ཧེ་མ་ ང་འདི་དང་པ་རང་ ང་བཅས་མར་ ས་འདི་མར་ཨ་མར་ ཕུ་དུང་ཟོར་ཟེར་སའི་ལྟག་ལུ་ནོར་འཚོ་སྡོད་ཅི་ ཏེ་ང་འདི་ཧེ་མ་ མར་འགྱོ་བའི་སྐབས་ལུ་ ནོར་འཚོ་བར་འགྱོ་ཡི་ ཏེ་ནོར་འཚོ་བར་འགྱོ་བའི་སྐབས་ལུ་ ཏེ་ཆུ་ཚོད་ ཟླཝ་བདུན་པ་ཆུ་ཚོད་འབད་བ་ཅིན་ བཅུ་གཅིག་སོང་སྟེ་འདུག་ ཟླཝ་བདུན་པ་ནང་ཨིན། ནཱ་དྲོ་པ་འགྱོ་བའི་བསྒང་ལས་རང་ བདེ་ཏོག་ཏོ་ཅིག་མེདཔ་སྦེ་འགྱོ་ཡི།

ཏེ་བདེ་ཏོག་ཏོ་ཅིག་མེདཔ་སྦེ་འགྱོ་བའི་བསྒང་ལུ་ ཏེ་མར་འགྱོ་ དེ་ལས་ ཨ་ནཱི་མ་ཎི་གི་རྩ་བར་སྡོད་ཅི། མ་ཎི་ཅིག་བསྐོར་སྦེ་ འ་ནཱི་སྦེ་སྡོད་པའི་སྐབས་ལུ་ འོག་ལས་མི་ཅིག་གིས་སྐད་རྐྱབ་དེས་ དེ་ལས་ཨ་ནཱི་སྐད་རྐྱབ་ད་ལུ་ ཏེ་ང་ག་ཨིན་ན་ཟེར་ ནུ་གཅུང་ཅིག་ཨིནམ་བཟུམ་འདུག་ཟེར་ ང་བདེ་ཏོག་ཏོ་ཅིག་ཡང་མི་འོང་པས་ཟེར་ ང་འདི་འ་ནཱི་སྦེ་མནོ་ཡི་ ཏེ་དེ་སྦེ་མནོ་སྦེ་ སྐད་རྐྱབ་དེས་ ང་གིས་ཡང་སྐད་རྐྱབ་དནི་ ལན་རྐྱབ་ནི་རྐྱབ་དེས་ ཡར་མགྱོགས་པར་འཐོན་ནི་མིན་འདུག

ཏེ་འ་ནཱི་མ་འཐོན་ཞིནམ་ལས་ ཨ་ཙི་ཅིག་སྡོད་ཅི་ང་སྡོད་སྦེ་ ཚུར་ཁ་ཐུག་ཤིང་གཅིག་ཡོད་ ཏེ་འ་ནཱི་ཤིང་རྩ་བར་འགྱོ་སྡོདཔ་ད་ དེ་ལས་ད་རུང་སྐད་རྐྱབ་ལྟཝ་ད་འཐོན་ནི་མིན་འདུག མ་འཐོན་ཞིནམ་ལས་ ཁོ་འོང་ནི་མིན་འདུག་ཟེར་ ག་གིས་ཅིག་གིས་དགོད་བྲོ་འབདཝ་ཨིན་ན་ཟེར་ ང་ནུ་གཅུང་གིས་དགོད་བྲོ་འབདཝ་མས་ཟེར་མནོ་སྡོདཔ་ད་ལུ་ འདྲེ་ངོ་མ་ཐོན་འོང་ཡི་ཏེ་ འདྲེ་ངོ་མ་འབད་ཐོན། འདྲེ་ངོ་མ་ཟེར་རུང་ ངནི་ཁམས་བདེ་ཏོག་ཏོ་ཅིག་མེདཔ་སྦེ་སྡོད་པའི་སྐབས་ལུ་ མིའི་གཟུགས་འདི་འཁན་པ་ནང་ལས་ཐོན་འོང་ཡི་ ཏེ་གཞུ་འ་ནཱིམ་ཅིག་གསག་སྟེ་འདུག

