A Collection Of Proverbs from Sertar -9 | Mandala Collections - Audio-Video

24 Mar 2016

60 sec

Audio Overview

Creators:

Nyanyang Group

A nomadic proverb from Sertar, Ganzi Prefecture, Sichuan

Proverbs from Nomadic Areas of Sichuan

ཁ་རྒྱ་གཞི་འདྲ་ཞིག་བཀུག
རྔ་མ་སྦོམ་ལོག་འདྲ་ཞིག་མདུད།
རྟ་ཕོ་རྒྱུགས་ལུགས་འདྲ་རུང་།
ར་བཞིའི་སྐོར་སྟངས་ཁ་ཁ་ཡིན།
སྔ་དྲོ་ཤ་ཡིན་ཟེར་ནས་མགོ་ར་དར་འཛེར།
ཕྱི་དྲོ་རྒོ་ཡིན་ཟེར་ནས་འཕུང་ལ་རྩམ་སྐྱ་འདྲེད།
ཁྲུང་ཁྲང་དཀར་མོ་གནམ་གི་རྒྱུད།
ཕོ་རོག་ནག་པོ་ས་ཡི་རྒྱུད།
ཕོ་རོག་ནག་པོའི་སྡུག་སྒྲུབ་གིས།
བྱ་ངང་པ་སེར་པོ་འདམ་ལ་གཡུག
བསོད་ཟད་མིག་གིས་ཡར་ལ་བལྟས།
ལ་ཁའི་རྡོ་ལུ་ཟུར་ལ་འགྲིལ།
ཁྲག་གྲོད་ནང་གི་ཐུར་མ་འདི།
ཁུག་ན་ཡོད་ནོ་འབུར་ལ་ཕུད།
ཕར་བཤད་ཚིག་གི་འཕྱར་རི།
ཚུར་བཤད་ཚིག་གི་འཕྱར་ལོང་།
ཚེར་མ་ཁུར་གི་ཁུར་གདན་དགོས།
རྟ་རེ་གཡུག་གི་སོག་གདན་དགོས།
ཕོ་སེམས་བཙོན་ལ་བཟུང་ནས་མདངས་རྒྱོབ།
བྱང་དཀར་ཐང་ལ་བཀོད་ནས་ཐིག་རྒྱོབ།
གྱོད་མགོ་རྐང་བཤད་བྱེད་ཚིག་རེད།
འདིའི་བར་འདི་གཟི་དང་དཔུང་བ་རེད།
དེའི་མཐའ་མ་འདི་ཕྱི་མདོ་འགག་རེད།
ཕོ་ངན་ཚིག་ག་ནང་ལ་ཟོས།
རིགས་ངན་ཁ་སྤུ་ནང་ལ་གཡོན།
བཅག་བཅུག་རྫ་མའི་ཐོག་ལ་གཡུག།
མགོ་མི་གཅིག་གི་ཞ་ལུང་ཁ་ཁ་རེད།
དཔོན་མི་གཅིག་གི་སྡེ་བ་ཁ་ཁ་རེད།