ལགས་སོ་ ནཱ་ཨཔ་མཁོ་ཆེའི་ཁ་ཐུག་ལས་ནཱ་ང་བཅས་རའི་ ངང་ལ་ཀྲོང་ལྷ་ཁང་གཅིག་གི་ནང་ ལོ་བསྟར་བཞིན་དུ་ད་ དུས་མཆོད་འབུམ་སྡེ་འདི་ཚུ་ ག་ཅི་དང་ག་ཅི་ར་འཚོགས་གནང་དོ་ག་ད་འདི་གི་སྐོར་ལས་ད་ལོ་བསྟར་གྱི་ད་ ལོ་གཅིག་གི་དེ་གཅིག་གི་ ཆང་ཚང་གཅིག་གསངས་གནང་ད་ཟེར་ ཞུ་ནི་ཨིན།

ལགས་སོ་ ནཱ་ལས་ རང་ལུགས་ཀྱི་ཞིབ་འཚོལ་ལྟེ་བའི་ནང་ལས་ ནཱ་བྱོན་ཏེ་ གནམ་མེད་ས་མེད་བཀའ་དྲིན་ཆེ་ཟེར་ ཞུ་ནི་ཨིན་ དེའི་ནང་དོན་ལས་ ང་གིས་ཨ་ནཱི་ ལོ་བསྟར་བཞིན་དུ་ ད་ཚེས་བཅུ་གསོལ་དགོཔ་དང་པ་རང་ ཟླཝ་ ༡ པའི་ནང་ ཟླཝ་དང་པའི་དུས་ཆེན་ཟེར་ དུས་ཆེན་ཁྱད་པར་ཅན་ཨིན་པས།

ཟླཝ་དང་པའི་ཚེས་ ༡༠ ལུ་ ཧེ་མ་གསེར་དམ་ཟེར་གསོལ་དགོ་ དང་ཕུ་ལས་རང་ དེའི་ནང་དོན་ལས་ ག་གིས་གསོལཝ་སྨོ་ཟེར་བ་ཅིན་ རྩ་བོ་གསུམ་ཀྲོང་པ་ དེའི་ནང་དོན་ལས་ ང་ཡང་གཅིག་ཁར་སྦེ་ ལག་ལེན་དང་ཕུ་ལས་རང་འཐབ་སྟེ་སྡོད་ནུག

དེ་སྦེ་རང་ སྡོད་ནུག་ཟེར་ ཞུ་ནི་ཨིན་ གསེར་དམ་ཟེར་ སླབ་ནི་ཨིན་ཟླཝ་ ༡ པའི་འདི་ལུ་འབད་བ་ཅིན་ ལོ་བསྟར་བཞིན་དུ་རང་གསོལ་དགོ་ལགས།

དེ་ལས་ རིམ་པ་བཞིན་དུ་སྦེ་ ད་རུང་རང་ལགས།

དེ་ལས་ ད་རུང་ཟླཝ་ ༥ པའི་ནང་ སྡེར་མཆོད་ཟེར་ སྡེར་མཆོད་འབད་བ་ཅིན་ ཟླཝ་ ༥ པའི་ཚེས་ ༧ ལས་ འཛོམས་ཏེ་ ༨ ལུ་ བདུད་གསོལ་ ༨ ལས་ ༩ ལུ་ ཆོས་ལྷག་ ༡༠ ལུ་ ཚེས་བཅུ་ཟེར་ གུ་རུ་རིན་པོ་ཆེ་དུས་བཟང་ཟེར་ དང་ཕུ་ལས་རང་ དེ་སྦེ་གསོལ་ཏེ་ འདི་ཡང་།

ཀྲོང་པ་གསུམ་གྱིས་རང་ ཀྲོང་པ་གསུམ་དང་ ང་བཅས་བཞི་སྦེ་ རབ་རུབ་འབད་དེ་ གསོལ་དགོཔ་སྦེ་རང་སྡོད་ནུག་ལགས།

དེ་ལས་ད་ ཟླཝ་ ༡༠ པའི་ནང་ མཆོད་པ་ཟེར་ ཟླཝ་ ༨ པའི་ཚེས་བཅུ་ཟེར་ ཚེས་ ༡༠ ལུ་ ཚེས་ ༡ ལུ་ བསྟུན་གྲོས་འབད་འོང་ དེ་ལས་ ༡༠ ལུ་ དེ་ལས་ ད་རུང་ ༨ པའི་ཚེས་བཅུ་ཟེར་ དེ་སྦེ་ དང་ཕུ་ལས་རང་ གསོལ་ཏེ་སྡོད་ཡི་ཟེར་ ཞུ་ནི་ཨིན།

དེ་ལས་ ཟླཝ་ ༡༠ པའི་ནང་ ཚེས་གཅིག་ལུ་བསྟུན་གྲོས་འབད་ དེ་ལས་ བསྟུན་གྲོས་འབད་དེ་ དེ་ལས་ ཚེས་ ༣ ལུ་ ཕར་དང་ཚུར་ ཀྲོང་པ་ཚུ་ལུ་ བསྟུན་གྲོས་འབད་དེ་ ཀྲོང་པ་ཚུ་ཕར་དང་ཚུར་ སློབ་དཔོན་ཚུ་ཞུ་བར་ བྲཱེ་ལ་ མི་ཤི་བླ་མ་ཞུ་ སྦྱར་པ་དབུ་མཛད་ཞུ་ ལྷ་མན་པ་ ཨ་་བོན་པོ་ཞུ་སྦེ་ ད་ལྟོ་འ་ནཱི་སྦེ་ཡོད་ཟེར་ ཞུ་ནི་ལགས།

དེ་ཡང་ དང་ཕུ་ལས་རང་ སྔར་གྱི་ཨ་ནཱི་ སྔར་ལམ་བཞིན་དུ་སྦེ་རང་ཞུ་སྟེ་ཡོད་ཟེར་ ཞུ་ནི་ཨིན་ལགས་ དེ་ལས་ བཅུ་པའི་ཚེས་ ༡༣ ནང་ལུ་འཛོམས་ ༡༤ ལུ་ག་ར་འཛོམས་ ༡༣ ལུ་ པཱམ་པ་ཚུ་འཛོམས་ལགས་ དེ་ལས་ ༡༤ ལུ་ག་ར་བླ་མ་སློབ་དཔོན་ཚུ་ག་ར་འཛོམས་མི་བལྟ་མི་ཚུ་ དེ་བསྒང་འཛོམས་ཟེར་ དེ་སྦེ་ཞུ་ནི་ཨིན།

དེ་ལས་ བཅོ་ལྔ་ལུ་ ༡༤ གི་ཕྱི་རུ་ད་རུང་བཀའ་དམ་ཟེར་བཏང་ནི་ཡོད་ བཀའ་དམ་ཟེར་བཏང་འོང་ དེ་ལས་ མ་སྐོར་ཏེ་བཀའ་དམ་བཏང་སྟེ་ ད་རེས་ཞག་གསུམ་གྱི་བར་ན་རུ་ གཅིག་གི་གཅིག་ང་བཅས་ར་འཛོམས་མི་བཏགས་མི་ཚུ་འཐབ་འཛིང་མེད་པར་ ལེགས་ཤོམ་སྦེ་ དེ་སྦེ་སྡོད་དགོ་སྨ་རེད་ཟེར་ དེ་སྦེ་ཡར་ལས་ བླ་མ་སློབ་དཔོན་གྱིས་ བཀའ་གནང་གནངམ་ཨིན་ཟེར་ ནཱ་ལས་ བ་དམ་པ་སྒར་པ་ཟེར།