ཏེ་འ་ནཱི་མི་གི་གཟུགས་འདི་ ག་བཟུམ་ཅིག་འདུག་ཟེར་བ་ཅིན་ ཏེ་ལ་ཆུ་ཡོད་མེན་ན་ལགས་ ལ་ཆུ་བཞུ་སྦེ་གདོང་ལུ་དབུར་དབུརཝ་བཟུམ་སྦེ་འདུག གདོང་ལུ་དབུར་དབུརཝ་བཟུམ་སྦེ་ ཛའི་་་་ ཧ་ལས་སི་སི་འདུག ཏེ་ཁོ་གིས་ང་ལུ་ མདའ་གཞུ་བཏོན་ འཕྲངམ་འཕྲང་སར་དྲངས་འོང་དེས་ ངེའི་རྟིང་བདའ་འོངམ་ད་ལུ་ ང་གིས་འཁརཝ་གིས་ [ཟ་ལ་ཤིང་?]འཁརཝ་སྡོད་ཡི་ ཁྱིམ་ན་ལས་འབག་འགྱོ་འགྱོཝ་ འ་ནཱི་[ཟ་ལ་ཤིང་?]འཁརཝ་གིས་དྲངས་ཡི་ཁོ་ དྲངས་བཏང་ཞིནམ་ལས་ ང་ཚར་གཅིག་ ང་ཡང་དྲན་མེད་བརྒྱལ་ཡར་སོ་ནུག

ཏེ་འ་ནཱི་ ཡང་ན་འདྲེ་ཨིན་ན་ ག་ཅི་ཨིན་ན་ང་གིས་གནམ་མེད་ས་མེད་ཅིག་མ་ཤེས་ ཏེ་དེ་ལས་ཨ་མར་ནོར་གྱི་གྱང་ས་ཅིག་སྡོད་ཅི་ ནོར་གྱི་གྱང་ས་ལུ་ ཨང་རྒས་ཅིག་སྡོད་ཅི་ ཨང་རྒས་སེང་གེ་ཟེར་ ཏེ་ང་འ་ནཱི་སྦེ་ནཝ་མས་ཟེར་ མོ་ལུ་འ་ནཱི་བཟུམ་འདྲེ་ཕྱད་ཅི་ཟེར་མ་སླབ་ ང་ནཝ་མས་ ཁྱོད་ཀྱིས་མགྱོགས་པར་ཁ་འཐེན་ཅིག་འབད་གནང་ཟེར་སླབ་སྦེ་ མོ་གི་ནོར་གྱི་གྱང་ས་ལྷོད་སྦེ་སླབ་ད་ དྲན་མེད་ཡར་སོང་ནུག

དྲན་མེད་སོང་སྦེ་ དེ་ལས་ཁོང་ཆ་ཁྱབ་ ནཱ་ཁྱིམ་ནང་གི་མི་ཚུ་འགྱོཝ་ ཡར་འབག་འོང་ ང་ནཱ་ཁྱིམ་ནང་ལྷོད་དེ་དྲནམ་ཚོརཝ་ད་ ནཱ་ཁྱིམ་ནང་ལྷོད་ནུག ཏེ་ཁྱིམ་ནང་ལྷོད་སྦེ་ ཁོང་ཆ་ཁྱབ་རིམ་གྲོ་འབད་ ལོ་གསུམ་བཞི་དེ་ཅིག་འགྱོ་འགྱོཝ་ཨིན་མས། ཏེ་ང་བཅས་ལུ་ཧེ་མ་ལས་ མི་རྒྱུད་ཡང་མེད་ ང་ཟེར་མི་འདི་ མི་གནགཔ་ཉག་རྐྱང་ཨིན་ ཏེ་ང་ཕམ་སྤྱང་ཀའི་མི་ཉམ་ཆུང་ཅིག་ཨིན། དེ་འབདཝ་ལས་ ང་ག་ནི་ཡང་མ་ཤེས་པའི་མི་ཅིག་ཨིན་ ཨིན་ཏེ་ར་འབད་རུང་ ད་རུང་ག་ནི་ཡང་མ་ཤེས་པར་ དེ་སྦེ་སྡོད་པའི་བསྒང་རང་།

