05 Aug 2019
18 min 31 sec
Audio Overview
Creators:
Tashi Gyel
བག་གླུ་ནི་བག་མ་སྐྱེལ་བའི་སྐབས་སུ་ལེན་པའི་གླུ་དེ་ལ་བཤད།
- བསོད་ནམས་སྐྱིད།བུ་མོ་གནས་ལ་འགྲོ་དུས།
- ཕུ་ནུ་ཡིས་མོ་ལ་གླུ་ལེན་རྒྱུ་རེད།
- སློང་རྒྱུ་རེད།
- སྲིང་ཆུང་མ་ཉལ་སྲིང་ཆུང་ལོངས།
- སྲིང་ཆུང་ལངས་ནས་གནས་ལ་སོང་།
- ང་ཕུ་བོ་ལངས་ནས་སྐྱེལ་མ་བྱེད།
- སྲིང་ཆུང་མ་ངུ་ཁ་རོག་གེར་སྡོད།
- ཁ་རོག་གེ་སྡོད་དང་རྟ་ཞིག་སྟེར།
- རྟ་ལ་སྒ་ཞིག་གཏོད་ལ་སྟེར།
- སྲིང་ཆུང་མ་ངུ་ཁ་རོག་གེར་སྡོད།
- ཁ་རོག་གེར་སྡོད་དང་མཛོ་ཞིག་སྟེར།
- མཛོ་ལ་ཁལ་གཅིག་འགེལ་ནས་སྟེར།
- སྲིང་ཆུང་མ་ངུ་ཁ་རོག་གེར་སྡོད།
- ཁ་རོག་གེ་སྡོད་དང་འབྲི་ཞིག་སྟེར།
- འབྲི་ལ་ནུ་ལག་བཏུལ་ནས་སྟེར།
- དེ་ལྟར་བཤད་ནས་བསླངས་པ་རེད།
- ཡང་ངས་གླུ་ཞིག་བཤད།
- འདི་ཕ་རོལ་ལ་སྐྱེལ་ནས།
- སྐྱེལ་མཁན་ཚང་གིས་སྐྱེལ་ནས་སོང་སྟེ།
- གཉེན་ཚང་ཚང་ལ་ལེན་རྒྱུའི་གླུ་རེད།
- ངེད་ཚང་གི་ཨ་ཅེ་གསེར་མོ་མཚོ།
- གསེར་གྱི་བུ་ཡིས་ཁོར་བྱིན་ཟེར།
- གཉེན་དེ་ལ་མ་བྱིན་ཁྱེད་ཚང་ལ་བྱིན།
- ཁྱེད་ཚང་ལ་འགུགས་སྤྱད་ཅི་ཙམ་ཡོད།
- ངེད་ཚང་གི་ཨ་ཅེ་དངུལ་མོ་མཚོ།
- དངུལ་གྱི་བུ་ཡིས་ཁོར་བྱིན་ཟེར།
- གཉེན་དེ་ལ་མ་བྱིན་ཁྱེད་ཚང་ལ་བྱིན།
- ཁྱེད་ཚང་ལ་འགུགས་སྤྱད་ཅི་ཙམ་ཡོད།
- ངེད་ཚང་གི་ཨ་ཅེ་དུང་མོ་མཚོ།
- དུང་གི་བུ་ཡིས་ཁོར་བྱིན་ཟེར།
- གཉེན་དེ་ལ་མ་བྱིན་ཁྱེད་ཚང་ལ་བྱིན།
- ཁྱེད་ཚང་ལ་འགུགས་སྤྱད་ཅི་ཙམ་ཡོད།
- ཡང་གླུ་དེ་བླངས་པ་རེད།
- ཡང་གླུ་འདི་བླངས་པ་རེད།
- ངེད་ཚང་གི་ཨ་ཅེའི་སྐྲ་འདི་ད་སྐྲ་མ།
- ད་སྐྲ་རིན་ལ་རྟ་བརྒྱ་དགོས།
- རྟ་བརྒྱ་བོ་མེད་རུང་བརྒྱད་པོ་དགོས།
- བརྒྱད་པོ་དེ་རིང་ལག་གི་དགོས།
- ངེད་ཚང་གི་ཨ་ཅེའི་མིག་འདི་ཁྱུང་མིག་མ།
- ཁྱུང་མིག་རིན་ན་འབྲི་བརྒྱ་དགོས།
- འབྲི་བརྒྱ་བོ་མེད་རུང་བརྒྱད་པོ་དགོས།
- བརྒྱད་པོ་དེ་རིང་ལག་གི་དགོས།
- ངེད་ཚང་གི་ཨ་ཅེའི་སོ་འདི་དུང་སོ་མ།
- དུང་སོའི་རིན་ལ་ལུག་བརྒྱ་དགོས།
- ལུག་བརྒྱ་བོ་མེད་རུང་བརྒྱད་པོ་དགོས།
- བརྒྱད་པོ་དེ་རིང་ལག་གི་དགོས།
- ཡང་སྐྱེལ་མཁན་ཚང་གིས་ཁོང་ཚང་ལ་གླུ་འདི་བླངས་པ་རེད།
- ཡང་གླུ་འདི་སྐྱེལ་མཁན་ཚང་གིས་ཕ་རོལ་ལ་བླངས་པ་རེད།
- ཡང་ངེད་ཚང་གི་ཨ་ཅེ་གསེར་མོ་མཚོ།
- སྐྲ་གཡས་སྐྲ་ཤད་ལ་གསེར་སོ་དགོས།
- གསེར་གྱི་སོ་མང་ཆ་ཚང་དགོས།
- ངེད་ཚང་གི་ཨ་ཅེ་དངུལ་མོ་མཚོ།
- སྐྲ་གཡོན་སྐྲ་ཤད་ལ་དངུལ་སོ་དགོས།
- དངུལ་གྱི་སོ་མང་ཆ་ཚང་དགོས།
- ངེད་ཚང་གི་ཨ་ཅེ་དུང་མོ་མཚོ།
- སྐྲ་རྗེས་སྐྲ་ཤད་ན་དུང་སོ་དགོས།
- དུང་གི་སོ་མང་ཆ་ཚང་དགོས།
- ཡང་ཁོང་ཚང་ལ་གླུ་འདི་བླངས་པ་ཡིན།
- སྐྱེལ་ནས་འགྲོ་དུས།
- སྐྱེལ་མཁན་ཚང་གིས་ལེན་པའི།
- བུ་མོ་ཚོ་སྨྲེང་བའི་སྨྲེང་གླུ་རེད།
- བྲག་དང་ཤུག་པ་མཉམ་སྐྱེས་རེད།
- བྲག་ལ་བལྟས་ནས་ཤུག་པ་གཅོག
- གཅོག་གི་ཤུག་པ་སྙིང་རེ་རྗེ།
- ཐོ་རུ་ཐོ་མོ་མཉམ་སྐྱེས་རེད།
- ཐོ་རུར་བལྟས་ནས་ཐོ་མོ་བཙོང་།
- བཙོང་གི་ཐོ་མོ་སྙིང་རེ་རྗེ།
- བུ་དང་བུ་མོ་མཉམ་སྐྱེས་རེད།
- བུ་ལ་བལྟས་ནས་བུ་མོ་བཙོང་།
- བཙོང་གི་བུ་མོ་སྙིང་རེ་རྗེ།
- སྨྲེང་གླུ་འདི་བུ་མོ་ཚོས་བླངས་པ་རེད།
- ཡང་བསྐྱེལ་མཁན་ཚང་གིས་ཕ་རོལ་ལ་སྨྲེང་གླུ་ཞིག་ལེན་རྒྱུ་རེད།
- རྟ་འདོ་བ་ཞིག་ལ་སྐྱིད་སྡུག་གཉིས།
- སྐྱིད་དུས་སྤང་དཀར་ཐང་ན་ཡོད།
- སྡུག་དུས་སྐྱ་མོ་ལམ་ན་ཡོད།
- ལྕགས་ཕྲ་མོས་མ་རྒྱག་རྟ་བདག་ཚོ།
- མགོ་ཕུན་ཕུན་ལྡེམ་ན་སྙིང་རེ་རྗེ།
- མཛོ་ཁྱུང་དཀར་ཞིག་ལ་སྐྱིད་སྡུག་གཉིས།
- སྐྱིད་དུས་ཁྲ་ཡག་རྫ་ན་ཡོད།
- སྡུག་དུས་རི་ཞིང་ཁུག་ན་ཡོད།
- སྣ་ཚ་སྣ་མ་བྱེད་ལོག་རྒྱག་ཚོ།
- མགོ་ར་ཁ་ལྡེམ་ན་སྙིང་རེ་རྗེ།
- མ་བུ་མོ་ཞིག་ལ་སྐྱིད་སྡུག་གཉིས།
- སྐྱིད་དུས་ཕ་མའི་རྩ་ན་ཡོད།
- སྡུག་དུས་གནས་ཡུལ་ས་ན་ཡོད།
- ངོ་ནུབ་ལོག་མ་སྟོན་ཨ་ནེ་ཚོ།
- ངོ་ཏུའུ་མ་ཤོར་ན་སྙིང་རེ་རྗེ།
- དེ་ཡང་སྨྲེང་གླུ་ཞིག་རེད།
- བསྐྱེལ་ནས་འགྲོ་དུས་བག་མ།
- མ་སྲུ་ཚང་མ་སྨྲེང་ཡོད་པས།
- སྨྲེང་གླུ་དེ་ལེན་བཞིན་ཡོད།
- ཡང་སྨྲེང་གླུ་ཞིག་ལེན་རྒྱུ་རེད།
- སྨྲེང་གླུ་གསུམ་ལེན་རྒྱུ་ཡིན།
- བན་སེན་མོ་དབུས་ལ་འགྲོ་ནི་ཚོ།
- ནངས་སྔ་མོ་ལངས་ནས་སྒར་ལ་བལྟས།
- སྒར་ཁྲ་ཁྲ་རིག་ན་ཞེ་རེ་སྨྲེང་།
- ཞེ་སྨྲེང་རུང་སྒར་ལ་འགྲོ་དགོས་འདུག
- སྟག་ཤར་བ་ཇག་ལ་འགྲོ་མཁན་ཚོ།
- ནངས་སྔ་མོར་ལངས་ནས་རྟ་ལ་བལྟས།
- རྟ་ཤ་མེད་རིག་ན་ཞེ་རེ་སྨྲེང་།
- ཞེ་སྨྲེང་རུང་ཇག་ལ་འགྲོ་དགོས་འདུག
- མ་བུ་མོ་གནས་ལ་འགྲོ་མཁན་ཚོ།
- ནངས་སྔ་མོར་ལངས་ནས་ཕ་མར་བལྟས།
- དྲིན་ཕ་མ་རིག་ན་ཞེ་རེ་སྨྲེང་།
- ཞེ་སྨྲེང་རུང་གནས་ལ་འགྲོ་དགོས་འདུག
- སྨྲེང་གླུ་གསུམ་འདི་རེད།
- འདི་བླངས་ན་སྨྲེང་གླུ་ཚར་སོང་བ་རེད།
- གཉེན་ཚང་ཚང་གིས་ཨ་ཞང་ཚང་ལ་བླངས་པ་རེད།
- བག་མ་ཚང་ལ་བླངས་པ་རེད།
- གཉེན་ཚང་ཚང་གི་ཚུར་རོལ་ལ་བླངས་པ་རེད།
- ཡག་ག་ཡག་ག་རྫ་ལུང་ཡག
- རྫ་ལུང་ཝ་མོ་གྲལ་ག་ཡག
- ཡག་ག་ཡག་ག་སྤང་ལུང་ཡག
- སྤང་ལུང་མེ་ཏོག་བཞད་འདྲ་ཡག
- ཡག་ག་ཡག་ག་ད་ནངས་ཡག
- ད་ནངས་ཨ་ཞང་ཡོང་ཚུལ་ཡག་གི
- ཚུར་ལ་དེ་བླངས་པ་ཡིན།
- ད་རུང་བུ་མོ་ཚང་གི་མ་སྲུ་ཚོས།
- ད་རུང་སྐྱེས་བཞིན་ཡོད།
- བསྐྱེལ་ནས་གཉེན་ཚང་ཚང་གིས་ཕྱིར་བླངས་པ་རེད།
- ལམ་བར་ནས་ད་དུང་ཕྱིར་བླངས་ཏེ།
- ལེན་རེས་བྱེད་བཞིན་ཡོད།
- ཡག་ག་ཡག་ག་ད་ནངས་ཡག
- ད་ནངས་ཉི་མ་ཤར་ཚུལ་ཡག
- ཡག་ག་ཡག་ག་ད་ནངས་ཡག
- ད་ནངས་ཨ་ཞང་ཡོང་ཚུལ་ཡག་གི
- ཡག་ག་ཡག་ག་ད་ནངས་ཡག
- ད་ནངས་བག་མ་ཡོང་ཚུལ་ཡག་གི
- ཡང་གླུ་འདི་ཚུར་བླངས་པ་རེད།
- ཁོང་ཚང་གིས་ཚུར་བླངས་པ་རེད།
- ཡང་གཉེན་ཚང་ཚང་གིས་ཚུར་གླུ་བླངས་པ་རེད།
- དགུང་སྔོན་པོར་སྲུབས་ཀ་ཕྱེ་མཚམས་ནས།
- དགུང་ཉི་ཟླ་གཉིས་ཀ་ཤར་ཚུལ་ཡག
- ནང་དྲོད་ཁོལ་འཛོམས་པའི་རྟེན་འབྲེལ་རེད།
- རྫ་ཁྲ་ཡག་སྲུབས་ཀ་ཕྱེ་མཚམས་ནས།
- འབྲོང་རུ་དམར་གཉིས་ཀ་རྩེད་སྲོལ་ཡག
- ནང་རྫ་ཆུ་འཛོམས་པའི་རྟེན་འབྲེལ་རེད།
- ནང་ཁྲོམ་པ་སྲུབས་ཀ་ཕྱེ་མཚམས་ནས།
- མ་བུ་མོ་གནས་ལ་ཡོང་སྲོལ་ཡག
- བདག་ཞང་གསུམ་འགྲིག་པའི་རྟེན་འབྲེལ་རེད།
- གླུ་དེ་བླངས་པ་རེད།
- དེ་ལྟར་བུ་མོ་བསྐྱེལ་བའི་རིམ་པ་དེ་འདྲ་རེད།
- བཅོལ་གདམས་ཚང་མ་བླངས་པ་རེད།
- སྨྲེང་གླུ་བླངས་པ་རེད།
- གཉེན་ཚང་ཚང་གིས་ཀྱང་མུ་མཐུད་དུ།
- གླུ་རིམ་པ་འདི་འདྲ་ཞིག་བླངས་པ་རེད།
- བླངས་ན་ཁ་རྟེའུ་ཡང་ཁོང་ཚང་ལ་བྱིན་པ་རེད།
- ཁོང་ཚང་སྟེ་གཉེན་ཚང་ཚང་གིས།
- ཨ་ཞང་ཚང་གི་མ་སྲུ་ཚོ་ཕྱིར་འཁོར་ཞེས་བཤད་དེ།
- འདི་ནས་ལེགས་སྐྱེས་འདྲ་བ་སྟེར་བཞིན་ཡོད།
- ཀ་ར་སིལ་ཏོག་ཁོང་ཚང་གིས་སྟེར་བཞིན་ཡོད།
- དེ་ནི་དཔེ་ཡིན་ཏེ་སྟེར་དགོས་པ་རེད།
- མ་སྲུ་ཕྱིར་འཁོར་སྤྱད་ལ་སྟེར་དགོས།
- ཆང་སྟེར་དགོས་པ་རེད།
- ཤ་སྟེར་དགོས་པ་རེད།
- ཕྱིར་འཁོར་སྤྱད་ལ།
- ཤ་དེའི་མིང་ངས་ཤེས་ཀྱང་མི་ཤེས།
- འོད་སྲུང་།མ་སྲུ་ཇ་སྒུག
- འོད་སྲུང་།མ་སྲུ་ཇ་སྒུག་ཟེར་བ་ཞིག
- སྒུག་ཅིག་ཕྱིར་མ་སྲུ་ཚོར།
- ཕྱིར་འཁོར་སྤྱད་ལ་སྟེར་བའི་དཔེ་ཡོད།
- ཁོང་ཚང་གིས་དེ་དག་བྱིན་ཏེ།
- ཀ་ར་སིལ་ཏོག་ཤ་ཆང་ཚང་མ་བྱིན་ཏེ།
- མ་སྲུ་ཚང་ཕྱིར་འཁོར་ཞེས་བཤད་དེ།
- ཨ་ཞང་ཚང་གི་མ་སྲུ་ཚོ་ཕྱིར་འཁོར་ཞེས་བཤད་དེ།
- ངོ་མ་ཁོང་ཚང་གིས་ཕྱིར་མ་འཁོར་ན།
- ཕྱིར་གཏད་ནས་གོམ་པ་གཅིག་ཀྱང་སྤོས་སུ་འཇུག་པ་མ་རེད།
- ཕྱིར་གཏད་བརྒྱབ་ནས།
- གོམ་པ་གཅིག་ཀྱང་སྤོས་སུ་འཇུག་པ་མ་རེད།
- མ་སྲུ་ཚང་གིས་ད་རུང་།
- ཁོང་གི་བུ་མོ་མར་བསྐྱེལ་རྒྱུ་ཞེས་བཤད་དེ།
- དེ་བསྐྱེལ་ན་འདོད་ནས།
- ཚང་མ་སེམས་སྨྲེང་ནས་དེ་ལྟར་བསྡད་ཡོད་པས།
- གོམ་པ་གང་ཡང་།
- གཏོད་རེས་བྱེད་པ་རེད།
- མཚམས་དེ་ནས་ཕར་ཚུར་ལ་གཏད་དེ།
- རྔུལ་ཆུ་བཞུར་ཞོར་དུ།
- གཏད་ནས་ཁ་རྟེའུ་ཡི་སླེ་བོ་ལ་འཇུས་ཏེ།
Loading ... Collection:
Subcollection
- Amdo Tibetan Dialect
- Music of Amdo
- Northeastern Tibet (Amdo) Collections
Subject
- Wedding songs
Referenced Places
- Chentsa
Recording Location
- Triga
Language
- Amdo Group
Terms
- བག་སྟོན
Time Period:
Time:
19
Creator:
Tashi Gyel
Contributing Author:
ཀླུ་འབུམ་མཚོ།
Contributing Author:
Drolma Tso
Publisher:
Tibetan & Himalayan Library
Data Entry:
Copyright Owner:
Tibetan & Himalayan Library
Year Published:
2019
Visibility:
Public (group default)
Shanti AV Id:
39876
Date Issued:
Thursday, June 25, 2020
Media Type:
Sound
