A Collection Of Proverbs from Drango -7 | Mandala Collections - Audio-Video

23 Mar 2016

1 min 3 sec

Audio Overview

Creators:

Nyanyang Group

A nomadic proverb from Drango, Ganzi Prefecture, Sichuan

Proverbs from Nomadic Areas of Sichuan

སྟོབས་ཆེ་བ་གངས་རིའི་སེང་གེ་འདྲ།
ཐབས་ཤེས་རབ་ནམ་མཁའི་གློག་ཞག་འདྲ།
ཐང་གི་རྡོ་བླངས།
རིམ་གི་བྲོ་ལྷུང་།
ཐམས་ཅད་དགའ་ན་དགེ་བ་ཡིན།
ཕ་མ་དགའ་ན་དྲིན་ལན་ཡིན།
ཐག་རིང་ཐུང་གཉིས་ཀར་བྲོ་དགོས།
དགྲ་ཡོད་མེད་གཉིས་ཀ་དོགས་དགོས།
དད་པའི་ཆོས་ལ་དད་ལོག
འཇིག་རྟེན་འཁོར་བ་ཞེན་ལོག
བདེན་རྫིན་བར་ན་སོར་བཞི་ཡོད།
སྐྱིད་སྡུག་བར་ན་གོམ་གང་ཡོད།
སྡེ་མགོ་སྐྱོང་ན་ཁོག་རྒྱ་ཆེ་དགོས།
རྒོད་པོ་འཁྲིད་ན་མཐུར་མདའ་རིང་དགོས།
ནད་མཁྲིས་པ་ཅན་གྱི་མིག་ལམ་ན།
དུང་དཀར་པོའི་ཁ་དོག་སེར་པོ་རེད།
ནམ་མི་ལང་ཀ་མེད་ཉི་མས་དེད།
ས་མི་རུབ་ཀ་མེད་གྲིབ་མས་དེད།
དཔའ་ངར་ངར་ཁོག་ལ་མི་ཆུད།
མཚོན་རྣོན་པོ་ཤུབས་ནས་མི་འདུག
དཔོན་ཆེན་པོའི་ཁ་བཟང་དོན་མེད་ཡིན།
ནམ་རིང་པོའི་རྨི་ལམ་སྟོང་བ་ཡིན།
དཔྱད་པ་སྔོན་ནས་བཏང་ན་མཁས་པ་ཡིན།
འགྱོད་པ་རྗེས་ནས་སྐྱེས་ན་ལྒིན་པ་ཡིན།
དཔྱིད་ཉི་རིང་པོར་དྲོད་གྲང་གསུམ།
མི་ཚེ་རིང་པོར་སྐྱིད་སྡུག་གསུམ།