A Collection Of Proverbs from Sertar -5 | Mandala Collections - Audio-Video

24 Mar 2016

58 sec

Audio Overview

Creators:

Nyanyang Group

A nomadic proverb from Sertar, Ganzi Prefecture, Sichuan

Proverbs from Nomadic Areas of Sichuan

ཝ་ཤུལ་དཔོན་ཚང་།
ཁྲིམས་ར་བ་དན་གོང་མ།
ཁྲིམས་དཀར་པོའི་ཆོན་ཐག་རྒྱོང་ས།
རྟ་རག་དཀར་གཡས་བཏགས་གཡོན་བཏགས།
གོས་ཕུ་ཐུང་གཡས་འཕེན་གཡོན་འཕེན་བྱེད་ས།
གུར་དཀར་ཆུང་མིན་ནས་མགོ་སྒུར་མ་མྱོང་།
ལྷ་བླ་མ་མིན་པའི་ཕྱག་མཚལ་མ་མྱོང་།
ཡིན་ནི་ཡིན་ན།
དགྲ་སེམས་ཀྱིས་ཐུབ་དུས་དཔའ་བོ་རེད།
དུག་ཕོ་ནས་ཞུ་དུས་བདུད་རྩི་རེད།
མི་ངན་ཡུལ་ན་མེད་ན་ཡུལ་གཙང་།
རྟ་ངན་སྒོ་ན་མེད་ན་སྒོ་གཙང་།
ཁ་ལྷན་ཏུ་གྲགས་ནས་ཁ་བརྡ་བྱེད་དགོས།
མགོ་ལྷན་ཏུ་བཞག་ནས་སྙིང་གཏམ་བཤད་དགོས།
བཤད་ནི་ཡིན་ན་གཟི་བ་གཟའ་བདུད་ཀྱི་ངོ་འཚོས།
གྱོད་པ་གནམ་ལྕགས་ཀྱི་ཐོག་ཡོད་ས།
ངོ་རིག་ན་ངུ་ཁ་ལུག་ས།
རྒྱབ་རིག་ན་རྒྱུད་པ་འདར་ས།
ཚིག་ལ་བདེན་མེད་ན།
རྫུན་ལ་འདྲ་ཆགས་དགོས།
བཤད་ནི་ཡིན་ན།
དཔོན་ཁྲི་ཐོག་གི་བསྡད་ན།
བློན་རྟ་ཐོག་གི་བསྡད་ནི་ཡིན་ན།
བཤད་ན་གཏམ་གྱི་ཡར་དགའ་རྒྱ་ཆེ་བ།
ཚིག་གིས་ཚིག་རྒུལ་རྒྱུ་རེད།
ཉི་མས་ཤུག་རྒུལ་རྒྱུ་རེད།