Video Overview
༉ པ་གཞི་ལྷ་ཁང་གི་ལོ་རྒྱུས་འདི་ མགར་ས་རྫོང་ཁག་ལ་ཡག་རྒེད་འོག་ པ་གཞི་གཡུས་ཚན་ལས་ ཚེ་རིང་གིས་བཤདཔ་ཨིནམ་ད་ ལྷ་ཁང་འདི་ཡང་ བོད་ཀྱི་ས་གནས་སྟོད་མངའ་རི་ལས་ཨིན་མི་ གྲུབ་ཐོབ་ཀུན་དགའ་རས་པའི་གདན་ས་ཨིནམ་སྦེ་བཤདཔ་མས། མ་གཞི་གྲུབ་ཐོབ་ཀྱི་གདན་ས་འདི་ པ་གཞི་ལུ་ཨིན་རུང་ འོག་མའི་ནང་གི་མཚོ་ནང་གནས་པའི་བདུད་འདི་ཚུ་གིས་ གཡུས་ཁའི་མི་ལུ་གནོད་པ་བཀལ་མི་འདི་བཏུལ་ནི་གི་དོན་ལུ་ མཚོའི་མཐའ་མར་བཞུགས་ཡོདཔ་ད་ ཤུལ་ལས་ས་གནས་དེ་ཁར་ ལྷ་ཁང་ཅིག་བཞེངས་ཏེ་ ལྷ་ཁང་གི་མཚན་ འོག་རྫོང་ཟེར་བཏགས་ཏེ་ པ་གཞི་ལྷ་ཁང་ནང་ཡོད་མི་ནང་རྟེན་ཚུ་འོག་རྫོང་ནང་གདན་འདྲེན་ཞུ་ཞུཝ་མས། པ་གཞིའི་ལྷ་ཁང་འདི་ མི་ཚུ་གིས་བདག་འཛིན་མ་འཐབ་པར་ ཚར་གཅིག་གྱང་ཁོག་སྦེ་ལུས་པའི་སྐབས་ གཡུས་ཁ་ལུ་བྱ་སྟབས་མ་བདེཝ་ལེ་ཤ་ཅིག་ཐོན་ཞིནམ་ལས་ ཁོང་ར་གིས་ ལྷ་ཁང་བདག་འཛིན་མ་འབདཝ་ལས་བརྟེན་ཨིནམ་ཧ་གོ་སྟེ་ ཉམས་བཅོས་ཞུ་སྟེ་བདག་འཛིན་འཐབ་འཐབ་ཨིན་མས།
- Pazhi
- ཚེ་རིང་། Tshering སྐུ་བཟང་པོ་ སློབ་དཔོན། ང་གིས་ ད་ལ་ཡག་གི་སྐོར་ལས་སྦེ་ ཏེ་ད་རེས་ སློབ་དཔོན་གཉིས་ལུ་ ཏེ་ང་བཅས་ཀྱི་ནཱ་གྱི་སྤ་གཞི་ལྷ་ཁང་གི་སྐོར་ལས་སྦེ་ ང་གསལ་བཤད་ཅིག་ཞུ་གེ། ང་བཅས་ དང་པ་ར་ང་ར་གི་མིང་འདི་ སྤྱི་མི་བགྲེསཔ་ ཚེ་རིང་ཟེར་སླབ་ཨིན།
- ཚེ་རིང་། Tshering ཏེ་ང་གི་ལོ་འདི་ བདུན་ཅུ་དོན་གཅིག་ཡར་སོ་ཡི། ཏེ་ང་བཅས་ཀྱི་ནཱ་ལྷ་ཁང་གི་ཆགས་ཐངས་འདིའི་སྐོར་ལས་ ནཱ་ཏེ་ སློབ་དཔོན་གཉིས་ལུ་ ཞུ་བ་ཅིན། ང་བཅས་ཀྱི་ལྷ་ཁང་འདི་གི་ མ་པ་ཁོ་ར་གི་མིང་འདི་ ཏེ་གྲུབ་ཐོབ་ཀུན་དགའ་རས་པ་གི་གདན་ས་ཅིག་ཨིན་མས།
- ཚེ་རིང་། Tshering ཏེ་གྲུབ་ཐོབ་ཀུན་དགའ་རས་པ་འདི་ ཁོ་ནཱ་ལུ་གཡུས་པ་གཞི་ཟེར་མི་འདི་ གྲུབ་ཐོབ་ཀུན་དགའ་རས་པ་གི་ ཆོས་ཞིང་ཅིག་ཨིན་མས་ ཆོས་ཞིང་། ཏེ་ཁོ་ནཱ་ལུ་བཞུགསཔ་ད་ དེ་ལས་ཡར་འོ་མའི་ནང་གི་མཚོ་བདུད་ཟེར་མི་འདི་གིས་འབད་ཏེ་ ཡར་གྱི་གཡུས་ ལྟག་ལས་ལྟོ་བསྐོར་ཟེར་མི་འདི་ནང་ དེ་ལས་མི་བསྐོར་རྒྱབ་བསྐོར་རྒྱབ་སྦེ་ ཟ་སྦེ་སྡོདཔ་ད།
- ཚེ་རིང་། Tshering ད་ཡར་གཡུས་ལྟོ་བསྐོར་འདི་མིང་ གཡུས་འདི་གི་མིང་ལུ་ ཏེ་ལྟོ་བསྐོར་ཟེར་སླབ་སླབ་ནི་ཨིན་ ཏེ་བདུད་ཀྱི་ལྟོ་བསྐོར་རྒྱབ་སྦེ་ཡར་སོ་ནུག་ཟེར་ གྲུབ་ཐོབ་ཀུན་དགའ་རས་པ་གིས་ དེ་སྦེ་བཀའ་གནང་གནངམ་མས།
- ཚེ་རིང་། Tshering དེ་འབདཝ་ད་ ང་གི་མི་སེར་འདི་ཚུ་ག་ར་ཟ་ཚར་ནི་མས་ཟེར་ ང་ཡར་གྱི་འོ་མའི་ནང་གི་མཚོ་བདུད་འདི་ ང་ཨིན་ཅིག་མིན་ཅིག་ར་ བཏུལ་ཚུགསཔ་ཅིག་འབད་དགོ་པས་ཟེར་ ཏེ་ཁོ་ནཱ་ལས་ཡར་བྱོནམ་སྦེ།
- ཚེ་རིང་། Tshering ཏེ་ཡར་ཡོན་རྫོགས་ཟེར་མི་དེ་ནང་ལྷོདཔ་ད་ ཏེ་ཨ་ནཱི་བདུད་འདི་གི་གདོང་ཁ་ལུ་ཐོནམ་ད་ ཏེ་ཁོ་ཨ་ཙི་ཅིག་འདྲོག་སུ་ཅིག་སྦེ་ ད་ང་ལོ་གསུམ་དོ་རུང་ལོག་སྟེ་ར་ མཚམས་གཅད་དགོ་པས་ཟེར་ ཡར་བྱག་ནང་ལུ་འཛུལ་སྦེ།
- ཚེ་རིང་། Tshering ཏེ་ཆུ་ཐིག་པ་ཐིག་པ་ཅིག་ཡང་ ཁོ་ར་གིས་འབད་ ཏེ་མཚམས་བཅད་ ལོ་གསུམ་མཚམས་གཅདཔ་ད་ ཐིག་པ་གཅིག་ཡང་ཁོ་ར་གི་སྤྲུལ་པ་འབད་ ཏེ་སྟོནམ་སྦེ་ ཏེ་ལོ་གསུམ་མཚམས་བཅད་སྦེ་བཞུགས་སྦེ།
- ཚེ་རིང་། Tshering དེ་ལས་ཏེ་ མར་བདུད་གདོང་ཁར་ཐོནམ་ཅིག་ བདུད་འདི་གིས་ཕྲང་ཕྲང་རང་ ཁོ་ཟ་སྟེ་འབདཝ་ཅིག་ ཁོ་གིས་རྫུ་འཕྲུལ་འབད་ ཁོག་པའི་ནང་ན་འཛུལ་ཏེ་གིས་ ཏེ་འོ་མའི་ནང་གི་མཚོ་བདུད་འདི་ ལྕེ་འདི་ཚུ་འབལ་ཏེ་ བྱག་གུ་ལུ་ ད་ལྟོ་འབྲུ་ལྷམ་ལྷམ་སྦེ་ར་ ཏེ་ག་གིས་ཡང་མཇལ་ས་ ལམ་ཁར་ར་མཇལ་ས་ཡོད།
- ཚེ་རིང་། Tshering དེ་ལས་ དོན་ཧིང་འདི་ཚུ་ཡང་ བྱག་གུ་ལུ་ འོ་མའི་ནང་གི་མཚོ་བདུད་ཀྱི་རྫུ་འཕྲུལ་སྦེ་ འབལ་སྦེ་དོན་ཧིང་འདི་ཚུ་ ཁྲ་ལྷམ་ལྷམ་སྦེ་རང་ ཡར་བྱག་ནང་ལུ་ ད་ལྟོ་ལམ་ཁར་ག་གི་རང་མཇལ་རུང་མཇལ་ས་ཡོད།
