༉ པདྨ་དགའ་ཚལ་ ཤ་ལི་ལས་ ད་དགའ་པ་གིས་འཐེན་མི་གླུ་གཞས་ བྱ་མོ་ཨ་མའི་སེམས་ཟེར་མི་འདི་ བརྩམས་མི་དང་འབྱུང་ཁུངས་མ་ཤེས་རུང་ གླུ་གཞས་ཀྱི་ཚིག་ནང་ བྱ་མོ་ཨ་མའི་སེམས་པ་མ་སྐྱོ་ཞིག །ཤིང་གི་རྩེ་མོ་བསྐོར་ནས་ལོག་ནས་ཡོང་། །གཏན་ཀྱང་ཤིང་གི་རྩེ་ལུ་སྡོད་རྒྱུ་མེད། །ཤིང་གི་འབྲས་བུ་ཟ་ནས་ལོག་ནས་ཡོང་། །ཟེར་ མཇུག་བསྡུ་བསྡུཝ་རང་ འཐེན་མ་ཚུགས་རུང་ མགུ་ཏོ་ཁ་ལས་ ཧན་ཏོང་ཏོ་སྦེ་འཐེན་ནི་འདུག དེ་སྦེ་ གླུ་གཞས་ཚུ་ མཇུག་བསྡུ་བསྡུཝ་རང་འཐེན་མ་ཚུགས་མི་དེ་ཡང་ སྔར་སྲོལ་ལམ་ལུགས་བཟངམོ་ཚུ་ ཉམས་འགྱོ་བའི་རྟགས་མཚན་ཅིག་ཨིན་པས། ད་རེས་ནངས་པའི་ ན་གཞོན་ཨ་ལོ་ཚུ་གིས་འབད་རུང་ ལྷབ་ནི་གི་སྤྲོ་བ་བསྐྱེད་མི་མེད་པ་གིས་གཅིག་ ཁོང་ར་ཆ་ཁྱབ་ ལོ་ན་ཚོད་རྒས་སོངཔ་ལས་བརྟེན་ ཚིག་ཚུ་བརྗེད་དོ་འོང་ནི་མས། ད་ལྟོའི་གནས་སྟངས་ནང་ལུ་ཡང་ འདི་བཟུམ་གྱི་གླུ་གཞས་རྙིངམ་ཚུ་ འཐེན་ཤེས་མི་ལེ་ཤ་མེདཔ་མ་ཚད་ མ་འོངས་པ་ལུ་འདི་ འ་ནི་བཟུམ་གྱི་གླུ་གཞས་ཚུ་ མགུ་ཏོ་ཅིག་ཡང་ འཐེན་ཤེས་མི་ མི་འོང་ནི་ཨིན་པས།