ཏེ་ དེ་བསྒང་ ང་ན་བའི་ན་ཐངས་འདི་ ག་དེ་འབད་ན་ཡི་ཟེར་བ་ཅིན་ ཟླཝ་དགུ་པ་ ཚེས་འདི་དཔྱད་རི་མི་བཏང་པས་ང་ ཏེ་ང་དང་ཨ་ཞེམོ་ང་བཅས་གཉིས་ རེད་ལེན་པར་འགྱོ་ཡི་ ནད་གཞི་ཐོབ་ནི་གི་ཐོབ་ཐངས་ དེ་ཚེ་ལས་ཐོབ་ཅི་ ཁམས་བདེ་ཏོག་ཏོ་མེདཔ་འབད་མི་འདི་ ཏེ་ཨ་མར་ རེད་ལེན་པར་མར་ [དཀར་སང་?]ཤི་ཡི་མེན་ན་ འ་ནཱི་གི་ཁྱིམ་ནང་ འ་ནཱི་བཟུམ་སྦེ་རེད་ལེན་པར་འགྱོ་ཡི་ མར་ལས་ཨ་ཞེམོ་གིས་ཕག་ཤ་འབག་འོང་ནུག

ཕག་ཤ་འདི་བསིལ་སྐམ་ཡར་སོ་ནུག མར་ཟ་མི་མིན་འདུག་ཟེར་ ཡར་ཨ་ཞེམོ་གིས་འབག་འོང་ནུག ང་ཧེ་མ་ཕག་ཤ་ཡང་ཟཝ་ཨིན་ སྒོང་རྡོག་ཡང་ཟཝ་ཨིན་ ཏེ་ཁྱབ་མཉམ་ཟ་མི་ཅིག་ཨིན་ དེ་འབདཝ་ལས་ འ་ནཱི་བཟུམ་འབད་ནི་འདི་དཔྱད་རི་རང་མེད་ ཏེ་དེ་ལས་ཨ་ཞེམོ་གིས་ཕག་ཤ་བཙོ་བྱིན་ཡི་ འ་ནཱི་ཟ་ཞིནམ་ལས་ རེད་ནཱ་ཁྱིམ་ནང་ལྷོད་ ཕག་ཤ་བཙོ་ཟ་ཞིནམ་ལས་ འ་ནཱི་ཕག་ཤ་ཟ་ཡི་ བཀྲིས་སྒང་ལས་འབག་འོང་ནུག ཨ་ཞེམོ་ང་བཅས་གཉིས་ རེད་ལེན་པར་འགྱོ་ཡི་ རྟ་བདའ་མར་འགྱོ་ རེད་ལེན་འབག་འོང་ ནཱ་ལྷོད་ཕག་ཤ་བཙོ་ནུག ཆུང་ཀུ་ཨ་ནཱིམ་ཅིག་རེ་འབད་བཞི་དེ་ཅིག་བཙོ་སྟེ་འདུག

ཏེ་བཙོ་ཟ་ ཏེ་ཟ་ཞིནམ་ལས་ཨ་ཙི་ཁ་ལསནི་ དེ་ལས་ངནི་ མ་འདྲཝ་ཅིག་འབད་ཡི། མ་འདྲཝ་ག་ཅི་འབད་དེས་ཟེར་བ་ཅིན་ གནམ་མེད་ས་མེད་[ཧའེ་?]འབད་དེ་མིག་ཆུ་འཐོན་དེས་ མིག་ཆུ་ཁྱབ་ཁྱ་སྦེ་ཐོན་ ཏེ་ཨ་ཞེམོ་ལུ་སླབ་ཅི་ ཨ་ཞེམོ་གིས་ དབའེ་ཁྱོད་ག་ཅི་འབདཝ་སྨོ་ད་རེས་ཟེར་སླབ་དེས་ ཏེ་ང་གིས་ མ་ཤེས་ག་ཅི་འབདཝ་ཨིན་ན་ ཟེར་སླབ་ཅི་ ཁྱོད་འདྲེ་འཛུལཝ་འདྲས་ས་ འདྲེ་འཛུལ་ གཤིན་འདྲེ་འཛུལཝ་ཨིན་མས་ ཟེར་སླབ་དེས་ཨ་ཞེམོ་གིས་ གཤིན་འདྲེ་རང་མེནམ་འོང་མེན་ན་ ཟེར་སླབ་ད་ལུ་ ཏེ་དེ་ལས་ ག་ཅི་འབདཝ་ཨིན་ན་ ཧ་མི་གོ་བས་ཟེར་ སྒོང་རྡོག་བསྲེགས་ནུག་ མོ་བཏབ་སྦེ།