- ཚེ་རིང་། Tshering དེ་ལས་ དེ་གིས་ཡང་མ་ཚད་པར་ བདུད་འདི་ལུ་ ཏེ་རྡོ་འདི་སྒོང་རྡོག་བཟུམ་སྦེ་སྤུརཝ་ད་ བདུད་གུ་ལུ་ བདུད་འདི་བཏུལ་རནམ་ད་ ད་འབདན་ང་གིས་སྐུ་ཆེ་གསུང་ཆེ་ ང་གིས་ཕྱག་འཚལ་གེ། ཏེ་ང་གིས་ ད་མི་མ་ཟ་བའི་དམ་བཅའ་ལེན་རང་ལེན་གེ་ཟེར་ ཏེ་གྲུབ་ཐོབ་ལུ་ གྲུབ་ཐོབ་ཀུན་དགའ་རས་པ་ལུ་ཞུ་ཞིནམ་ལས་ ཏེ་གྲུབ་ཐོབ་ཀུན་དགའ་རས་པ་གིས་ཡང་བཏུབ་ དེ་འབད་བ་ཅིན་ ཁྱོད་མི་མ་ཟ་བ་ཅིན་ ང་གིས་བཞག་གེ་ཟེར་བཀའ་གནང་སྦེ།
- ཚེ་རིང་། Tshering ཏེ་བདུད་འདི་གིས་ ད་ང་གིས་དམ་བཅའ་ལེན་གེ་ དེ་འབདཝ་ད་ ཁྱོད་ར་ཡར་བཞུགས་དགོ་ཟེར་ གྲུབ་ཐོབ་ལུ་ཞུཝ་ད་ བཏུབ་ང་ཡར་ཁྱོད་ཀྱིས་ཁས་ལེན་འབད་ མི་མ་ཟ་བའི་ཁས་ལེན་འབད་ ང་ཡར་བཞུགས་གེ་ཟེར་ཏེ་གིས་སྦེ། དེ་ལས་ཏེ་ བཏུབ་ཟེར་ དེ་ལས་ནཱ་ལས་ཡར་ ལྷ་ཁང་ནང་རྟེན་འདི་ཚུ་ཡང་ཡ་ཞུ་ ཡར་ལྷ་ཁང་གཅིག་ཁོ་ར་གིས་བཞེངས་སྦེ་ ད་འ་ནཱི་ལྷ་ཁང་འདི་གི་མིང་ ཡོན་རྫོགས་ལྷ་ཁང་ཟེར་སླབ་སྟེ་ཡོད།
- ཚེ་རིང་། Tshering ཏེ་འདི་ནང་ལུ་ ད་གནམ་མེད་ས་མེད་ ང་བཅས་ལ་ཡག་གི་མི་སེར་དེ་ཚུ་ ཏེ་ཟླཝ་རེའི་བར་ན་ ཚར་རེ་ལྷོད་མ་ཚུགས་པ་ཅིན་ ཡངན་མི་རང་ན་ ཡངན་ནོར་རང་ ནོར་སེམས་ཅན་ལུ་གནོད་པ་རྐྱབ་སྦེ། ཏེ་ཟླཝ་རེ་བར་ན་ ཚར་རེ་ཚར་རེ་འདི་ མི་གུང་པ་ག་ར་འགྱོཝ་ཨིནམ་མ་ཚད་ ཏེ་དེ་ནང་ལས་མི་ ཐག་རིང་ས་ ཐིམ་ཕུག་ལས་མར་ སྤ་རོ་ལས་ཕར་ མགར་ས་ལས་མར་ ཡར་སོངཔ་འབད་བ་ཅིན་ ཏེ་ལོ་རེ་བར་ན་ ཡར་དཀོན་མཆོག་མཆོད་པར་འོང་རང་འོང་དགོ།
- ཚེ་རིང་། Tshering ཁོ་གནམ་མེད་ས་མེད་བཀའ་སྲུང་ གནམ་མེད་ས་མེད་ཤུགས་ཆེ་དྲག་སྦེ་ཡོད། ཏེ་མར་འ་ནཱི་འབད་ནི་འདི་གིས་ ཁོ་ཡར་བཞུགས་དགོ་ནི་འདི་གིས་ དེ་ལས་ནཱ་ ནཱ་གི་པ་གཞི་ལྷ་ཁང་ཟེར་མི་འདི་ འདི་ནང་ལུ་ ངེའི་རྫོང་ མར་ལུས་སོ་ཡི་ཟེར་ ལྷ་ཁང་ལུ་དང་ཕུ་རྫོང་ཟེར་སླབ་དོ་ཡོདཔ་མས། ངེའི་རྫོང་ལུས་ རྫོང་མར་ལུས་སོ་ཡི་ཟེར་ ཏེ་ད་རིས་ མ་པ་ལྷ་ཁང་འདི་ རྫོང་ལུས་ལྷ་ཁང་ཟེར་སླབ་ཨིན། ཏེ་ད་ ཏེ་མི་རྒྱུས་མེད་མི་གིས་འབད་བ་ཅིན་ པ་གཞི་ལྷ་ཁང་པ་གཞི་ལྷ་ཁང་ཟེར་སླབ་ཨིན།
- ཚེ་རིང་། Tshering ཏེ་རྒྱུ་ཡོད་མི་གིས་འབད་བ་ཅིན་ ནཱ་གི་མི་དེ་ཚུ་གིས་རྫོང་ལུས་ལྷ་ཁང་ཟེར་སླབ་ཨིན། ཏེ་འདི་ནང་ལུ་ ཏེ་གྲུབ་ཐོབ་ཀུན་དགའ་རས་པ་འདི་ ང་ཀུན་དགའ་རས་པ་མེན་ ང་ཁོག་པའི་རས་པ་ཨིན་ཟེར་ བདུད་ཀྱི་ཁོག་པའི་ནང་ལུ་འཛུལ་འཛུལཝ་ཨིན་ ང་ཁོག་པའི་རས་པ་ཨིན་ཟེར་ གསུངས་གསུངས་མས།
- ཚེ་རིང་། Tshering ཏེ་ཁོ་ཁོག་པའི་རས་པ་འདི་ ཨིན་ནི་འདི་ བོད་ལས་བྱོན་འདུག བོད་ལས་བྱོནམ་ད་ ཕར་བོད་ཀྱི་འདི་ནང་ ཨ་ནཱི་སྟོད་གངས་རི་ཟེར་མི་དེ་ནང་ལས་བྱོན་འདུག སྟོད་གངས་རི་ཟེར་མི་ནང་ལས་བྱོནམ་སྦེ་ ཏེ་ནཱ་ལ་ཡག་གི་གཡུས་ཚན་འདི་ནང་ལུ་བཞུགས་སྦེ་ ཏེ་ད་ ནཱ་ལུ་གནམ་མེད་ས་མེད་ཀྱི་ བདུད་འདི་ཚུ་བཏུལ་ ཏེ་ཁོ་གིས་ནཱ་ལེགས་ཤོམ་སྦེ་བཞུགས་སྦེ་ ཏེ་ནཱ་ལུ་ཁོ་ར་བཞུགས་ས་འདི་ མཐའ་བསྐོར་འདི་ཚུ་ག་ར་ པ་ཞིང་ཟེར་མི་བསྒང་ལས་ ཁོ་གི་ཆོས་ཞིང་སྦེ་བརྩིས།
- ཚེ་རིང་། Tshering ཏེ་འདི་ནང་ལུ་བཞུགས་སྦེ་ཨིན་མས། ཏེ་བར་སྐབས་ཅིག་ལས་ ང་བཅས་མི་དེ་ཚུ་ མཆོད་རྟེན་འུར་ལཱ་གྲྭ་ཚང་ གནམ་མེད་ས་མེད་དཀའ་སྡུག་བྱུང་སྦེ་ ཏེ་ལྷ་ཁང་འདི་ཚར་གཅིག་ ཡུདཔ་ཅིག་ཉམས་རང་ཉམས་སོ་ནུག ཏེ་ཉམས་སོང་རུང་ ཏེ་བར་སྐབས་ཅིག་ལས་ གྱང་ཁོག་འཚམས་སྦེ་ཡར་སྦེ་ དེ་ལས་ང་བཅས་ཀྱི་ནཱ་ལུ་ལོ་ཐོག་འདི་ཚུ་འབུཔ་གིས་ཟ་ དེ་ལས་མི་དེ་ཚུ་ ནཝ་ཚཝ་ཕོག་ འ་ནཱི་འབད་ཞིནམ་ལས་ དེ་ལས་ཏེ་ ལོག་སྟེ་ར་ཉམས་གསོ་འབད་ཞིན་ན་ལས་ ཏེ་ད་ ད་རིས་ནངས་པ་ དུམ་གྲ་ཅིག་ཡ་ལྷོང་སྟེ་ཡོད།། །།