ཨ་་་ཨ་ནཱི་ཕྱག་རྐྱབ་སྟེ་ བཀབ་ནེ་རེ་བཀབ་སྟེ་ ཁྱིམ་སྐོར་ར་རྐྱབ་སྟེ་འོང་དགོ་ལགས་ འ་ནཱི་དང་ཕུ་སྔར་གྱི་ ལམ་ལུགས་ལྟར་དུ་སྦེ་ དེ་སྦེ་འབད་དགོ་ ཨ་ནཱི་ ༡༤ གི་ཕྱི་རུ་ དེ་ལས་ ༡༥ ལུ་ ཨ་་རྒད་པོ་པ་ཟེར་ ཐོན་འོང་ལགས་ཨ་ཙ་ར་ རྒད་མོ་མ་གཅིག་ཐོན་འོང་ ནཱ་ལྷ་ཁང་གི་སྤང་ན་ལུ།

འ་ནཱི་སྦེ་ ཡར་ལྷ་ཁང་གི་སྤང་ན་ཐོན་ཏེ་ སྔར་གྱི་ལམ་ལུགས་ར་ཨིན་ དང་ཕུ་ལས་རང་ སྡོད་སྡོདཔ་གི་ཨིན་ ཨ་་་ཁྱིམ་སྐོར་རྐྱབ་སྟེ་ ཡར་ལུ་ཐང་གི་སྦུག་ན་ཐོན་འོང་ཡར་ དེ་ལས་ ཡར་ལས་མར་སྦེ་ དེ་ལས་འགོ་དང་པ་ནཱ་ལུ་ ང་འབད་སར་ཐོན་འོང་ འདི་ལས་ཡར་སྦེ།

ནཱ་ལས་ ཚོགས་ཆང་མར་ཆང་སྒྲིག་དགོ་དུམ་གྲ་ཅིག་རོགས་འོངམ་ད་ དང་ཕུ་ལས་སྡོད་སྡོདཔ་ཨིན་འདི་ཡང་ དེ་ལས་ འདི་ལུ་དཔེ་བལྟ་ཞིནམ་ལས་ མར་སྦྱར་པ་གི་ཁྱིམ་ནང་ལས་སྦེ་ བྲཱེ་ལའི་ཁྱིམ་ནང་ལས་ དེ་ལས་ ལྷ་མན་པ་གི་ཁྱིམ་ནང་ལས་ དེ་ལས་ མཇུག་བསྡུ་བར་ཡར་ལྷ་ཁང་ནང་འགྱོ་འོང་།

དེ་ལས་ ༡༥ གི་ཕྱི་རུ་ འ་ནེ་ཅིག་ཨིན་ ཨ་ནཱི་བཅོ་ལྔ་ལུ་ཉི་མ་ དེ་ལས་ བཅོ་ལྔ་གི་ཕྱི་རུ་ ད་རུང་ཕར་ལྷ་སྦྲང་ལུ་འགྱོ་དགོ་ལགས་ ཨ་་ད་རུང་བ་དམ་པ་སྒར་པ་ཚུ་ག་ར་ ནཱ་ངེའི་ཁྱིམ་ནང་ལུ་འཛོམས་ ངེའི་ཁྱིམ་ནང་འཛོམས་ཏེ་ ནུབ་མོ་ཆུ་ཚོད་ ༡ ལུ་ ནཱ་ལུ་ལྷོད་འོང་ཁོང་ཆ་ཁྱབ་ཀྱིས།

དེ་ལས་ ནཱ་ལས་ཕར་ལེགས་སྤེལ་བགྱང་སྟེ་ ཨ་་་ཆུ་མོ་ཨ་ལེགས་བགྱང་སྟེ་ འགྱོ་དགོ་ལགས་ ཆུ་མོ་ཨ་ལེགས་བགྱང་སྟེ་ ཕར་འགྱོ་ བོན་པོ་ཕར་སྡོད་འོང་ལགས་ བོན་པོ་ཕར་སྡོད་དེ་ བོན་པོ་གིས་མོ་རྒྱས་ཤིང་རྒྱསཔ་བལྟ་ནི་ དེ་ལས་ ང་བཅས་ར་ས་དང་གནམ་ལུ་སྤངས་ཏེ་ ང་བཅས་ར་མོ་བལྟ་འོང་ཕར་ལུ།

མོ་བལྟ་སྟེ་ དེ་ལས་ད་རུང་ཕར་ལས་ མོ་གྲོལ་ཏེ་ ད་རུང་ནཱ་བལྟ་སྟེ་ཐོན་འོང་ དེ་ལས་ ཕར་ལས་ལེགས་སྤེལ་ཐོན་ཏེ་འོང་ ཨ་ནཱི་སྒར་པ་ཚུ་ ཕྲང་ཕྲང་ལྷ་ཁང་ནང་འགྱོ་འོང་ ལྷ་ཁང་སོང་ཞིན་ན་ དེ་ལས་ ཕར་ལུ་ག་ནི་ཡང་མ་བྱུང་ སྐྱེས་ལུ་ཚེས་ལུ་ཡང་ ལེགས་ཤོམ་སོང་ཡི་ཟེར།

ནཱ་ཁྱིམ་སྐོར་ར་རྐྱབ་སྟེ་ ད་རུང་ལྷ་མན་པ་གི་ཁྱིམ་གི་ནང་ལས་འགོ་བཙུགས་ཏེ་ ཨ་་བྲཱེ་ལ་ཁྱིམ་ལས་ སྦྱར་པ་ཁྱིམ་ལས་སྦེ་ དེ་ལས་མཇུག་ང་འབད་སར་བསྡུ་འོང་ནཱ་ལུ་ དེ་ལས་ནཱ་ལས་བཀྲིས་ཕབ་འོང་ལགས་ འ་ནཱི་ ༡༦ གི་དྲོ་པ་ལྷོད་འོང་ལགས་ཨ་ནཱི་ ཨ་ནཱི་ ༡༦ གི་དྲོ་པ་ད་རུང་ པདྨ་གླིང་པ་ཟེར།

འཐོན་ནི་ཡོད་ པདྨ་གླིང་པ་ཐོན་ཏེ་ ཨ་་ ༡༦ ལུ་ ད་རུང་ཡར་ལས་ཕྲང་ཕྲང་ནཱ་ཐོན་འོང་ པདྨ་གླིང་པ་ཟེར་ ཐམས་ཅད་བླ་མ་སློབ་དཔོན་ཚུ་ དེ་སྦེ་འཆམ་གོ་གྱོན་སྦེ་ དེ་ལས་ དབུ་ཞྭ་བཞེས་ཏེ་ ཡར་ལས་བྱོན་འོང་ དེ་ལས་ ནཱ་ལུ་ཁྱིམ་རེ་རེའི་ནང་ ད་རུང་ནཱ་ལུ་ ཚོགས་ཆང་མར་ཆང་སྒྲིག་དུམ་གྲ་རེ་ དེ་ལས་བཀྲིས་ཅིག་གནང་འོང་།