ད་རུང་སྒོང་རྡོག་བསྲེགས་ཅི་བ་ལགས། སྒོང་རྡོག་བསྲེག་བཏངམ་ད་ལུ་ ད་རུང་འོང་ཡི་ཏེ་ [ཧའེ་?]རྐྱབ་ ཁ་ལས་སྐྱུག་ཡི་དེ་ལས་ ཁ་ལས་སྐྱུག་ དེ་ལསན་ཏེ་ གཟུགས་བདར་ སོ་སོ་ཅིག་འབད་ཡར་སོངཔ་མས་ ཏེ་དེ་ལས་འ་ནཱ་ལས་ཚུར་འབདནི་ ཧེང་སྐལ་འབད་ཡི་ངནི་ དེ་ལསནི་ཧེང་སྐལ་ ཧེང་སྐལ་རང་འབད་དེ་ དེ་ལསནི་ག་ཅི་ཡང་མེནམ་སྦེ་འབད་དེ་ རང་གི་མི་ཨིན་ན་མེན་ན་ མ་པ་ལས་རང་ངོ་མ་ཤེསཔ་ཡར་སོ་ཡི་ ཏེ་དེ་ལས་ ཉིམ་རེ་ཉིམ་རེ་ སོ་སོ་འགྱོ་ སོ་སོ་ཅིག་རང་འབད་དེ། ཨ་ནཱ་ལས་ང་གིས་ཡང་ འཆོལ་ཞིནམ་ལས་ བློ་ག་དེ་སྦེ་སླབ་ཅི་ག་ དཔྱད་རི་ཡང་མེད་ ང་རང་འཆོལ་ཞིནམ་ལས།

ཏེ་རོགས་ཀྱིས་སླབ་ད་ལུ་ ཧེ་མ་ཨ་ནཱི་སྦེ་འབད་ཡི་ ལ་ལུ་གིས་འབད་བ་ཅིན་ ཇོ་མོ་གི་རྒྱབ་རང་ཨིན་མས་ཟེར་སླབ་དེས་ [ཇོ་མོ་ཀོ་ཤེ་?]ལུ་ཡང་ ཚར་གསུམ་འཁྱིད་འབག་ཡི་ དེ་འབད་རུང་མི་བཏུབ་པས་སླབ་དེས་ ཨ་ཞིམོ་དང་ནཱ་ལུང་པའི་མི་ཚུ་གིས་ག་ར་གིས་ ཁ་འཐོན་སླབ་མས་ཟེར་ཡང་སླབ་དེས་ མོ་ཧེ་མ་བྱུང་བའི་འབྱུང་ས་འདི་བོད་ར་ལུང་ལས་ཨིན་ཟེར་ མོ་འདི་ཧེ་མ་བྱིའུ་ཅུང་གི་སྐྱེ་བ་འབད་ལོ་དྲུག་སྡོད་ཅི་ཟེར་སླབ་དེས་ ཟེར་སླབ་དེས་ ལོ་དྲུག དེ་ལས་བྱིའུ་ཅུང་གི་སྐྱེ་བ་འབད་ལོ་དྲུག་སྡོད་སྦེ།

དེ་ལས་བྱིའུ་ཅུང་ཤི་ དེ་ལས་ཨ་ནཱ་ལས་ དགེ་སློང་གི་སྐྱེ་བ་འབད་ལོ་སུམ་ཅུ་ ཁལ་གཅིག་དང་དགུ་ ལོ་སུམ་ཅུ་ལང་ནི་འབདཝ་ད་ལོ་གཅིག་གིས་མ་ལངསམ་ འ་ནཱི་ཅིག་གི་བར་ན་འ་ནཱི་སྦེ་སྡོད་ དེ་ལས་འ་ནཱ་ལས་གྱི་གསོབ་སྟེ་ཤི་སོ་ཡི་ཟེར་ འ་ནཱ་ལས་ཤི་ཞིནམ་ལས་ ཏེ་ད་གཅིག་ལས་འབད་བ་ཅིན་ ག་ཅི་ཨིན་ན་མ་ཤེས་ཏེ་ད་ རྒྱབ་ཁ་ལས་རྒྱབ་ཟེར་སླབ་ནི་ཨིན་ན་ ཡང་ཅིན་སྐྱེ་བོ་ཐོབ་ཅི་ཟེར་སླབ་ནི་ཨིན་ན་ འ་ནཱི་འདི་ང་གིས་སླབ་མི་ཚུགས་པས་ ཏེ་མོ་གིས་འ་ནཱི་སྦེ་ང་འབད་སར་འོང་ཡི་ཟེར་ ཏེ་འོང་ནི་འདི་ད་ལྟོ་སྦོམ་འགྱོ་ཞིནམ་ལས་འོང་འོངམ་མེན་ཟེར་ མོ་གིས་ཁ་ནང་ལས་འ་ནཱི་སྦེ་གསུངས་དེས་ལོ།

