མཆོད་མཆོད་མཆོད་ཕ་ལྷ་མ་ལྷ་མཆོད།།

:

བྱང་ལྷ་གཉན་པོ་གཡུ་རྩེ་མཆོད།།

:

སྐྱེས་པའི་མགོ་ཐོག་གི་དགྲ་ལྷ་མཆོད།།

:

ས་ཕྱོགས་ཀྱི་རྒྱལ་བོ་མཆོད།།

:

ཡུལ་ཕྱོགས་ཀྱི་དཔོན་པོ་མཆོད།།

:

མཆོད་མཆོད་མཆོད་ལ་གནམ་མཆོད།།

:

གནམ་འཁོར་ལོ་རྩིབས་བརྒྱད་འདི་མ་མཆོད་མ་བཀུར་ན།།

:

ཉི་ཟླ་སྐར་གསུམ་གྱི་འཆར་ས་རེད།།

:

ཐོག་འབྲུག་གློག་གསུམ་གྱི་འཁྱུག་ས་རེད།།

:

གསུམ་པའི་སྦྲང་ཆར་གྱི་འབབ་ས་རེད།།

:

མཆོད་མཆོད་མཆོད་ལ་བར་མཆོད།།

:

བར་བཀྲ་ཤིས་རྟགས་བརྒྱད་འདི་མ་མཆོད་མ་བཀུར་ན།།

:

གངས་རི་དཀར་བོ་ཆགས་ས་རེད།།སེང་གེ་དཀར་མོ་འགྱིང་ས་རེད།།བསྣན

:﹙﹚

རྩི་ཤིང་ཕྲ་མོ་སྐྱེ་ས་རེད།།

:

ཤ་རྒོ་མང་བོའི་བཞུར་ས་རེད།།

:

མཆོད་མཆོད་མཆོད་ལ་ས་མཆོད།།

:

ས་པད་མ་འདབ་བརྒྱད་འདི་མ་མཆོད་མ་བཀུར་ན།།

:

ཕ་དང་ཨ་ཁུས་རྟ་ར་རྒྱག་ས།།

:

མ་དང་སྲུ་མོས་སྒྱེད་པུ་འཛུགས་ས།།

:

བུ་དང་ཚ་བོ་འདབ་ལག་རྒྱས་ས་ཟེར་རྒྱུ་ཅན་གྱི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། གཏམ་ཞིག་མི་བཤད་ཞེས་ན་གཏམ་ཞིག་བཤད་དགོས་ཟེར་གི

:

གཏམ་ཆང་ཤེལ་དམ་གང་བོ་ཁྱེར་ནས་ཤོག་དང་།།

:

གཏམ་དར་འདོམས་པ་གང་བོ་ཁྱེར་ནས་ཤོག་དང་།།

:

རྟ་དཀར་བོ་ཞིག་གི་སྤུ་གྲངས་བཤད།།

:

ཚེ་རིང་ལུག་གི་བལ་གྲངས་བཤད།།

:

མགོ་ནག་མི་ཡི་སྐྲ་གྲངས་བཤད།།

:

དེ་འདྲ་མང་བོ་ཞིག་གང་ན་ཡོད་གི།

:

གཏམ་ཤ་རྭ་འདྲ་གི་གཏམ་ཞིག་གཏམ་ན།།

:

ར་ལག་རིང་ཐུང་མང་ནི་ཕྱི་དཀའ་གི

:

གཏམ་རྒོ་རྭ་འདྲ་གི་གཏམ་ཞིག་གཏམ་ན།།

:

ཐམ་ཀ་ཐེམ་ཀ་མང་ནི་བརྩི་དཀའ་གི།

:

གཏམ་ལུག་རྭ་དཀྲིས་འདྲའི་གཏམ་ཞིག་གཏམ་ན།།

:

བཤད་ནི་ཞིག་གིས་བཤད་སླ་གི།

:

ཉན་ནི་ཞིག་གིས་ཉན་སླ་གི།ཉི་མ་སེར་པོའི་ཡུན་ཐུང་གི།བསྣན

:﹙﹚

བཤད་གི་བྱི་ལུའི་སྙིང་ཆུང་གི།

:

ཙག་དང་བསེར་བུའི་ཁ་བཙན་གི།

:

ཉན་གི་མགྲོན་པོ་ཐུགས་བྲེལ་གི་ཟེར་རྒྱུ་ཅན་གྱི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། གྲལ་མགོའི་རྒད་པོ་དུང་གི་སྨ་ར་ཅན་ཚོས།།

:

ཚིག་གཅིག་ནོར་ན་བཀའ་བཀྱོན་མ་གནངས།།

:

གྲལ་སྐེད་གཡས་ཀྱི་གསར་བུ་རལ་བ་ཅན་ཚོས།།

:

ཚིག་གཉིས་ནོར་ན་དག་ཐེར་མ་བྱེད།།

:

གྲལ་འདབ་མོ་གསར་དུང་རྭ་ཅན་ཚོས།།

:

ཚིག་གསུམ་ནོར་ན་ཧབ་ཆ་མ་རྒྱག་ཟེར་རྒྱུ་ཅན་གྱི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། སྲིད་པ་དང་པོ་ཆུ་ནས་ཆགས།།

:

ཆུ་ཨ་པྲ་པ་ཏྲའི་ཁ་ནས་ཆགས།།

:

རྡོ་མ་མོ་འདྲ་ཞིག་ཉིན་ནས་ཆགས།།

:

ཤིང་ལྕགས་ཡུ་འདྲ་ཞིག་སྲིབ་ནས་སྐྱེས།།

:

ཤིང་ལྕགས་ཡུ་འདྲ་བའི་མགོ་ལ་རྒྱ་བྱ་ངང་བ་སེར་བོ་བབས།།

:

ཞྭ་མགོ་གྲུ་བཞི་དབུས་ལ་བསྐོར།།

:

དབུས་ཞྭ་མོ་གཅུགས་སེ་ཚོགས་ལ་ཞུགས།།

:

དབུས་སེམས་དར་གྱི་མདུད་པ་ཟེར་ར།།

:

རྔ་མདའ་ལེབ་མོ་རྒྱ་ལ་བསྐོར།།

:

རྒྱ་ཁྲིམས་ལྕགས་ཀྱི་གཉའ་ཤིང་ཟེར་ར།།

:

དུང་རི་སེར་བོ་བོད་ལ་བསྐོར།།

:

ཕྱིའི་ཁྲོམ་པ་འདི་ཡི་རྩེ་སྲོལ་དང་དགོད་སྲོལ་ཡག་གི་ཟེར་ར།།

:

ཡ། ངའི་ལག་གི་དཀར་ཡོལ་ཁྱུང་གཤོག་སྡེར་མ་འདི་ཡི་ལོ་རྒྱུས་དྲངས་གསུམ་གྱི་གཏམ་ཞིག་གཏམ་ན།

:

སྟོད་ནས་མ་མཆེད་སྨད་ནས་མཆེད།།

:

སྨད་རྒྱ་ནག་རྒྱལ་བོའི་ཡུལ་ནས་མཆེད།།

:

རྒྱ་མོ་ལག་དཀར་མིན་པ་ལས་ནི་མེད་གི།དྲེལ་བུ་ཁ་དཀར་མིན་པ་ཁུར་ནི་མེད་གིབསྣན

:﹙﹚

ཚོང་དཔོན་ནོར་བུ་མིན་པ་བཙོངས་ནི་མེད་གི།

:

དེ་ཉིན་སྦྱིན་བདག་ཁྱེད་རང་མིན་པ་ཉོ་ནི་མེད་གི།

:

འདི་ལ་བྱིན་པ་རྣམ་གསུམ་གྱི་གཏམ་ཞིག་གཏམ་ན།།

:

ཕ་དང་ཨ་ཁུས་རྟ་བརྒྱ་བྱིན་ཟིག

:

མ་དང་སྲུ་མོས་འབྲི་བརྒྱ་བྱིན་ཟིག

:

བུ་དང་ཚ་བོས་ལུག་བརྒྱ་བྱིན་ཟིག

:

བར་བ་གཡང་ཁ་བོ་དེས་རྟ་བརྒྱ་དང་ལུག་བརྒྱ་ཟེར་གི

:

ཕ་དང་ཨ་ཁུས་བདེན་གི་ཟེར་གི

:

བུ་དང་ཚ་བོས་སླ་གི་ཟེར་གི

:

མ་དང་སྲུ་མོས་མཐོ་གི་ཟེར་གི

:

འདིའི་ཁ་ན་བཀྲ་ཤིས་རྟགས་བརྒྱད་ཡོད་གི

:

ཕ་དང་ཨ་ཁུས་འཐུང་ན་སྐུ་ཚེ་བརྟན་གི

:

བར་ན་དུང་དཀར་གཡས་འཁྱིལ་ཡོད་གི

:

བུ་དང་ཚ་བོས་འཐུང་ན་ཁ་ལྕེ་དག་གི

:

ཞབས་ན་པད་མ་འདབ་བརྒྱད་ཡོད་གི

:

མ་དང་སྲུ་མོས་འཐུང་ན་ཁ་སེམས་སྐྱིད་གི་ཟེར་རྒྱུ་ཅན་གྱི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། དཀར་ཡོལ་ཁྱུང་གཤོག་སྡེར་མ་འདིའི་ནང་ན།

:

བདུད་རྩི་ཆང་གི་མགོ་ཁུ་ཡོད་གི

:

བདུད་རྩི་ཆང་གི་མགོ་ཁུ་འདི་ཡི་ལོ་རྒྱུས་དྲངས་གསུམ་གཏམ་ཞིག་གཏམ་ན།

:

སྨད་རྒྱ་ནག་ཡུལ་ནས་ནས་སྔོན་བཏབ་ཟིག

:

ནས་སྔོན་ལ་ཕུག་རོན་འདྲ་ཟིག་ཡོད་གི

:

སྟོད་རྒྱ་གར་ཡུལ་ནས་ནས་དཀར་བཏབ་ཟིག

:

ནས་དཀར་ལ་དུང་དཀར་འདྲ་ཟིག་ཡོད་གི

:

ཕྱིའི་ཀ་ཅུའི་ཡུལ་ནས་ནས་དམར་བཏབ་ཟིག

:

ནས་དམར་ལ་དེ་དམར་འདྲ་ཟིག་ཡོད་གི

:

ཞིང་ཆུ་མ་གསུམ་གྱི་སྔོ་ཏོག་བྲེགས་ཟིག

:

གཡུལ་ཁ་གསུམ་གྱི་གཡུལ་ངོ་བསྡུས་ཟིག

:

ར་རྫ་ཨ་ག་དཀྱུས་ནས་མཆེད།།

:

ར་ཤིང་དང་མ་ནགས་ནས་མཆེད།།

:

སླ་ང་ཁྲ་རིལ་མ་བོ་ཙི་འདུ་སྲང་ནས་མཆེད།།

:

ཆང་བཙོས་ཆང་བཙོས་ཟེར་ནས་གཡག་རྭ་སྐམ་པོ་བཙོ་བཙོ་བྱས་ཟིག

:

ཆང་སྙོལ་ཆང་སྙོལ་ཟེར་ནས་བརྒྱད་བཅུའི་རྒན་མོ་བསྙལ་བསྙལ་བྱས་ཟིག

:

ཆང་ལོངས་ཆང་ལོངས་ཟེར་ནས་གཅེས་ཕྲུག་བྱིས་པ་ལེན་ལེན་བྱས་ཟིག

:

ཐག་རིང་མགྲོན་པོ་ཐོན་ཡོང་ཟིག

:

ཐག་ཉེའི་མགྲོན་པོ་ཁྲིད་ཡོང་ཟིག

:

ཡ། ཐག་རིང་ཐག་ཉེའི་མགྲོན་པོ་གཉིས་ཀ་ཆང་འདིར་ཆང་མིང་ཞིག་དྲོངས་ཟེར།

:

བདུན་གཅིག་གི་བདུན་ཆང་དྲོན་མོ་ཟེར་ར།

:

ཟླ་གཅིག་གི་ཟླ་ཆང་བསིལ་མ་ཟེར་ར།ལོ་གཅིག་གི་ལོ་ཆང་ཁམ་པ་ཟེར་ར། བསྣན

: ﹙﹚

ཡ་ཁ་དངུལ་ལུང་ཡིན་པས་འཇིབ་ཤེས་བྱེད་དགོས།།

:

མ་ཁ་གསེར་ལུང་ཡིན་པས་འཐུང་ཤེས་བྱེད་དགོས།།

:

མིད་ཐག་ཟངས་མའི་བུ་གུ་ཡིན་པས་མིད་ཤེས་བྱེད་དགོས།།རྒྱུ་མ་བཀྲ་ཤིས་་འཁྱིལ་བ་ཡིན་པས་ཁུག་ལ་ལེན་དགོས།།

:

ཕོར་བ་འདི་གང་འཐུང་ན་རིག་པ་གསལ་བ་ཁྲ་དང་འདྲ་གི་ཟེར་གི

:

ཕོར་བ་འདི་དོ་འཐུང་ན་མིག་རྡོ་ཆེ་བ་སྟག་དང་འདྲ་གི་ཟེར་གི

:

ཕོར་བ་འདི་གསུམ་འཐུང་ན་བདག་འཛིན་མེད་པ་ཁྱི་དང་འདྲ་གི་ཟེར་གི

:

ཆང་འདི་ཡི་ལོ་རྒྱུས་དྲངས་གསུམ་གྱི་གཏམ་རེ་བཤད་ན་དེ་འདྲ་ཞིག་རེད་

:

ཡ། ངའི་ལག་གི་ཁ་བཏགས་འདོམས་ཆེན་པོ་འདིའི་ལོ་རྒྱུས་དྲངས་གསུམ་གྱི་གཏམ་རེ་ གཏམ་ན།

:

སྨད་ནས་མ་མཆེད་སྟོད་ནས་མཆེད།།སྟོད་ཀྱི་དབུས་གཙང་ཡུལ་ནས་མཆེད།།ཐགས་བ་འཇམ་པའི་དབྱངས་ཀྱིས་འཐག་ནས་ཡོང་།།

:

ཚོང་དཔོན་ནོར་བུ་མིན་པ་བཙོངས་ནི་མེད་གི།

:

སྟོད་རྒྱ་གར་ཡུལ་ལ་ཁྱེར་ན་ཕ་བླ་མ་བཟང་བོའི་མཇལ་དར་ཉན་གི

:

དེ་ཉིན་སྦྱིན་བདག་ཁྱེད་རང་མིན་པ་ཉོ་ནི་མེད་གི།

:

སྨད་རྒྱ་ནག་ཡུལ་ལ་ཁྱེར་ན་དཔོན་པོ་བཙན་པོའི་ཁྲིམས་དར་ཉན་གི

:

ཕྱིའི་ཀ་ཅུའི་ཡུལ་ལ་ཁྱེར་ན་བྱི་ལུ་ང་འདྲའི་གྲལ་དར་ཉན་གི་ཟེར་རྒྱུ་ཅན་གྱི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། མག་གཞིས་ཚེ་རིང་དོན་འགྲུབ་ཁྱོད་ལ་འདིར་ཕྲུག་ཞིག་ཡོད་པ་འདིའི་ལོ་རྒྱུས་དྲངས་ གསུམ་གྱི་གཏམ་རེ་གཏམ་ན།

:

འདི་ཚེ་རིང་ལུག་གི་རྒྱབ་ན་ཡོད་གི།

:

མཐོ་མི་ཉན་བལ་ལ་གནོད་གི།

:

ད་རྒྱ་གྲི་རྣོན་པོས་རྡོ་ལ་དྲུད་ནས།

:

དམའ་མི་ཉན་ལུག་ལ་གནོད་གི།

:

བར་སྣང་ཁམས་ནས་འབྲེག་ཤེས་གྱིས།

:

མཚོ་ཨ་མ་རྒྱལ་མོའི་ཕྱག་ལ་ཞོག་དང་།

:

དངུལ་གྱི་འཕང་བ་གྱེན་ལ་བསླངས་ནས།

:

གསེར་གྱི་རྡོ་ལོ་འཕྲེད་ལ་སྒྲིལ་ནས།

:

ཤུར་རེ་བཀལ་ནས་ཨེ་མཛའ་བལྟས་ཟིག

:

ཤུར་རེ་བཀལ་ནས་མཛའ་གི་རྫས་ཟིག

:

ཤུར་རེ་བཀལ་ནས་ཨེ་ཡག་བལྟས་ཟིག

:

ཤུར་རེ་བཀལ་ནས་ཡག་གི་རྫས་ཟིག

:

ཐགས་བ་འཇམ་པའི་དབྱངས་ཀྱི་ཕྱག་ལ་བཞག་ཟིག

:

བཀབ་ཆེན་འབྲུག་རྒོད་གྲགས་གྲགས་བྱས་ཟིག

:

བཀབ་ཆུང་གློག་དམར་ཕྲ་ཕྲ་བྱས་ཟིག

:

ལག་པ་གླག་མོ་གཞོལ་གཞོལ་བྱས་ཟིག

:

བཀབ་རེ་འཐག་ནས་ཨེ་ཡག་བལྟས་ཟིག

:

བཀབ་རེ་འཐག་ནས་ཡག་གི་རྫས་ཟིག

:

བཀབ་རེ་འཐག་ནས་ཨེ་མཛའ་བལྟས་ཟིག

:

བཀབ་རེ་འཐག་ནས་མཛའ་གི་རྫས་ཟིག

:

བཟོ་ཀོང་ཙེ་རྒྱལ་པོའི་ཕྱག་ལ་བཞག་ཟིག

:

གནམ་སྔོན་མོ་རྒྱ་གྲི་རྣོན་པོས་འདྲ་མ་སྔ།

:

རྒྱ་ཁབ་རྣོན་པོས་འབུགས་མ་སྔ།

:

གནམ་སྔོན་པོར་བལྟས་ནས་ཕྱི་མ་བཅད།

:

སྤྲིན་དཀར་བོ་བལྟས་ནས་ནང་མ་བཅད།

:

སྤྲང་པོ་གས་ཆག་ལ་བལྟས་ནས་གོང་བ་བསྒོར།སྐར་མ་ཞིག

:（）

སྨིན་དྲུག་ཁྲ་མོར་བལྟས་ནས་ལྟག་གཙུབས་བྱས།

:

སྲོག་རྩ་དར་དཀར་འཕྱར་འདྲ་ཟེར་ར།

:

བྲང་ཁ་མེ་ལོང་བརྒྱན་འདྲ་ཟེར་ར།

:

ཕུ་རུང་གཡས་པ་གོན་ན་སྟག་གོན་ཟེར་ར།གོནཁ་སྐད་དུ་འགྲོའི་ཟེར

:（—）

ཕུ་རུང་གཡོན་པ་གོན་པ་གཟིག་གོན་ཟེར་ར།གོནཁ་སྐད་དུ་འགྲོའི་ཟེར

:（—）

ག་འོག་མའི་ག་ཁ་ནང་བསྐོར་ན།

:

ཟས་ཁ་དང་ཟོག་ཁ་ནང་བསྐོར་ནི་ཟེར་ར།

:

ག་ཐོག་མའི་ག་ཁ་ཕྱིར་བསྐོར་ན།

:

དགྲ་ཁ་དང་གྱོད་ཁ་ཕྱིར་བསྐོར་ནི་ཟེར་ར།

:

ཕྲུག་རྒྱ་སེ་འདི་ཡི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། མག་གཞིས་ཚེ་རིང་དོན་འགྲུབ་ཁྱོད་ལ་འདིར་ལྭ་བཏགས་སྐེ་རགས་ཞིག་ཡོད་གི

:

ལྭ་བཏགས་སྐེ་རགས་ཞིག་ཡོད་པ་འདིའི་ལོ་རྒྱུས་དྲངས་གསུམ་གྱི་གཏམ་རེ་གཏམ་ན།

:

དཀྲིས་བཅུ་གསུམ་དང་མདུད་པ་བཅུ་གསུམ་ཟེར་གི།

:

དེ་འདྲ་མང་པོ་ཞིག་གང་ན་ཡོད་གི།

:

དཀྲིས་གསུམ་དང་མདུད་པ་གསུམ་ཟེར་གི།

:

དཀྲིས་གཅིག་གི་མདུད་པ་སྔོན་ལ་བསྐོར་ན་ཕོ་ལྷའི་སྐལ་ཡིན་ཟེར་ར།

:

དཀྲིས་གཅིག་གི་མདུད་པ་འགྲམ་ལ་བསྐོར་ན་དགྲ་ལྷའི་སྐལ་ཡིན་ཟེར་ར།

:

དཀྲིས་གཅིག་གི་མདུད་པ་རྒྱབ་ལ་བསྐོར་ན་བུ་རང་རང་གི་སྐལ་ཡིན་ཟེར་རྒྱུ་ཅན་གྱི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། ད་བརྒྱན་པ་རྣམ་གསུམ་གྱི་གཏམ་རེ་གཏམ་ན།

:

དཀར་ཡོལ་འབྲུག་རིས་མ་བོ་ཆ་སྒམ་གྱི་བརྒྱན་རེད།

:

འཁར་ཟངས་སླ་ངཁྲ་རིལ་མ་བོ་ཐབ་ཀའི་བརྒྱན་རེད།

:（）

མ་གསར་དུང་རྭ་ཅན་པོ་མགྲོན་གྱི་བརྒྱན་རེད།

:

བརྒྱན་པ་རྣམ་གསུམ་གྱི་གཏམ་རེ་གཏམ་ན་དེ་འདྲ་ཞིག་རེད།

:

ཡ། མཛའ་བ་རྣམ་གསུམ་གྱི་གཏམ་རེ་གཏམ་ན།

:

སྡིག་ཆེན་དོམ་གྱི་པགས་པ་འདི།

:

སྡིག་མེད་བླ་མའི་དབུ་ན་མཛའ།

:

ཚེ་ཟད་ལྦ་མོའི་གྲ་ཁ་འདི།

:

ཞང་བོ་མགྲོན་པོའི་མགོ་ན་མཛའ།

:

ཚེ་རིང་ལུག་གི་ཚ་རུ་འདི།

:

ཚེ་ལོའི་བུ་ཚའི་རྒྱབ་ན་མཛའ།

:

མཛའ་བ་རྣམ་གསུམ་གྱི་གཏམ་རེ་གཏམ་ན་དེ་འདྲ་ཞིག་རེད།

:

ཡ། མི་མཛའ་བ་རྣམ་གསུམ་གྱི་གཏམ་རེ་གཏམ་ན།

:

བླ་མ་གསེར་ཞྭ་ཅན་ལ་རྟ་རྒྱུགས་མི་མཛའ།

:

ཕོ་གསར་གྲི་ཐུང་ཅན་ལ་ཆག་ལག་མི་མཛའ།

:

མ་གསར་དུང་རྭ་ཅན་ལ་རྒྱབ་ལག་མི་མཛའ།

:

མི་མཛའ་བ་རྣམ་གསུམ་གྱི་གཏམ་རེ་གཏམ་ན་དེ་འདྲ་ཞིག་རེད།

:

མི་དལ་བ་རྣམ་གསུམ་གྱི་གཏམ་རེ་གཏམ་ན།

:

གཡག་བུ་ཞོན་ན་ཡོབ་མི་དལ།

:

སྤེན་མ་བུས་ན་ལག་མི་དལ།

:

ལྕམ་མ་ངན་ན་ཁ་མི་དལ།

:

མི་དལ་བ་རྣམ་གསུམ་གྱི་གཏམ་རེ་གཏམ་ན་དེ་འདྲ་ཞིག་རེད།

:

ཡ། མི་ཕངས་རྣམ་གསུམ་གྱི་གཏམ་རེ་གཏམ་ན།

:

ཉེ་ལེ་བཟང་བོར་སྦྱིན་ན་མི་ཕངས།

:

བླ་མ་བཟང་བོར་འབུལ་ན་མི་ཕངས།

:

ས་ཞིང་བཟང་བོར་བཏབ་ན་མི་ཕངས།

:

མི་ཕངས་རྣམ་གསུམ་གྱི་གཏམ་རེ་གཏམ་ན་དེ་འདྲ་ཞིག་རེད་ཟེར་རྒྱུ་ཅན་གྱི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། ཅོ་ནེ་དཔོན་པོ་འདི་ཡི་དར་རབས་དང་རྒྱས་རབས་ཀྱི་གཏམ་རེ་གཏམ་ན།

:

ཡ་འདི་སྨད་ནས་མ་མཆེད་སྟོད་ནས་མཆེད་ཟིག།

:

སྟོད་བཀྲ་ཤིས་ལྷུན་པོའི་གཡས་ཟུར་ནས་མཆེད་ཟིག།

:

ཉི་མ་སེར་པོར་སྔ་ཆད་བྱས་ཟིག

:

ཟླ་བ་དཀར་བོར་ཕྱི་ཆད་བྱས་ཟིག

:

ཤྭ་བོ་བཞིན་འདྲ་བཅིབས་ནས་ཡོང་ཟིག

:

ཡུ་མོ་བཞིན་འདྲ་དེད་ནས་ཡོང་ཟིག

:

ས་ཅོ་ནེ་མདོ་ལ་ཐོན་ཟིག

:

རྟ་ཕུར་གསུམ་གྱི་བརྡབས་སྔ་བྱས་ཟིག

:

སྒྱེད་པུ་གསུམ་གྱི་འཛུགས་སྔ་བྱས་ཟིག

:

མི་རྒོད་བཙོན་ལ་བཟུང་ཟིག

:

རྟ་རྒོད་སྒྲོག་ལ་བཅུག་ཟིག

:

ཁམས་གསུམ་དབང་དུ་བསྡུས་ཟིག

:

སྟོང་གསུམ་ཟིལ་གྱིས་མནན་ཟིག

:

རྒྱ་མ་སྦྲུལ་མགོ་མ་བོ་བོད་ལ་བསྐོར་ནས།

:

བོད་ཀྱི་ཡུལ་ནས་མར་ཁྲལ་བསྡུས་ཟིག

:

ཏི་ཙེ་སྲང་ཁ་མ་བོ་ཐེ་བོར་བསྐོར་ནས།

:

ཐེ་བོའི་ཡུལ་ནས་གསེར་ཁྲལ་བསྡུས་ཟིག

:

རྒྱ་བྲེ་ལྕགས་ཁ་མ་བོ་རྒྱ་ལ་བསྐོར་ནས།

:

རྒྱ་ཡི་ཡུལ་ནས་ནས་ཁྲལ་བསྡུས་ཟིག

:

ཅོ་ནེ་དཔོན་པོ་འདི་ཡིས་དཀར་བོའི་ཆོས་ལས་བྱེད་པའི་ཉི་མར།

:

དུང་དཀར་བོའི་ཁོག་པ་དང་འདྲ་གི་ཟེར་གི

:

བུས་ན་གྲགས་གི་ཟེར་གི

:

བལྟས་ན་ཡག་གི་ཟེར་གི

:

དཀར་བོའི་ཆོས་ལས་བྱས་ནི་ཟེར་ར

:

ནག་པོའི་དགྲ་ལས་བྱེད་པའི་ཉི་མར།

:

མགར་བའི་སོག་བརྡར་དང་འདྲ་གི་ཟེར་གི

:

བལྟས་ན་བཙོག་གི་ཟེར་གི

:

དྲུད་ན་ཆོད་གི་ཟེར་གི

:

ནག་པོའི་དགྲ་ལས་བྱས་ནི་ཟེར་ར

:

ཅོ་ནེ་དཔོན་པོ་འདི་ཡི་ལོ་རྒྱུས་དྲངས་གསུམ་གྱི་གཏམ་ཞིག་བཤད་ན་དེ་འདྲ་ཞིག་རེད།

:

ཡ། ཅོ་ནེའི་དགོན་པ་འདི་ཡི་དར་རབས་དང་རྒྱས་རབས་ཀྱི་གཏམ་རེ་གཏམ་ན།

:

མཁར་རྟིང་རྡོ་ཡིས་རྩིག་ན་ཨེ་འདུག་བལྟས་ཟིག

:

འདུག་ནོ་བྱས་ཟིག

:

མཁར་ཁ་གསེར་གྱིས་བརྒྱན་ནས་ཨེ་ཡག་བལྟས་ཟིག

:

ཡག་ནོ་བྱས་ཟིག

:

འདུ་ཁང་ཁྲ་རིལ་མ་བོའི་ནང་དུ་ཚོགས་འཚོགས་ནི།

:

ཇ་ཅན་སྨུག་རིལ་མ་བོའི་ནང་དུ་ཇ་བཞེས་ནི།

:

རྔ་ངོ་གཉིས་མའི་བདག་པོ།

:

དྲིལ་བུ་དྲིལ་གཅིག་གི་བདག་པོ།

:

སྦུབས་ཁ་གཉིས་མའི་བདག་པོ།

:

ཌ་རུ་མགོ་གཉིས་མའི་བདག་པོ།

:

སྦུབས་ཨ་མདོའི་ཡུལ་ནས་རྡུང་ན།

:

སྦུབས་སྐད་གཤིན་རྗེའི་ཡུལ་ན་ཡོད་གི་ཟེར་གི

:

ཌ་རུ་ཨ་མདོའི་ཡུལ་ནས་གསིལ་ན།

:

ཌ་སྐད་གཤིན་རྗེའི་ཡུལ་ན་ཡོད་གི་ཟེར་གི

:

གསོན་པོ་ཆོས་བསོད་ཅན་གྱི་ཆོས་རེད་ཟེར་གི

:

ཤི་བོ་དགེ་སེམས་ཅན་གྱི་དགེ་རེད་ཟེར་གི

:

ཡ། འཕགས་པ་བཤད་སྒྲུབ་ཀྱི་གདན་ས་ཟེར་གི

:

ཅོ་ནེའི་དགོན་པ་འདི་ཡི་དར་རབས་དང་རྒྱས་རབས་ཀྱི་གཏམ་རེ་གཏམ་ན་དེ་འདྲ་ཞིག་རེད་ཟེར་ར།

:

ཡ། ཅོ་ནེའི་འོག་སྒང་འདི་ཡི་དར་རབས་དང་རྒྱས་རབས་ཀྱི་གཏམ་རེ་གཏམ་ན།

:

ཤིང་ཙན་དན་ལྟ་བུ་སྐྱེ་སྐྱེ་བྱས་ཟིག

:

རྩེ་མོ་རྒྱས་ནས་ནམ་མཁའ་གང་ཟིག

:

སྤྲིན་དཀར་བོའི་བཞུད་ལམ་བཀག་ཟིག

:

ཆ་ལོ་རྒྱས་ནས་བར་སྣང་ཁེབས་ཟིག

:

བྱ་རྒོད་པོའི་འཕུར་ལམ་བཀག་ཟིག

:

རྩད་པ་རྒྱས་ནས་ས་གཞི་ཁེབས་ཟིག

:

འདོ་རིགས་རྟ་ཕོའི་རྒྱུགས་ལམ་བཀག་ཟིག

:

ཡ། ལ་ཏ་རྒྱ་བྲེ་གང་གི་མི་སྡེ་ཟེར་གི

:

ལུང་བ་ལྕགས་ཀྱི་གཞོང་བ་འདྲ་འདྲའི་ནང་།

:

བུ་རྟ་ལྕགས་ཀྱི་ཐོ་བ་འདྲ་འདྲ་འབུད་ར་ཟེར་གི

:

ལུང་བ་ལྕགས་ཀྱི་སྒམ་བུ་འདྲ་འདྲའི་ནང་།

:

བུ་རྟ་ལྕགས་ཀྱི་སེར་བ་འདྲ་འདྲ་འབུད་ར་ཟེར་གི

:

ཅོ་ནེའི་འོག་སྒང་འདི་ཡི་དར་རབས་དང་རྒྱས་རབས་ཀྱི་གཏམ་རེ་གཏམ་ན་དེ་འདྲ་ཞིག་རེད་ཟེར་ར།

: