དགྲ་གཅིག་ཡོད་ཀྱང་མང་སས།

དགྲ་གཅིག་ཡོད་ཀྱང་མང་སས། གཉེན་བརྒྱ་ཡོད་ཀྱང་ཉུང་སེ།

སྤྱི་རྟ་ཡི་སྡུག་ཟིག་མེད། སྤྱིའི་མི་ཡི་དགའ་ཟིག་མེད།

ཤྭ་ཕོ་ཆེན་ལ་རེ་ཆེ། རྫ་ཁྲ་ཡག་ལ་བསྐུང་ཆེ།

བསོགས་བསམ་པའི་བུ་ལ་ལྟོགས་རྒྱུ་དང༌། ཟ་བསམ་པའི་བུ་ལ་བརྒྱགས་རྒྱུ་མེད།

མྱི་སེམས་ཨ་ར་བ་ར། དོགས་པ་མི་འཆར་དགུ་འཆར།

རྒོད་ཐང་དཀར་ཀྱི་བུ་དེ་ཇེ་དཀར། ཁྭ་ཏའི་བུ་དེ་ཇེ་ནག

ནད་འདྲི་ནད་ལ་མི་ཕན་ཀྱང༌། ནད་འདྲི་ནད་པའི་སེམས་རེད།

མི་ངན་ལ་དབང་ཆ་སྤྲད་ན། བསྟན་པ་འགོ་ནས་བཤིག

བཟི་མི་བཟི་རྩ་ཁམས་འཁྲུགས་ལུགས་རེད། སྨྱོ་མི་སྨྱོ་རང་སེམས་འགུགས་ལུགས་རེད།

གསེར་ས་འོག་ན་ཡོད་ན། འོད་ནམ་མཁར་ཁྱབ།

ཟས་ཁ་རིན་ཅན་ཟིག་ཟ་རག་བས། ལྟོ་བྱང་མའི་སྐེ་རགས་བསྡམ་ན་དགའ༌།

ཤྭ་བོའི་རྭ་ཐར་སར། ཡུ་མོའི་རྣ་མི་ཐར་དོན་མེད།

མྱི་མང་ཁ་དེ་འདྲེ་ཡིན། མྱི་མང་ལག་དེ་གསེར་ཡིན།

དཔོན་ལ་མི་སྐྲག་དབང་ལ་སྐྲག སྔགས་ལ་མི་སྐྲགས་མཐུ་ལ་སྐྲག

ཆོས་དྲེད་ཆོས་ཀྱིས་མི་ཐུལ། མར་སྐོགས་སྣུམ་གྱིས་མི་ཐུལ།

ཞིམ་ན་ཁམ་གང། སྙན་ན་ཚིག་གཅིག

ཚ་བས་ཁ་བསྲེགས་ནི་དང་འཁྱག་པས་སུན་ཕུང་ནི།

དེད་པས་དེད་ན་གྱོས་བོ་གྱོས་མོ་མགྱོགས།

ཆོས་ཁྲིམས་དར་གྱི་མདུད་པ།རྒྱལ་ཁྲིམས་གསེར་གྱི་གཉའ་ཤིང༌།

བཤད་པས་མི་འདག་བདེན་ཆགས་ཀྱི་བུ་ལོན། ཕྱིས་ནས་མི་འདག་ཐོད་པའི་གཉེར་མ།

བསམ་ནས་བཤད་ན་ཚིག་ཡིན། བསྡད་ནས་མིན་ན་ཟས་ཡིན།

མྱི་མྱིར་རིག་ན་བགད་ཁ་འཆོར། ཟོག་ཟོག་ལ་རིག་ན་མཁོན་ཁ་གཏུགས།

རྩ་བ་སྨན་ཡིན་ན། ཡལ་ག་དུག་ཡིན་མི་སྲིད།

བཟོ་ལག་ཤེས། ཚོང་ཐབས་ཤེས་ཡིན།

མཛོ་མོ་མང་ན་ཟོག་རྒྱུད་ཆད། གྲྭ་བ་མང་ན་མི་རྒྱུད་ཆད།

མི་དགའ་དགའ་ཁུལ་བྱེད་པ་དེ། སྐྱེ་ཤར་ལོ་ཇག་ལ་འགྲོ་ཉིན་རེད།

མི་སྡུག་སྡུག་ཁུལ་བྱེད་ནི་དེ། སྨད་བུ་མོ་གནས་ལ་འགྲོ་ཉིན་རེད།

མི་ལུས་ལེན་ཁར་ཁྱི་ལུས། དམྱལ་བར་འགྲོ་ཁར་དཔོན་ལུས།

མཐོན་པོའི་བྲག་ལ་འགས་ཡས་དམའ་མོའི་གཡང་ལ་ལྷུང༌།

བསམ་མེ་དུང་ན་བྱུང་ནི་ཡིན། བལྟས་ཡས་བགད་ན་འཕྱས་ནི་ཡིན།

Mandala Collections Audio-Video