ཏེ་ཁ་ལས་ག་དེ་སྦེ་སླབ་དེས་ཟེར་བ་ཅིན་ ཁྱོད་ཀྱི་ཨའི་གི་མངལ་ལུ་ཆགས་པའི་བསྒང་ལས་རང་ ང་ཨ་ནཱི་སྦེ་འོང་ཡི་ཟེར་ འབྱུང་ཐངས་འ་ནཱི་སྦེ་བྱུང་བྱུངམ་ཨིན་ དེ་ལས་ང་བཅས་ར་བདག་འཛིན་ག་དེ་སྦེ་འབད་ཡི། ཁྱོད་ར་ཨའི་གི་མངལ་ལུ་སྡོད་པའི་བསྒང་ལས་རང་ ང་བཅས་ཀྱིས་བདག་འཛིན་འབད་ཡི་ཟེར་ ཏེ་ཨའི་འབད་བ་ཅིན་ གདོང་ལུ་མཚན་རྟགས་ཧིང་ནག་འ་ནཱི་སྦེ་ཡོད་ཟེར་ དེ་ལས་འ་ནཱི་ ཁྱོད་སྐྱེཝ་ད་ཟླཝ་དང་པ་ཚེས་བཅོ་ལྔའི་ཚེ་ལུ་སྐྱེས་ཡི་ཟེར་ ཏེ་གདོང་འབད་བ་ཅིན་ ཤར་ཁ་ཐུག་ལུ་སྒོར་ཡར་སོ་ཡི་ཟེར་ མོ་གིས་ཁ་འ་ནཱི་སྦེ་ ང་འ་ནཱི་སྦེ་འཆོལ་འབད་བའི་སྐབས་ལུ་ འ་ནཱི་སྦེ་འཐོན་ཡི་ཟེར་སླབ་དེས་ལགས། ང་རའི་མགུ་ཏོ་ཁ་ལུ་འབདན་ ཏེ་རྡོ་རྗེ་རྒྱ་གྲམ་གཅིག་ཡོད་ ཟེར་སླབ་དེས་ལོ་ལགས།

ངེའི་མགུ་ཏོ་ཁར་རྡོ་རྗེ་རྒྱ་གྲམ་ཡོད་ ཏེ་རྐང་མར་འབད་བ་ཅིན་ ཏེ་མེ་ཏོག་པདྨ་ཡོད་ཟེར་སླབ་དེས་ ཏེ་རྐང་མར་ཡོད་ རྐང་མར་པར་རིས་ཡོད་ ལྟ་མ་ང་གིས་ཁྱོད་གཉིས་ལུ་བལྟ་བཅུག་གེ་ ཏེ་ལག་པར་ཡང་ཡོད་ མདང་ཞག་རོགས་ཁ་ལས་འ་ནཱི་སྦེ་སླབ་ཞིནམ་ལས་ མ་བདེནམ་མེན་པས་ བདེནམ་མས། ང་རའི་ལགཔ་གི་འདི་ ང་རའི་རྨི་ལམ་ནང་རྟགས་པ་བྱིན་དེས་ ཁྱོད་རའི་ལག་པར་འ་ནཱི་བཟུམ་ཅིག་ཡོད་ ཁྱོད་ར་བལྟ་ཤིག་ཟེར་སླབ་སྦེ་ ང་གི་ལག་པར་བལྟཝ་ད་ལུ་ ངེའི་ལག་པར་ཨ་ནཱི་གཏན་གཏན་རང་ཡོད།

ཏེ་འ་ནཱི་བཟུམ་སྦེ་ ང་འ་ནཱི་སྦེ་བྱུང་ཡི་ ཏེ་ད་ཡང་ཅིན་སྐྱེ་བོ་རང་ཨིན་ན་ རོགས་ལྷ་རང་བྱོན་བྱོནམ་ཨིན་ན་ དེ་སྦེ་ཨིན་ཟེར་ ང་གིས་ཁུངས་བཀལ་མི་ཤེས་པས། ང་དེ་སྦེ་འབད་ཞིནམ་ལས་ ཤུལ་ལས་ ང་རའི་རྨི་ལམ་ལུ་ག་དེ་སྦེ་སྟོན་ཡི་ཟེར་བ་ཅིན་ ང་གིས་བཅོ་ཐབས་ཡང་འབད་ནི་ཡོད་ བཅོ་ཐབས་འདི་ ཆུ་ཚན་ནང་ལགཔ་བཙུགསཔ་ཨིན་ང་གིས་ ཆུ་ཚན་ནང་ལགཔ་བཙུགས་པའི་བསྒང་ལུ་ ཧེ་མ་མོ་གིས་གནང་བའི་སྐབས་ལུ་ མོ་རའི་ཐུགས་དང་ནུས་པ་ཡོད་པའི་རྟགས་མཚན་ཅིག་ཨིན་མས།

