ཕོ་དཔའ་མེད་ཀྱི་ལག་གི་མཚོན་ཆ་དེ།

ཕོ་དཔའ་མེད་ཀྱི་ལག་གི་མཚོན་ཆ་དེ། དགྲར་ཐུག་གིས་རང་མགོ་ལྕོགས་བྱེད་རེད།

རང་ངོ་ན་གཡག་འགྲོ་བ་མ་རིག་པ། མྱི་ངོ་ན་ཤིག་འགྲོ་བ་རིག་མཁན།

མྱི་ངན་པས་བཤད་ནི་དེ་འཁྱས་ནི་འདྲ། རྟ་ངན་པ་རྒྱུགས་ནི་དེ་བགུག་ནི་འདྲ།

ཨ་གཡོག་ལ་ཡང་གཡོག ཁྱིའི་སྐྱག་ལ་མཆོད་གཡོག

ཚིག་ཁ་རྩ་ནས་ཟད། སྒྲོ་ལུང་རྩ་ནས་ཆད།

ཆུ་ཕུ་རུ་གང་གི་ནང་ལ། ཉ་ཕུ་རུང་འདྲ་ཟིག་ཡོད་ཁ་མི་ཉན།

ཨ་བྲས་བསགས་པ་མཛོ་མོའི་ཁམ་གང༌།

ངན་ནི་ངན་ན་བཤད་ཁ་ཚ། བ་ལུ་བེའུ་འཁྱོག་གཟས་འགོ་རྒོད།

མྱི་གནོང་ཆེན་ལག་པས་ར་ར། རྟ་རྒྱབ་ཆད་རྔ་མ་འཚུབ་འཚུབ།

ཉལ་རོགས་པུས་མོ་སྐྱ་རིལ། འགྲོ་རོགས་གྲིབ་མ་ནག་ཆུང༌།

ཉེ་ངན་མ་ལ་འགལ་རྒྱུ་དང་ཚིག་ངན་མ་ལ་བརྗེད་རྒྱུ་མེད།

རང་རྒྱུ་ལ་སེར་སྣ། མི་རྒྱུ་ལ་ཧམ་པ།

སྦོ་ཕྱེད་རྐྱལ་བ། བྲང་ཕྱེད་ནུ་མ།

མྱི་སྐྱེ་སར་ཁྱི་སྐྱེས། ནས་སྐྱེས་སར་རམ་བུ་སྐྱེས།

རྒྱལ་པོའི་བཀའ་ཁྲིམས་རྒྱུ་ཡིས་བཤིགས། སྒོམ་ཆེན་ཕྱག་རྒྱ་ཤིག་གིས་བཤིགས།

བཟའ་ཕོ་ཁྱི་མོ་མདུང༌། དབྱུག་པ་སྐྱ་མདུང༌།

ནག་ནག་ལ་སྐྲ། དཀར་དཀར་ལ་སོ།

ངན་པས་བསྟོད་ར་མི་ཁྱག བོང་བུས་གསེར་སྒ་མི་ཁྱག

དགོས་པ་དམ་པའི་ལྷ་ཆོས་མེད་པར། མི་དགོས་འཇིག་རྟེན་བག་མའི་ལོ་རྒྱུས།

བལྟས་ཚོད་ཀྱི་མཛོ་མོ་དཀར་མོ་ལ། བཞོ་ཚད་ཀྱི་འོ་མ་དེ་ཙམ་མེད།

ཟོག་དཀྱིལ་ནས་བཞག་ན་མྱི་འདྲ། མྱི་དཀྱིལ་ནས་བཞག་ན་ཟོག་འདྲ་འདྲ།

བུའི་ཚོད་ཀྱི་བུ་མོ། ཁ་རྗེའི་ཚོད་ཀྱི་ཁ་ཕོར།

Mandala Collections Audio-Video