དེ་ལས་ ང་བཅས་ར་ཁྱིམ་རེ་རེའི་ནང་ ལོ་ཐོག་ཨ་ནཱི་ལེགས་བཅུག་ཤིག་ རེད་ལེགས་བཅུག་ཤིག་ གེ་ཟ་ལེགས་བཅུག་ཤིག་ ག་ཅི་ལེགས་བཅུག་ཤིག་ཟེར་ ག་ར་བསོད་སྙོམས་ཡང་བསྡུ་འོང་ བསོད་སྙོམས་ཡང་ ཀ་བལ་ཡོད་མི་གིས་ ཀ་བལ་བྱིན་འོང་ མེད་མི་གིས་ ལ་ལུ་ཅིག་གིས་ འབུ་རས་བྱིན་འོང་།

ལ་ལུ་ཅིག་གིས་ཨ་ཀུ་རུ་བསང་བྱིན་འོང་ ལ་ལུ་ཅིག་གིས་བསང་འདི་ཚུ་བྱིན་དགོ་ལགས་ དེ་ལས་ ཁོང་ཆ་ཁྱབ་ཁྱིམ་རེ་རེ་བཞིན་དུ་སྦེ་འགྱོ་འོང་ དེ་ལས་ བསོད་སྙོམས་ཚུ་ ལྷ་ཁང་ལུ་ཕུལ་བཞག་འོང་རོགས་ཀྱིས་ལགས་ དེ་ལས་ ཡར་ལས་གྲོལ་ དེ་ལས་ ཨ་་་དེ་ལས་ ཡར་ལུ་ཕྱི་རུ་རོགས་གྲོལ་ཏེ་ ཕར་ལས་ད་རུང་ཡར་ལུ་ དེ་བསྒང་ ཚེས་ ༡༦ གི་ཕྱི་རུ་ ད་ག་ར་ལས་ འཛོམས་མི་བཏགས་མི་ཚུ་ཡར་ལུ་ ཚར་གཅིག་ཡར་ མ་ལེང་ཐང་ན་འབོ་འོང་ལགས།

མ་ལེང་ཐང་ན་འབོ་སྟེ་ ཁོང་ཆ་ཁྱབ་ག་ར་བཀུག་གཞུང་གཡོག་པ་ཚུ་ དེ་ལས་ བོན་པོ་ལོ་ དཔལ་བཟང་པ་ཟེར་འོང་ལགས་ བོན་པོའི་དཔལ་བཟང་པ་ཚུ་ལུ་ ད་ནཱ་ལུ་རོགས་གཞུང་གཡོག་པ་ཚུ་གིས་ ག་ར་འབད་དེ་ཏེ་ ག་ར་གིས་དར་བཏགསཔ་ཨིན་ཟེར་ དུམ་གྲ་རེ་ཏི་རུ་ལེབ་གཅིག་གཉིས་རེ་བསྡུ་འབད་དེ་ དེ་སྦེ་ཕུལ་འོང་ལགས།

དེ་ལས་ ༡༦ ལས་ ༡༧ གི་དྲོ་པ་འབད་བ་ཅིན་ གྲོལ་འོང་ལགས་ འ་ནཱ་ལས་ལགས་ འ་ནེ་ཅིག་ཨིན་ལགས།

ལགས་སོ་ འདི་བཟུམ་སྦེ་རང་ད་ འཕྲོ་མཐུད་དེ་རང་ད་ ཟླཝ་ ༥ པའི་ད་ འགོ་བཙུགསཔ་ད་ ནང་བསྟུན་ཟེར་འདུག་སྨོ་ལགས་ འ་ནཱ་འགོ་བཙུགས་ཏེ་རང་ ད་རུང་ད་ ལམ་ལུགས་ག་དེ་སྦེ་ཡོདཔ་ཨིན་ན་ འ་ནཱི་གི་སྐོར་ལས་ད་ ཟླཝ་ ༥ པའི་སྐོར་་ལས་ད་ རིམ་པ་བཞིན་དུ་གསུངས་གནང་ད་ཟེར་ ཞུ་གེ་ལགས།

ཟླཝ་ ༥ པའི་ནང་བསྟུན་གྱི་སྐོར་ལས་ ཟླཝ་ ༥ པའི་ཚེས་ ༡ ལུ་ བསྟུན་གྲོས་འབད་ དེ་ལས་ གཉིས་གསུམ་ལུ་ བླ་མ་སློབ་དཔོན་ཚུ་ལུ་ ནང་བསྟུན་འབདཝ་ད་ བསྟུན་གྲོས་འབདཝ་ད་རང་ ག་དེ་སྦེ་འབད་འོང་ག་ཟེར་བ་ཅིན་ ཡ་ད་ ད་ལྔ་པ་རན་ཡི་ ག་དེ་སྦེ་མཚམས་ནི་མས་ག་ཨ་པ་ཟེར།

ཁོང་གསུམ་དེ་སྦེ་འོང་ འོངམ་ད་ ང་གིས་ག་ནི་ཡང་སླབ་མི་ཤེས་ ཤེས་ཤེསཔ་དང་ཕའི་ལམ་ལུགས་ཅིག་ ཨའེ་ཟེར་ དང་ཕུ་གི་དཔེ་གསར་གདོང་ཁར་སྟོན་མི་བཏུབ་ དཔེ་རྙིངམ་རྒྱབ་ཁར་བཀོ་བཞག་མ་བཏུབ་ང་བཅས་ར་ཟེར་ ད་ལེགས་ཤོམ་སྦེ་ མ་འཛོལ་བར་ང་བཅས་ར་ལེགས་ཤོམ་འབད་དེ།

བླ་མ་སློབ་དཔོན་འབད་སར་ བྱཱར་གསུམ་གླུ་ དགུན་གསུམ་ལྷ་ཟེར་ ཨིན་ཟེར་ ད་ང་བཅས་ར་དུས་ཅི་ཆོས་ལྷག་ནི་ཨིན་ན་ མདོ་མང་ལྷག་ནི་ཨིན་ན་ ག་དེ་སྦེ་ཨིན་ན་ཟེརཝ་ད་ དུས་ཅི་ཆོས་འབུམ་ལྷག་ནི་ཨིན་ཟེར་ ཨ་་འབུམ་ལྷག་དནི་ཏེ་ སློབ་དཔོན་ཚུ་རེ་རེ་གཉིས་གཉིས་དགོ་ཟེར་ དེ་འབདཝ་ད་ལུནི་ཟེར་ དེ་སྦེ་གསུང་འོང་ཁོང་གསུམ་གྱིས་ དེ་འབདཝ་ད་ང་གིས་ ག་དེ་སྦེ་ཞུ་འོང་ཟེར་བ་ཅིན།

ད་ཆོས་ལྷག་པ་ཅིན་ སློབ་དཔོན་ལེ་ཤ་དགོ་ དེ་འབད་རུང་ཁྱོད་གསུམ་དང་པ་འབད་བ་ཅིན་ ལོ་ཐོག་ཟེར་ ག་ཏེ་ལས་ཡང་ ཐོབ་ནི་མེད་ཟེར་ རཱན་དང་གེ་ཟ་ རཱན་དང་བྱཱོ་ཅིག་ཨིན་ཟེར་ གེ་ཟ་ཡང་ མི་འཚོཔ་ཨིན་ཟེར་ དེ་འབདཝ་ད་ དུས་ཅི་ལོ་ཐོག་ འགྱུར་ཡི་ག་ཟེར་སླབ་ད།

མེད་ད་ལོ་ཐོག་མ་ཐོབ་ཟེར་ དེ་རང་འབད་རུང་མར་རྒྱ་ལས་འབད་ འཚོལ་ཏེ་ ད་ལྟོ་བཀའ་དྲིན་ཆེ་ད་ལྟོ་འཚོལ་ཏེ་བཏང་དོ་ཟེར་ ཁོང་གིས་དེ་སྦེ་གསུང་འོང་ དེ་འབདཝ་ད་ ད་རུང་ཚེས་གསུམ་ལུ་ ད་ཁྱོད་ར་གསུམ་གྱིས་ ད་རང་ལུ་མེད་པ་ཅིན་ རོགས་ཡོད་ས་ལས་ དུམ་གྲ་ཅིག་རེ་བསྐྱི་ མེད་པ་ཅིན་བསྐྱི་སྟེ་འབད་རུང་བཏང་དགོ་ཟེར་ རང་སོའི་དང་ཕུ་གི་ལམ་ལུགས་འདི་ བཀོ་བཞག་མི་བཏུབ་སྨ་རེད་ཟེར།

ད་ང་བཅས་ར་ཚུ་ དང་ཕུའི་ལམ་ལུགས་བཀོ་བ་ཅིན་ ང་བཅས་ར་དུམ་གྲ་ཅིག་མི་བཏུབ་ དང་ཕུའི་དཔེ་རྙིངམ་རྒྱབ་ཁར་མ་སྐྱུར་ དཔེ་གསར་གདོང་ཁར་མ་བསྟེན་ཤིག་ཟེར་ དེ་སྦེ་སླབ་འོང་ལགས།

ལགས་སོ་ད་ ཁ་ཉིནམ་ནང་བསྟུན་གྱི་སྐབས་ལུ་ ད་ང་བཅས་རའི་དང་ཕུ་གི་ ད་ཆོས་ལྷག་ནི་གི་ ཨ་ནཱི་ཡོད་ཟེར་གསུངས་མས་སྦ་ལགས་ ད་འ་ནཱི་འབདཝ་ད་ དུས་ཅི་གི་ད་ དུས་ཅི་གི་སྡེར་མཆོད་ཀྱི་སྐབས་ལུ་འབད་བ་ཅིན་ ད་ཆོས་ག་ཅི་ལྷག་ནི་གི་གྲོས་ཆོད་ད་ གྲོས་ཐག་བཅད་གནང་ཡི་གོ་ལགས་ནཱ་ལས?

དུས་ཅི་འབད་བ་ཅིན་ དུས་ཅི་ཆོས་འབུམ་ལྷག་ནི་ཨིན་ལགས་ དེའི་ནང་དོན་ལས་ དུས་ཅི་ཆོས་འབུམ་ལོ་གཉིས་ དེ་ལས་ བྲཱེ་ལ་དང་ སྦྱར་པ་གྲོལཝ་རནམ་ད་ སང་ཕོད་གྲོལ་ནི་འབདཝ་ད་ ཟླཝ་ ༡༢ པའི་ནང་གྲོལ་ནི་འབདཝ་ད་ དེ་བསྒང་མདོ་མང་ལྷག་དགོ་ དེ་བསྒང་སྟག་བཞེངས་ནི་ཅིག་ཡོད།

ཤ་བ་བཟུམ་སྦེ་བཟོ་སྦེ་ ས་གི་སྟག་བཞེངས་སྦེ་ དེ་བསྒང་བླ་མ་སློབ་དཔོན་མི་ཁྱབ་པས་ཟེར་ དེ་བསྒང་ཆོས་མདོ་མང་གཅིག་ ང་ལས་ནཱ་ལས་ མདོ་མང་མདོ་ཆེན་གཅིག་ཞུ་འབག་སྟེ་ འ་ནཱི་ལྷག་བཞག་འོང་ཟེར་ ཞུ་ནི་ཨིན་ལགས།

ལགས་སོ་་དུས་ཅི་ འབུམ་ལྷག་ནི་མས་སྨོ་?

འབུམ་ དུས་ཅི་འབད་བ་ཅིན་འབུམ་ ཁོང་གཉིས་གྲོལ་རནམ་ད་ དེ་བསྒང་མདོ་མང་ལགས།

ལགས་སོ། ལགས་སོ་དེ་ལས་ད་ ཚེས་ ༧ ལས་འགོ་བཙུགས་ནི་ཨིན་པས་སྨོ་ངོ་མ་རང་?

འོང་།

ད་ ༧ གི་ཕྱི་རུ་ ༧ གི་ཕྱི་རུ་ལས་འབད་ བླ་མ་ཞུ་སྟེ་འགོ་བཙུགས་ནི་ཨིན་ན་ ག་དེ་སྦེ་སྨོ?

བདུན་གྱི་ཕྱི་རུ་འབད་བ་ཅིན་ འཛོམས་བསྡུ་ཅིག་རང་ཨིན་ལགས།

འཛོམས་བསྡུ་ཡ?

འཛོམས་བསྡུ་ པཱམ་པ་དང་ པཱམ་པ་ལྷོད་འོང་ དེ་ལས་ བླ་མ་སློབ་དཔོན་ དབུ་མཛད་འདི་ཚུ་ ལྷོད་འོང་ལགས་དེ་བསྒང་ ལྷོདཔ་ད་ ཁོང་ལུ་གདོང་ཆང་འབད་དགོ་ལགས་ བཏང་དགོ་ལགས་མི།

ད་ཁྱོད་ར་མཁོ་ཆེ་གི་ད་ཕྱག་འགན་ག་ཅི་ཡོད་གོ་ལགས་འདི་ཁར་ འདི་ཁར་ཡང་འབྲེལ་གཏོགས་གནང་ནི་ཡོད་ག་ལགས?

མ་པ་འདི་གི་ཐད་ཁར་ལྷོདཔ་ད་ལུ་ མ་པ་བསྟུན་གྲོས་ཅིག་མ་གཏོགས་ ཏེ་འདི་ཁར་ལུ་ གནམ་མེད་ས་མེད་ང་ཕྱག་ཕུལ་བར་ག་དེ་མཚམས་ག་གུ་དེ་སྦེ་མཚམས་ག་ཁོང་གིས་ མཚམས་རྒྱུ་དྲི་བའི་སྐབས་ ད་ང་བཅས་རའི་ལམ་ལུགས་དེ་སྦེ་ཨིན་སྨ་རེད་ཟེར་ ལམ་ལུགས་མ་འཛོལ་སྨ་རེད་ཟེར།

ང་གིས་ལམ་ལུགས་ ང་ར་གིས་ཤེས་ཤེསཔ་ཅིག་ ཁོང་ཆ་ཁྱབ་ལུ་ དེ་སྦེ་ཞུ་སྟེ་ འ་ནེ་ཅིག་ཨིན་ ང་འབད་བ་ཅིན་ དུམ་གྲ་ཅིག་ལམ་ལུགས་སྟོན་ནི་ཅིག་ཨིན་ དེ་རང་འབད་རུང་ ཁོང་ར་གིས་ དང་ཕུ་པཱམ་པ་དང་ ཀྲོང་པ་བརྗེ་སོར་འབདཝ་ད་ ཁོང་ར་གིས་ པཱམ་པ་གིས་ཡང་ པཱམ་པ་ཟེར་སྟོན་ནི་ཡོད་ དེ་འབད་རུང་ ད་དུས་ཅི་འབད་བ་ཅིན་ ཁོང་གཉིས་རྙིངམ་སྦེ་བརྩི་དགོ་

ཁོ་ལྷ་མན་པ་གསརཔ་བརྩི་དགོ་ ཁོང་གཉིས་ཀྱིས་སྟོན་དགོ་ ང་གིས་ཁོང་གཉིས་ཀྱིས་ འབད་མ་ཚུགས་སར་ ཁོང་གཉིས་ཀྱི་དྲི་བ་ཅིན་ མ་ཤེས་ཟེར་སླབ་པ་ཅིན་ དེ་སྦེ་ཨིན་ཟེར་ ང་གིས་དུམ་གྲ་ཅིག་ ང་ར་གིས་ ཤེས་ཤེསཔ་ཅིག་ ཁོང་གསུམ་ལུ་ བསྟུན་གྲོས་འབད་དེ་ འ་ནཱི་སྦེ་ཞུ་དོ་ཟེར་ ཞུ་ནི་ཨིན།

ད་རིམ་པ་ཚུ་ཡང་ནཱ་གི་ད་ ག་དེམ་ཅི་སྦེ་ ད་འབད་བའི་སྐབས་ལུ་ད་ ག་དེམ་ཅི་སྦེ་འཛོལ་ཡར་སོངཔ་བཟུམ་ཅིག་འབད་བ་ཅིན་ ནཱ་གིས་དྲན་གསོ་གནང་ནི་ཨིན་པས་སྨོ་ལགས།

ཨིན་ལགས།

ལགས་སོ་ ལགས་སོ་དེ་ལས་ད་ ཚེས་ ༨ ལས་འབད་བ་ཅིན་ལགས་ ད་ ༨ ཀྱི་ཉིན་མར་འབད་བ་ཅིན་ ག་དེ་སྦེ་སྨོ་ལགས?

དེ་ལས་ ༨ ལུ་འབད་བ་ཅིན་ ང་བཅས་ར་དང་ཕུའི་ལམ་ལུགས་སྦེ་ བྱཱར་ལུ་ བྱཱར་གླུ་ དགུན་ལྷ་འབདཝ་ད་ དགུན་ལྷ་འབད་བ་ཅིན་ མཆོད་པ་ཨིན་པས་ བྱཱར་གླུ་འབད་བ་ཅིན་ སྡེར་མཆོད་ཨིན་པས་ སྡེར་མཆོད་འབད་བ་ཅིན་ ད་རེས་ཨ་་་ལོ་ཐོག་གསརཔ་ག་ཅི་ཐོབ་སྨོ་ཟེར་བ་ཅིན་ བྱཱོ་དང་ རཱན་རྐྱངམ་གཅིག་ཐོབ་ནི་ཨིན་པས་ འ་ནཱི་མཆོད་ནིའི་དོན་ལུ་སྦེ་ དུམ་གྲ་ཅིག་ ཨ་་་སྦང་ཆང་འདི་ རཱན་སྦང་ཆང་ ཨ་་་དཀར་རྒྱུ་འབད་བ་ཅིན་ བྱཱོ་ཕྱེ་འབད་དེ།

སྐོལ་ཞིནམ་ལས་ འ་ནཱི་དུམ་གྲ་ཅིག་ ལོ་ཐོག་གསརཔ་འ་ནཱི་མཆོད་ནི་དོན་ལུ་སྦེ་ དང་ཕུ་ཕམ་ཚུ་གིས་ དེ་སྦེ་བརྩམས་བརྩམས་འདྲས་ཟེར་ དེ་སྦེ་མནོཝ་མས་ལགས་ ང་ར་གིས།

ད་དཀར་རྒྱུ་གི་ནེམ་ ཅིག་ཡང་འདུག་སྨོ་ལགས?

འོང་ལགས།

ད་ཨ་ནཱི་ ད་ད་ལྟོ་གནམ་མེད་ས་མེད་ནཱ་ལས་ ཀྲོང་པ་འདི་ཚུ་ དཀར་རྒྱུ་གི་དོན་ལུ་སྦེ་ད་ ད་བྱཱོ་ཕྱེ་འཐག་སྦེ་ དེ་སྦེ་གནམ་མེད་ས་མེད་བཅའ་སྒྲིག་རྐྱབ་པའི་བསྒང་འདུག་ འ་ནཱི་འབདཝ་ད་ ཉིནམ་གཅིག་ཨིན་ན་འདི་འབད་བ་ཅིན་ དཀར་རྒྱུ་གི་འབད་བ་ཅིན?

ཉིནམ་གཅིག་

ཚེས་ ༨ ལུ།

བརྒྱད་ཀྱི་ཉི་མ་ཨིན་ལགས།

ལགས་སོ།

བརྒྱད་ཀྱི་ཉི་མ།

ག་དེ་སྦེ་རང་འབད་དགོཔ་སྨོ་ལགས་ དཀར་རྒྱུ་གི?

བརྒྱད་ཀྱི་ཉིན་མར་ ཕར་བོན་པོ་གིས་མར་ དབང་བདུད་ཀྱི་ བདུད་གསོལ་བའི་ཟེར་ ཕར་ལུ་ཚོགས་བཀྲམ་སྦེ་ ཀྲོང་གསུམ་གྱིས་ སྒོང་རྡོག་ཕུད་རྡོག་གསུམ་གསུམ་རེ་ ཚོགས་ལུ་སྦེ་ དེ་ལས་ ཕྱེ་སྡེར་གཅིག་ མེན་ཕྱེ་སྡེར་གསུམ་དགོ་ བྱཱོ་ཕྱེ་གོང་ཕུད་ཟེར།

སྡོར་གསུམ་འབད་མི་འདི་ བོན་པོའི་ཐོབ་ཨིན་ལགས་ དེ་ལས་ ཕར་བདུད་གསོལཝ་ད་ རོགས་ཕར་མར་བདུད་གསོལ་བའི་ཟེར་ ཚར་གཅིག་བདུད་ལུ་གཅིག་ ལྷ་ལུ་གཅིག་ཟེར་ ཕྱག་ཕུལ་དགོ་ལགས་ ཕར་ལུ་ཁོང་ཆ་ཁྱབ་ཨམ་སྲུ་ཚུ་ ཁོང་གསོལ་བཏབ་པར་ཐོན་འོང་།

འོང་ལྟ་མ་སྨོན་ལམ་ དེ་ལས་ གྲོལ་བའི་ཤུལ་ལས་ མ་གྲོལཝ་ཅིག་ཁར་ལུ་རང་ དེ་ལས་ མི་འཛོམས་མི་བཏགས་མི་ཚུ་ག་ར་ནཱ་ སྦྱར་པ་གི་ཁྱིམ་ནང་ ལྟེམ་ལྟེ་སྦེ་སྡོད་དེ་ སྦང་ཆང་ཧོད་རེ་རེ་འབད་དགོ་ དེ་ལས་ ཕྱེ་འབད་བ་ཅིན་ ཚར་གི་བཟོ་བའི་ཧོད་ཅིག་ནང་སྦེ་ དེ་ལས་ ཕུད་ཏ་འབད་རུང་ ཕོརཔ་འབད་རུང་ གང་གང་བྱིན་དགོ

དེ་འབདཝ་ད་ དང་ཕུའི་ལུགས་སྲོལ་ཨིན་པས་ཟེར་ ལ་ལུ་ཅིག་གིས་ ཞེ་སྡུག་འབད་དེ་ ཁ་གུ་དབུར་ མིག་ཏོ་ཁར་དབུར་ གཟུགས་ཁར་དབུར་ཏེ་ ཟཝ་མས།

མ་པ་ཨ་ནཱི་འདི་ སྤྲོ་བ་གི་ཨིན་པས་སྨོ?

