༉  པདྨ་དགའ་ཚལ་ཆ་འོག་ བདེ་ཆེན་ཆོས་གླིང་ལས་ ཐུང་སེ་གིས་བཤད་མི་ནང་ བདེ་ཆེན་ཆོས་གླིང་གི་མིང་ཐོབ་ཐངས་འདི་ ཧེ་མའི་ཨ་རྒས་ཨང་རྒས་ཚུ་གི་ངག་རྒྱུན་ལྟར་དུ་འབད་བ་ཅིན་ དང་ཕུ་དང་ཕུ་འདི་ བདེ་ཆེན་ཆོས་གླིང་མེན་པར་ བདེ་སྐྱིད་གླིང་ཨིན་ཟེར་ བཤད་སྲོལ་ཡོདཔ་ཨིན་མས། དེ་སྦེ་ཨིན་དགོ་མི་རྒྱུ་མཚན་དེ་ཡང་ ནཝ་ཚཝ་མེད་ ཟ་འཐུང་ལོངས་སྤྱོད་ཡོདཔ་སྦེ་ དགའ་དགའ་སྐྱིད་སྐྱིད་སྦེ་སྡོད་སྡོདཔ་འབད་ནི་དེ་གིས་ བདེ་སྐྱིད་གླིང་ཟེར་ བཏགས་བཏགསཔ་ཨིནམ་སྦེ་བཤདཔ་མ་ཚད་ ངག་དབང་དྲག་པ་གིས་འབད་རུང་ ཧེ་མ་ཧེ་མ་ ཨ་རྒས་ཚུ་སྡོད་སའི་ས་ཆ་འཚོལ་འོང་པའི་སྐབས་ལུ་ ས་ཆ་ལེ་ཤ་འཚོལ་བའི་ནང་ལས་ བདེ་ཆེན་ཆོས་གླིང་དེ་ར་དགའ་ཏོག་ཏོ་དང་སྐྱིད་ཏོང་ཏོ་འོང་ནི་མས་ཟེར་ ས་ཆ་དེ་ནང་རང་ལོག་འོང་སྟེ་ཆགས་ཆགས་པའི་ལོ་རྒྱུས་བཤད་ནི་འདུག