ཏེ་མོ་གིས་ཏེ་ སེམས་ཅན་ཐམས་ཅད་སྡུག་བསྔལ་དང་བྲལ་ བདེ་བ་དང་ལྡན་པར་གྱུར་ཅིག་ཟེར་ སེམས་ཅན་ཐམས་ཅད་ལུ་ཕན་ཐོགས་ ལ་ལུ་ལྟོཝ་བཀྱེས་ ལ་ལུ་ཁ་སྐོམ་ སྡུག་བསྔལ་ཐོབ་སྟེ་ ངན་སོང་གི་སྡུག་བསྔལ་ཐོབ་སྟེ་ ག་བཟུམ་ཐོབ་སྟེ་ཡོད་མི་ག་ར་ ང་གིས་ཆུ་ཚན་ནང་ལགཔ་འ་ནཱི་སྦེ་ ཐེངས་ཕོག་གཅིག་རྐྱབ་པའི་སྐབས་ལུ་ ག་ར་གི་སྡུག་བསྔལ་གྲོལ་ཏེ་ སངས་རྒྱས་གོ་འཕང་ཐོབ་ གནམ་མེད་ས་མེད་བདེ་བ་སྦོམ་ཡོད་ཟེར་ ཏེ་འ་ནཱི་འདི་ཁྱོད་ཀྱིས་བརྟག་དཔྱད་རྐྱབ་སྦེ་འབད་ཟེར་ རྨི་ལམ་ནང་འ་ནཱི་བཟུམ་གསུངས་དེས།

རྨི་ལམ་ནང་འ་ནཱི་སྦེ་གསུངས་ཞིནམ་ལས་ ནངས་པར་བཟུམ་ཅིག་ཁར་ང་གིས་འ་ནཱི་བཟུམ་འབད་ཡི་ འབད་བའི་སྐབས་ལུ་ ང་གི་ལགཔ་ག་ནི་ཡང་འབད་ནི་མེད་ ང་གིས་འ་ནཱི་བཟུམ་སྦེ་བཅོ་ཐབས་འབད་ནི་འདི་ ལུང་འ་ནཱི་བཟུམ་སྦེ་རྨི་ལམ་ནང་འ་ནཱི་བཟུམ་རྟགས་པ་ཅིག་བྱུང་ཡི་ འ་ནཱི་འབད་ནི་དེ་གིས་ ང་གིས་ད་ལྟོ་ཡང་ རོགས་ག་ར་ལུ་འ་ནཱི་བཟུམ་བཅོ་ཐབས་འདི་ ལ་ལུ་ནཝ་མས་ཟེར་སླབ་མས།

ལ་ལུ་མགུ་ཏོ་ན་ ཏེ་འ་ནཱི་བཟུམ་འབད་མི་ཚུ་ལུ་ང་གིས་ ཏེ་འ་ནཱི་སྦེ་རྨི་ལམ་ནང་མཐོང་སྟེ་ ང་གིས་འབད་བྱིན་ཡི་ འབད་བྱིནམ་ལས་ མང་ཤོས་རང་ ན་མི་ཚ་མི་ཚུ་ག་ར་ ལ་ལུནི་དྲགཔ་མས་ཟེརཝ་མས་ ལ་ལུནི་དྲག་དོ་ག་མི་དྲག་དོ་ག་ ང་གིས་སླབ་མི་ཤེས་པས་ མང་ཤོས་ཀྱིས་རང་དྲགཔ་མས་ དྲགཔ་མས་ཟེར་སླབ་མས་ ང་གིས་འབད་ནི་འདི་འབད་བྱིནམ་ཨིན་ འ་ནཱི་སྦེ་ང་བཅས་ཀྱིས་ཡང་ འ་ནཱི་བཟུམ་ཨིན་ཟེར་ བྱུང་བའི་འབྱུང་ལུགས་ འ་ནཱི་བཟུམ་ཅིག་ཨིན་ཟེར།། །།