སྤྲོ་བའི་དོན་ལུ་ཨིན་ན་མ་ཤེས་ དང་ཕུའི་ལམ་ལུགས་ཨིན་པས་ཟེར་ རོགས་ཀྱིས་ཡང་ ཡིད་ཆེས་ཏེ་ད་ལྟོ་དེ་སྦེ་བཏང་མས་ཟེར་ ཞུ་ནི་ཨིན་ དེ་རང་འབད་རུང་ཚར་གཅིག་རོགས་ཀྱིས་ མི་དགོ་པས་ཨ་ནཱི་དཀར་རྒྱུ་ཟེར་ ཉམས་བཏང་དགོ་པས་ཟེར་ དེ་སྦེ་སླབ་ནི་སྡོད་ཅི་ དེ་འབདཝ་ད་ ཧེ་མ་རོགས་ མར་བསོད་ནམས་ཐང་གི་མི་ཚུ་གིས་རང་ཨིན།

དེ་འབདཝ་ད་ དང་ཕུ་ཡོད་པའི་ལམ་ལུགས་གནམ་མེད་ས་མེད་ དམའ་སར་ནི་མི་འགྱོ་རོགས་ མ་ཉམས་པིན་དྲག་མེན་ན་ཟེར་ ང་གིས་དེ་སྦེ་སླབ་ཅི་ འདི་ལས་ཚུར་མ་ཉམས་པར་རང་ཡོད་ལགས་ད་ལྟོ་ལགས་ དང་ཕུའི་ལམ་ལུགས་རང་།

ད་དཀར་རྒྱུ་འབད་བ་ཅིན་ ཆོསཔ་ལས་འགོ་བཙུགས་ཏེ་ མར་མི་སེར་ག་དེམ་ཅི་ཡོདཔ་ཅི་རང་?

ག་དེམ་ཅི་ཡོདཔ་ཅིག་རང་ལགས་བྱིན་འོང་།

དེ་ལས་ད་ དཀར་རྒྱུ་གི་ཕྱེ་གི་ཕོགས་ཡང་འདུག་སྦ་སྨོ་ལགས་ ད་དཔེར་ན་བོན་པོ་ལུ་ཐོབ་ཐངས་འདུག་མེན་ན་ ག་དེམ་ཅི་ལོ་བོན་པོ་ལུ་འབད་བ་ཅིན་རང་རང་ས?

བོད་པོ་ལུ་ཐོབ་ཐངས་ཟེར།

ཕུལ་དགོཔ།

བོན་པོ་ལུ་ཐོབ་ཐངས་ཟེར་ མ་པ་འགྱེདཔ་འདི་ ཕྱག་འགྱེདཔ་སྦེ་རང་ཁོང་ར་གིས་ཕུལ་འོང་ ཕྱག་འགྱེདཔ་སོ་སོ་སྦེ་རང་ཕུལ་འོང་།

ཕྱེ་སྦེ།

ཕྱེ་སྦེ་འབད་བ་ཅིན་ གོང་ཕུད་ཟེར་ རོགས་འགྱོ་ནི་སྡོད་ནུག་རོགས་ ཁོ་ལུ་བཀང་དོ་བཟུམ་ཅིག་ཨིན་པས་མེན་ན་ གོང་ཕུད་ཟེར་བཀང་ལགས།

ད་ནཱ་མཁོ་ཆེ་ཁྱོད་ར་ལུ་མེད་ག་ལགས་ ད་གོང་ཕུད་སྦེ་ལགས?

གོང་ཕུད་ཧེ་མ་འདི་སྡོད་ཅི་ ཤུལ་ལས་བཅད་ཡི་ ཧེ་མ་སྡོད་ཡི།

ལགས་སོ།

ཤུལ་ལས་བཅད་ཡི་ དེ་སྦེ་ང་ང་གིས་ཡང་ གནམ་མེད་ས་མེད་ཕྱེ་དགོ་ཨིན་ཅི་མིན་ཅི་ཟེར་ མ་འབད་ལགས།

འེང་ ཧེ་མ་སྡོད་སྡོདཔ་མས་སྨོ?

སྡོད་ཡི་དང་ཕུ་འདི་ དང་ཕུ་ང་གིས་ཤེསཔ་ཅིག་ཁར་འདི་སྡོད་ཅི།

ལགས་སོ།

སྡོད་ཡི་ལགས།

འེང་།

ད་ནཱ་ལས་ དེ་ལས་ད་རུང་ཆོས་སྐོར་ཅིག་ཡང་འབད་ནི་ཡོད་ཟེར་ གསུངས་མས་སྦ་ འ་ནཱི་འདི་ག་ཅི་གི་ཉིན་མར་སྨོ་ལགས?

ཆོས་སྐོར་འབད་བ་ཅིན་ ༨ ཀྱི་དྲོ་པ་ཨིན་ ཆོས་སྐོར་ཟེར་ ཡར་ལྷ་ཁང་ལས་སྦེ་ ཀྲིང་ཀྲིང་བང་རྔ་བརྡུངས་ཏེ་རང་ མར་ལས་ ལྷ་མན་པ་ཁྱིམ་གྱི་རྒྱབ་ཁར་ལས་སྦེ་ དེ་ལས་ སྦྱར་པ་ཁྱིམ་གྱི་འོག་ལས་ དེ་ལས་ ངེའི་ཁྱིམ་གྱི་འོག་ལས་སྦེ་ དེ་ལས་ ཕར་བྲཱ་ལ་ཁྱིམ་གྱི་འོག་ལས་སྦེ་ ཡར་ཐང་ཅིག་ཡོད་སྦ་ མ་ལེང་སྦང་ཟེར་ འ་ནཱ་ལུ་སྦེ་ མར་ཆང་ཅིག་མཆོད་འོང་ལགས།

དུས་ཚོད་འབད་བ་ཅིན་ ག་དེམ་ཅི་གི་དྲོ་པ་ཡ་ལགས?

ཆུ་ཚོད་དགུ་བཅུ་ཐམ་ དེ་ཅིག་ཁར་ཚུདཔ་མས་མེན་ན་ དེ་ཅིག་ཁར་ཚུདཔ་མས།

ལགས་སོ་ ད་ གསེར་སྦྲེང་འབད་དེ་རང་?

གསེར་སྦྲེང་འབད་དེ་རང་རོགས་སྒོམ་ཆེན་ཚུ་རྒྱབ་ལས་ ཆོས་ཞུ་མི་ཚུ་གདོང་ཁར་འབད་དེ་ དེ་ལས་ ཨ་མ་ཚུ་འབད་དེ་ གསེར་སྦྲེང་འབད་དེ་རང་བཏང་འོང་ འ་ནཱི་འདི་ དང་ཕུ་ལས་རང་ཨིན་ ད་ཆོས་འབུམ་མ་ལྷག་པར་ མདོ་མང་ཅིག་ལྷག་རུང་ ཚར་གཅིག་ཨ་ནཱི་ཆོས་འབུམ་སྐོར་རང་སྐོར་དགོལོ་བསྟར་བཞིན་དུ།

ཀྲོང་སྐོར་ཏེ?

