལས་ ཡར་རྒྱས་འུང་ཟེར་ས་ལས་ ནཱ་ཡར་རྒྱས་འུང་།
- བསོད་ནམས་གྲུབ་པ་Sonam Dupba: ང་ ཧེ་མ་འདི་ ཕར་སྨན་ཆུ་ལས་ ནཱ་ཡར་རྒྱས་འུང་ལུ་ ང་ར་ རྨགཔ་སྦེ་ ནཱ་འོང་སྟེ་ ལོ་ལེ་ཤ་སོང་ཡི། ངེ་མིང་འདི་ བསོད་ནམས་གྲུབ་པ་ཟེར་ སླབ་ཨིན།
- བསོད་ནམས་གྲུབ་པ་Sonam Dupba: ང་གིས་ ཧེ་མ་ གནམ་ལོ་ ༢༠༠༣ ལུ་ སྤྱི་མི་རིམ་ཚད་གཅིག་འབད་ཡི་ལགས། གཞུང་ལུ་ ཕྱག་ཞུ་ཡི།
- བསོད་ནམས་གྲུབ་པ་Sonam Dupba: འདི་འབདཝ་ད་ དེ་བསྒང་འདི་མ་མཐོང་ ཧེ་མ་ ང་ནཱ་ སྡོད་པའི་བསྒང་ལས་ར་ ནཱ་ལུ་ རྡོ་གག་པའི་མཚོ་ཡོད་ཟེར་ ཨང་རྒས་ཨ་རྒས་ཚུ་གིས་ སླབ་དེས།
- བསོད་ནམས་གྲུབ་པ་Sonam Dupba: ཨང་རྒས་ ཨ་རྒས་ཚུ་གིས་ ཧེ་མ་ ནོར་རྫིབ་ཚུ་གིས་ རྡོ་དཔྱང་སྟེ་བཙུགས་བལྟཝ་ད་
- བསོད་ནམས་གྲུབ་པ་Sonam Dupba: འདོམ་དྲུག་འདི་ ཆུ་དང་ འདོམ་དྲུག་འདི་ ཆུ་མེདཔ་སྦེ་ཨིན་མས་ཟེར་ རོགས་ནོར་རྫིབ་ཨང་རྒས་དང་ཨ་རྒས་ཚུ་གིས་ འདི་བཟུམ་སྦེ་ སླབ་དེས། རྡོ་གག་པའི་མཚོ་འདི་ ཧེ་མ་ལས་རང་སྡོད་ནུག
- བསོད་ནམས་གྲུབ་པ་Sonam Dupba: དེ་ལས་ འདི་ལས་ འདི་འབདཝ་ད་ འཇམ་དབྱངས་མཁྱེན་རྩེ་རིན་པོ་ཆེ་གིས་ བདེ་བ་ཐང་ལས་ ཚུར་བྱོན་ཏེ་ མ་ཎི་དུང་སྒྲུབ་ཅིག་ ནཱ་ལུ་ ཆོས་འཁོར་གླིང་ཟེར་ས་ལུ་ བསགས་སྟེ་ ནཱ་ལུ་ བྱོན་པའི་སྐབས།
- བསོད་ནམས་གྲུབ་པ་Sonam Dupba: ད་ ཕར་ལས་ དད་པ་ཡོད་མི་ ནོར་བུ་བསྒང་པ་ཚུ་ཡང་ ནཱ་ལུ་འོང་སྟེ་ ཕར་ རིན་པོ་ཆེའི་མ་ཎི་དུང་སྒྲུབ་འདི་ འཇུག་སྡུག་ཞིནམ་ལས་ ཡར་བལྟ་ལོག་འོངམ་ད།
- བསོད་ནམས་གྲུབ་པ་Sonam Dupba: འདི་ལས་ཡར་བལྟ་ལོག་སྟེ་ ལོག་འོངམ་ད་ ནཱ་ལུ་ རྡོ་གག་པའི་མཚོ་ཅིག་ཡོད་ཟེར་ཨིན་པས།
- བསོད་ནམས་གྲུབ་པ་Sonam Dupba: འདི་ནང་ན་ར་ཡོདཔ་ཨིན་པས་ཟེར་ ཁོང་ཚུ་གིས་ འདི་ནང་འགྱོཝ་བལྟཝ་ད་ གུ་རུ་རིན་པོ་ཆེའི་ ཞལ་ཕྱེད་ཀ་ཅིག་མཇལ་ཏེ།
- བསོད་ནམས་གྲུབ་པ་Sonam Dupba: དེ་ལས་མར་ གུ་རུ་རིན་པོ་ཆེའི་ འདི་ནང་གཏེར་ཅིག་འདུག་ཟེར་ ཁོང་ཆ་ཁྱབ་ཀྱིས་ དར་ཁྱབ་སོང་ཡི།
- བསོད་ནམས་གྲུབ་པ་Sonam Dupba: དེ་ལས་ འདིའི་ཤུལ་ལས་ ད་རུང་ མི་ལ་ལུ་ སྐལ་བ་ཡོད་མི་ཚུ་ཨིནམ་འོང་ནི་མས། འ་ནཱ་ལས་ཡར་བལྟ་ ་ཅིག་ཡང་འདུག་ཟེར།
- བསོད་ནམས་གྲུབ་པ་Sonam Dupba: དེ་འབདཝ་ལས་ མཆོད་རྟེན་ཅིག་ཡང་ ང་བཅས་ཀྱིས་འདི་ ངོས་འཛིན་གཞན་ལས་མ་འབད་ འ་ནཱི་ ང་བཅས་ཀྱིས་འབད་རུང་ མཆོད་རྟེན་ར་ཨིན་ཟེར་ ཞུ་ནི་ལགས།
- བསོད་ནམས་གྲུབ་པ་Sonam Dupba: དེ་ལས་ འདི་འབདཝ་ད་ མཚོ་དང་མཆོད་རྟེན་གྱི་བར་ན་ དུང་དཀར་ཅིག་ཡང་ ད་ལྟོ་ འདི་ཡང་ ཧ་ལམ་ཅིག་མཇལ་དོ་ཟེར་ ཞུ་ནི་ཨིན་ལགས།
- བསོད་ནམས་གྲུབ་པ་Sonam Dupba: དེ་ལས་ མཚོ་འདི་ འ་ནཱ་ལས་མར་བལྟ་སྦེ་ མཚོ་འདི་ མཇལ་ནི་འདི་ནང་ཡོད་ཟེར་ ཞུ་ནི་ཨིན་ལགས།
- བསོད་ནམས་གྲུབ་པ་Sonam Dupba: དེ་ལས་ འ་ནཱི་ ཟླཝ་ལྔ་པའི་ནང་ལས་འདི་ མཚོའི་མཇུག་འདི་ནང་ལས་ཐོན་དོ་ལགས།
- བསོད་ནམས་གྲུབ་པ་Sonam Dupba: དེ་ལས་ ཕར་ཁ་ཐུག་ལས་འདི་ དོང་སྦོམ་གག་སྟེ་ཚུར་འོང་མི་ དེའི་ཕར་ལས་འོང་མི་འདི་ དེ་ནང་ ཆུ་མེད་པའི་ གླང་པོ་ཆེ་ཚུ་འདི་ནང་འཛུལ་ཏེ་ ཆུ་འཐུང་སྟེ་ཡོད་ ཕར་ཁ་ཐུག་ལས།
- བསོད་ནམས་གྲུབ་པ་Sonam Dupba: འ་ནཱ་ལས་ཕར་བལྟཝ་ད་ ཕར་ཞལ་ཕྱེད་ཀ་ཅིག་ ཚུར་མཐོང་མི་འདི་ འདི་ནང་ ཧེ་མའི་ གཞན་ནང་འབད་བ་ཅིན།
- བསོད་ནམས་གྲུབ་པ་Sonam Dupba: འ་ནཱི་ སྙན་དང་སྤྱན་ ཤངས་ ཞལ་ལ་སོགས་པ་ དབུ་ཞྭ་ལ་སོགས་པ་ གཞན་ཁར་ འ་ནཱི་ གནས་ལེ་ཤཱ་ཡོད་པའི་ནང་ལས་ ཧིང་སངས་ས་འདི་ ནཱ་གི་ར་ ཧིང་སངས་ས་ར་འདུག་ཟེར་ ཞུ་ནི་ལགས།
- བསོད་ནམས་གྲུབ་པ་Sonam Dupba: གཞན་མི་ཆ་མཉམ་གྱིས་ཡང་ ནཱ་གི་ར་ ཧིང་སངས་ས་འདུག་ཟེར་ སླབ་མས།
Loading ... - Oral Traditions
- Lake Narratives
- Dechheling
- Pemagatshel
- Dechheling
- Tsangla
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག
For educational and cultural use only. Reproduction is strictly prohibited without permission from Shejun.