༉  དབང་འདུས་ཕོ་བྲང་རྫོང་ཁག་ དགའ་སེལ་ཚོགས་སྒོམ་རྒེད་འོག་ལས་ ཐུགས་བསྟན་གྱིས་ གཞུང་སྒྲ་རྙིང་ཤོས་ཅིག་ཨིན་མི་ བཞུགས་གྲལ་ནི་བ་དགའཝ་ཅིག་ཟེར་མི་འདི་ འཐེན་ནི་འདུག གླུ་གཞས་འདི་ དགའ་སྟོན་རྟེན་འབྲེལ་གྱི་སྐབས་ལུ་ ལེགས་པའི་ཕྱོགས་སུ་རྟེན་འབྲེལ་བཟང་བའི་སྒོ་ལས་འབད་ ཧེ་མ་སྟེང་ཕྱོགས་ལྷ་ཡུལ་ལུ་དང་ བར་ཕྱོགས་བཙན་ དེ་ལས་འོག་ཕྱོགས་ཀླུ་ཡུལ་ལུ་མཆོདཔ་ཕུལ་ཏེ་གིས་སྦེ་ བྱ་བ་ག་ཅི་བརྩམས་ཏེ་འབད་རུང་ རྐྱེན་བར་ཆད་མེད་པར་ལེགས་ཤོམ་འོང་བཅུག་ཟེར་ སྨོན་འདེབས་ཚུ་ཕུལཝ་ཨིན་མས། ཡོངས་གྲགས་ལུ་ མདའ་རྩེད་འགྲན་བསྡུར་གྱི་སྐབས་ལུ་ བཀག་རི་འགོ་དང་པ་ཕོག་པའི་སྐབས་ལུ་ གླུ་གཞས་གཞན་མ་འཐེན་པའི་ཧེ་མ་དང་པ་ར་ འ་ནཱི་གླུ་གཞས་འདི་འཐེན་སྲོལ་ཡོདཔ་ད་ གླུ་གཞས་འདི་ རྙིང་ཤོས་ཅིག་འབདཝ་ལས་ འབྱུང་ཁུངས་དང་བྱུང་རབས་ རྩོམ་པ་པོ་ཚུ་མི་ཤེས་དོ་ཡོདཔ་མས།