པདྨ་དགའ་ཚལ་ ཤ་ལི་ལས་ མཁས་མཉམ་སྒྲོལ་མ་གིས་འཐེན་མི་ བཀྲ་ཤིས་ལ་སོགས་ལུང་པའི་ཕུ་ལུ་ ཟེར་མི་གླུ་གཞས་འདི་ མ་གཞི་རྒྱས་ཤིང་རྒྱསཔ་སྦེ་འཐེན་པ་ཅིན་ གསེར་ དངུལ་ དུང་ ཚུན་ཚོད་འཐེན་ནི་ཡོདཔ་ཨིན། ཨིན་རུང་ མོ་གིས་འཐེན་མི་འདི་ མགུ་ཏོ་ཁ་ལས་རྐྱངམ་ཅིག་འཐེན་ཏེ་འདུག གླུ་གཞས་འདི་ དགའ་སྟོན་ སྤྲོ་སྟོན་ལ་སོགས་པ་ག་ཅི་ར་ཨིན་རུང་ གླུ་ཡི་མཆོད་པ་སྣ་ཚོགས་ཕུལ་ཞིནམ་ལས་ མཇུག་བཀྲ་ཤིས་ཀྱིས་འབད་བསྡུཝ་ཨིནམ་དང་ བཀྲ་ཤིས་ཀྱི་གླུ་ཚིག་ཚུ་ཡང་ ནཝ་ཚཝ་ རྐྱེན་བར་ཆད་ས་ལོགས་པ་ག་ནི་མེད་པར་ དགའ་ཏོག་ཏོ་ སྤྲོ་ཏོག་ཏོ་སྦེ་འཛོམས་ཚུགས་ཅི་ ད་ལས་ཕར་འབད་རུང་ ནཝ་ཚཝ་ རྐྱེན་བར་ཆད་ལ་སོགས་པ་ག་ཅི་ཡང་མེད་པར་ ལེགས་ཤོམ་སྦེ་མཇལ་བའི་སྨོན་ཚིག་ཚུ་ཡོདཔ་ཨིན།