A Collection Of Proverbs from Sertar -3 | Mandala Collections - Audio-Video

24 Mar 2016

1 min 3 sec

Audio Overview

Creators:

Nyanyang Group

A nomadic proverb from Sertar, Ganzi Prefecture, Sichuan

Proverbs from Nomadic Areas of Sichuan

བཤད་ནི་ཡིན་ན།
སྟོད་ཤར་གྱི་ཤར་རྐྱ་དེད་རབས།
ཤ་མ་སོད་རྨོན་པ་སྡུག་རབས།
ཕ་ཕྱུག་པོས་བེའུ་ལུག་འཚོས་རབས།
འཚོ་མ་ཤེས་མུག་པས་ཤི་རབས།
བྲེ་བཙན་སྒང་གིས་བཤས་ན།
གཟུགས་བཞི་ཞོར་ལ་འབབ་ནི་རེད།
ཡིན་ནི་ཡིན་ན།
དགུར་པོ་དཀྱིལ་ནས་བཞག་ན།
མཁས་པས་མཐའ་ནས་དཔྱད་ནི་རེད།
བདེན་རྫུན་དཔེ་ཆ་ལག་ན་ཡོད།
གཤིན་རྗེའི་རྒྱ་མ་རྐེད་ན་ཡོད།
སེང་གེ་ཡ་ཐོད་མགོ་ན་ཡོད།
ཤེས་རབ་རལ་གྲི་སྐེག་ན་ཡོད་དགོས།
མཁས་པའི་ཡོན་ན་ཁོག་ན་ཡོད་དགོས།
ཡོད་ནི་ཡིན་ན།
ཚིག་རྐེད་ཚིག་གིས་ལེན་དགོས་གི།
ཚིག་རོགས་ཚིག་གིས་གཅད་དགོས་གི།
ཚིག་མཐའ་ཚིག་གིས་ལེན་དགོས
སྐྱེས་ཕོ་རབས་ཅིག་གི་བསྟོད་པ་རྣམ་གསུམ་བཤད་ན།
གླག་རོགས་མོས་རི་རྩུབ་ཉུལ་འདྲ།
གཅོད་གི་གཅོད་གི་ཇེ་མཐོ་ཡིན་དགོས།
གཤོག་རྩལ་བྲག་ལ་མི་ཐུག་པའི་ཡིད་ཚོད་ཡོད་དགོས།
སྐྱེས་ཕ་འབྲང་ཞིག་གི་བསྟོད་པ་རྣམ་གསུམ་བཤད་ན།
རྒོད་ཐང་ལིས་ནམ་འཕང་གཅོད་འདྲ་དགོས།
སྒྲོ་སྣེ་ནགས་ལ་མི་ཐིག་པའི་གཤོག་རྩལ་ཡོད་དགོས།
སྐྱེས་ཕོ་ངན་ཞིག་གི་གཏམ་ཞིག་བཤད་པ།
ཕུག་རོན་སྔོན་མོས་རྒུན་འབུ་ཐུལ་འདྲ།
སྒུར་སྒུར་ནས་ཟ་དགོས་གི།
བཟུར་བཟུར་ནས་ཉན་དགོས་གི།
ད་རུང་སྔ་སྒྲོ་མཐོ་ས་མ་ཞག་ན་འཕུར་མི་ཐུབ་གི