ཀྲོང་སྐོར་ཏེ་རང་འབག་དགོ་ལགས།

ཁྱིམ་ཁྱིམ་འབད་དེ་རང་འདི་མི་འབག་དོ་འོང་།

ཁྱིམ་ནང་མི་འབག་ལགས་ ཁྱིམ་གྱི་སྦོ་ལོགས་ཁར་ལས་ཕར་བསང་བཏང་སྟེ་ ཕྱི་ཁར་ཐོན་སྦེ་ དབང་ཞུ་སྦེ་ དེ་སྦེ་བཏང་འོང་།

དེ་ལས་ད་ ཁྱིམ་ཁྱིམ་ནང་ ངལ་གསོ་ནི་གི་ལམ་ལུགས་འདི་མེདཔ་འོང་ལགས་ངལ་གསོ་མར་ཆང་འདྲཝ?

མེད་ལགས་མེད་ འདི་དེ་བསྡུ་ཞིནམ་ལས་ ཐང་ན་གཅིག་ཁར་སྦེ་ མི་གིས་སྟབས་མི་བདེ་བས་ཟེར་ མི་རབས་ཅིག་མི་བདེ་བས་ཟེར་ དེ་སྦེ་བཏང་མས་ལགས།

དང་ཕུ་འདི་སྡོད་སྡོདཔ་འོང་ལགས་ཡང་ཅིན?

དང་ཕུ་ལས་རང་མེད་ཨ་ནཱི་འདི།

མཁོ་ཆེ་གི་ཁྱིམ་ནང་ལུ་ཡང་མེད་ག་ལགས?

ངེའི་ཁྱིམ་ནང་ལུ་སྦེ་ཡང་མེད་ལགས་ ཨ་ནཱི་མ་འབག་ལགས།

འེང་་ལགས་སོ།

ཨ་ནཱི་དང་ཕུ་ལས་ དེ་སྦེ་སྡོད་ནུག་ཟེར་ ང་གིས་ཞུ་ཡང་མ་ཞུ་ལགས།

ལགས་སོ་ དེ་ལས་ད་ཉིནམ་མཇུག་ ཉིནམ་གསུམ་པམ་ནང་ག་ཅི་ར་ཡོདཔ་སྨོ་ལགས?

ཉིནམ་གསུམ་འབདཝ་ད་ ཉིནམ་གཅིག་ལུ་འདི་ ཚེས་ ༩ ལུ་འབད་བ་ཅིན་ ཚེས་སྒྲུབ་གནང་འོང་ ཚེས་སྒྲུབ།

ཚེས་སྒྲུབ་བསགས་ནི?

བསགས་ལགས་ཚེས་སྒྲུབ་ བླ་མ་སློབ་དཔོན་ཚེས་སྒྲུབ་བསགས་ ང་ཡང་ཚེས་སྒྲུབ་ན་ཡར་འགྱོ་དགོ་ དུམ་གྲ་རེ་ཚེས་སྒྲུབ་ཀྱི་ནེམ་འབད་བར།

ད་གསུང་ཆོག་འབད་དེ་གནང་ནི་ཡོདཔ་ཨིན་ན་ལགས?

གསུང་ཆོག་འབད་དེ་ཕྱི་རུ་བཙུགས་ དེ་ལས་དྲོ་པ་ དྲོ་པ་འདི་ཕྲང་ཕྲང་བཙུགས་ཏེ་ ཕྱི་རུ་དུམ་གྲ་ཅིག་བཙུགས་ཏེ་བཞག་མས་མེན་ན་ དེ་ལས་དྲོ་པ་གསོལ་འདེབས་ ཨ་ནཱི་ལྷ་བསང་ཅིག་གནང་སྦེ་ དེ་སྦེ་གནང་མས།

ད་ཨ་ནཱི་ཉིནམ་གསུམ་གྱི་ནང་འཁོད་ལུ་ ཁྱོད་རའི་མཁོ་ཆེ་ད་ ཨཔ་མཁོ་ཆེ་ཁྱོད་ར་གི་ཕྱག་འགན་ད་གཙོ་བོ་ར་ག་ཅི་སྨོ་ལགས་དེ་ཁར་ ད་ཡར་གོང་ལུ་ད་ ག་ཅི་ལོ་ད་འདུག་སྦ་སྨོ་ལགས་ ག་ཅི་ལོ་གོང་མ་ཟེར་བཞུགས་ནི་འདྲཝ་འདུག་སྦ་ད་ཨིན་ཅི་མིན་ཅི་ད་ ཁྱོད་ར་བཞུགས་དགོ་པའི་ཨ་ནཱི་ད་ ག་ཅི་སྨོ་ཟེར་བ་ཅིན་ ཤེས་དགོ་པས་སྦ་ ཤུལ་ལས་ད་ཉམས་ཏེ་མི་འགྱོ་ནིའི་དོན་ལུ་སྦེ་ད་ ད་འ་ནཱི་སྦེ་འབདཝ་ད་ ད་ག་དེམ་ཅི་སྦེ་ ཨ་པ་མཁོ་ཆེ་ཁྱོད་ར་མ་ཕེབས་ཚུན་ཚོད་ ད་ལྷ་ཁང་ནང་འབད་རུང་ ཡང་ན་འབད་མ་ཆོགཔ་འདྲཝ་ཡོད་ག་ལགས?

མ་པ་ང་འཕྲལ་འཕྲལ་རྐྱངམ་གཅིག་ཡར་ལུ་ ཁོང་གསུམ་ཚར་གཅིག་ འགོ་དང་པ་བཙུགསཔ་ད་ ཚར་གཅིག་འགྱོ་དགོ་ བཙུགས་ཏེ་ ཚར་གཅིག་ཕྱག་ཕུལ་བར་འགྱོ་དགོ་ དེ་ལས་ གསོལ་འདེབས་ཁར་ང་རའི་མར་ཆང་ ང་ར་གིས་འབག་དགོ་ རྟག་བུ་ན་བུ་དང་པའི་ཚེས་བཅུ་ནང་ལུ་ཡང་ བརྒྱད་པའི་ཚེས་བཅུ་ནང་ལུ་ཡང་ བཅུ་པའི་མཆོད་པ་ནང་ལུ་ཡང་ ལྔ་པའི་སྡེར་མཆོད་ནང་ལུ་ཡང་ ཨ་ནཱི་ཚེས་ ༡༠ གི་ བཅུ་པའི་ནང་འབད་བ་ཅིན་ ཚེས་ ༡༥ ལུ།

ལྔ་པའི་ཚེས་ ༡༠ དང་པའི་ནང་ཚེས་ ༡༠ ལུ་ འདི་ཚུའི་ནང་ མར་ཆང་ང་ར་གིས་སྒྲིག་དགོ་ ནཱ་ལས་སྒྲིག་སྦེ་ འགྱོ་སྟེ་ དེ་ལས་ ད་རུང་ཐུགས་དམ་ནང་འགྱོ་དགོ་ དེ་ལས་ རང་རང་ས་གིས་སྡོད་པ་ཅིན་ ཕྱག་ཕུལ་ དེ་ལས་ ཁོང་གསུམ་དང་གཅིག་ཁར་ སྟབས་བདེཝ་མ་བདེཝ་བསྟུན་གྲོས་འབད་འབད་ཞིནམ་ལས་ འ་ནེ་སྦེ་སྡོད་ནི་རྐྱངམ་གཅིག་ཨིན་ལགས།

གནམ་མེད་ས་མེད་ དང་ཕུའི་ལམ་ལུགས་ ད་ལྟོ་འདི་ང་ར་གིས་ ཤེས་ཡང་མི་ཤེས་པས་ ཤུལ་ལས་ང་ར་མེདཔ་ད་ ཨ་ལོ་ཚུ་གིས་འབད་རུང་ དེ་སྦེ་འབད་དགོ་ཟེར་ སླབ་བཞག་དགོ་ཟེར་ མནོ་བསམ་བཏངམ་ཨིན་ལགས།

ད་མཇུག་བསྡུཝ་ད་ ད་ག་དེ་སྦེ་མཇུག་བསྡུཝ་ག་ལགས་ ཡང་ན་སྟོང་ཆང་འདྲཝ་ག་ཅི་ལོ་འདི་ཚུ་འགྱོ་འོང་ག་འདི་ན་ཡང་?

མཇུག་བསྡུཝ་ད་ ཡར་ལུ་བླ་མ་སློབ་དཔོན་ཚར་གཅིག་ སྨོན་ལམ་ཟེར་ ཡར་ལུ་ ལྷ་མན་པ་གི་ཁྱིམ་ནང་འཛུལ་འོང་ འ་ནཱ་མཇུག་བསྡུ་བླ་མ་སློབ་དཔོན་བྱོན་ ཁོང་གིས་སྨོན་ལམ་ཟེར་གནང་ དེ་ལས་ མཇུག་བསྡུ་བའི་ཤུལ་ལུ་ ཁོང་ད་རེས་བཟུམ་ཅིག་ཁར་བྱོན་ ཚེས་ ༡༠ གྱི་ཕྱི་རུ་བྱོན་ ནངས་པ་ ༡༡ དེ་ཅིག་ལུ་ དེ་ལས་རྐྱངམ་གཅིག་ ད་ང་བཅས་ར་ཚུ་ ལེགས་ཤོམ་སྦེ་སོང་ཡི་ཟེར་ ད་ནཝ་ཚཝ་ཡང་མ་བྱུང་ འཐབ་འཛིང་ཡང་མ་འགྱོ།

ལེགས་ཤོམ་སྦེ་བླ་མ་སློབ་དཔོན་གྱིས་ ལེགས་ཤོམ་སྦེ་ཆོས་ཅིག་ལེགས་ཤོམ་སྦེ་ ལྷག་ནི་ཐོབ་ཅི་ མི་སེར་ཚུ་ཡང་ ལེགས་ཤོམ་སྦེ་ སྟབས་བདེ་སྟེ་སོང་ཡི་ ང་བཅས་ར་ཚུ་ ལེགས་ཤོམ་སྦེ་སོང་ཡི་ཟེར་ ཁོང་ར་གསུམ་གྱིས་སླབ་འོང་ དེ་ལས་ ང་གིས་རང་འབད་རུང་ བསྟུན་གྲོས་གཅིག་གུ་འབད་དེ་ ལེགས་ཤོམ་སོང་ཡི་ ལེགས་ཤོམ་ཨིན་ཟེར་ དེ་སྦེ་སླབ་དགོ་ལགས།

མཇུག་ར་ང་རའི་དོགས་པ་གཅིག་ད་རུང་ ང་བཅས་རའི་སྡེར་མཆོད་ཟེར་ཡང་སླབ་མས་ ལ་ལུ་ཅིག་གིས་ འདི་ལུགས་ཟེར་ཡང་སླབ་མས་སྦ་ལགས།

འདི་ལུགས་ཡ?

འོང་ལགས་ འདི་ལུགས་སླབ་དགོཔ་དང་ སྡེར་མཆོད་ཟེར་སླབ་དགོ་པའི་སྐོར་ལས་ ཁྱད་པར་ཡོད་ག་སྨོ?

འདི་ལུགས་འབད་མི་འདི་ ཨ་ནཱི་ལུགས་སྲོལ་ཟེར་ སླབ་པའི་ལོ་རྒྱུས་ཨིན་པས་ འདི་ལུགས་འབད་མི་འདི་ སྡེར་མཆོད་འབད་མི་འདི་ དང་ཕུ་ལས་རང་སྡེར་མཆོད་ཟེར་སླབ་མས་ ལ་ལུ་ཅིག་གིས་འདི་ལུགས་ཟེར་ སླབ་མས་ འདི་ལུགས་འབདཝ་ད་ ཨ་ནཱི་ལུགས་སྲོལ་ཟེར་བའི་ལོ་རྒྱུས་བཟུམ་ཅིག་ཨིན་པས་ཟེར་ མནོཝ་མས་ང་གིས་འདི་ལགས།

མ་པ་སླབ་ནི་འདི་ སྡེར་མཆོད་རང་སླབ་འོང་ལགས་ ང་བཅས་ཀྱིས་འདི་ ང་བཅས་སྡེར་མཆོད་ཟེར་ སླབ་འོང་།

འདི་ལོ་མེན་པ་ འདི་ལུགས་སྦེ་སྡོད་སྡོཔ་མས་སྨོ?

ད་རུང་ད་ ཨ་པ་ཁྱོད་ར་གིས་ ཐུགས་ཁར་ལུ་ ནཱ་མ་ཚུད་མི་ ཡོད་ག་ལགས་གསུང་ནི?

གནམ་མེད་ས་མེད་ཞུ་ཡང་མི་ཤེས་ ད་ནཱ་ཁྱོད་ར་ འོ་མ་བརྒྱལ་བར་ཁྱོད་ར་བྱོན་ཏེ་ ང་བཅས་ཡང་ད་མ་པ་ལས་ ལེ་ཤ་རྒྱས་ཤིང་རྒྱསཔ་ཞུ་མ་ཚུགས་རུང་ ལ་ལུ་ཅིག་ལེགས་ཤོམ་ཚུ་སེལ་ཏེ་ ནཱ་ལས་གནང་དགོ་ཏེ།

ད་ཁྱོད་རའི་ཐུགས་ཁར་ལུ་ ད་ངེ་གི་ཨ་ནཱི་ ངེའི་ང་ནཱི་གི་སྐོར་ལས་ ད་གསུང་ནི་ཡོད་ད་ ང་ཨ་ནཱི་ལུས་སོང་ཡུ་ཟེར་ མེད་ག་ལགས་ཐུགས་ཁར་ལུ་ ག་ནི་ཡང་མ་ལུས་ག་ལགས་ ཡང་ཅིན་ཟླཝ་ ༥ པའི་སྐོར་ལས?

ཟླཝ་ ༥ པའི་སྐོར་ལས་ མེད་མེན་ན་ལགས་ འ་ནེ་ཅིག་ཡོད་ད་ག་ནི་ཡང་ གནམ་མེད་ས་མེད་ ང་གིས་འ་ནེ་ཅིག་ཞུ་ཤེས་པས།

ལགས་སོ།